Die Peter-jasie Patriot

  

Nommer 38

'n Passie vir Afrikaans

9 Julie
Dagsê !

Voor ek begin. 'n spesiale versoek. My vriendin, Maggie in Melbourne, het nog nooit melktert geproe nie en ek het haar al oortuig dat daar niks lekkerder is nie. Is daar miskien iemand in die Melbourne (Mount Waverley) omgewing wat een vir haar kan bak en laat kry? Sy sal dit vreeslik waardeer! Stuur my asb epos as jy kans sien om dit te doen.

Ek het 'n week of twee gelede genoem van die verrassing wat ek besig is om vir Minette te reël. Wel, met Petunia se hulp is dit klaar, 'n eBoek met 20 van Minette se artikels in. Regs klik op die omslag hieronder en laai die boek af, lekker lees! Terugvoer sal waardeer word!

Hier is nog een van Frik Lombaard se interessante artikels:

Die Griekse Eetgewoontes
In die nuwe testamentiese tyd het die Grieke lekker geleef. By hulle was daar nie die wettiese beperkings op hulle eetgewoontes nie. Die grieke was relatief ligte eters en dit was vir hulle nie ‘n voorkeur om vleis by ‘n slaghuis te kry nie.
So nou en dan het hulle op feesdae skape of varke ge-offer maar die is na die ete ge-eet. Die hoofmaal vir die Grieke was die aandete gewees. Gewoonlik is vriende uitgenooi om hulle maaltye saam met hulle te kom geniet. Vrouens, altans die dames, het nooit hulle maaltye saam met die mans genuttig nie. Nou wonder ek of dit hier waar die Engelse spreuk van "Barefoot and Pregnant in the Kitchen" vandaan kom.
Die Grieke se voorkeur in kos was ‘n tipe wors. Saam met dit het hulle gewoonlik eiers, vis en kaas geniet. So nou en dan het hulle ook haas of duif ge-eet. Aangesien die Grieke van sterk geure gehou het, het hulle van hulle vis gesout en gedroog gehou. Hulle het natuurlik baie van knoffel gehou en hulle kosse is voorberei is groot hoeveelhede olyfolie en botter. Soveel so dat die kos in die borde gedryf het in die olie.
Vir spesiale geleenthede is ‘n omelet berei wat bestaan het uit meel, eiers, kaas en heuning. Hierdie omelet is gekook in ‘n sterk gegeurde sous, en dit is opgedien in ‘n vyeblaar .
In daardie tyd het die mense ge-eet met hulle hande en brood is gebruik as lepels om die sous mee te verorber. Sodra die ete klaar is het slawe die vloere uitgevee en die tafels uitgedra. Hulle het oomblikke later weer teruggekom met die tafels wat gekreun het onder die nageregte. Nageregte het bestaan uit neute, olywe, vye en koeke.
Na die nageregte het die wyn te voorskyn gekom. Daar is ‘n meester van die fees gekies en dit was sy werk gewees om te besluit hoeveel water by die wyn gevoeg moes word. Gewoonlik is die dit in die verhouding gewees van 2 dele wyn met een deel water. Indien hulle my gekies het sou dit ‘n ander prentjie gewees het. Die slawe het die wyn dan gemeng in groot erde houers. Die drink sessies het tot laat in die nag aangehou. Dit het gelei tot groot debatte wat gevoer is. Nog ‘n groot tydverdryf was om mekaar raaisels te vra.
So is seker menigte aande deurgebring. In ons tyd na ‘n glas of twee debatteer ons nie en nog minder vra ons raaisels. Hier noem ons dit sommer net twak praat om ‘n braaivleis vuur. Waaroor praat julle alles om die vuur?
Indien ek so sit en kyk na wat 2000 jaar gelede gebeur het wil ek nie sien wat skryf die geskiedskrywers oor ons na 2000 jaar nie.

Laat maar gerus vir Frik weet wat julle van sy artikel dink!

Skakels

Peter-jasie

Boererate

Aardklop

Stormpies

Danville Hulpgroep

Boeremusiek

Nianell

Musiek

'n Tikkie Humor
Piet word as 'n verkoopsman aangestel. 'n Vrou kom en vra of die winkel pruimkonfyt het. Piet soek oral maar kry niks, en stuur die vrou leë hande huis toe. Piet se baas haal hom oor die kole en sê: "As so iets gebeur, moet jy vir die klant sê hier is nie pruimkonfyt nie, maar wil sy nie ons appelkoos-, druiwe-, of tamatiekonfyt koop nie."
Piet se volgende klant is 'n man wat toiletpapier soek. Piet kry dit nêrens opgespoor nie en vra toe vir die man: "Jammer meneer, maar hier is geen toiletpapier nie, maar wil u nie ons deurslagpapier, skuurpapier of confetti probeer nie?"

SLIM VERTALINGS

G-string: Snakstringetjie / tergtoutjie
Sales rep: Koopseblief / kommissiekabouter
Toi-toi: Vakbond-vastrap / williewerkie-wals
Tantrum: Spin-jou-driewiel / vloermoer / baba-boogie
Doggie Bag: Woefkardoes
Stapler: Draaddrukkertjie / papiervampier
Softie: Sponskind / Jellie Japie
Appy: Moerjoggie / spykerkind
Backseat driver: Skouervlieg
Hang-over: Bewe-lewer
Halfjack: Polisiekoffie / bergieparfuum
Stew: Vleismoles
Make-up: Jeugdeeg / plooisement
Face-lift: Hysbakkies / glystopper /opstaanoperasie

Nog Skakels

RSG

Kyknet

Eg Afrikaans

Die Knoop

Wat kyk jy

Wenke wat Werk

Minette Brink

Wegbreek

Geldmaak op die Internet?? Virseker!
Ek was ook maar skepties oor die geldmaakstorie maar na baie oplees en navorsing het ek tog afgekom op geleenthede waar mens 'n geldjie kan maak op die Internet, soos hulle sê, waar 'n wil is, is 'n weg, of in my geval, waar 'n nood is, is 'n weg. My nood is nou wel nie so groot nie, maar my gesonde verstand het my vertel dat hierdie groot netwerk van kompers tog geleenthede moet bied waar mens nie net hoef te betaal nie, maar ook iets kan terugkry.

Toe word ek bekend gestel aan die Clientele Life geleentheid, waar ek nie net spaar vir 'n neseier nie maar ook mense kry om dit vir my te betaal!  In 'n neutedop:

~ ek bou 'n neseier op
~ met 'n klein bietjie moeite kry ek mense om my maandelikse spaarpremies te betaal
~ met net 'n klein bietjie meer moeite begin ek elke maand geld inkry!

Kontak my per epos vir meer besonderhede

  
   

Die Resep
Vir die van julle wat nog op die ou manier wil brood bak met aartappelsuurdeeg, die volgende het ek ontvang van vriendin Annatjie:  

AARTAPPEL SUURDEEG

1/2 Koekie yeast (moet koekie yeast wees)
Middelslag aartappel...fyn gerasper...belangrik...mooi fyn.
2 Eetlepels Suiker
1 Eetlepel Sout.

Sit alles in Consol Bottel...(soos vir vrugte inlê)
Maak bottel vol tot by nek met sterk lou water en roer goed
Maak toe met deksel...nie styf nie...en laat staan op warm plek ......die aartappels sal boontoe trek na die deksel toe...dan is dit reg. Skud bottel...hou hand voor en gooi af... maar nie als nie...hou sowat 1/4 van alles terug. Onthou...die eerste keer of twee sal dit nie behoorlik rys nie...dit vorm nog die suurdeeg basis.
Hierdie proses moet herhaal word sowat drie keer...dan is die suurdeeg reg vir gebruik.
Moet nie te warm water gebruik nie...net sterk lou...anders maak dit die suurdeeg dood.

Wie het vir my 'n broodresep (regte egte boerebrood) wat met aartappelsuurdeeg gemaak word? My buite-oond gaan binnekort reg wees dan wil ek begin bak!
 

  

Afrikaanse Lied
Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons Blêrkas van Afrikaanse Volksmusiek

ONS VLAG

Woorde: ERNST A. HARTWIG
Musiek: A. METHFESSEL; verwerk: ERNST A. HARTWIG

Nou waai ons Vlag en wapper fier!
Sy kleure is ons vreugde;
hul skoonheid spoor ons harte aan
tot ware, ed'le deugde.

Oranje dui op heldemoed
wat krag vind by die Here;
die Blanje eis 'n rein gemoed;
die Blou verg trou en ere.

Ons Vlag bly steeds ons eenheidsband.
Al kom ook sware tye:
dis God wat waak oor Volk en Land,
Suid-Afrika ons eie.
 

Dit en dat....

Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis
(Die Danville Hulpgroep) ( Die Kleuterskool )
 
 
 
 
Potjiekoskompetisies, reëls en beoordeling! Klik hier!  
 
Ek versamel yskasmagnete van buite Suid Afrika, kontak my en dan ruil ons uit!  
 
op my webwerf  
 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  
 
Ek sal enige terugvoer en/of voorstelle waardeer!. dankie - Peter  
 
 

Druk jou speld op my besoekerskaart!

  

Kontak - Teken in/uit
Epos: peter@funkymunky.co.za
Teken in en uit onder aan hierdie bladsy: