Die Peter-jasie Patriot

 

Nommer 12

'n Passie vir Afrikaans

19 Desember

DagsÍ!

Hierdie is die laaste uitgawe vir die jaar, volgende week die tyd is ons in die Kloof by Rustenburg en ons is eers by die 29ste terug.  Gaan vrek warm wees, maar daar is genoeg swembaddens om in af te koel indien nodig, so geen probleem.

Daar gaan natuurlik gebraai word ook, en hier volg 'n paar reŽls vir 'n suksesvolle braai! Minette, jy gaan sekerlik braai daar waar jy gaan uitspan, wys vir hulle hoe die Suid-Westers dit doen!

Etiket vir 'n suksesvolle braai

Onthou braai is nie 'n geval van lewe en dood nie, dit is baie ernstiger as dit.

Maak seker of dit 'n bring-en-braai is en of die gasheer/braaier die vleis gaan voorsien. In laasgenoemde geval, mag jy steeds nie met leŽ hande opdaag nie. Bied aan om slaai, poeding of skyfies te bring. 'n Bottel wyn, of jou gasheer se gunsteling sixpack sal ook nie onvanpas wees nie.

Vind uit wat jou gasheer gaan braai. As hy tjops braai, vat jy tjops saam ens. Dit vergemaklik net die braai proses en laat meer drink tyd vry. 'n Ma-se-moerse steak en groot pak FreeRangeChicken Flatties is nie iets wat jy na 'n bring-en-braai toe vat nie!

Besluit voor jy ry na die braai toe of jy 'n man of 'n vrou is. As jy 'n man is sorg dan dat jy by die braaier/braai staan. Die enigste uitsondering op die reŽl is as jy die enigste mens by die braai is wat 'n Wes Kaspiese slangeier slaai kan maak, dan en alleen dan mag jy vir die duur van die slaai maak proses in die kombuis vertoef.

'n Braaier mag glad nie alleen by die braai wees nie, no matter what! Die braai begin met maak van die vuur, nie wanneer die vleis opgesit word nie.

Dit is jou plig as nie-braaier om te sorg dat die braaier en sy gade se glase altyd 'n redelik mate van vog bevat, dit is onverskoonbaar dat die braaier sy eie dop moet skink.

Tensy jy die WÍreld Braai Kampioen is, mag jy nie raad gee aan die braaier sonder dat hy eksplisiet daarom vra nie. Jy vat hom in die gesig, asook die persoon wat hom geleer braai het - gewoonlik sy pa.

As die braaier vir 'n wyle weg is van die braai, om welke rede ookal, is dit jou plig as nie-braaier om na die vleis te kyk en te sorg dat dit nie brand nie. As jy die vleis gedraai het in sy afwesigheid, laat die braaier weet met sy terugkoms. (Jy mag in sy afwesigheid ook net jou eie vleis met spices bedek, verder is hy in beheer van die speserye)

Sigaret stompies mag nimmer as te nooit in die vuur gegooi word voor of tydens die braai proses nie. Slegs nadat die vleis alles gaar is kanjy met 'n cool houding jou stompie in die geselsvuur skiet.

As jy die enigste man by 'n braai is, bied aan om die braai te hanteer. As die gasvrou egter nie wil hÍ jy moet braai nie, geld alle reŽls ten opsigte van die braaier en nie-braaier verhouding steeds.

Drink so dat jy nie inkonk voor ete nie. Jy mag egter "uitpass" enige tyd na ete - op eie tyd en teiken.

Maak seker dat jy ten minste een of twee flippen snaakse grappe het om die braaier mee te vermaak terwyl hy braai. Gewigtige onderwerpe moet liefs gehou word vir na ete as almal lekker gesuip is.

Onthou ten alle tye braai is 'n eeue lange tradisie, en die hoeksteen van Afrikaner kultuur, hoe meer jy braai hoe sterker word ons kultuur.

En onthou, ons is NIE Amerikaners nie, ons braai NIE viennas of hamburger patties nie. Die vrouens kan dit in 'n pan op die stoof gaarmaak. Ons mors nie ons bosveld braaihout nie.

Gesondheid!

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


Nianell


 

'n Tikkie Humor

 
Die vliegtuig het pas opgestyg. Een manlike passasier sit en byt sy vingernaels en vee heeltyd sweet van sy voorkop af. 'n Lugwaardin sien hom raak en sÍ: 'Meneer, kan ek vir u iets van die kroeg af kry om u te kalmeer?' Die man knik instemmend terwyl hy vreeslik bewe. Sy kom met 'n drankie en hy sluk dit haastig af. Tien minute later sien die lugwaardin dieselfde man erg bewe en sy naels byt. Sy bring hom nog 'n drankie wat hy ook haastig afsluk. 'n Halfuur
later merk sy op dat die man nog erger bewe en ook saggies huil. 'Ag siestog, Meneer,' sÍ die lugwaardin, ek het nog nooit iemand gesien wat so bang is om te vlieg nie!' 'Ek is nie bang om te vlieg nie', snik die man, 'ek probeer ophou drink!'


Volgens die tydskrif 'Modern Bride', spandeer die gemiddelde bruid 150 huur om haar troue te beplan. Die gemiddelde bruidegom spandeer 150 huur deur te mompel: 'Ja, dit klink OK'

Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


Minette Brink


Die Resep

Soos ek reeds genoem het, gaan ons Kloof toe oor Kersfees en ek gaan die volgende resep probeer. Ek het potbrood nou al vervolmaak, soek nou iets moeiliker en lekkerder om te verbrand! Moenie lag nie, my eerste potbrood was kliphard en pikswart, maar na die swartsel afgekap was, was dit njammies! Sal fotos neem van hierdie poging:
 
 
Asbrood

750 ml bruisbroodmeel
25- ml witbroodmeel
10 ml bakpoeier
2.5 ml sout
500 ml karringmelk

Meng droŽ bestsnddele en maak aan met karringmelk.  Druk deeg plat (ong 3 cm dik) op 'n groot stuk aluminiumfoelie. Vou dig toe in foelie maar laat ruimte om te rys.  Plaas op half uitgebrande kole en gooi toe met oorblywende kole. Bak ongeveer 45 minute.  

 

Brokkies

Die Danville Hulpprojek staan nie stil nie, en Elsabe is alweer kliphard aan die werk. Dis binnekort weer terug skool toe en die kinders het skoolgoeters en klere nodig. Ons het die Kersboom op videoband en ek is seker Elsabe sal een in die pos gooi as jy bereid is om 'n klein ou donasietjie te maak:-) Die dag se gebeure is ook op CD en DVD beskikbaar, natuurlik vit 'n effens groter donasietjie! Kontak vir Elsabe deur die skakels hieronder.

(Kersboom en kinders se wenslys) (Die Danville Hulpgroep) (Kersboom)

Argiewe

 
 
 
 

 
Nou ja, dis dan dit vir die jaar, net gou nog geleentheid om aan almal 'n GeseŽnde Kersfees toe te wens. Bestuur tog asseblief versigtig!  
.Ek sal enige terugvoer en/of voorstelle waardeer!. dankie - Peter  
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: Peter-jasie