Die Peter-jasie Patriot

 

Nommer 2

'n Passie vir Afrikaans

10 Oktober

Hallo almal! Hier is nommer twee!

Die doel van die nuusbrief is om Afrikaans op die net te kry en hopelik leesgenot vir die lesers hiervan, ook om soveel moontlik intekenare te kry. My Engelse nuusbrief het al amper 700 intekenare, so diť een het nog heelwat om te gaan! Stuur maar die uit aan jou vriendekring wat mag belangstel on in te teken, hoe meer siele hoe meer vreugde!

Minette Brink, verbonde aan die Republikein, die enigste Afrikaanse dagblad in NamibiŽ, is een van my gunsteling skryfsters. Sy het so 'n natuurlike skryfstylen skryf oor alledaagse goeters. Ek het al 'n paar van haar artikels op my webwerf, maar diť een is nuut:

Syfers is vir die Einsteins en bankklerke
Minette Brink

DAAR heers 'n 'pinominale' verwarring in hierdie klein breintjie. Laat ek verduidelik.
Maandagoggend. Die bankmeisie bel. Geluk, sÍ sy. Jy het 'n tjekrekening by ons geŽerde instansie gewen. Mooi so, juig ek en jaag stad toe.
Daar aangekom, word die boekie met groot 'pomp and ceremony' oorhandig. Kamera's flits en ek gee met 'n skalkse glimlag die royal wave. Die geheime papiertjie word oopgeskeur om die PIN-nommer van die ATM-kaart te ontbloot. My wange plof op die vloer. Dis 'n laaang nommer.
Haai, probeer ek keer, ek kan mos die nommer verander as ek wil?
Bankmeisie frons woes. O,nee, jy sal vat wat jy kry. En jy beter daai ou nommertjie memoriseer, want die papiertjie gaan binne twee minute self-destruct. Vir 'n wyle gluur ons vir mekaar. Sy, die syferkenner, die PIN-propagandis, die vyand in nommers. Ek, die weerlose, die linkerlob-lobbyist. Ek gee in.
Anders as met woorde, kon ek nog nooit die kreatiwiteit of die skoonheid van syfers raaksien nie. Behalwe as iemand vir my geld gooi.
Ek ry brom-brom terug werk toe terwyl ek 'n rympie van die gehate PIN probeer maak. Iets soos die kleintydse "een klein mannetjie, een met 'n boep, drie klein mannetjies, is die polisie se roep." Dit wil nie werk nie. Dan die ou metode: probeer 'n sommetjie maak. Uhh, twee maal my geboortedag is vier en veertig minus my huisnommer gedeel deur nege gee 15 plusÖek gee op.
Dieselfde aand besluit ek om in my dommigheid, 'n rekening by die videowinkel te open. Terwyl my kinders die rakke op hulleself omkeer, vul ek gou die vormpie in. Dan die skok. Kies gou vir jou 'n PIN, borrel die chirpy een agter die toonbank. Vier karakters, asseblief. My oŽ trek skrewe soos 'n mislukte face-lift. Nee, grom ek, ek kan nie. Kies jy sommer vir my een. Asseblief, gryns ek onheilspellend. Sy skryf dit bewerig vir my neer. Ek trek my gekneusde kinders onder die rakke uit en vlug.
Tot laat in die nag sit ek en swot. Probeer ek nommers memoriseer. My kop is seer en my oŽ bloei toe ek uiteindelik gaan slaap. But no rest for the wicked.
Reuse nommer nege's met tande jaag my rond en hoe meer ek al stotterend probeer verduidelik dat syfers eintlik my kos is, hoe langer word die tande. En my neus.
Die volgende oggend blaas my selfoon skrouend sy laaste asem uit. Ek het die "grace-period" oorskrei. Dit beteken 'n nuwe starter pack met, surprise, surprise , 'n heel nuwe selnommer. Dis oorlog tussen my en die netwerk.
Hoekom kan julle 'n mens nie waarsku nie, wil ek weet? Weet julle hoeveel admin julle my nou veroorsaak? Solly, sÍ die netwerk, jy sal vat wat jy kry. Maar weet jy wat gaan jy saam met jou nuwe nommer kry? Beulblasers verskyn voor my geestesoog. Nee, jil ek opgewonde. Vertel my, vertel my! Maar in plaas van 'n trip Bali toe, is dit (die beule blaas):TWEE nuwe PIN-nommers EN TWEE NUWE PUK-NOMMERS! Ek val bewusteloos neer.
Toe ek bykom, hang my kollega oor my. O, sÍ sy verveeld, jy's weer by. Die bank het gebel. Daar's 'n probleem met jou kaart.
Jy moet 'n nuwe PIN-nommer kry.
 

Skakels

Peter-jasie


Boererate


Aardklop


Stormpies


Danville Hulpgroep


 
 
 
 
 

'n Tikkie Humor

'n Langerige een, maar dit klink nogal bekend! Lekker lees!
 

Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


 
Die Sprinkaan en die Mier

Die sprinkaan en die mier het in dieselfde veld gewoon. Gedurende die somer het die mier dag en nag gewerk om voorraad vir die winter op te gaar en om sy huis voor te berei om hom warm te hou gedurende die koue winter maande. Intussen sing en spring die sprinkaan, eet al die gras 
wat hy nodig het en teel aan.
Gedurend die winter maande word dit baie koud en die gras gaan dood. Die mier is wel gevoed en warm in sy huis, terwyl die sprinkaan, wat geen voorbereidings getref het nie, vrek en 'n horde klein sprinkane agterlaat sonder kos of skuiling.

Die moreel van die verhaal is dat mens hard moet werk sodat jy agter jouself kan kyk.

Hier volg die Zimbabwiese weergawe:

Die eerste deel is dieselfde, maar omdat die gebeure in Zimbabwe plaasvind is daar implikasies.

Die sterwende nasate van die sprinkaan dring aan om te weet hoekom die mier toegelaat is om beskut en wel gevoed te wees terwyl, langsaan, hulle in haglike omstandighede sonder kos en klere moet leef. 
'n Televisiespan daag op en beeldsaai 'n program  wat die kontras toon van die mier se leefwyse, met sy gamaklike huis en spens vol kos teenoor die haglike omstandighede van die sprinkane. 
Die publiek is verstom! In die pragtige veld, hoe kan dit wees dat die sprinkane moet ly terwyl die miere 'n luukse leefwyse voer?
In 'n oogwink word die ZISU (Zimbabwiese Sprinkane Unie) op die been gebring. Die mier word aangekla van "species bias" en die stelling word gemaak dat die sprinkane die slagoffers is van 30 miljoen jaar se groen onderdrukking. Hulle protesteer voor die mier se huis en verwoes die straat. In 'n TV onderhoud dreig hulle dat as daar nie aan hulle eise gehoor gegee gaan word nie, hulle tot 'n lewe van misdaad gedwing sal word. Net vir die oefening, besteel hulle die televisiespan se toerusting en kaap hulle voertuig.
Die NHK (Neem en Herverdeel Kommissie) regverdig die optrede deur die houding in te neem dat dit die miere se erflating is as gevolg van hulle diskriminasie teen en onderdrukking van die sprinkane.
Hulle eis dat die miere die sprinkane om verskoning vra vir sy optrede oor die jare en dat hulle die sprinkane vergoed vir al die ander miere in die geskiedenis wat soortgelyk opgetree het teen sprinkane. 
MTSM (Mense Teen Sprinkaan Misbruik) dreig dat hulle 'n heilige oorlog teen die miere gaan begin. Die President verskyn op die 8 uur nuus en verklaar dat hy alles sal doen vir die sprinkane wat vooruitgang wat hulle verdien misgun is deur diegene wat onregverdig bevoordeel is gedurende die somer. 
Die Staat bekragtig die EGMG Wet (Ekonomiese Gelykheid vir Minderbevoorregte Groenes) terugwerkend tot die begin van die somer. 
Die mier word beboet omdat hy nie 'n proporsionele aantal groen insekte in diens gehad het nie. Omdat hy nie meer geld oor het om sy belasting te betaal nie, word sy woning gekonfiskeer vir herverdeling onder die groenes. 
Ons verhaal eindig waar ons sien hoe die sprinkaan die laaste van mier se kos verslind terwyl die staatshuis waarin hy woon (die een wat aan die mier behoort het) om hom inmekaar tuimel omdat hy te lui is om dit te onderhou. 
Op televisie (wat hy van 'n mier gesteel het) staan die President voor 'n groep wild dansend en singende sprinkane en kondig 'n nuwe era van "gelykheid" aan . 
Die mier is nie toegelaat om te werk nie omdat hy histories voordeel getrek het uit die veld. In sy plek werk 10 sprinkane net 2 uur per dag en steel helfte van wat hulle oes. 

Sodra dit weer winter is en hulle nie genoeg kos het nie, staak hulle en dring aan op 'n 150% verhoging in lone sodat hulle kan kos koop, wat nou ingevoer moet work omdat hulle nie produktief genoeg was nie.

Die mier vat sy goed en trek na 'n ander veld waar hy 'n hoogs suksesvolle voedselmaatskappy op die been bring. Hy word skatryk deur kos uit te voer na die veld vanwaar hy kom.
 

Die Resep

Ek het alreeds 'n omvattende versameling Tradisionele resepte op die Engelse gedeelte van my webwerf so ek wil nie graag herhaal nie, so nou is dit alweer 'n soektog na resepte wat ek nog nie het nie. Ek dink diť een is nogal iets besonders:
 
 
Soetpatat-en-Appelgereg

1.5 kg patats (geskil,skyfies gesny)
1 kg appels (geskil, blokkies gesny)
8 naeltjies
300 ml kookwater
250 ml vars lemoensap
200 g geelsuiker (250 ml)
7 ml gemmer

Plaas patatskyfies onder in kastrol. Plaas appelskyfies bo oor. Voeg naeltjies by. Bedek en stoom gaar, ongeveer 15 minute. Verwyder naeltjies, giet oortollige water af.  Meng patat en appelskyfies deurmekaar. Plaas in 'n gesmeerde vuurvaste bak. Plaas lemoensap, suiker en gemmer in kastrol. Los suiker op, verhit tot kookpunt.  Giet bo-oor patat en appels. Bak 30 minute lank in voorverhitte oond teen 180 grade C.  Dien op saam met gebraaide varkboud of tong.

 
     

Brokkies

Boeremusiek
Kom verkeer gesellig saam met ander Boeremusiekliefhebbers op die Net. Kalie en Wia het 'n Yahoo Groep begin, gaan klik hier vir meer besonderhede en sluit dan aan by die Hoor-nou-net groep!
Daar's 'n groot Boeremusiek dag op die 11de Oktober by die Rooihuiskraal Feesterrein.  Top gehalte musiek van vroeg tot laat!
Kontak
Kalie de Jager op 0721464451 vir meer inligting.
Sien julle daar!
 

 
DiŽet
Ek is tans besig met 'n twee week "eet-kos-wat-vet-verbrand" diŽet, Het Maandag begin en het sover nog nie gekierang nie, rÍrig! Ek moet al die goeters eet wat ek nie normaalweg sou eet nie, soos brokkoli, rou aspersies (ek eet nie eers gaar aspersies nie!), selery. Dit gaan maar moeilik! Maar, nou ja, ek is so 'n bietjie oorgewig ek die Kers seisoen lÍ voor! Saterdag gaan ek Boeremusiekdag toe by Rooihuiskraal en ek kan nie eers van daardie boereworsrolle eet nie!! En wat erger is is dat NIKS so lekker ruik soos braaiende boerewors nie. Ek gaan sleg afjtop! My vraag is, waarom moet kos wat sogenaamd "goed" is vir jou asook dieetkos so "yucky" smaak?  As julle 'n probleem het met "yucky" gee dan vir my 'n ordentlike Afrikaanse woord!
 

 
Ado  
Ado is ons 8 maand oue Bouvie brak. Hy het toe sy somer haarsny gekry, was so soet soos stroop, het seker geweet dat dit goed is vir hom. Is nou weer helfte die grootte wat hy was!  

 

 
.Ek sal enige terugvoer en/of voorstelle waardeer!. dankie - Peter  
     

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: Peter-jasie