Die Peter-jasie Patriot

 

Nommer 22

'n Passie vir Afrikaans

19 Maart

Dags!

Met my soektog na Skrikkeljaarpoeding maak ek toe kennis met Amanda Viljoen wat ook resepte versamel en ook 'n afskrif van die poeding resep wou h as ek dit in die hande sou kry. Een ding lei na die volgende en daar stuur sy vir my 'n hele hoop Afrikaanse resepte. Nou kon ek doen wat ek lankal wou doen en 'n ordintlike Afrikaanse resepte-afdeling op my webwerf sit. Die hoeveelheid resepte groei nou daagliks, gaan kyk hier!  As enigeen van julle Tradisionele SA Resepte kan bylas, stuur asseblief vir my aan, ek sal dit vreeslik waardeer! My Engelse Tradisionele Resepteblaaie was al nommer een op die wreld Top 100 Culinary Sites, wie weet, miskien bereik die Afrikaanse blaaie ook beroemdheid.  My webwerf kry gemiddeld 300 besoeke per dag van oral, baie daarvan deur Suid-Afrikaners wat oorsee woon. Lyk my hulle verlang baie na ons lekker kos! My nuusbriewe gaan ook na oor 1000 lesers uit.
Soos ek al voorheen genoem het, ek is nie 'n kok nie, kon nie eers nou die dag behoorlik vetkoek bak nie! Ek versamel die resepte, hoofsaaklik om soveel as moontlik Tradisionele Suid-Afrikaanse resepte op een plek saam te kry. Ek weet daar is nog baie wat ek nie het nie, maar eendag sal my versameling hopelik taamlik volledig wees. Wat ek van hou is wanneer iemand vir my vir 'n spesifieke resep vra en ek moet gaan soek daarvoor! Na weke se gesoek kry ek byvoorbeeld die resep vir Jan Ellis poeding uit Kanada van alle plekke!.
Ek is mal oor sommige van die name wat ons disse het, bv. Telefoonpoeding, Doodvreet-lepelskons, Kannie-flop-appeltert,  Dan kry mens ook resepte wat met Heerlike-, Maklike-, Vinnige- of Outydse- begin, dan moet jy maar weet, dis dood-eet!
My webwerf is hoog op baie soekenjins, plaaslik en oorsee en dan kom die mense met allerande vrae na my toe. Gewoonlik moet die familie dan kom met die oplossings veral skoonma loop deur! Ek was gevra om nou die dag vir 'n tydskrif te gaan demonstreer hoe potjiekos gemaak word! Ek het die geleendheid op roem maar laat verbygaan en vir iemand anders 'n kans gegee!
En dan nuus van die Danville Hulpprojek.  Karin se seuntjie Eric is toe die week gebore, gaan lees hier daaroor.

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


Nianell


Musiek


'n Tikkie Humor

Wat is 'n Pa ?
(deur die o van 'n kind)

Pa's werk baie hart en het baie papier gelt. Pa's hou baie van teevee kyk op Saterdag. Pa's wil slaap op Sondag. Pa's maak braaivlys vir kos en is sterk en s hille is die baas.
Pa's het visstokke, grawe en baie anner goet in die graatsh en hille vee nie uit en stof af nie. Pa's lees as hille kamer verlaat.
Pa's hou van tannies wat nie gelt het vir kleere nie en wat net kostjums dra.
Pa's gee hart pak as ma so s. Pa's gaan op vikansie en vat ma's en kinners altyt saam. Hille krap hille gesigte skoon want dit wort vol hare as hule slaap.
Pa's werk altyt as kinners iets wil doen, en het baie werk vir kinners. Ma's het ook baie werk vir pa's. Pa's is kwaai maar hille is bang vir ma's.

Wat is 'n Ma ?
(deur die o van 'n kind)

Maas is baje mooi. Hille kleer hille gesigte in. Maas lees vir mens stories. Maas kan goet sien, as jy klaar gebat het sien hille dis nog vyl agter jou ore. As jy stout is sien hille deer 'n mier en vra wat jy alweer doen. Hille maak groente vir kos en ons kry lekker poeding as ons allis opeet. Maas moet baje slim wees, want ons jivrouens gee vir ons hyswerk dan doen ons maas dit. Maas vat kinners skool toe en soen hille voor anner kinners en tanies. Maas is altyt laat en s kiners moet gou maak.
As jy siek is pas Maas jou op. Maas het baje gelt vir tamatiesous, pienatbater, seep en tannepasta, kofie en pap maar net biekie gelt vir swiets. Maas s altyt hille het nie gelt nie maar dan koop hille 'n trolie vol goeters. Maas hou van winkels waar mens net 'n papierkie teken want dan hoef jy nie te petaal nie.
Maas s altyt hille is vet as hille ou kleere aantrek, niewe kleere pas net reg en dan is hille maar. Maas is baje virsigtig. Hille s altyt pasop vir die karre en slyt al die dere. Hille is bang vir krieke, en jaag die hond van die bet af.
Maas is baje vliks. Hille praat lank op die foon, lees boek en kyk dys of de laaivs op tiewie en dan maak hille vinig kos voorlat Paas kom. Maas gaan eendag hemil toe want hille bit baje en ken alis van Liewe Hiesis. Ek is baje lief vir Maas.'

Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


Minette Brink


Die Resep

Hulle noem toe nou die dag op 7de Laan van Skrikkeljaarspoeding. Aangesien dit Tradisioneel Suid-Afrikaans klink en ek dit nie in my versameling het nie, doen ek toe oral navraag en Martie stuur my toe die resep. Nou wonner ek, eet mens dit net elke vierde jaar? Baie dankie, Martie!  

Skrikkeljaarpoeding

3 E botter
1/2 koppie suiker
1 koppie meelblom
2 T bakpoeier
2 eiers, geel en wit apart
2 E strooisuiker
1 en 'n kwart koppie melk
3 E appelkoos of aarbei konfyt
1/4 T sout

Meng die botter, suiker, meelblom, die geel van eiers en 'n klein hoeveelheid melk.
Sit die mengsel in 'n gesmeerde vuurvaste bakskottel en bak dit 30 min lank of tot gaar by 180 grade C.
Haal dit uit, gooi koue melk bo-op , smeer die konfyt daarop en smeer die styfgeklopte wit van die eiers (met suiker) bo oor.
Bak weer in die oond tot die skuim bo-op goudbruin is.

 

Brokkies

 Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis
(Die Danville Hulpgroep) (President Kruger Kinderhuis)
(Margaretha Ackerman Tehuis) ( Eric is gebore! )

Argiewe

 
 
 

 
 As julle in die buiteland woon en smag na Suid Afrikaanse kos en goedere gaan kyk gerus hier, miskien is daar 'n winkel naby jou. As jy weet van 'n winkel wat nie op die lys is nie, laat my weet ek ek sit dit op!  

 
 Ek versamel yskasmagnete, my yskas hang al oor van allie magnete! Vir elke magneet wat ek ontvang (van oorsee,  wat die land/staat/stad moet aandui) stuur ek een van SA aan die sender.  Stuur my e-pos sodat ons kan relings tref.  

 
.Ek sal enige terugvoer en/of voorstelle waardeer!. dankie - Peter  
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: