Die Peter-jasie Patriot

 

Nommer 20

'n Passie vir Afrikaans

5 Maart

Dags!

Ek begin met nog een van Minette Brink se artikels. Ek wonder hoeveel enkel ouers kan hiermee identifiseer?

Help asseblief ons 'singletons' tog ook
Minette Brink

Ek soek 'n winkel wat verpakte porsies vir een verkoop. My gesin bestaan uit een en twee halwes waarvan laasgenoemde nie tuna, snaakse pasta-mengsels of spinasie-en-feta eet nie.
Nou moet ek noodgedwonge die hle pakkie (serves 4 to 6) wat-ookal alleen verorber of dit in die yskas laat muteer tot 'n eksotiese fungus.
Van die disse kan ook nie gevries word nie en daarom moet ek soms vergeet van kwylende lekkertes omdat ek nie kans sien vir smoked oysters (op special) vier dae in 'n ry nie.
Of gestel jy word vir 'n braai genooi en jy het nie tyd om by die slaghuis aan te gaan nie. Nou mt jy of nege tjops of agtien hoenderboude of twaalf meter wors vat. En omdat jy armlastig is, kan jy dit nie bekostig nie en los jy dan maar die ou braai.
Ek weet daar is afdelings in winkels waar jy porsies na keuse kan bestel, maar ek gaan gewoonlik na vyf smiddae shop en dan is die hele Windhoek ook daar en die assistente agter die toonbanke is te moeg om te gaan krap vir twee los tjoppies en 'n halwe meter wors.
Wat van kasies vir een? Ek ly aan laktose-intoleransie en kan derhalwe net een keer 'n maand myself vergryp aan suiwel in sy beste vorm. Die geel blok sal dan heel verdrietig al hoe verder agtertoe skuifel in die yskas en teen maand twee homself voorstel wanneer jy niksvermoedend die deur oopmaak. Gouda, aangename kennis
Ek is seker daar is baie singletons wat dieselfde probleem het. Natuurlik is kleiner verpakkings duurder as die dis self, maar die massas alleenlopers sal in strome begin koop en dan is die probleem mos opgelos.
Nog 'n gerieflikheid wat met luide goedkeuring begroet sal word is kinderoppassers in winkelsentrums. Ek kan alle bestuurders en eienaars waarborg dat klinte met kinders baie meer sal bestee as hulle tydsaam en ongehinderd kan shop. Hoeveel maal het ek nie al by die huis gekom en gesien dat ek alles behalwe dit wat op my 'lysie' staan aangeskaf het nie? Net omdat ek die heeltyd moes keer en stoei en verskoning maak vir kinders onder trolliewiele, twee gesprekke gelyk moes voer en dan in die proses vier pakke Smarties inlaai in plaas van melk en botter nie.
My lyf is skoon seer as ek uit die winkel ontsnap en die kinders hiperventileer van al die beweging om hulle.
Kan daar nie 'n ruimte ingerig word waar die kinders ingeboek word vir 'n uur of twee nie? Hulle kry dan elkeen 'n armband soos in die hospitaal met 'n bar code op wat net die ouers kan verwyder met 'n kodewoord. Dan kan mense met siek kindergryp-gedagtes nie die nasate ontvoer nie, want alarms regoor die sentrum sal gillend begin loei en alle ingange sal onmiddellik versper word. Dit sal 'n blye dag wees as ek weer normaal kan inkopies doen.
Ek hou van kla.
Daar is nog iets wat my grensloos irriteer.
Hoekom moet ek na Boom-Shaka gangster musiek teen dertig duisend desibels luister as ek in klerewinkels kom? Ek raak later so verbouereerd oor my hart wat op die rand van ontploffing staan vanwe die 'in-your-face' ritme dat ek alles neergooi en hygend teen 'n paal buite my asem probeer terugkry.
Bedryfsielkundiges kan gerus ingespan word om winkeleienaars te oortuig van die waarde van onder andere klassieke musiek wat strelend op die oor en in die gemoed speel.
Daar is al bewys dat geharde misdadigers in lammetjies verander het na die herhaalde blootstelling aan Mozart en Chopin.
En dat genoemde misdadigers hul eerste misdade in klerewinkels gepleeg het as gevolg van die breingolf-versteurende musiek daarbinne.
Ek steek deesdae net my kop by 'n winkel se deur in om eers te hoor watter geluide binne afspeel en laat ek net een beat te veel in die 'melodie' hoor, dan beweeg ek so vinnig as moontlik weg.
Maar nou ly ons al honger en ons klere is aan flarde.
Iemand moet asseblief help.

As jy die artikel geniet het, laat weet asseblief vir Minette, ek wil darem dat sy weet dat iemand haar werk lees! Minette is werksaam by
Die Republikein,die enigste Afrikaanse dagblad in Namibi.

 

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


Nianell


 

'n Tikkie Humor

Liewe Pa en Ma,

Dit voel glad nie soos 'n week wat julle al weg is nie, want ek en Jannie geniet ons baie. Ek het eintlik vir Pa baie slegte nuus. Ou Anna wat in die huis sou ingeslaap het terwyl Pa hulle oorsee is, se Tannie is dood en ek het toe maar vir haar ges sy kan die hele tyd wat pa hulle oorsee is by haar familie in Soweto kuier. Dalk het Pa haar Tannie geken en is ek nou die een wat die slegte nuus moet oordra.
Pa en Ma moet nou nie oor ons worry nie want ons is OK. Ek het Pa se kruisboog uitgehaal so ons kan onsself verdedig. Jis maar die ding skiet h? Ons het cowboys en kroeks gespeel toe skiet ek na daai ou bank van Ma wat oumagrootjie nog vir haar gegee het. Die pyl gaan deur hom. Die Dokter wat vir Jannie steke in sy boud ingesit het, het ges ons moet dit liewers nie meer doen nie. Ek het toe maar die bank vir die mense gegee wat die vuilgoed wegry want ons moes hom stukkend sny om die pyl uit te kry.
Gelukkig was dit die oue wat Ma altyd s kom van Napoleon se tyd af.  Pa, ek het toe daardie stellasie wat aan die dak van die garage hang wat Pa altyd bang was val op die kar, vir Pa afgehaal. Ek weet Pa dink nou dit het bo op die Ferrari geval, maar dit het nie want ek het gedink dit sou 'n helse skade wees en toe trek ek en Jannie hom eers uit. Ongelukkig het die rak toe geval maar net op die vloer en van die blikke verf het toe uitgespat en geloop. Van dit het teen Ma se nuwe BMW geval maar ons het dit dadelik met paintremover afgehaal. Ek weet nie hoekom nie maar dit het meer verf afgehaal as wat gespat het. Ek het Pa se kar toe weer ingetrek, maar die vloer was toe baie glad van die verf en toe wil hy nie gou genoeg stop nie en nou staan 'n gedeelte van sy bonnet in die kombuis waar die stoof gestaan het. Die stoof is nou naby die yskaste waaroor Ma dalk bly gaan wees want sy s mos altyd sy loop haar dood tussen die stoof en yskas. Die kar se boot lyk nog mooi.
Ons het gister vir ons lekker vleis in die kaggel gebraai want dit het gereent buite en die hout was ook alles nat. Jis, het Pa geweet petrol ontplof as jy 'n blik vol oor die hout gooi. Pa s'n het nog nooit ontplof nie maar Jannie s hy dink Pa gooi diesel oor. Shame, die hond en Ma se Persiese kat het groot geskrik en die hele TV kabinet omgehardloop.
Daai noodhulp lesse het nogal goed te pas gekom want ek het hulle dadelik in
die jaccuzi gegooi om die vlamme dood te maak. Ek dink hulle hou meer
daarvan in die hitte noudat hulle nie meer hare het nie. Pa moenie worry oordat
ons nie kan TV kyk nie, ons slaap nou sommer in julle kamer en kyk daar. Die
kaggel lyk nou kaal oor die Persiese mat wat nie meer daar is nie. En Ma moet julle nou oor niks bekommer nie. Ek het die versekering gebel en hulle het al kom kyk na dit wat gebeur het. Hulle sal dit seker binnekort kom regmaak omdat Pa dit gereeld betaal het want die ou wat hier was het gepraat van repareer oor nodige voorsorg wat Pa getref het. Ek dink nie die ou wat hier was van die versekering kan spel nie want in die brief staan repudieer weens nodige voorsorg.
Nou ja, ek is moeg geskryf en ons wil nog gaan kyk of ons nie die molle wat
besig is in die tuin kan gaan uitrook nie. Dawie s sy pa steek altyd 'n
verekussing of twee aan die brand, so ek het gedink ek sal maar twee van
di wat ma nie gebruik nie uit ma se trousseau-kis vat.
Geniet die vyf weke wat julle nog oorsee is en ek skryf volgende week weer.

Liefde
Gertjie

(Minette, dink jy dis Gertjie van Brandweer Ertjie-faam?)

Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


Minette Brink


Die Resep

Melkkos is een van my gunsteling disse. Op 'n koue wintersaand is niks lekkerder nie. My ma kon sit SOOO lekker maak!  

Melkkos

3 k vermicelli
water om te bedek
knypie sout
2 t kookolie
6 k melk
2 stukkies pypkaneel
2 steranyse
3 huisies kardamom
1 E suiker
sout
3 E mielieblom
1/2 k water
2 E botter

Breek die vermicelli in 5 cm stukkies, sodat jy genoeg het om 3 koppies te vul. Bedek met water in 'n kastrol, voeg 'n knypie sout en die kookolie by en kook tot sag. Dreineer en hou eenkant.
Kook die melk, pypkaneel, steranys, kardamom, suiker en sout. Voeg die gekookte vermicelli daarby. Meng nou die mielieblom met die 1/2 koppie wateren roer dit in die melk. Voeg die botter by. Laat dit stadig prut vir 5 minute. Skep op in diepborde en dien op met kaneelsuiker.

Geniet dit!

 

Brokkies

 Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis
(Die Danville Hulpgroep) (President Kruger Kinderhuis)
(Margaretha Ackerman Tehuis)

Argiewe

 
 
 

 
 Ek is op soek na nog idees om 'n suksesvolle Kerkbasaar/Kermis te rel. Gaan kyk hier na wat ek alreeds bymekaar gemaak het.  

 
 Ek versamel yskasmagnete, my yskas hang al oor van allie magnete! Vir elke magneet wat ek ontvang (van oorsee,  wat die land/staat/stad moet aandui) stuur ek een van SA aan die sender. Onthou, vir yskasmagneet doeleindes is Windhoek ook oorsee! Stuur my e-pos sodat ons kan relings tref.  

 
.Ek sal enige terugvoer en/of voorstelle waardeer!. dankie - Peter  
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: