Die Peter-jasie Patriot

 

Nommer 58

'n Passie vir Afrikaans

21 Januarie 05

Wees gegroet!

Welkom alle nuwe intekenare! Spesiale welkom vir  Suzette in Auckland en Ansie in Wellington (Kaap)

Die jaar stoom voort soos 'n stoomtrein, die verkeer is terug na normaal, die kinners (die anner mense s'n) is terug skooltoe so ons het die gym weer vir onsself in die oggende! Verder is alles nog dieselle in 2005! Ons is besig om die GROOT REIS te beplan. Ons wil 'n draai gaan maak by soveel van my internet pêlle as moontlik, sover is die roete Tulsa (Oklahoma), Humble (Texas), Fairbanks (Alaska), North Pole (Alaska) en Vancouver (Kanada). Die oorspronklike plan was om 'n Wit Kersfees in North Pole te gaan beleef maar aangesien alle toeriste bedrywighede as gevolg van die sneeu daardie tyd toemaak, het ons op Mei 2006 besluit. Byt maar vas, julle sal nog baie van die REIS hoor!

Ek is nog steeds met my Boererate projek besig. Ek is besig om 'n eBoek saam te stel oor Boererate en Tuiswenke. Dit vorder al heel goed maar sal nog 'n rukkie neem! As enigiemand enige Boererate vir my het, stuur asseblief! As jy meer as 10 stuur kry jy 'n eksemplaar van die boek sodra dit gereed is.

En ek soek idees vir die nuusbrief! Ek het nou al 'n artikel, resep, boereraat, Afrikaans lied se woorde, 'n grap en nog wat. Nou wat kan ek nog bysit? Enige idees? Laat my weet asb!

Na 'n redelike lang afwesigheid kruip my gunstelong joernalis Minette Brink weer uit die gras en stuur my 'n paar artikels, die eerste een is hieronder. Laat haar tog weet as julle van haar artikel hou. Dalk stuur sy nog!

Ampie
deur Minette Brink

En daar verdwaal sy in die groot stad van Centurion. Nie op straat nie, sommer netso in die Mall.
Nie ʼn baie aangename ervaring nie, synde ek vir jare in die Jakarandastad (deesdae bekend as Tswane) en in Egoli rondgerits het sonder om een keer die pad byster te raak.
Dis ongelooflik hoe vinnig ʼn mens verval in die rustige en landelike bestaan van Windhoek. Straatgewys, maar hoofsaaklik kopsgewys.
Op die lughawe in Johannesburg aangekom, moes ek klaar die onheil kon ruik. Amper twee ure net om die gebou te kan verlaat en daarna die malle verkeer op die ineengevlegte stukke hoofweë en snelweë en allerweë.
Ek is uitasem toe suster in Centurion voor haar huisie stilhou, maar ook diep beïndruk dat sy so kalm is met nie ʼn druppeltjie angssweet op die voorhoof nie.
“Hoekom is Ma se oë so groot,” wil my kind weet, maar Ma se stem is weg.
Die volgende dag moet ons nog laaste Kersinkopies gaan doen en dis hier waar ek toe ʼn sielkundige knou (ok, nog een) kry.
My en Ilana se paaie moet noodgedwonge in die Mall skei, want ek wil haar present gaan koop wat sy natuurlik nie mag sien nie.
Sy moes die intense verwarring bespeur en span ʼn kalmerende stemtoon in.
“Fokus, fokus. Sien jy die winkel? Dis Dischem. Dis ʼn apteek. Af met die roltrappe, eerste stegie links, hou net aan en aan, aan linkerkant is die Body Shop en Exclusive Books. Volg net dieselfde paadjie terug. Ons kry jou oor ʼn halfuur weer hier. Dischem, die a-p-t-e-e-k, onthou.” En daar gaat sy met ʼn kind aan elke hand.
Mense, mense en nogmaals mense. Dis klosterfoubia in die ergste graad en ek klou aan die roltrapreëling soos ‘n drenkeling aan ʼn flertsie dryfhout.
Toe mense, baie mense, agter my begin mor en ophoop, moet ek noodgedwonge my vingers van die trapreëling losskeur en links hou, links hou. Aan en aan en aan, mense wat druk en stamp en stoot en skuur en nie een wat agterkom dat ek besig is om te versmoor nie.
Ek glip by Vodacom in. “Starterpack,” hyg ek.
R40, sê die verkoopspersoon glad. “Heh?” sê ek. “Starterpack, asseblief.”
“R40, dankie,” sê die persoon.
“Uh, ek bedoel, ʼn starterpack vir my foon. Ek is van Namibië en ek het nie roaming nie. Ek soek ʼn SA-nommer vir my tydjie hier.”
Verkoopspersoon kyk my lank en deurdringend aan, asof ek moontlik ʼn oordraagbare geestesverstuiering van die woestyn ingebring het. Dan probeer ons weer.
“R40.”
“Dis onmoontlik,” sê ek met oortuiging.
“Nou hoeveel wil jy graag vir die starterpack betaal,” vra sy/hy liefies.
En dan kliek ek uiteindelik. Dis inderdaad ʼn ander planeet hierdie met ander mense, ander waardes.
Alles kos nie orals Namibies nie. En ek voel soos Ampie wat vir die eerste keer affie plaas kom kuier.
Kop onderstebo loop en tik ek die nuwe nommers in, opgeslurp deur die mensemalery.
Soos ʼn karakter in ʼn Gary Larsen-tekenprent kyk sy op en besef dit is nie waar sy moet wees nie.
Onbekende winkel op winkel op restaurant op stalletjie op straatkunstenaar op geraas op chaos.
My kop voel of dit gaan bars, asof almal om my al vinniger nader kom.
Drie dae later kry ek Die Roltrap. En my suster. “Jy was lank weg,” sê sy.
“Jy het geen idee nie,” sug ek.


Koop jy nou en dan 'n Lotto kaartjie? 'n Gelukkige ou in Engeland het Woensdag meer as £14 miljoen op hulle Lotto gewen. En dis nog niks, komende Saterdag is die boerpot £15,000,000 (naastenby R150 miljoen!). Mens kan darem baie swieties daarmee koop. Dis maklik om 'n kaartjie te bekom,
klik net hier en vat 'n kans! (Dis vinnig en veilig) Onthou waar jy die wenk gekry het as jy wen!  


Ons spandeer almal teveel oor die vakansietyd en alles word ook duurder in die nuwe jaar.  Verlig die las deur jou kort termyn versekeringspremies te verminder, vir gratis aanlyn kwotasie, klik hier!


Is skool onkostes 'n kopseer? Doen aanlyn aansoek vir 'n Barclaycard en betaal oor 'n jaar af! Doen dieselle volgende jaar!

Skakels

Peter-jasie

Boererate

Aardklop

Stormpies

Danville Hulpgroep

Boeremusiek

Nianell

Musiek

Wat van 'n lekker koppie boeretroos!

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

 

'n Tikkie Humor


Die vrou kom op die man af waar hy vlieë in die kombuis doodslaan.

"Ek het al vyf doodgeslaan" sê hy, "drie mannetjies en twee wyfies"

"Nou hoe weet jy?" vra die vrou.

"Wel, drie was op 'n bierblik en twee was op die telefoon!"

Nog Skakels

RSG

Kyknet

Eg Afrikaans

Die Knoop

Wat kyk jy

Wenke wat Werk

Minette Brink

Wegbreek

Die Resep

Ek kry op 'n dag 'n ePos van ene Dirk Rupping wat inligting soek vir 'n boek waarmee hy besig is. Maar laat Dirk self verder vertel:

Die boek is gerig op die allerdaagse Suid Afrikaanse pa wat 'n belangstelling het in kosmaak en ook lekker kan ontspan. Die boek is getiteld "Bak en Brou deur Pa". Die boek het 'n "operating instruction" en moet slaafs nagevolg word. Hoe die boek gebruik gaan word is egter 'n geheim en om oor uit te sien. Ek oorweeg ook dat daar 10 borge vir die boek verkry word. Elke borg sal dan 'n volledige bladsy borg en al die resepte in die boek sal gebruik maak van die spesifieke produk wat op die bladsy geborg word (indien dit in die resep voorkom). Die boek gaan relatief goedkoop wees met 'n groterige hoeveelheid wat aanvanklik gedruk gaan word. Dit gaan nie deur 'n uitgewer uitgegee word nie en die bemarking gaan ek doen deur in verskillende areas te konsentreer, (kerke, skole ens) wat dan ook op die manier 'n inkomste kan kry. 'n Bemarkingsplan wat my prof. baie opgewonde sou gemaak het. As ek genoeg borge die jaar kry, sal die boek hopenlik nog in 2005 of vroeg 2006 die lig sien.

En wil dan graag 'n resep, en regtig die beste hoenderpot in die wereld vir jou stuur wat in my boek voorkom. Jy kan dit publiseer in jou nuusbrief as jy wil, want dit is regtig om aan te beveel.

Die pot se naam is:

 

"Pa se Rooooi Hoenderpotjie"

Bestanddele
Gebruik 'n nomber 3 Potjie.

1 Kg hoender (Gemiddelde gewig van ‘n normale hoender).
Fyn Sout
Growwe Swart Peper
Koekmeel om stukkies in te rol.
Uie fyn gekap(2 middelslag)
Kook rys apart tot gaar.
Gemmer en Knoffel (Fyngemaak). (2 Teelepels). Polo Kwane handelmerk

Bestanddele vir die Sous

Tamatiesous(300ml) Koo Handelmerk
Blatjang(50ml)Wellington Handelmerk
Worchestersous(20ml)Mrs.Balls Handelmerk
Tabascosous(2ml)
Asyn(50ml)
Suiker(50ml)
Mostertpoeier(5ml)
Paprika(15ml) Robertson Handelmerk
Water(125ml)

(Voeg alles bymekaar is 'n bottel (1 liter plasties Coke bottel) en meng goed deur die bottel te skud.

Metode
Stap 1.Maak jou pot warm en gooi jou botter (egte) by (20ml).
Stap 2. Braai die fyngekapte uie en Gemmer/Knoffel (2 teelepels) tot die geur uitkom.
Stap 3. Neem die hoender porsies en strooi individueel een vir een met fyn sout en peper.
Stap 4. Nadat die gedoen is doop die hoender porsies in die koekmeel en voeg in die pot.
Stap 5. Roer totdat die hoender porsies goed met die uie en olie bedek is vir so 10 minute met die deksel oop. Gebruik 'n houtlepel. (Die reuk sal jou nou al reeds honger maak .

Van nou af roer jy nie weer jou pot totdat jy opskep nie.

Stap 6. Gooi nou jou sous soos bo saamgestel in en laat jou pot stadig loop. (Borrel liggies regdeur). Kyk gereeld na die pot vir 15 minute.
Stap 7. Voeg nou jou groente in lae in die volgende volgorde. 10 klein Aartappels, 10 jong wortels, 10 klein tipe pampoentjies,
Stap 11. Een pakkie "button" sampioene na smaak vir die laaste 45 minute
Stap 12. Voeg klaargekookte rys by so 10 minute voor opskep, en laat die sous deurkook.

Die pot loop so 2 1/2 uur.

Stap 13. Kry vroulief om die aartappels te toets of dit gaar is en vra haar sommer na die sout inhoud.

Die verskillende handelsmerke wat aangetoon word werk volgens my die beste om die smaak uit te bring.

Stap 14. Skep op en geniet die Rooi Hoender.

Ek het nog nooit iemand gekry wat nie van die potjie gehou het nie. Almal maak die resep sy eie.

(Nou goed, as enigiemand die potjie probeer, laat my weet asseblief! - Peter)
 

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!

As julle weet van enige boererate, stuur asseblief vir my, ek is besig om 'n eBoek saam te stel met soveel Boererate as moontlik. Enigiemand wat my 10 rate of meer stuur, kry 'n gratis eksemplaar wanneer dit gereed is!

 


Rugpyn:  Sny al die vinger en toonnaels af, ook 'n stukkie van u hare, maar dit moet van die kroon se hare wees. Bind alles toe in 'n sakkie lap en begrawe in 'n boom wat nie vrugte dra nie. Maak die plek in die boom goed toe en die rug sal beter word!
(Seker van die oefening om in die boom te klim! - Peter)

Klik hier vir nog meer Boererate

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons Blêrkas van Afrikaanse Volksmusiek

MAAR ÉÉN SUID-AFRIKA

Woorde: A.D. KEET
Musiek: S. LE R. MARAIS

Gee my 'n roer in my regterhand;
gee my 'n bok wat vlug oor die rand,
en 'n flukse perd om hom weg te dra,
gee my, gee my Suid-Afrika.

Gee my 'n kamp waar bossies groei,
gee my 'n fraai volstruis wat broei,
en 'n boereseun wat baie wa,
gee my, gee my Suid-Afrika.

Gee my 'n koppie waarop ek staan;
gee my die Swartland met al sy graan
en nooit of te nimmer hoor jy my kla,
gee my, gee my Suid-Afrika.

Gee my 'n vlakte, ruim en wyd,
gee my die veld se oneindigheid,
en die lekker geur wat die lug daar dra;
gee my, gee my Suid-Afrika.
 

Dit en dat....

Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis asook in Wolmer en die Andeon plotte! Indien enigsins moontlik, verleen asseblief hulp, hulle sal dit vreeslik waardeer!
(Die Danville Hulpgroep)

 
 
 

 
Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: