Die Peter-jasie Patriot

 

Nommer 3

'n Passie vir Afrikaans

17 Oktober

Hallo almal!

Ek skop af met nog 'n artikel deur Minette Brink, verbonde aan Die Republikein, die enigste Afrikaanse dagblad in Namibi. Sy het 'n natuurlike skryfstyl wat lewe gee aan alledaagse gebeurtenisse. Lekker lees!

Vrotsige fliekvlooie wees gewaarsku!
Minette Brink

HIER volg 'n vriendelike dog ferm waarskuwing: sou ek ooit weer gaan fliek, sal ek 'n tradisionele wapen onder elke blad h. Hetsy 'n braaipan of 'n krieket- bat.
Di skielike aggressie is veroorsaak deur die armsaliges van inbors wat geen fliek-etiket ( of enige etiket, for that matter,) het nie. En wie dan nie wil hoor nie. Dit kos deesdae meer as die twintig dollar om te moewie. Dit kos harige tande. Nog voor jy die teater betree het, begin die geveg. Want die beneukte vrou wat die kiosk beman, soek 'n waenhuis se geld vir 'n vuurhoutjiedosie vol popcorn. Jy verbleek. Jy betaal. Net om summier jou eetlus te verloor wanneer die kaartjieman so diep in sy neus krap dat jy vir 'n oomblik wonder of jy nie 911 moet laat kom nie. Maar dan hou hy dieselfde besmette vinger uit vir jou kaartjie. En jy vlug heel naar die donkerte in.
Ek is 'n fanatiese fliekvlooi. Ek verander gewoonlik sestien keer van sitplek voordat ek veilig voel. Dan straal ek met al my mag soveel afwerende energie uit dat daar gewoonlik n sirkel le sitplekke om my is. Want ek fliek in stilte en in vrede. Ek hou nie piekniek nie en ek vry nie in die fliek nie. Maar helaas. Sodra die ligte uitdoof, stroom die bendes en hul ellendes in. En om die een of ander rede word ek binne sekondes omsingel deur die vyand. Afwerende energie ten spyte. En die huil kom sit in my keel. Uit wanhoop.
Ons kry die tantes, min-of-meer gebou soos peperpotjies, wat opsluit in spanne van drie opruk. Hulle sal al hardhorend die storielyn heen en weer pass met gepaste tongklappe en kermgeluide van verontwaardiging. In 'n stadium sal een (of meer) van die peperpotjies f aan die slaap raak, f die kleedkamer gaan opsoek. En dan, met die ontwaking of die terugkeer, sal die res van die span omtrent spoeg en rondfladder om die oningeligte te verlig. Teen daai tyd klop die are in my kop al baie sterk. Maar ek bly stil. Want my aandag word afgelei deur die vent met die verskrikte hare wat, natuurlik, reg voor my kom sit. Vyftig minute laat. En ek staar aarkloppend deur die versteende graspol na die big screen. Terwyl ek geleidelik bewus word van 'n ritmiese geknars aan my regterkant. Die aar bars. Daar sal binnekort 'n wet ingestel word wat fliekgangers verplig om hul popcorn te suig sodra die hoofprent begin.
Teen die tyd het ek alle belangstelling (en die storielyn) verloor. En ek wonder waar het die gene verkeerd gekruis. Waarom is dit so moeilik om net die ou tikkie konsiderasie te toon vir die besorgde fliekganger? Los tog die pasgeborene by die huis. Gaan koester die nuutgevonde tienerliefde elders. Wag vir die video. En sal die man met die skurwe tone, wat heel gelate die genoemde tone aan weerskante van my sitplek laat inskif het, asseblief verstik aan sy slush puppy. Ditto die sakeman(?) wat sy transaksies per selfoon beklink.
Soos ek s: volgende keer is ek gewapen. You have been warned!

As jy die artikel geniet het, laat vir Minette weet!

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


 
 
 

'n Tikkie Humor

Oubaas se "verspreuke"

Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


 

Almal het seker al van die Afrikaanse sepie op SABC2, 7de Laan gehoor.

Wel ek geniet Oubaas, gespeel deur Pierre van Pletzen se "verspreuke" vreeslik baie,
hier is 'n paar van die bestes wat onlangs in Rapport verskyn het!

- As die kalwer in die put is, kan 'n man buitendien nie ploeg nie.
- Solank slapende honde sluimer, byt hulle nie
- Jong, as die koel eers deur die konsistorie is....
- Dis makliker vir 'n kameelperd om deur die poorte van die hemel te kom as 'n ryk
man...
- Die Kaap is nie meer Hollands nie, die boere het hulle al lankal opgeneuk
- Moenie jou smels met my varke meng nie
- 'n Mens gooi nie 'n donkie tweekeer mer dieselfde klip nie
- Is jy man of muishond, h?
- Jy weet wat s die Tien gebooie, laat jou ja, ja wees, en jou nee, nee.
- Francois Rossouw kan nooit sy sake uit ander mense se neuse hou nie
- Onthou die dwase maagde, moenie jou olielamp onder sy maatemmer verberg nie
- Die doktertjie in Derde Laan is 'n regte kwak. behandel my soos 'n proefplaas.
- Francois Rossouw gaan vanaand met die stoetram in my kennis maak.
- Netta Nortj, matrone van die huis van beswaardes
- Die Rabe-susters doen weer die gedig van Mabalel wat so wreed deur die likkewaan
voorgel is
- Ek wou nie soos Judas by die vleispotte van Egipte sit terwyl daar verraad in my
hart is nie
- Ek was soos Aaron tussen die leeus van Gadara. Daar was nie uitkomkans nie
- Niemand kan meer sout aan my wonde smeer nie
- Ek is mos amptelik afgevaardig om die kookkompetisie te veroordeel
- Ek en Hildatjie gaan mos eersdaags oor die tou trap
- Jy is 'n vrou van inborste, Hildatjie, en soos 'n rasegte pedigree vrieskoei is jy jou
gewig in goud werd
- Ek is nou so ontsteld, 'n slang kan my maar vang
 
Hoe lyk dit, kan ons nie van ons eie "verspreuke" maak nie? As jy enige by die lys hierbo kan aanlas, stuur vir my, asb!

Die Resep

Hoe lyk dit met iets heel besonders die keer, probeer gerus hierdie Kaiingbrood!  
Die geheim is om die kaiings reg uit te braai, nie almal weet so mooi hoe nie, maar dis hoekom ek nou hier is!
Kaiings kan van die vet van enige slagdier gemaak word. Sny die vet af en maal dit met 'n growwe meul. Verhit in 'n kastrol met 'n bietjie water dat die vet smelt en laat die vet maar lekker uitbraai, hy vorm vanself kaiings. Party mense gooi bietjie melk by, maak glo 'n mooier kaiing. Die kaiings is die stukkies wat op die warm vet ronddryf, skep dit dadelik af en dis reg vir gebruik. Wanneer jy bak daarmee moet dit eers weer gemaal word, die keer met 'n fyn meul.

Die broodresep
2 teelepels dro gis
2 teelepels suiker
3 koppies lou water
7 koppies broodmeel
2 teelepels sout
3 teelepels sagte varkvet
500g kaiings

Los die dro gis en suiker op  in 1 koppie van die lou water. Roer 1/2 koppie van die broodmeel by. Bedek en hou warm sodat dit kan gis (een uur)
Sif die meel en die sout saam. Maak 'n holte in die middel en voeg die suurdeegmengsel daarby. Knie nou goed totdat die deeg mooi skoon afkom van die hande.. Voeg die orige lou water geleidelik by terwyl jy knie.  Knie die sagte varkvet goed deur en voeg dan die gemaalde kaiings by. Knie baie goed. Bak teen 180 C vir 45 tot 60 minute.

 

Brokkies

Boeremusiek

Die Boeremusiekfees by Rooihuiskraal op die 11de Oktober was toe 'n groot sukses! Dit was 'n dag van musiek, lekker eet, daar was gedans en gesels, soos net ons mense kan! Ek het heelwat fotos en video geneem, 'n paar van die fotos is hier. Ek was nog nooit 'n groot boeremusiekliefhebber nie, maar 'n mens kom tot ander insigte as mens goeie musiek lewendig hoor. Sjoe, party van die orkeste kan darem SPEEL, hoor! Hou maar Kalie se webwerf dop vir nuus van verdere byeenkomste en sorg dat jy daar is!
 

Argiewe

 
 
 
 

 
Diet

Ag nee wat, genoeg is genoeg! Ek noem to mos laaskeer van die diet waarop ek is! Het net 'n week gehou, dis nie kos daai nie!  Ek en dogter, Lorraine, het nou by Weight Watchers aangesluit, kom ons kyk of DIT werk! My teiken om te verloor is 6 kilogram, klink nie te erg nie!

 

 
Video

Ek het al 'n geruime tyd 'n digitale videokamera en die nodige sagteware om soort van behoorlike moewies te maak. Het nog net nooit die tyd gehad om tyd daaraan te spandeer om die ding behoorlik te doen nie. Ek dink die tyd is nou ryp ek ek gaan rondspeel met die video wat ek by die boeremusiekdag geneem het. Hoe lyk dit met Suid Afrika se eie Spielberg?

 

 
.Ek sal enige terugvoer en/of voorstelle waardeer!. dankie - Peter  
     

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: Peter-jasie