Die Peter-jasie Patriot

 

Nommer 52

'n Passie vir Afrikaans

21 Oktober 2004

Wees gegroet!

Ek wil nou probeer om van my langspeelplate op CD te kry. Op advies van Kalie  en Wia in Pretoria het ek die sagteware aangekoop, die kabel laat maak wat my platespeler se versterker met die komper koppel en die ding werk nogal heel maklik en vinnig.  Kry nog net bietjie geraas by die musiek, maar Kalie reken dis net 'n paar verstellings. Sal maar daar 'n draai moet gaan maak sodat hy my kan wys watse "verstellings" om te maak! Is daar enigiemand anders wat ook plate na CD kan skryf? Of iemand wat sou belangstel om dit gedoen te kry?

Ons was toe vir 'n week Umhlanga toe en ook by die nuwe uShaka Marine World in Durban 'n draai gaan maak. Die akwarium is nogal heel interessant, klik hier om van my fotos te sien.

Ek het 'n baie goeie eBoek (in Engels) oor hoe om 'n besigheid op die Internet te bedryf, propvol idees en wenke. Ek stuur dit met plesier, stuur my net ePos en maak die onderwerp eBoek. 

Ek sien 'n hele paar mense het van my voorstel gebruik gemaak en 'n aanlyn kwotasie gekry by Dial Direct vir hulle kort termyn versekering. Ek betaal nou 'n hele R500 per maand minder! Klik hier om jou blitsvinnige kwotasie te kry.

Hier is nog een van Minettee Brink se artikels, lees en geniet en as julle daarvan hou, stuur vir Minette ePos en laat haar weet!

Verkeer
deur Minette Brink

EN vandag n baie spesiale woordjie van dank aan die spietkop wat nou die dag geskitter het in sy afwesigheid en daardeur kwaaivriendskappe in die Erosverkeer tot stand gebring het.
Ja, dit was koud en dit kan nie die mees verbysterende aangename werk wees om van 7 uur soggens vir n volle 15 minute die gapende ouers en kinders jy-mag-ry-hey-jy-moet-bly-tekens te gee nie.
Maar ons het jou nodig, meneer, want ons kan nie vir onsself dink op die pad nie.
Dis n wreldbekende feit dat Namibirs nie die mees geduldige padgebruikers is nie. Min indien enige van hulle weet van vleg. Dis nou wanneer jy die grootsheid van gees en welwillendheid het om sowaar toe te laat dat die ander ou eerste ry of s maar na n rugbywedstryd, met die strome karre uit alle windrigtings, BEURTE MAAK om te ry.
Maar hoekom sal ons dit nou wil doen? Dit sal beslis blywende skade aan die opgeblase egos rig indien plaaslike motoriste nie op die ou voor hulle se agterente kan ry nie, verskeie vingertekens en handgebare as maatrel vir uitstekende bestuursvernuf mag beskou nie en nie meer eerste kan wees nie. Hoe uiters belaglik.
Maar terug by oom Spietkop voor die Eros Laerskool. Laasweek moes tweehonderd werkers beslis afdanking in die gesig staar omdat hulle n halfdag laat was vir werk. En dit oor die oom se afwesigheid en die onvermo omja, reg geraai, te vleg.
En dit bring my by die volgende teikens van my argwaan. Hoe dink jy, tannie met die reuse kar, moet die res van ons verby jou hengse agterent (jou motor snvoor ek weer gedagvaar word) wanneer jy halfpad in die middel van die DUBBELBAAN-inrit by die skool stilhou om jou spruitjie af te laai? Sodat die verkeer van die skoolhek af so begin ophoop dat mense tot in Okahandja en Rehoboth tot stilstand gedwing word. Maak dit werklik vir jou sin?
En oom met die intimiderende bakkie, jy spin so mooi op die klippertjies op die parkeerarea, maar kyk tog volgende keer in die truspieltjie na die getjipte ruite en die gewonde kinders wat in jou stofwolk agterbly.
Gelukkig is hier n Reikiman oppad Windhoek toe en soos ek van di bedryf gelees en gehoor het, is hy ast ware n spietkop vir die psige. Miskien is dit wat ek kort, om net weer die aanwysers hier binnekant raak te sien. Want dit wil my voorkom of ek besig is om oud te word, geestelik meer as fisies. Vergeet van die ses (ek het hulle self getel) grys hare wat my verlede week in die spiel verblind het, vergeet van die plooie om die oge en die mond. Dis die nie-meer-lus-nie van die gees wat my bang maak. Waar is die dae wat ons in die kar gespring het om voor die son by Swakop te wees. Om net tot daar te ry, te sug oor die mooi en dan terug te ry. Deesdae moet ons in diepte beplanning doen net om Avisdam toe te gaan. Oor en weer kuiers is uit as die pl verder as 5 kilometer van my huis af bly. Slegtigheid, niks anders nie.
En toe, asof iemand ons treurmare vir n slag as n saak van diepe erns besef het, kom sing Rodrigues vir ons op Otjiwarongo. Maar dis n storie vir n ander dag. Sal die spietkop mre op sy pos wees? Maak dit regtig nog saak?
Ek wonder...
 

Skakels

Peter-jasie

Boererate

Aardklop

Stormpies

Danville Hulpgroep

Boeremusiek

Nianell

Musiek

Wat van 'n lekker koppie boeretroos!

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

 

'n Tikkie Humor

Met verskoning aan die blonde lesers:

Hoekom staan 17 blondes buite die kroeg en wag ?
Want hulle moet 18 wees om in te kan gaan.

Hoekom gooi die blond krummels in die toilet ?
Voer die Toilet Duck.

Hoekom maak die blond net een skoenveter vas ?
Want op die skoen staan "Taiwan".

Hoekom staar die blond vasgenael na die resepteboek ?
Die resep se: "Moenie roer nie".

Hoekom hou die blond lee bottels in die yskas ?
Dis vir vriende wat nie drink nie.

Nog Skakels

RSG

Kyknet

Eg Afrikaans

Die Knoop

Wat kyk jy

Wenke wat Werk

Minette Brink

Wegbreek

Geldmaak op die Internet?? Virseker!

Ek het nou 'n splinternuwe "eBiz" gedeelte op my webwerf. Hier is van alles en nogwat oor besigheid bedryf op die internet en internet bemarking, spesifiek gemik op werk van die huis af. Klik hier en kom maak 'n draai. Ek het uiteindelik besluit om die afdeling in Engels te doen aangesien Intenet besigheid en bemarking internasionaal bedryf kan word en baie mense nie Afrikaans magtig is nie.

 

Die Resep

Hier is nog een van die lipleklekker resepte in Anna Eksteen se resepte eBoek. Klik gerus hier om meer van die eBoeke te lees. 'n Resepte eBoek maak die ideale geskenk, geen posgeld om dit na daardie spesiale persoon selfs in 'n ander land te stuur nie, stuur net per ePos!  

SUIKERMIELIEPASTEI MET KAAS

250ml warm melk                           60g sagtebroodkrummels
50ml botter                                    sout
peper                                             5ml mosterdpoeier
knippie rooipeper                            1 blik geroomde suikermielies
100g cheddarkaas, gerasper           3 ekstra groot eiers, geskei

Voorverhit die oond tot 180C. Spuit n 24cm oondbak met kleefwerende middel. Giet die warm melk oor die broodkrummels. Voeg die botter by en geur met sout, peper, mosterdpoeier en rooipeper. Voeg die suikermielies en kaas by en meng. Voeg ook die eiergele by. Klits die eierwitte tot dit sagte punte vorm en vou by die mengsel in. Giet in die voorbereide oondbak, plaas in n groter oondvaste bak wat halfvol gevul is met kookwater en bak 40-60 minute lank of tot die mengsel gestol en effens bruin is van bo. Dien dadelik op saam met slaai.  
 

 

Boeremusiekdagboek

6 November: Ermelo, Stigting van Mpumalangatak
kontak: Sakkie du Plessis: 082 805 5820 of vir akkommodasie: die Plaasoord: tel en faks: 017 811 4216
20 November: Vaaldriehoek funksie in Sasolburg. Sasolburg klubsaal - begin om 10:00.
Vrystaat: Boeremusiekdag later in die jaar by die kampeerterrein Kroon Park langs die rivier in Kroonstad maar die datum in nie bevestig nie.
31 Desember 2004: 'n Deurnagdans word beplan vir 31 Desember 2004.
Vir alle Boeremusiek aangeleenthede kontak Kalie by: 0825788907
 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!  


Knoffelasem
-  Voeg by 'n kwart glasie melk 'n halwe teelepel vanielje essens, verhit so effens in die mikrogolfoond en drink dit. 

Klik hier vir nog meer Boererate

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons Blrkas van Afrikaanse Volksmusiek

SIEMBAMBA

Woorde: Tradisioneel en C.J. LANGENHOVEN: Vers 1, 2, 3, 4, 5
Musiek: S.A. Volkswysie; verwerk: H. PIETER VAN DER WESTHUIZEN, 1978

[Tradisioneel]

Siembamba, mama se kindjie,
Siembamba, mama se kindjie
--draai sy nek om, gooi hom in die sloot;
trap op sy kop dan is hy dood.

[C.J. Langenhoven]

Siembamba, ek is 'n baba,
Siembamba, ek is 'n baba
--pas my veilig op in die nood,
sus my liefies op die skoot.

Siembamba, ek is 'n seuntjie,
Siembamba, ek is 'n seuntjie
maar jy sal sien ek is net nou groot;
slaan maar orige krels dood.

Siembamba, ek is 'n jonkman,
Siembamba, ek is 'n jonkman
--tel my nou maar af van die skoot;
ek slaan self die krels dood.

Siembamba, ek is getroud nou,
Siembamba, ek is getroud nou
--maar sy dink ek is nog op die skoot,
wil nie glo nie ek is groot.

Siembamba, almal babas.
Siembamba, almal babas
--al die mans is danig groot--
almal babas tot hul dood. 
 

Dit en dat....

Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis asook in Wolmer en die Andeon plotte! Indien enigsins moontlik, verleen asseblief hulp, hulle sal dit vreeslik waardeer!
(Die Danville Hulpgroep)

 
 
 

 
Potjiekoskompetisies, rels en beoordeling! Klik hier!  

 
Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: