Die Peter-jasie Patriot

 

Nommer 28

'n Passie vir Afrikaans

30 April

Dags!

Ek gaan probeer om 'n lys van ons feeste te maak om op my webblad, so as julle dorp of stad 'n fees het, gee vir my die besonderhede asseblief, net die fees se naam, die dorp en wanneer die fees gewoonlik plaasvind.

My gunsteling vriendin in Namibi (wel, eintlik my enigste vriendin in Namibi) het alweer vir my van haar artikels gestuur, ek plaas een hieronder, as jy dit geniet, en ek is seker jy sal, laat vir Minette weet, sy hoor graag van julle!

Innovasie of bron van irritasie?

EK is nie die slimste blond in die land nie, maar ek weet wanneer n ding nie lekker werk nie. Al is dit deur vreeslike slim mense uitgedink en teen miljoene dollars vervolmaak.
Dis baie lekker om deesdae jou melk en sappies in bokse te kan rondkarwei, net jammer jy verloor die helfte van die inhoud daarvan wanneer jy die eerste keer skink. Die indrukwekkende flaptuitjie aan die voorkant werk ongelukkig nie, want die voggies kom met n sierlike boog uitgespoeg, al gooi jy hoe stadig en al mik jy hoe versigtig, dis altyd of bo-oor die glas of op jou skoen.
Soos met die sakkies melk (wat in n patetiese plastiekhopie ineenstort nadat jy dit oopgeknip het en vir die skinkslag elke keer regop gehelp moet word), is die triek om n gat aan beide kante te maak om iets aan die lugdruk daarbinne te verander. Maar dan is die boksie permanent oop en die rondkarwei-aksie daarmee heen. Op die ou einde is dit minder moeite en stres om die hele koei saam te vat op kampeersessies.
Die energiedrankies met die ruimte- eeuse tegnologiese wondertuit is net so onprakties. Behalwe dat jy jou tande tjip met die ooptrek-bytslag, kan jy nooit te hard suig of die botteltjie n druk gee nie, want die strale energievog spuit dan aan weerskante van jou wange verby en daar sit jy, van ore tot tone bedruip. Terwyl die tuit met sy miniskule gaatjie aan jou tongpunt vassuig en jy teen die lessenaar moet vasskop om die ding af te trek.
Nog n flop is glasflesse met beet en agurkies. Die beet is met mening tot bo ingeskweez sodat jy na die eerste skepslag soos die slagter uit die hel lyk met al die rooi spatsels die wreld vol.
Die laaste agurkies doer onder in die fles moet jy soos goudvisse in die rondte jaag voordat jy hulle met die hand gevang kry, want raakgesteek, di kry jy hulle nie.
Maar aan die ander kant is dit n uitstekende tydverdryf vir kinders. Mag ek n agurkie kry, Mamma?
Ja, my skat, help jouself. Drie ure later is die kind nog steeds besig om sy kos te probeer vang. Ten volle gehipnotiseer deur die kolkaksie voor sy o.
Koffieblikke is eintlik lewensgevaarlik, want daai onskynlike gladde rande wag net om jou hand by die pols te amputeer as jy nie versigtig is nie. En dan het die vervaardigers nog die vermetelheid om sealed for your protection op die foelieflap te druk.
Maar die wenner van innovasies is sonskerms vir motorvoorruite. Enige verveelde persoon is welkom om te kom kyk wanneer ek di kontrpsie probeer opsit en afhaal. Die ding is veronderstel om heel pikant in n klein ronde pierinkie op te vou, maar laat ek dit probeer?
Dit lyk meer asof ek met die kar se airbag stoei soos dit rondglip en my herhaaldelik heen-en-weer klap. Ek oorweeg regstappe teen di sadistiese vervaardigers.
Maar soos ek s, ek is nie land se slimste nie. Ook nie die geduldigste nie.

Daar is nog van Minette se artikels hier.
 

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


Nianell


Musiek


'n Tikkie Humor

Ou Rabbi Wolfson is die rabbi in 'n klein dorpie. Hy is besig om sy  Sinagogeraad te smeek om 'n nuwe kandelaar vir die sinagoge te koop, maar sonder sukses. N 'n uur se mooipraat sit hy maar dikmond. Toe staan die voorsitter van die sinagogeraad op en s:
'Waarom mors ons tyd met die geklets oor 'n kandelaar? Nie een van ons kan dit eens spel nie. Tweedens, nie een van ons kan dit speel nie. En derdens, wat ons EINTLIK in die sinagoge nodig het, is meer LIG!'


Daar bo innie Bosveld stap hasie eendag so deur die gras en kom op 'n borrel mampoer af wat in die son gel het. Hy vat 'n paar slukke, ma' ie witblits skop hom so lat hy net daar uitpaas. Jakkals kom verby, sien vir hasie en die bottel, dog toe hy sal ook so sluk vat voor hy vir hasie eet. Maar die warm mampoer kap hom ook om. So l die twee nou daar toe hina verby kom, hy kon sy geluk nie glo nie en drink ook aan die bottel; selle storie, val net daar neer, uit-gepaas. Leeu kom toe op die storie af, besluit hy eet nie aan jakkalse en hina's nie, en daarby is die haas te klein om eers oor te worrie. Hy vat toe maar 'n paar groot slukke en kort-voor-lank slaan hy ook neer. Met die begin hasie roer, sit regop met 'n hewige hoofpyn. Hy skud sy kop, trek sy ore reg en kyk toe so om hom. Toe sien hy hoe l leeu, jakkals en hina uitgepaas om hom. Hy mompel: "Hel, smaak my mos ek raak aggressief as ek gesuip is!"
 

Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


Minette Brink


Wegbreek


Die Resep

Die volgende resep is aan my gestuur deur vriendin Elzeth en kom uit 'n resepteboekie uitgegee deur Shell in 1949. Gaan kyk hier vir meer ou resepte uit die boekie  

Outydse Bonesoep:

Bestanddele:
2 pond Beesvleis      1 Blaartjie Foelie
pond Varkspek      1 Bossie Suring
1 pond Witbone        Omtrent 3 kwarte koue water
1 Ui                         Sout en peper na smaak
1 Bossie Pietersielie

Metode:
Bone word oornag in koue water geweek. Sny vleis in mooi stukkies, maar nie die spek nie. Sny ui in ringe en smoor in botter. Kap suring en pietersielie fyn. Kook nou al die bestanddele goed tesame omtrent 3 4 uur. Roer af en toe. Indien nodig voeg meer water by.

 

 

Afrikaanse Lied

Hier is iets nuuts! Vriendin, Melaney wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons Blrkas van Afrikaanse Volksmusiek

KOM SING MET MY 'N BURGERLIED

Woorde: W.H. BOSHOFF
Musiek: P.J. LEMMER

Kom sing met my 'n burgerlied
wat aan my hartsnaar raak,
en my op eie grondgebied
as staatmaker laat waak.
Vertel my van my eie volk,
tradisie, sede en taal,
wat my gevoel en siel vertolk,
van volksverlee verhaal.

Hou hoog met my die ideaal
"Vir vryheid en vir reg",
waarvoor my pa met bloed betaal,
die Voortrekker moes veg.
Kom leer my eer en lief te h
my eie land se vlag,
en wie di reg my durf onts
word deur my volk verag.

Kom spoor my aan om "Koers te hou"
en voorwaarts steeds te trek,
kom help my handhaaf en te bou,
'n nasie trots te wek.
Mag, wanneer ek my kop neerl,
niks my gewete kwel,
geen nageslag, wat ek mag h,
vir pligsversuim my skel.
 

Brokkies

 Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis
(Die Danville Hulpgroep)

Argiewe

 
 
 

 
Potjiekoskompetisies, rels en beoordeling! Klik hier!  

 
Ek is ook op soek na nog Kermiswenke,Klik hier!  

 
.Ek sal enige terugvoer en/of voorstelle waardeer!. dankie - Peter  
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: