Die Peter-jasie Patriot

 

Nommer 40

'n Passie vir Afrikaans

23 Julie

DagsÍ !

My vriendin, Rosi, van Stellenbosch ontpop nou as 'n skryfster van formaat, hier is nog een van haar artikels.

Condestraat

Condestraat is geleŽ in die sogenaamde onderdorp van Stellenbosch. 'n Kort doodloopstraatjie half weggesteek in die hoek wat gevorm word tussen La Colline (die heuwel), die Krommerivier en Die Rand. VroeŽr jare is die straat volgebou met piepklein munisipale huisies waarvan enkeles nog hulle oorspronklike vorm en voorkoms het. Veral in die meer onlangse jare, is hierdie huisies met groeiende entoesiasme opgekoop en is hulle met kreatiewe beplanning en bouwerk omskep in groter en meer leefbare huise.

Die straatjie met sy parkies en lieflike verskeidenheid bome en die heuweltjie wat uitrys bokant die gesellige huisies, het in aanvraag begin raak. Die huidige inwoners waak jaloers oor die munisipale sonering wat verblyfreg beperk tot enkelwonende gesinne en verhuring aan studente verbied.

Smiddae weergalm kinderstemme in die strate en die parkies en motorsbestuurders wat dit durf waag om vinniger as stadig te ry, word voorgekeer en ernstig die leviete voorgelees. Met die A.F Louw laerskool wat, slegs 'n klipgooi van ons af, bo-op die heuwel uittroon, is daar heelwat kinders in die omgewing en smiddags is die parkies die ideale speelplek vir die buurt se kinders.

Vir my was dit vreemd om 'n inwoner van Condestraat te word. Gewoond aan die reusagtige erwe van Newcastle wat inwoners doeltreffend verskans teen nuuskierige oŽ van bure of Jan Alleman in die straat, het die piepklein erwe en skielike oog tot oog teenwoordigheid van bure swaar op my gemoed kom lÍ. Uit my klein kombuisie, waarvan die venster feitlik reg op die straat uitkyk, het ek skielik 'n arendsblik verkry op die alledaagse lewe van die bure oorkant die straat. Hulle daaglikse opstaan om 6:00, uittogte en terugtogte deur die loop van die dag, braai-etes op die voorste stoep en slaaptye (ligte word klokslag om 21:00 afgeskakel...somer en winter) word teen wil en dank aan my openbaar terwyl ek besig is met my eie daaglike take. .

Die honde kondig met wisselende intensiteit die verbygang van vriend of vyand, vreemdeling of bekendes aan. In vier jaar het ek aangeleer om in so 'n mate nuuskierig te wees dat ek soms selfs sal opstaan om te gaan loer waaroor die kommosie in die straat gaan.

Soms gebeur daar dinge in Condestraat.... skokkend of sensasioneel, skandalig of snaaks... wat 'n mens teen wil en dank noop om betrokke te raak by die bespiegelinge en besprekings van die bure. Ek dink nou aan die keer toe 'n pasgebore babatjie se lykie tussen die bome teen die heuweltjie ontdek is. Binne minute het die hele omgewing gewemel van nood- en polisievoertuie en het die hele buurt in die straat saamgedrom om oor die groot ramp in ons midde te spekuleer. Die ontdekking het 'n mens aan die hart gegryp en wie? waar? en hoekom?was die vrae wat inwoners vir dae aan die praat gehou het.

Die klaendes en morrendes is ook hier te vind en dit het tot gevolg dat die polisie so elke nou en dan uitgeroep word om raserige of vrolike bure te kom stilmaak. Enkele kere was daar inbrake....meestal by motors wat snags in die straat gelaat word... en dan word die inwoners deur flitsende blou ligte en loeiende sirenes uit hulle rustige slaap geskok. Ons polisiemag hou van aksie...en nog meer as dit in VSA styl kan geskied!

Die een gebeurtenis waaroor ons nou nog giggel, het plaasgevind in die tyd toe die koerante vol was van Antraks en al die Antraks verwante gebeure wat toe plaasgevind het. Die betrokke dag was 'n munisipale werker met sy oranje oorpakkie besig om die straat te vee ala Afrikatydstyl. Vee-vee...rus. Vee-vee...rus. Teen middagete was hy by die bopunt van die relatief kort straatjie en het hy hom onder die bome neergevly vir sy welverdiende etensuur rustyd. Daar het iemand..tot vandag toe onbekend wie.... hom wreed wakker gemaak met die woorde: Kyk daar langs jou! Dis antraks! Neffens oranjepakkie het 'n koevertjie gelÍ met wit poeier in, en die arme man het onmiddellik 'n staat van skok betree. Hy het opgespring en luidkeels begin weeklaag oor die ramp wat hom nou getref het. Al wat leef en beef het uitgestorm, die polisie en antraksdeskundiges is uitgeroep en in twee tieks van 'n horlosie was die straat afgesper en is arme oranjepakkie weggevoer na 'n plek waar hy ondervra en behandel kon word. Die polisie het met presiesheid die gebied waar oranjepakkie geslaap het, gefynkam en almal in die buurt is ondervra, maar g'n niemand wis van sout of water. Oranjepakkie en Condestraat het selfs die plaaslike koerant gehaal. O ja! Die inhoud van die koevert was natuurlik toe nooit antraks nie...

En so leef ons hier in ons straatjie....die keuse in ons eie hande: Veilig en vredig agter ons veiligheidshekke, of belangstellend deel van die immer teenwoordige dramas, aksies en sensasies van Condestraat se inwoners.

Rosi Adendorff
Stellenbosch


Elsabe, van die Danville Hulpgroep stuur my die volgende "dankie" briefies. Hulle het komberse bymekaar gemaak en onder die mense uitgedeel. Die briefies is onveranderd geplaas, net die name is verwyder.

"Thank you so much for the blankets. God bless u. We hope to get more" E

"Baie dankie vir die komberse. Ek waardeur dit baie. Ek kry nou baie warm. Nogmals baie dankie"
Lovies B

"Liewe Here - dankie vir die kombers - die Here sŽen al die mense"

"Hello Jesus
I want to sy to you God - Thank you for bless me and to give a eating and dress and now blankets. You are good Lord - Please God bless all of us" S

"Baie dankie Here vir alles, wat ons al gekry het. Dankie vir kos. Dankie vir die mooi kombers en dankie vir die lewe Here!" Tannie S

"Ek sÍ dankie vir alles wat julle vir my gegee het. Dankie vir die komberse, my kinders slaap warm sonder honger. ek het nie geweet waar sal ek geld kry om die kos en komberse te koop nie. Ek wil baie dankie sÍ vir die Liewe Here!"

"Baie dakie vir die komberse. Ek waardeur dit baie. Ek kry nou baie warm. Nogmals baie dankie." Van M

Gaan lees meer oor die werk van die Danville Hulpgroep

Onthou, vir die ideale geskenk, stuur 'n resepte eBoek. Die maklikste en goedkoopste manier om daardie spesiale persoon te verras! Klik hier vir meer besonderhede'
 

Skakels

Peter-jasie

Boererate

Aardklop

Stormpies

Danville Hulpgroep

Boeremusiek

Nianell

Musiek

'n Tikkie Humor

Die verskil tussen die ou R.S.A. en die nuwe R.S.A:
In die oue, was plastiek sakke verniet en kondome te koop.
In die nuwe, is kondome verniet en plastiek sakke te koop.

Twee boere ry deur die karoo en aan die linkerkant van die geelstreep. 'n Swart verkeersbeampte trek hul van die pad af en se: "This line is fo tha bus!"
Boer se: Goed ! Ek is baas Piet en dit is baas Jan...

Boer se vir Jonas: Aaai Jonas, jy werk stadig, jy eet stadig, jy loop stadig, is daar iets wat jy vinnig doen??
Jonas: Eish, ek word vinnig moeg

Nog Skakels

RSG

Kyknet

Eg Afrikaans

Die Knoop

Wat kyk jy

Wenke wat Werk

Minette Brink

Wegbreek

Geldmaak op die Internet?? Virseker!

Is jy 'n skrywer en wil jou meesterstuk publiseer? Ek doen dit vir jou in eBoek-formaat! Die koste verbonde aan so 'n boek is minimaal en dit kan dmv ePos of 'n webwerf wÍreldwyd bemark word Kontak my vir besonderhede.  

Die Resep

Elzeth is nou al 'n staatmaker bydraer! Hier is nog een van haar liplekker bydraes! As enigiemand anders 'n tipies Suid-Afrikaanse gereg vir bydra, doen dit gerus!  

Worsgereg ala mama

Hallo daar,
vandag stuur ek ook na aanleiding van Laaskeer se worsgebak my gunsteling 'ala mama - worsgereg'

Hierdie resep kan heerlik aagnepas word na die smake en voorkeure van elke gesin en met bietjie verbeelding kan dit sommer heerlik omtower word.

Die oond word vooraf verhit tot 180 grade.Gebruik 'n oondkasserol wat goed gespuit is met 'spray'n'cook' want die gereg word vir so om en by een uur in die oond gebak en kan net so alleen bedien word... of op rys.

Neem genoeg wors soos wat gesin sal nuttig en sny in stukke van so 5-7 cm. Pak die stukke wors onder in kasserol. Enige of almal van die volgende kan bo-oor die wors gestrooi word - gekerfde uie, sampioenskywe, groen rissies en/of geel rissies wat in skywe gesny is.

Bo op die vleis en groente word 'n laag aartappelsywe gerangskik. Die word gesny soos vir sima skyfies... Ek sit dan kookwater oor die gereg - sowat 400ml vir gesin van 5 se 'skottelgereg'. Vou die skottel toe met foelie met die blink kant na binne. (Goeie raad is om die foelie ook met 'spray'n cook te bespuit)Sit in die oond dat die vleis kan gaar word en die aartappels sag kan raak.Hou die gereg dop en steek met vurk om seker te maak dat die vleis gaar is.

Na ongeveer een uur verwyder die foelie oor die bak en maak vleissous met bisto of kitssous aan en voeg by die gereg. Indien die wors ietwat vetterig was wat gebruik is, gooi hier die oortollige vet af VOOR die sous in skottelbygevoeg word!. Stel die oond op BRAAI en plaas gereg weer in oon tot die skyfielaag begin verkleur. Draai skyfies om en BRAAI ook die ander kant.

Hierdie gereg en talle variasies daarvan is heerlik... voeg skaap of varkworsies by saam met gewone boerewors en probeer!!

Groete
Elzeth

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons BlÍrkas van Afrikaanse Volksmusiek

GRENSLIED

Woorde: A.P. VAN DER COLF
Musiek: H. PIETER VAN DER WESTHUIZEN, 1976

Aan my land en aan my vriende stuur ek hierdie groet:
Vrees nie vir die onbekende; hou net goeie moed!
In gevare, aan die grense, sal ek t'rugdink aan my mense,
en jul in my hart onthou, en jul in my hart onthou.

Liefste, moet my nooit vergeet nie; bly aan my getrou.
Na die stryd sal ons in vrede aan 'n toekoms bou.
Al die lange, eensaam dae, al die stil en leŽ nagte--
vul dit met ons liefde, skat, vul dit met ons liefde, skat.

Bo die kryg en bloed en wapens heers daar nog 'n stryd--
een van slu en bose magte teen geregtigheid.
Mag die Vader, in genade, gee dat vrede met die jare
grensloos in ons land regeer, grensloos in ons land regeer.
 

Dit en dat....

Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis
(Die Danville Hulpgroep) ( Die Kleuterskool )

 
 
 

 
Potjiekoskompetisies, reŽls en beoordeling! Klik hier!  

 
Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy:
Webmeesters, verdien 'n inkomste met jou weberf!
Webmeesters, klik hier!