Die Peter-jasie Patriot

 

Nommer 54

'n Passie vir Afrikaans

19 Nov 2004

Wees gegroet!

Die Desembervakansie en Kersfees kom al nader. Ek sou wat wou gee om 'n koue, wit kersfees te ervaar. Wonder wat is die kanse dat dit in die Kruger Nasionale Park op Kersdag sal sneeu?? Almal s ek is skoon gek om oor Kersfees Kruger toe te gaan. Ons was twee jaar gelede daar en het 4 wonderlike koel dae in die middel van Desember ervaar! Lekker bewolk met nou en dan 'n paar druppels om dinge nog verder af te koel.  Wonder of ons weer so gelukkig gaan wees! Ons het al 'n roetine uitgewerk, as die hekke in die oggend oopmaak is ons uit en so 10 uur terug om af te koel in die rondawel. Dan weer so 4 uur se kant uit en terug net voor die hekke sluit. dan lekker vleisie braai, fotos aflaai op die skootrekenaar en batterye laai vir die volgende dag se fotos! Lekkerrrrrrrrrrrrrr!


Ek het 'n swetterjoel vriende oorsee en om net kerskaarte te stuur byt al aan my sak. Toe kom ek op die volgende af. J3V.  Jy koop vir $5 advertensie ruimte vir wat ookal jy op die internet wil adverteer. Maar dis 'n bysaak. Die eintlike ding is dat jou $5 in 'n siklus roteer en vermeerder. So die $5  hou aan groei en groei. Is dit nou die ideale geskenk of wat? Geen posgeld te betaal en kos net $5. Klik hier vir meer inligting.  


Wie van julle het van die regte ou buite broodoonde? Ek het verlede jaar ny oorlede Danie Smuts gaan kuier en sy oond gesien. Ek laat toe vir my 'n oonddeur maak maar kom nooit sover on 'n oond te bou nie en gee toe die deur vir danie van Egafrikaans. So as daar nog van julle is wat broodoonde het, vertel daarvan, met 'n foto indien moontlik. Deel sommer julle gunsteling broodresep ook!


Die feit dat ek enigsins resepte op my webblad het is te danke aan die Elephant Stew resep wat ek heel eerste opgesit het as 'n grap. Dit het die lesers se verbeelging aangegryp en dit het nou al 'n ellelange resep geword soos almal iets bylas. Gaan kyk gerus.

Dit bring my by die artike hieronder geskryf deur Frik Lombaard:

Die Olifant as ete

In my soeke het ek afgekom op n boek geskryf deur Alexis Soyer (1809 1859). In hierdie boek beskryf hy nogal in redelike detail die oorsprong van kos en hy gee ook n paar resepte van hoe om sekere soorte voedsels gaar te maak. Graag sou ek van die resepte wou weergee maar die kruie en speserye wat hulle gebruik is onbekend en sal nie eintelik sin maak nie.
Die Amerikaners en veral die van Texas af is geneig om te dink dat alles groter en beter is by hulle. In die boek van Alexis Soyer word iets beskryf wat groter en beter is hier in Suid Afrika en dit is die gaarmaak van olifante. Die volgende beskrywing sal ek probeer vertaal in my beste Afrikaans.
Sekere nomadiese volke van Asia en Afrika word geglo om versot te wees op gebraaide olifante. Die Egiptenare het sover gegaan om hierdie delikatesse in die hande te kry dat Koning Ptolemy Philadelphus hulle verbied het deur streng wetgewing om olifante te jag. Dit het hulle egter nie afgesit nie. Al wat die wet veroorsaak het was dat die olifant se vleis nog n groter aantrekkingskrag vir hulle gehad het.
In sekere barbaarse volke het hierdie smaak ook byval gevind. Le Valliant, n gesoute reisiger vertel die eerste keer toe hy die eerste keer n Olifant se slurp ge-eet het wat deur die Hottentotte aan hom voorgesit is. Hy het besluit dat dit nie die laaste keer is wat hy die vleis gaan eet nie aangesien dit die mees eksotiese smaak is. Sy voorliefde is egter vir die voet van die Olifant.
Le Valliant skryf soos volg:
Hulle sny die vier voete van die Olifant af. Daarna het hulle n gat in die grond gemaak van ongeveer 3 vierkante voet. Hierdie gat is gevul met houtskool en bo die houtskool is dro hout gesit. Die vuur was heelaand aan die gang gehou. Wanneer die Hottentotte gedink het dat die gat warm genoeg is gedurende die nag, het hulle die gat leeg gemaak. Binne in die gat is die vier pote van die Olifant gesit. Die gat is gevul met warm as, houtskool en dro takke. Die vuur is aan die gang gehou tot die volgende oggend.
Hier skryf Le Valliant dat hy die volgende oggend deur sy bediendes bedien met vleis. Hy gaan aan om te beskryf dat nadat hy die reuk gekry het hy nie vinnig genoeg die vleis proe nie. Sy slot opmerking is dat hy nie kon verstaan dat n dier so groot en lomp, so n delikate en fyn voortbring nie. Hy noem ook dat die Hottentotte die ander dele van die dier ook gaargemaak en ge-eet het.
Dit is seker nie baie van ons se wens om gebraaide Olifant voet te eet nie. Maar dit is seker n ondervinding wat nie baie gou vergeet sal word nie. Soos op die afgelope ATKV se kongres is daar n krokodil gebraai. Hulle se nie hoe dit geproe het nie. Miskien sal ek eendag waagmoed kry om Olifant of Krokodil te eet. Miskien sal daardie moed kom wanneer ek n bietjie baie van Noag sy wyn in het.


Gee vir jouself die beste Kersgeskenk! Jy verdien dit!
Klik om aansoek te doen


Meeste van ons gaan dalk een van die dae inpak om bietjie weg te gaan en 'n blaaskans ta gaan geniet, hier is 'n paar items wat jy nie moet vergeet nie!

Tandestokkie, Rekkie, Hegpleister, Potlood, Uitver, Kougom, Peperment, Soetigheidjie, Teesakkie.

Om wat mee te maak?

TANDESTOKKIE
Om die goeie eienskappe van ander vir jouself uit te haal!

REKKIE
Om jou te herinner om buigsaam te wees, alles werk nie altyd uit soos jy dit wil h nie, maar God het dit dalk anders beskik!.

HEGPLEISTER
Dalk het jy iemand seergemaak. Jy moet iets doen en gee om die wonde te heel!

POTLOOD
Om elke dag jou seninge mee aan te teken!

UITVER
Om jou te herinner dat enigiemand 'n fout kan maak mee uit te vee
Jy ook!

KOUGOM
Om jou te herinner om vas te byt
Het jy dan nie vir God aan jou kant nie?

PEPERMENT
Om jou te herinner dat alles wat jy s, 'n aangename geur moet h!

'n SOETIGHEIDJIE
Onthou, elke mens het elke dag so 'n lekseltjie aanmoediging nodig. As jy dit nie kry nie, lees gerus God se Woord!

TEESAKKIE
Om jou te herinner om aan die einde van jou werkdag te ontspan en aan al jou seninge te dink!


Dis regtig nie nodig om onnodig baie vir huis en motor assuransie te betaal nie, verminder jou maandelikse premie drasties, klik hier vir 'n kwotasie en oortuig jouself!  Ek betaal nou oor die R400 'n maand minder.

Skakels

Peter-jasie

Boererate

Aardklop

Stormpies

Danville Hulpgroep

Boeremusiek

Nianell

Musiek

Wat van 'n lekker koppie boeretroos!

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

 

'n Tikkie Humor


" Ek sit nou so lekker ek staan sommer op en sit weer . "

" Hys so skeel - hy kan deur n opgerolde tuinslang kyk. "

"Hyt n skerp gesig soos n resies-snoek."

" As iemand jou laat eerste loop en s: "Age before beauty" dan antwoord jy ... "bollie" val agter die koei".

" Ek gan jou klap dat jy lus kry vir niks. "

" Skurwe hakke soos n vleipatat. "

"In die yskas sien ek nie n six-pack nie, net n emosionele ondersteunersgroep."

"Moet nooit n man met n bril slaan nie... moer hom metn krieketkolf."

"Vandag is die more waaroor jy gister bekommerd was!"

"Die mense wat dink hulle weet alles maak die van ons wat alles weet die bliksem in!"

"n Gevolgtrekking is die punt waar jy moeg raak vir dink."


Oom Frik en Tannie Sarie, wat hulle hele lewe lank geboer het, trek na 'n meenthuisie in die stad. Dis nou, nadat hulle alles verkoop het - plaas, trekkers, bakkies, ve, sommer die hele spul, lock, stock & barrel.
Na 'n maand in die stad, s Tannie Sarie vir Oom Frik: "Ag nee wat, ou Frik. Ek dink ons moet vir ons 'n klein motortjie koop. Ons kan nie net hier sit nie! Ons moet darem kan rond ry en plekke sien!"
Oom Frik was 'n groot Ford fan, en hy maak toe die koerant oop by die motor classifieds. Hy lees "Escort Agency" en skakel sommer dadelik die nommer..
Oom Frik: "Dags dame. Het julle enige Escorts en hoeveel kos hulle..?"
Dame: "Ja Meneer ons het. Hulle wissel tussen so R 200 en R 250."
Oom Frik: "Liewe DONNER my meisie! Wie het hulle so in hulle MOER in gery!?"

Nog Skakels

RSG

Kyknet

Eg Afrikaans

Die Knoop

Wat kyk jy

Wenke wat Werk

Minette Brink

Wegbreek

Geldmaak op die Internet?? Hier is geleenthede wat WERK!

Ek het nou 'n splinternuwe "eBiz" gedeelte op my webwerf. Hier is van alles en nogwat oor besigheid bedryf op die internet en internet bemarking, spesifiek gemik op werk van die huis af. Klik hier en kom maak 'n draai. Ek het uiteindelik besluit om die afdeling in Engels te doen aangesien Internet besigheid en bemarking internasionaal bedryf kan word en baie mense nie Afrikaans magtig is nie. Stuur vir my ePos en vra vir 'n gratis eBoek propvol wenke oor internet bemarking.

 

Die Resep

Ek was nou die dag lus vir vrugtekoek en binne 'n japtrap het ek 'n snytjie saam met my tee! Probeer dit gerus, dis njammies lekker!  

Blitsvinnige Vrugtekoek

2 pakkies Marie beskuitjies (grof gebreek)
2 eiers
1 koppie (250ml) sagte bruin suiker
1 koppie (250ml) botter of margarien (verkieslik botter)
3 koppies (750ml) gedroogde vrugtemengsel (fruit mix)
75g glanskersies
2 sopies brandewyn of sjerrie

Smelt botter en suiker, moenie kook nie. Voeg vrugte by en kook vir 3 minute. Voeg geklitste eiers by. Roer vinnig na elke byvoegsel en kook vir nog 2 minute. Voeg Marie beskuitjies, kersies, brandewayn of sjerrie by en roer goed. Roer goed tot alles goed gemeng is. Plaas in gesmeerde broodpannetjie wat uitgevoer is met waspapier wat ook gesmeer is. Druk mengsel stewig vas en laat afkoel.Keer uit en strooi met versiersuiker voor bediening.

 

 

Boeremusiekdagboek

20 November 2004 - Boeremusiekgilde, Witwatersrandtak
Jaareindfunksie by Birchleigh Horskool
Adres: H/V Maroelastraat en Olienhoutlaan, Birchleigh
Vanaf 11h00 tot 22h00
Toegang: R10.00 volwassenes
R5.00 vir kinders onder 13 jaar
Worsbroodjies en slap "chips" sal te koop aangebied word.
Snoepie sal beskikbaar wees

Big screen rugby, SA vs Engeland

Kontakpersone: Sarie van den Heever by (011) 396 1999 of Willie Mynhardt by 083 704 8655.

Vrystaat: Boeremusiekdag later in die jaar by die kampeerterrein Kroon Park langs die rivier in Kroonstad maar die datum in nie bevestig nie.
31 Desember 2004: 'n Deurnagdans word beplan vir 31 Desember 2004.

Vir alle Boeremusiek aangeleenthede kontak Kalie by: 0825788907

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!  


Vir bloedklonte: 'n KLEIN bietjie cinnamon (pypkaneel) in warm water elke dag werk wonders. Cinnamon is soos die natuur se disprin. Dit verdun die bloed.

Klik hier vir nog meer Boererate

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons Blrkas van Afrikaanse Volksmusiek

HOE RY DIE BOERE?

Woorde: Tradisioneel
Musiek: S.A. Volkswysie; verwerk: PIERRE MALAN

Hoe ry die Boere? Sit, sit, so! Sit, sit, so! Sit, sit, so!
Hoe ry die Boere? Sit, sit, so! Sit, sit, so! Hoera!
Die Kaapse nooi s: Ting-e-ling-e-ling! Ting-e-ling-e-ling, hoera!
Die Kaapse nooi s: Ting-e-ling-e-ling! Ting-e-ling-e-ling, hoera!
Hoe ry die Boere? Sit, sit, so! Sit, sit, so! Sit, sit, so!
Hoe ry die Boere? Sit, sit, so! Sit, sit, so! Hoera!

Hoe fluit die Boere? Fluit, fluit, so! Fluit, fluit, so! Fluit, fluit so!
Hoe fluit die Boere? Fluit, fluit, so! Fluit, fluit, so! [fluit die note]
Die Kaapse nooi s: [fluit die note] hoera!
Die Kaapse nooi s: [fluit die note] hoera!
Hoe fluit die Boere? Fluit, fluit, so! Fluit, fluit, so! Fluit, fluit so!
Hoe fluit die Boere? Fluit, fluit, so! Fluit, fluit, so! [fluit die note]

Hoe dans die Boere? Polkadraai! Tiekiedraai! Tiekiedraai!
Hoe dans die Boere? Polkadraai! Tiekiedraai, ou perd!
Die Kaapse nooi s: Ting-e-ling-e-ling! Ting-e-ling-e-ling, ou haan!
Die Kaapse nooi s: Ting-e-ling-e-ling! Ting-e-ling-e-ling, ou haan!
Hoe dans die Boere? Polkadraai! Tiekiedraai! Tiekiedraai!
Hoe dans die Boere? Polkadraai! Tiekiedraai, ou perd!

Hoe skiet die Boere? Boem, boem, boem! Boem, Boem, boem! Boem, boem, boem!
Hoe skiet die Boere? Boem, boem, boem! Boem, Boem, boem! Dis raak!
Die Kaapse nooi s: Skiet nog een! Skiet nog een! Skiet raak!
Die Kaapse nooi s: Skiet nog een! Skiet nog een! Skiet raak!
Hoe skiet die Boere? Boem, boem, boem! Boem, Boem, boem! Boem, boem, boem!
Hoe skiet die Boere? Boem, boem, boem! Boem, Boem, boem! Dis raak!

Die teks is versorg deur F.J. Weideman; dit is saamgestel uit verskillende variante wat bestaan vir di volksliedjie.
 

Dit en dat....

Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis asook in Wolmer en die Andeon plotte! Indien enigsins moontlik, verleen asseblief hulp, hulle sal dit vreeslik waardeer!
(Die Danville Hulpgroep)

 
 
 

 
Potjiekoskompetisies, rels en beoordeling! Klik hier!  

 
Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: