Party van die bydraes moet met 'n knippie sout gevat word. Ek stel ook voor dat julle 'n apteker of dokter raadpleeg voordat julle hierdie rate gebruik, ek aanvaar nie verantwoordelikheid as iets skeef loop nie!

Aknee/puisies. Meng 3 eetlepels heuning en 1 teelepel kaneel tot pasta. smeer aan puisies net voor slaap tyd en was volgende oggend met warm (lou) water af.Indien dit vir 2 weke daagliks gedoen word sal puisies verdwyn.

Alkohol  hier is 'n boereraat wat ek NIE aanbeveel nie!

Alkohol is 'n baie wonderlike middel om vlekke mee te verwyder.
Dit verwyder vlekke van winters- en somersgoed.
Dit verwyder ook meubels, voertuie en huise.
Verder kan dit ook matte, beddens, jou familie, vrou en kinders verwyder. Dit verwyder ook jou oordeelsvermoë, jou vermoë om te dink, selfs jou vriende, klere, skoene, jou selfrespek, jou goeie naam en selfs jou werk. En indien jy dit te veel gebruik verwyder dit selfs vir jou.
 

Ambei

Fars botter en di geel van di yer (egg yolk) deurmakaar gebraai in 'n pan en deur 'n doek gedruk, om mé te smeer. (Zuri)

Babelaas - Neem die volgende oggend 2 Bayer aspirine, los op in 'n glas water saam met 'n eetlepel suiker en eet daarna 'n hardgekookte eier. Binne 30 minute is jy goed soos nuut!
Julie 29 2003 - Annie - VSA

nog een van Annie
Hik - Neem 'n glas warm water, druk jou vingers in jou ore en maak jou oë toe. Drink die water ('n vriend moet hier help) terwyl hy/sy aftel van 15, en siedaar, die hik is weg!

Bednatmaak - Vang 'n streepmuis, slag af en braai hom, gee vir die kind om te eet, moenie vir hom se dis 'n streepmuis nie, hy sal nie meer bednatmaak nie

Bloedarmoede - Twee groot rou beet, grof gerasper in 'n glasbak. Giet 'n bottel Port daaroor.
Voeg een botteltjie LENNON VERSTERKDRUPPELS daarby Laat staan oornag om te trek. Gooi deur doek en bere vloeistof in yskas. Drink 3 keer per dag 'n kwart koppie vol Party resepte gebruik MILK STOUT (bier) in plaas van Port. Ander gebruik LENNON STAALDRUPPELS in plaas van Versterkdruppel. Jan Harm - - Centurion

Borskwale - Hierdie mengsel help vir algemene borskwale soos hoes, kroep, brongitis en so meer. Dit maak slym los maar verlig ook 'n droë hoes. Dit verminder ook die sinus slym en beheer dus die slym wat agter in die keel afloop(Post Nasal Drip) Sinus-lyers vind grootliks verligting met die gereelde gebruik van hierdie mengsel.

Voordat jy begin, moet jy bewus wees dat baie mense die smaak van hierdie mengsel onaangenaam vind. As jy dus iemand is wat te kere gaan vir die reuk en smaak van medisyne, moet jy liewer los, want jy sal net jou geld mors. Ek glo egter die reuk/smaak weersin is maklik beheerbaar, dit verg net 'n bietjie selfbeheersing("it is all in the mind ! ")

Meng die volgende in 'n groterige glas bottel met 'n digte skroefdeksel:

1 botteltjie LENNON Paragora
1 botteltjie LENNON Turlington
1 botteltjie LENNON Ipekakuanawyn
1 botteltjie LENNON Borsdruppels
1 botteltjie roulyn olie
½ bottel heuning

Meng dit deeglik totdat als in die heuning vermeng is.
Neem een desertlepel vol soggens en saans.
Sodra jou toestand verbeter het kan jy net een keer per dag 'n desertlepel vol neem.
Kinders van so drie tot agt jaar moet net 'n halwe desertlepel op 'n slag neem.
Raadpleeg eers jou geneesheer voordat jy dit vir babatjies gee.
Jan Harm - - Centurion

Borskanker

'n Foorbeeld van 'n vrou wat di kanker an haar bors had ... dat daar al 8 gate ingefreet was en weer hersteld geworde is, deur di follende raad:- Sy het 8 paddas geneem, in 'n neteldoekse sakki op di bors geleg, wat dadelik op di bors so fas kleef als bloedsui'ers, toen hulle hulle fol gesuig het, fal hulle met hewige stuipe af, sonder dat di uitsui'e pyn veroorsaak. Dit werd herhaald tot 120 paddas toe, wat hulle algar fan tyd tot tyd, doodsuig, en di bors is ni alleen genees ni, mar het selfs ten folle di natuurlike grootte weer terug gekry. (Zuri)
 

Bors wat toetrek - Smeer ongebleikte linne met bokvet, strooi skoorsteenroet daaroor en plaas op die bors.

Vir mammas wat borsvoed - as jou borste geswel is van die melk en pynlik is, pak koue koolblare oor jou borste, binne jou bra en slaap daarmee. Dit stink maar werk soos 'n bom. Word nogsteeds gebruik in Monrningside Clinic - hulle verskaf die koolblare aan alle nuwe mammas wat dit wil gebruik. (Wendy)

Brandende mond (kerrie/speserye) - If you eat something spicy and it sets your mouth on fire eat one of the following, bread, or celary or something dairy. Don't drink water. Drink milk. Cynthia Weisbard

Dieët - Ek het die perfekte 100% verseker dieet ontdek. Resultate is gewaarborg en dit kos jou nie geld nie.
Dit word genoem die VDHM dieet. VDHM staan vir; Vreet die helfte minder.
Pieter Lubbe - Walvis Baai

Doring - As 'n doring in jou voet steek en dit breek af, krap 'n bietjie geel was uit jou oor en sit op die doring, Draai toe met 'n lap en doe volgende dag sal die was die doring uitgetrek het.

Dowighyd

'n Mens sny 'n hasi oop en druk die water uit di blaas in 'n flessi en dan 2 maal per dag 2 druppels in die oor te doen, en 'n pluisi fan di hasiwater in di oor steek en gedurig nat maak.
 

Dronkenskap (genees van)- Gooi ongemerk 'n bietjie perdesweet in die drank 

Ekseem: Sit elke dag twee rooibosteesakkies in die badwater

Ferstopping (Constipation)

Rou uie fyngesny, en met semels deurmakaar in 'n pan lou gemaak en op di buik gesit.

'n Onfeilbaar middel: maak pille fan kasteroli en heuning, sit in fondament, maak di pil soos 'n rooi boontji. (Zuri)
 

Fyt - Maak 'n pap vam knoffel of perdemis en sit op vinger

Gewig verloor - Trek wilgerboomtoppe se blare soos tee, drink 'n koppievol drie keer per dag.

As jy fan 'n giftige ding gebyt is

Geef di lyder in: soet melk, olie, wilde dagga gekook, wyn en rou yers deur makaar geklits, goud gefyl en ingegé, menswater (urine) met asyn, boegoe brandewyn, 'n ou deurgerookte pypkop fyn gemaak ingegé. (Zuri)

Hande/voeteroom
Gebruik goeie ou speensalf, verkrygbaar by enige ko-operasie. Baie goedkoper en beter as vandag se fensie duur rome

Vir 'n "sonstreep" in die hare.
In plaas van die gebruik van jel en haarsprei, gebruik op 'n warm dag suurlemonsap op nat hare, en laat dit droog. Na 'n paar gebruike en buite in die son sal jy "natuurlike" sonstrepe he wat HOU en HOU!
 

Heeshyd - As iemand hees is, neem 'n telepel rou heuning, 'n lepel gestampte tésuiker, 'n telepel gestampte gemmer, dri lepels boegoe brandewyn, dit deurmakaar gemeng en dikwils gebruik.

Hik - Rook hoendervere

Hoes Medisyne

2 botteltjies borsdruppels
1/2 koppie vars suurlemoen sap
1/2 bottel heuning

Meng bestandele saam in 'n houer. neem (1) eetlepel daarvan 3 maal per dag. (Moet nie in yskas plaas)
Meisie

Hoesmedisyne resep 1 bottel heuning Die res is alles Lennons, so die mate vir almal is dieselfde 1 bottel Peppermentdruppels 1 bottel Borsdruppels 1 bottel Jamaika Gemmer 1 bottel Turlingtons 1 bottel Paragorie 1 bottel Epejuana Tinktuur 1 klein botteltjie roulynolie Gooi alles saam, kook vir 5 minute en gooi in 'n bottel. Vat so twee groot slukke, of 2 groot desertlepels vol op 'n slag

Hogere Bloeddruk: - Neen elke oggend op 'n nugter maag een vars knoffelhuisie en kerf dit fyn. Laat dit vir 'n paar minute net so staan om lug te skep. Sluk dit af met 'n glas lou-warm water.
Jy sal net vir 'n baie klein rukkie effens 'n reukie op jou asem he, en dan niks meer nie. (Niks meer asem nie?? - Peter)  Jan Harm - - Centurion

Hondbyt - Pluk van die hond se hare uit en verbind op bytplek

Insekbyte - Gebruik pypolie

Jeuk - Kry verligting van muskiet- en ander insekbyte deur seep aan te smeer. Dit help gou gou.

Klem in die kaak - Braai erdwurms in soetolie en smeer

Koors/Fever -  Not sure if you have this 'boereraat'. Very useful for families with babies and small children!! The little ones tend to pick up all sorts of infections and can run dangerously high temperatures, which can lead to brain damage or even death. The best and quickest way to bring down a temperature is a luke warm brown-vinegar bath - about two cups of brown vinegar in a small bath of water. If the patient is too ill to put into a bath, a sponge bath in bed will work just as well. The joy of having your little one well again is enhanced by the smell of 'slap chips' !!! It works!! Yvonne B

Koorsblare -  Gebruik gewone vanilla essens en plaas dit met 'n oorstokkie op die koorsblaar. (Herhaal so elke halfuur indien nodig) Die vanilla essens droog die koorsblaar op.

Vir koorsblare wat NET begin: Smeer vanilje essens daarop. Dit help ook met slegte asem!

Kopluise
Die beste resep (is met groot welslae by talle skole gebruik) 1 Koppie olie (kookolie) 1 Koppie asyn 1Koppie parafien a) Skud die mengsel goed b) Wend kwistig aan droë hare. Laat staan vir ± 20 min.c) Was daarna met shampoe in lekker lou water.

Krampe in die bene - Staan op 'n koue vloer

Lintwurms - Eet vir 'n dag niks om die wurms uit te honger, plaas dan op nugter maag 'n stukkie brood op die tong om hule ne bo te lok, neem dan 'n sopie brandewyn om hulle dronk te maak en dan pergasie om hulle uit te werk

Luise - Vryf  mayonnaise in die hare en bedek vir 2 uur met stortkappie. Gail - Montana VSA

Maagseer (Ulcers) Koop 7 heel klein blikkies sambok salf. Deel elke blik in 4 sodat jy 28 het. Vir 28 dae MOET jy dit neem. Soggens op jou nugter maag sluk jy 'n kwart blikkie se samboksalf...rol dit in a bolletjie en sluk met water. Jy moet alles gebruik al 28...die samboksalf smeer die maagseer en beskerm dit....en intussen maak die samboksalf die seer gesond. Werk rerig.
Annatjie Offley-Shore

Maagsweer - neem drie druppels :Fryers Balsum" of "Staaldruppels" op op 'n teelepel suiker en eet. Die Balsum seel die maag en stop die pyn in 10 tot 20 sekondes.
 

Muskietbyt - Maak koeksoda nat en smeer aan

Niere. Koop 3 bottels Harlemensies. Die eerste bottel word drie keer per dag gebruik...
10 druppels op 'n bietjie melk...moenie roer nie...drink net so.
Die ander twee bottels word net soggens op jou nugtermaag gedrink soos hierbo.
Eet maar stukkie pietersielie om die smaak weg te vat en asem te verfris. Annatjie Offley-Shore

Omlope  wat jeuk, of waterpokkies, smeer as (uitgebrande hout) aan, dit laat die gejeuk ophou!

Pitswere - Maak 'n XXX-pepermentlekker effens nat, plaas op die pitsweer en verbind. Binne 'n paar dae is dit genees

Psoriase op die kop:
Gebruik 1 botteltjie gliserien
Dieselfde botteltjie met pers spirits
Dieselfde botteltjie met gewone koei melk
Skud alles saam en smeer elke aand aan kopvel (Ek slaap gewoonlik oornag met dit aan) Was hare met nie- vetterige shampoo
Dit is al wat regtig help as my kopvel baie erg is.

Puisies - Smeer vars suurlemoensap aan. Gail - Montana VSA

Puisies - Smeer tandepaste aan die puisie voor jy gaan slaap. Die puisie droog gedurende die nag uit en sal geel (ryp) wees as jy opstaan. Maak puisie skoon met alcohol - indien jy nie mediese alcohol het nie, gebruik bv. whisky. MOENIE aan puisie druk nie - dit los merke.

Vir sommer enige pyn of kwaal-Zambuk salf! - Charlene

Snork - 'n Paar druppels olyfolie in elke neusgat

Sooibrand - Eet 4-5 amandels per dag of suig een teelepel witsuiker

Snork - 'n Paar druppels olyfolie in elke neusgat.

Snyplek ontsmet - Sit 'n pruimpie op

Sonbrand - Maak 'n papier servet nat met appel asyn en plaas op die songebrande vel tot
servet droog is (by my het dit 20 min geneem). Moenie asyn afvee nie, maar
haal servet af. Smeer skoon Vit E olie op die gebrande deel, of enige Vit E
verrykte room. - Rentia van Millington in Amerika

Sooibrand Drink twee eetlepels asyn. Die probleem sal vir 'n kort rukkie erger voel, maar dan verdwyn.

Spatare - 1 bottel martell brandewyn gemeng met 1 lb vars heuning. Neem en desertlepel oggend en saans, werk wondere

Sproete - smeer bok- of donkiemelk aan

Swanger raak - Dis maar 'n kort 'raat'. Ek onthou 'n vriendin het my eendag vertel dat die oues van dae gese het dat as 'n vrou sukkel om swanger te raak, moet sy 'die stysel uitsny'.
Dit het toevallig vir my gewerk, nikswetend,toe ek probeer het om gewig te verloor!

Vir witter tande en minder ulcers in die mond:
Suurlemoen, sout en koeksoda.Maak dit in a paste, en doop jou tandeborsel in, en skrop jou tanne behoorlik! Jou mond voel sommer lekker skoon, en dit smaak sleg, maar as jy behoorlik spoel sal jy agterkom dit werk beter as tandepasta!!

Tandpyn - Byt 'n aspirien op die tand vas en smeer die wang waar die tand is met bruin skoenpolitoer, of rook perdemis.

Tong gebrand? - Sit suiker op die brandplek

Vel
Twee eetlepels heuning, twee eetlepels amandel of olyfolie, 5 druppels roos olie en 1 druppel vitamiene olie. Meng alles goed en smeer aan jou gesig en nek. Gaan le en ontspan vir 15 minute. Was dan die mengsel af van jou gesig met lou water. Jou vel sal gou jonger lyk en baie verfrissend voel.

Vel (seer na skeer) - Een eetlepel brandspiritus op drie eetlepels melk. Skud goed en gebruik as naskeermiddel

Seer gebarste voete of hande. Koop die volgende: 'blue seal vaseline' gliserien en Johnsons se babapoeier,  meng alles saam in 'n plastiekbak tot 'n room en smeer dit elke dag aan, dis meer koste effektief as al die duur goed en werk fantasties.

Verslanking - Skud die kop van links na regs en van regs na links wanneer u ookal 'n
tweede porsie van enige ryk, nie verslankende voedsel aangebied word!

Vratte - Maak die vrat stukkend, smeer van die bloed aan 'n mieliepit en voer dit vir die hoenders, Die vrat sal verdwyn

Vratte - Sny 'n ui/aartappel in die helfte en vryf dit oor die vrat. Gooi weg. Herhaal daagliks (Wendy)

Vratte - plak "Ducktape" daarooor en laar vir 6 dae. Haal ag en vyl dan die vraf met 'n growwe naelvyl of voetvyl. Herhaal die proses vir omtrent 2-3 weke en die vratte sal weg wees

Vratte - Neem een lang haar van jouself, bind dit styf om die vraatjie, sny ander deel van haar af. Los tot vraatjie afval. Het bietjie hulp nodig van iemand om te te help. Dit werk, het dit al gedoen.
(Meisie)

Wintershande en voete - Traxa - te koop by apteke - werk wondere.
-EMULSIFYING OINTMENT BP. Dit ruik soos kar olie en is vetterig -dit kos so tussen R 25.00 en R 30.00 n pot by die Apteek.
-As dit wit geryp is in die oggend moet jou kaalvoet in die ryp gaan loop en ook jou hande op die gras vee waar dit geryp is en alles sal oor gaan.
-Meng een klein Campher Cream blikkie (die wit een) met 5 Grandpa poeiers.Smeer dit 3 keer 'n dag aan jou hande en voete.
-Probeer gerus Miracle Comfrey. Daar is nie 'n salf wat beter werk nie.
-Smeer spiritus aan.
-Jy gaan koop leë kapsules by 'n apteek en vul hulle met Cayenne Pepper, drink een daagliks.
-Gebruik Lennon se Witdulsies. Jy maak wattetjie nat daarmee en smeer aan. Aanvanklik vir my was dit asof dit erger geword het die eerste paar dae wat ek dit gebruik het, maar dit is nou 7 jaar later en het nog nie weer een winter dit gehad nie. Vir my het dit gehelp. Ek dink ek het net vir so 'n week of twee aangesmeer sommer so twee keer per dag. Wanneer jy dit aansmeer, jeuk dit vreeslik vir die eerste rukkie, maar dan kalmeer dit.
-Probeer melksalf of meng olyfolie en suiker en vryf goed in en spoel suiker af en droog liggies af en vryf die hande tot al die oilie geabsorbeer is.
-"Dubbin " skoen politoer help ook vir voete.
-Meng kers was met parafin 50/50 en smeer soggens en saans aan. Dit help ook vir gebarste voete in warm weer waneer sandale gedra word

Wurms - Wildeals, getrek soos tee (nie kook) sal die wurms uitdryf, of wynruit, getrek soos tee