Die Peter-jasie Patriot

 

Nommer 43

'n Passie vir Afrikaans

13 Augustus 2004

Dags !

My gunsteling Suidwester, Minette Brink, is weer terug met een van haar stories. Stuur gerus vir haar ePos en laat haar weet wat julle daarvan dink.

Maar voor julle lekker begin lees, kyk eers hierna! Port Alfred is gele in een van die mooiste dele van ons land. Jy het nou 'n geleentheid om 'n 10% aandeel (5 weke per jaar) in 'n huis op die Alfred Marina te koop. Klik hier vir verdere besonderhede en fotos!

Namib se meisies
deur Minette Brink

DIE manne moet nou rustig iewers n koffie gaan drink en die volgende aandagtig deurlees totdat die waarheid insink: In hierdie land word n unieke spesie aangetref wat jy nrens anders ter wreld sal kry nie naamlik die Namibiese meisie. (As al die mans nou klaar hulle siniese gelag onder bedwang gebring het, lees asseblief verder.)
Di spesie van die vroulike geslag word te veel onderskat en beswaarlik na wense waardeer.
Want waar anders sal jy vrouens kry wat n kudu kan jag, kan verwerk, die bakkie se band ruil, dieselfde kudu in steakvorm kan voorsit vir vyftig gaste en nie terapie hoef te kry as sy in een van die prosesse n nael tjip nie.
Namibiese meisies kan motorfiets ry, vier by viers deur die diksand manoeuvre, visvang, kamp opslaan en vuurmaak. Hulle eerste vraag op n uitnodiging veld toe is nooit is daar n generator vir my blow dryer nie, maar wanneer ry ons. Dan kan die motorvensters die heelpad oopbly en sal sy nie huil oor die haarslierte wat oor haar gesig wapper of die stof wat haar kontaklense ontstel nie.
Hulle kyk die lewe vierkantig in die o, huil as dit moet en deel slae uit waar van pas.
Terselftertyd kan hulle optof en in n ligte parfuumwolkie aansit vir n vyfgangmaal saam met staatshoofde waartydens hulle met vroulike intuisie dieselfde staatshoofde kan oorreed om hulle beleid ten opsigte van weeskinders te verander, of ten minste te oorweeg.
Hulle is nie verslaaf aan etikette en die nuutste moedgiere nie en sal liewer hulle salarisse opgebruik om kwekerye leeg te koop en hulle tuistes in oases te omskep. Sou daar geld oorbly, is dit hardeware winkel toe om verf te koop om self die huis in n kleure paradys te omskep.
Hulle is leeuwyfies wanneer dit by hulle kinders kom en sal naels uitpak wanneer enige iemand hulle liefgoed (veral hulle mans) bedreig.
Namibiese meisies weet om die minimum (indien ooit) blomme, kaartjies, geskenke, vakansies op eksotiese eilande, onbeperkte kredietkaartlimiete, wegbreeknaweke, ontbyt in die bed, skuimbaddens met aromaterapie kerse, vollyf masserings en lang innige soene te verwag. Maar is meer as gereed om die bederf uit te deel. Ongevraagd.
Hulle laat hulle mans soos mans voel wanneer hulle mans soos mans optree en kan net so maklik hulle mans soos muise laat voel wanneer hulle mans te veel begin piep.
En soos altyd het een van die manlike kollegas gou oor my skouer kom lees en amper my agterkop weggeblaas van verontwaardiging. (Nee, vir n verandering was dit nie Neels nie.) Wattttt, spoeg die man. Namibi het die lelikste girls in die wreld. Nou probeer jy hulle so bemark?
Ek lag vir hom, want dis nonsens. En as hy verwys na die plooie en die dikwels sonverskroeide gesigte moet hy net s. Ons KAN ook rome aanplak en nooit in die son verskyn nie sodat ons op 80 soos 18 lyk, maar wie sal dan saamgaan op buitelugtrippies en die aas aansit op Henties? Wie sal bollemakiesies in die Swakopsee saam met die kinders maak en vir ure sandkastele bou, rekmerke en al? Waar sal hulle meisies kry wat duineborde teen 300 kilometer per uur kan hanteer en onthou het om die politoer saam te bring?
Dis vir eers genoeg.
En die manne wat nie met my saamstem nie, moet maar bruide uit die Ukrane begin invoer. I dare you

Onthou om oudergewoonte aan Minette ePos te stuur en te laat weet wat julle van die artikel dink.

My ander gunsteling Suidwester, Nianell, is op 9 Oktober op Noot vir Noot, maak seker dat julle almal kyk! Sy het ook by UKkasie opgetree, kyk gerus ook na die programme hieronder!

UKkasie
Daar is 3 programme by UKkasie opgeneem en dit saai uit
7, 14 & 21 Augustus.
DKNT, Saterdae-aande, 19:30 op kykNET.

Skakels

Peter-jasie

Boererate

Aardklop

Stormpies

Danville Hulpgroep

Boeremusiek

Nianell

Musiek

'n Tikkie Humor

Wat is die verkil tussen oefen en vry? Jy weet nie?? Dan moet jy maar bly oefen!

"Slaan hom bloedbek, Hugo!" gil 'n geesdriftige toeskouer by die boksgeveg.
"Jy is seker 'n ondersteuner van Hugo," s die man wat langs hom sit.
"Nee, ek is sy teenstander se tandarts!"

Mens raak nooit verveeld met jou man as hy 'n bokser is nie, elker keer as hy van 'n geveg terugkom lyk hy anders!

Hier is 'n boereraat wat NIE aan te beveel is nie!

ALKOHOL
Alkohol is 'n baie wonderlike middel om vlekke mee te verwyder. Dit verwyder vlekke van winters- en somersgoed. Dit verwyder ook meubels, voertuie en huise. Verder kan dit ook matte, beddens, jou familie, vrou en kinders verwyder. Dit verwyder ook jou oordeelsvermo, jou vermo om te dink, selfs jou vriende, klere, skoene, jou selfrespek, jou goeie naam en selfs jou werk. En indien jy dit te veel gebruik verwyder dit selfs vir jou.
 

Nog Skakels

RSG

Kyknet

Eg Afrikaans

Die Knoop

Wat kyk jy

Wenke wat Werk

Minette Brink

Wegbreek

Geldmaak op die Internet?? Virseker!

Is jy 'n skrywer en wil jou meesterstuk publiseer? Ek doen dit vir jou in eBoek-formaat! Die koste verbonde aan so 'n boek is minimaal en dit kan dmv ePos of 'n webwerf wreldwyd bemark word Kontak my vir besonderhede.
 
 
Betaal jy dalk teveel vir jou korttermyn versekering? Klik hier vir 'n vinnige gratis aanlyn kwotasie en kyk hoeveel jy kan spaar. Ek het persoonlik R600 per maand gespaar.
 

Klik hier vir meer geldspaar/geldmaak moontlikhede op die internet!!  

Die Resep

Hier is nog een van die lipleklekker resepte in Anna Eksteen se resepte eBoek. Klik gerus hier om meer van die eBoeke te lees.  

WILDSVLEISBOBOTIE

50ml olie                                             1 ui, gekap
15ml kerriepoeier                                750g gemaalde wildsvleis;
7ml sout                                              37,5ml bruin asyn
37,5ml fyn appelkooskonfyt                1 Granny Smith-appel, grof gerasper
50ml pitlose rosyne                             1 sny witbrood
350ml melk                                         2 eiers
5ml borrie                                          4 vars suurlemoen- of lourierblare.

Verhit die olie in 'n swaarboomkastrol en soteer die ui tot sag en deurskynend. Voeg die kerrie poeier by en braai dit 1 minuut lank. Voeg die maalvleis by en braai dit totdat die vleis verbruin. Voeg die sout, asyn, appelkooskonfyt, appel en rosyne by. Plaas die deksel op en prut dit 10 minute lank. Week die brood in melk. Druk die melk uit en voeg die brood by die vleismengsel. Skep die vleismengsel in 'n vuurvaste oondskottel. Klits die eiers en melk saam en voeg borrie by. Druk die suurlemoen- of lourierblare in die vleismengsel en giet die eiermengsel bo-oor . Bak dit 40 minute lank in 'n voor verhitte oond teen 180C totdat die vla gestol het.

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons Blrkas van Afrikaanse Volksmusiek

SEGELIED (Aan ons Afrikanervolk opgedra)

Woorde: A.B. WESSELS
Musiek: STEPHEN H. EYSSEN, 1914

Oor die donkerblou hemel, dryf daar vlugtige wolke,
alles omwelwend skeppend 'n sterrelose nag.
Swaarder druk op my harte--twyfelmoedig gedagte,
verdowend my hope op die langverwagte dag.

Klagend huil deur die bome, weemoedwekkende winde,
snydend my siele maar waai die onheilswolke heen.
Vrolik kondig die Ooste, "Nuw' dag is gebore!"
Verdwyn dan gure wolke met u droewig' druipend ren!

Lank was die stryd vir lout're bestaan;
bitter die angs dat alles vergaan;
maar uit die dode ongemerk,
groei 'n volksgees vurig en sterk;
en sterker sal hy lewe
en geen vyand hom weerstrewe.
Vryheid en reg sal segevier.

Di lied is die eerste sangstuk in Afrikaans.
 

Dit en dat....

Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis
(Die Danville Hulpgroep) ( Die Kleuterskool )

 
 
 

 
Potjiekoskompetisies, rels en beoordeling! Klik hier!  

 
Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy:
Webmeesters, verdien 'n inkomste met jou weberf!
Webmeesters, klik hier!