Die Peter-jasie Patriot

 

Nommer 24

'n Passie vir Afrikaans

2 April

Dags!

Wildtuin dinge....

Ons is mal oor die wildtuin en elke kans wat ons kry, of sodra die begroting dit toelaat, sak ons af Kruger toe, al is dit partykeer net vir die naweek.
Sodra ons by die parkhekke in is, skuif ons in ons posisies in. Lorraine, meisiekind, agter die stuurwiel. Aangesien die spoedbeperking net sowat 50 km/uur is, behoort dit veilig te wees. Doreen, vrou, sit voor, sy is die hoof uitkyker. Ekke sit agter, die hele sitplek vir myself sodat ek by enige van die twee agterste vensters kan fotos neem. Miskien kry ek die keer DAARDIE foto!

Ek het nog nooit juis mooi olifantfotos van die kar af geneem nie, want Lorraine is vrekbang vir hulle. Solank mens hulle NET kan raaksien in die verte, is sy gelukkig!

Doreen het net een ding in haar kop en dis jagluiperd! Vir my is dit luiperds, want dis al wat ek nodig het om my Groot 5 versameling te voltooi. Maar die goed is SOO skaars, ek sweer hulle kruip weg as hulle ons kar se registrasienommer sien!

So ry ons een dag so karring-karring aan toe Doreen ewe skierlik iets op die horison oor die pad sien loop. CHEETAHHH skreeu sy en ek en Lorraine is wawyd wakker! RYYYY skreeu sy vir Lorraine. KAN NIE skreeu Lorraine terug, op daardie oomblik het 'n trop tarentale voor ons in die pad begin aanloop en besluit hulle is nou moeg in die gras geloop en wil nou die pad probeer. Darem kom hulle tot 'n draffie, maar bly in die pad! Intussen beweeg die jagluiperd
doodluiters oor die pad en in die gras in.

Doreen raak desperaat! As jy nie NOU begin ry nie onterf ek jou! skree sy vir arme Lorraine.  Die tarentale is in die pad!, skree Lorraine benoud terug. Trap die goed!!, word sy beveel!, maar die tarentale draf maar voort, voel vere vir die mense in die kar wat so opgewonde is.

Uitendelik besluit die hoof tarentaal om nou maar in die veld te hardloop, en daar gaan almal agter hom aan.

Natuurlik was jagluiperd se kind al lankal weg toe ons by die plek kom, Lorraine was vir 'n lang tyd in Doreen se slegte boeke gewees!

Ek neem gewoonlik video en stil fotos in die wildtuin. Wanneer ek video neem lewer ek heeltyd kommentaar oor wat ek neem sodat mense wat na die tyd na die video kyk darem weet wat aangaan. My swaer, (sal nie naam noem nie) het onlangs 'n videokamera aangeskaf en is nog nie op die stadium waar hy gemakilik voel om  kommentaar lewer nie, so as mens na sy videos kyk is alles tjoepstil en jy moet maar raai wat aangaan

Hulle gaan toe ook Kruger toe en was gelukkig genoeg om op 'n trop leeus af te kom wat sommer so in die pad rondl. Die een leeu staan toe op en begin water drink uit 'n plassie sommer so langs hulle kar. My swaer is in sy sewende hemel oor die geluk en neem video dat dit klap. Soos die leeu buk om te drink laat hy 'n wind, maar nie sommer enige wind nie, sommer so 'n VROT een! Die briesie waai die klank deur die venster die kar in en in die doodse stilte wat heers terwyl my swaer so lekker afneem hoor mens net:
Sies, ga!! Het jy gepoep?? s hy.Sy antwoord:Nee, jy's laf, ek dog dis jy wat so vrot is!!!!
My swaer edit nog nie so goed nie en die stukkie dialoog is toe in die video toe hulle dit vir ons wys. Ons het eers 'n halfuur later ophou lag!
 

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


Nianell


Musiek


'n Tikkie Humor

Een dag sien 'n man wat al vir tien jaar op 'n eiland gestrand is iets aankom op die horison. Hy kon nie uitmaak wat dit is nie tot daar op die ou end 'n ongelooflike mooi Blond uit die branders opstaan met 'n duikpak en al die toerusting.
Sy staan nader en vra " Wanneer laas het jy 'n sigaret gerook?" terwyl sy 'n pakkie Camel en 'n sakvlam uit 'n waterdigte sakkie van haar duikpak haal. "Tien jaar!" s hy terwyl hy 'n sigaret aansteek en behaaglik stadig sy longe vol trek. "En wanneer laas het jy 'n goeie dop bourbon gedrink?" vra sy terwyl sy vir hom 'n glasie skink uit die botteltjie wat sy uit 'n ander sakkie haal. "Hemels - dit was tien jaar" s hy terwyl hy die drankie stadig drink. Terwyl sy die rits van haar duikpak stadig oopmaak s sy met 'n baie verleidelike stemmetjie ". . . En wanneer laas het jy 'n bietjie rondgespeel?" Terwyl hy van opgewondenheid op en af spring en sy hande vryf s hy :
"Dis ongelooflik! moenie vir my s jy het nog 'n golfstel ook daar iewers weggesteek nie!
 

Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


Minette Brink


Die Resep

Laasjaar by Aardklop in Potch was die lewerstalletjie my gunsteling, ek proe nog steeds daai skilpadjie en lewerkoekie. 'n Week of so gelede teken Debbie van Potch my gasteboek en ons raak aan die gesels. Ek vind toe uit dat sy een van die mense was wat die lewerstelletjie beman het, klein wreld! Tussen hakies, as julle hierdie jaar Aardklop toe gaan, MOET julle by Debbie hulle gaan lewerkoekies eet! Sy sluit toe by my Yahoo groep aan en stuur vir my die resep hieronder met die duidelike opdrag:  Deel hierdie resep net met jou BESTE vriende! Dis nou nie 'n lewerresep nie maar Debbie s dit sal die wreld se verskil aan jou braaivleis maak. Geniet dit! Van Aardklop gepraat, maak ook seker dat julle vir Nianell gaan sien!  

Knoffelring

Knoffelsous:
180 ml ( k) Botter, gesmelt
3 knoffelhuisies fyngedruk of 1 t voorbereide knoffel
25ml (5 t) vars gekapte pietersielie
10 ml (2 t) gemengde droe kruie

Brood :
2 ekstra groot eiers
25ml (5 t) olie
500 ml ( 2 k) louwarm water
60ml ( k ) suiker
1 pakkie ( 10gr) kits- droe gis
1 knoffelhuisie fyngedruk
Knippie gemmer
Knippie sout
5 x 250ml (5k) Koekmeelblom

Voorverhit die oond tot 190 C ( 375 F)
Bespuit pan met kleefwerende kossproei van 23cm deursnee
Meng al die bestanddele vir die knoffelsous in `n kastol tot margarine gesmelt is en hou eenkant.
Klits die eiers, olie, water en suiker saamMeng die res van die droe bestanddele in `n groot mengbak Voeg nou die watermengsel by en meng tot `n sagte deeg Knie die deeg vir 10 minute lank tot glad en elasties Bedek met bespuite kleefplastiek en laat rys tot dubbel die grootte (1 uur) Verdeel die deeg in twee ne rol 12 ewe groot bolle van elke deel. Rol al die bolletjies in die knoffelsous en pak in voorbereide pan Gooi die res van die knoffelsous bo-oor Bak omtrent 36-40 minute tot gaar of mooi bruin bo-op Dien louwarm op saam braaivleis

 

Brokkies

 Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis
(Die Danville Hulpgroep) (President Kruger Kinderhuis)
(Margaretha Ackerman Tehuis) ( Eric is gebore! )

Argiewe

 
 
 

 
Gaan kyk na die nuutste artikel wat Minette vir my gestuur het. Onthou om vir haar te laat weet as julle dit geniet het!  

 
Ek is op soek na nog kermiswenke, gaan kyk hier en las by as julle nog idees het.  

 
Ek versamel yskasmagnete, my yskas hang al oor van allie magnete! Vir elke magneet wat ek ontvang (van oorsee,  wat die land/staat/stad moet aandui) stuur ek een van SA aan die sender.  Stuur my e-pos sodat ons kan relings tref.  

 
.Ek sal enige terugvoer en/of voorstelle waardeer!. dankie - Peter  
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: