Die Peter-jasie Patriot

 

Nommer 35

'n Passie vir Afrikaans

18 Junie

Dags !

Ek is nou al vir 'n hele paar jaar "aanlyn", met ander woorde ek het opgeteken, aangeteken en ingeteken by 'n swetterjuisend webwerwe en nuusbriewe.  Ek jok nie, ek het vyf A4 bladsye vol logons en signons elkeen met 'n username en password. Die lys is uitgedruk en op tenminste 10 plekke ge-backup. As daardie lys OOIT moet verlore raak is ek dood, morsdood, want dan kan ek nie in honderd plekke inkom waar ek moet inkom nie.

Ek ken nou al my ID nommer, my kredietkaartnommer, my OTM PIN en my selfoonnommer. Op die stadium van my lewe is dit meer as genoeg, dink ek.  Ek kan nou ten minste geld trek en bel, my lewe is gered!

Ek kom op die volgende atrikel van Minette Brink af waar sy blykbaar sukkel met dieselfde soort ding, eks bly ek is nie alleen nie!  geniet die artikel en laat vir Minette weet wat julle dink. Sy hou van terugvoer!  geniet die artikel!

Ek en Petunia (wat in Skotland woon en ook van Minette se artikels hou) is besig met 'n verrassing vir Minette. Soos dit iemand van die vroulike geslag betaam, klim Minette al teen die mure uit van nuuskierigheid, maar sy sal moet wag tot ons klaar is! En ook al die lesers van die nuusbrief! Hou die spasie dop!

Syfers is vir die Einsteins en bankklerke
Minette Brink

DAAR heers 'n 'pinominale' verwarring in hierdie klein breintjie. Laat ek verduidelik.
Maandagoggend. Die bankmeisie bel. Geluk, s sy. Jy het 'n tjekrekening by ons geerde instansie gewen. Mooi so, juig ek en jaag stad toe.
Daar aangekom, word die boekie met groot 'pomp and ceremony' oorhandig. Kamera's flits en ek gee met 'n skalkse glimlag die royal wave. Die geheime papiertjie word oopgeskeur om die PIN-nommer van die ATM-kaart te ontbloot. My wange plof op die vloer. Dis 'n laaang nommer.
Haai, probeer ek keer, ek kan mos die nommer verander as ek wil?
Bankmeisie frons woes. O,nee, jy sal vat wat jy kry. En jy beter daai ou nommertjie memoriseer, want die papiertjie gaan binne twee minute self-destruct. Vir 'n wyle gluur ons vir mekaar. Sy, die syferkenner, die PIN-propagandis, die vyand in nommers. Ek, die weerlose, die linkerlob-lobbyist. Ek gee in.
Anders as met woorde, kon ek nog nooit die kreatiwiteit of die skoonheid van syfers raaksien nie. Behalwe as iemand vir my geld gooi.
Ek ry brom-brom terug werk toe terwyl ek 'n rympie van die gehate PIN probeer maak. Iets soos die kleintydse "een klein mannetjie, een met 'n boep, drie klein mannetjies, is die polisie se roep." Dit wil nie werk nie. Dan die ou metode: probeer 'n sommetjie maak. Uhh, twee maal my geboortedag is vier en veertig minus my huisnommer gedeel deur nege gee 15 plusek gee op.
Dieselfde aand besluit ek om in my dommigheid, 'n rekening by die videowinkel te open. Terwyl my kinders die rakke op hulleself omkeer, vul ek gou die vormpie in. Dan die skok. Kies gou vir jou 'n PIN, borrel die chirpy een agter die toonbank. Vier karakters, asseblief. My o trek skrewe soos 'n mislukte face-lift. Nee, grom ek, ek kan nie. Kies jy sommer vir my een. Asseblief, gryns ek onheilspellend. Sy skryf dit bewerig vir my neer. Ek trek my gekneusde kinders onder die rakke uit en vlug.
Tot laat in die nag sit ek en swot. Probeer ek nommers memoriseer. My kop is seer en my o bloei toe ek uiteindelik gaan slaap. But no rest for the wicked.
Reuse nommer nege's met tande jaag my rond en hoe meer ek al stotterend probeer verduidelik dat syfers eintlik my kos is, hoe langer word die tande. En my neus.
Die volgende oggend blaas my selfoon skrouend sy laaste asem uit. Ek het die "grace-period" oorskrei. Dit beteken 'n nuwe starter pack met, surprise, surprise , 'n heel nuwe selnommer. Dis oorlog tussen my en die netwerk.
Hoekom kan julle 'n mens nie waarsku nie, wil ek weet? Weet julle hoeveel admin julle my nou veroorsaak? Solly, s die netwerk, jy sal vat wat jy kry. Maar weet jy wat gaan jy saam met jou nuwe nommer kry? Beulblasers verskyn voor my geestesoog. Nee, jil ek opgewonde. Vertel my, vertel my! Maar in plaas van 'n trip Bali toe, is dit (die beule blaas):TWEE nuwe PIN-nommers EN TWEE NUWE PUK-NOMMERS! Ek val bewusteloos neer.
Toe ek bykom, hang my kollega oor my. O, s sy verveeld, jy's weer by. Die bank het gebel. Daar's 'n probleem met jou kaart.
Jy moet 'n nuwe PIN-nommer kry.

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


Nianell


Musiek


'n Tikkie Humor

Die Arabier immigreer na die Verenigde State. Op een van die vorms wat hy moet invul, word gevra: 'Heg u goedkeuring aan die omverwerping van die regering van die Verenigde State deur geweld, ondermyning of dwang?'
Waarop die Arabier antwoord:
'Geweld.'

Die juffrou vra die klas om 'n sin te maak wat 'n gesegde en 'n bysin is Sipho se hand gaan onmiddelik op en hy antwoord: 'Ons was elke oggend voor skool ons gesegde en hande in die bysin.'


Piet en sy vrou het ook baie rusies en struwelinge gehad en hy het belowe dat na sy dood hy sy pad na bo so uitgrawe uit sy graf en by haar kom spook en haar nie met rus sou laat nie. Na sy dood loop haar vriendin haar raak en vra haar of sy nie bang is na leiding van sy dreigemente nie en of sy rustig slaap. Sy lag baie lekker en s sy slaap baie goed want sy het hom onderstebo in sy
kis laat begrawe en hy kan kan maar grawe.

Nog Skakels


RSG


Kyknet


Eg Afrikaans


Die Knoop


Wat kyk jy


Wenke wat Werk


Minette Brink


Wegbreek


Geldmaak op die Internet?? Virseker!

Ek was ook maar skepties oor die geldmaakstorie maar na baie oplees en navorsing het ek tog afgekom op geleenthede waar mens 'n geldjie kan maak op die Internet, soos hulle s, waar 'n wil is, is 'n weg, of in my geval, waar 'n nood is, is 'n weg. My nood is nou wel nie so groot nie, maar my gesonde verstand het my vertel dat hierdie groot netwerk van kompers tog geleenthede moet bied waar mens nie net hoef te betaal nie, maar ook iets kan terugkry.

Toe word ek bekend gestel aan die Clientele Life geleentheid, waar ek nie net spaar vir 'n neseier nie maar ook mense kry om dit vir my te betaal!  In 'n neutedop:

~ ek bou 'n neseier op
~ met 'n klein bietjie moeite kry ek mense om my maandelikse spaarpremies te betaal
~ met net 'n klein bietjie meer moeite begin ek elke maand geld inkry!

Kontak my per epos vir meer besonderhede

 
   

Die Resep

Hier is nog 'n resep uit Voortrekker Resepte, aan my gestuur deur Elzeth.  

Ingelegde Vis
Bestanddele:
6 8 pond vars geelbek of enige                  1 baie klein Rissie, fyn gekap
ander geskikte soort vis                               12 Naeltjies
6 groot wit Uie                                            2 eetlepels goeie Blatjang
2 onse Kerrie                                               Sout
1 teelepel Borrie                                          2 3 pinte goeie Asyn
2 eetlepels Suiker

Metode:
Maak vis skoon en sny in mote. Sprinkel sout oor en bak in warm vet. Sny uie in ringe en smoor. Meng al die ander bestanddele en kook op in die asyn, voeg ook die gesmoorde uie by om sag te kook. Sit nou die gebakte vis in in erdekan of iets dergeliks en gooi die gekookte asynmengsel oor.

Let wel Vis moet goed bedek wees met die asynmengsel.
 

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons Blrkas van Afrikaanse Volksmusiek

DAAR GAAN UIT VERGANGE SE DAE

Woorde: JAN F.E. CELLIERS
Musiek: "Die Loreley", FRIEDRICH SILCHER, 1883; verwerk: DIRKIE DE VILLIERS

Daar gaan uit vergange se dae 'n beeld voor my o verby;
my hart is met weemoed geslae, maar voel tog ook rustig en bly.
Die windjie roer sag deur die bome, die weste se glanse verdwyn;
die berge, verlore in drome, staan ver in die aandsonneskyn.

Die mooiste jong nooi'ntjie is myne, vanaand is my hart weer by haar.
Haar o, die sagste, die reine, is, net soos haar wese, so waar,
eenvoudig en waar soos die velde, van wreldse modetjies vry.
Nie n is te kry nie, of selde, soos sy, daardie nooi'ntjie van my.

O, kan ek die smart nie meer dra nie van skeiding se lang, lange dag,
dan hoor ek 'n stem: "Moenie kla nie", en sien 'n lief mondjie se lag,
dan lees ek betowerd die tale, in o so diep en so trou:

"Hier ver oor die berge en dale, is ene wat wag, net vir jou".

 

Dit en dat....

Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis
(Die Danville Hulpgroep) ( Die Pretdag op 8 Mei )

Argiewe

 
 
 

 
Potjiekoskompetisies, rels en beoordeling! Klik hier!  

 
Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Ek sal enige terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: