Die Peter-jasie Patriot

 

Nommer 59

'n Passie vir Afrikaans

4 Februarie 05

Wees gegroet!

Welkom alle nuwe intekenare!

Ek is nog steeds met my Boererate projek besig. Ek is besig om 'n eBoek saam te stel oor Boererate en Tuiswenke. Dit vorder al heel goed maar sal nog 'n rukkie neem! As enigiemand enige Boererate vir my het, stuur asseblief! As jy meer as 10 stuur kry jy 'n eksemplaar van die boek sodra dit gereed is. BAIE dankie aan die van julle wat alreeds bydraes gelewer het.

Weereens met 'n ompad kom ek af op 'n artikel deur Estelle de Bruyn, een van daardie telentvolle  jong dames van NamibiŽ wat so lekker kan skryf! Dankie, Estelle vir die toestemming om dit te gebruik!. Estelle is werksaam by die Republikein, die enigste Afrikaanse Dagblad in NamibiŽ. As dit dalk vir julle bekend klink, Minette Brink, ook van die Republikein stuur ook vir my gereeld artikels. Met skrywers soos die twee wens ek amper dat ek in NamibiŽ woon sodat ek ook daagliks die koerant in die hande kan kry. Klik hier vir die Republikein se webwerf

KAKKIES EN BAKKIES 
deur Estelle de Bruyn

TOE ek vir die tweede keer so staan en skrop aan om die etiket se gom van
die smeerkaasbotteltjie te kry, skop ek myself teen die enkel, skud my kop,
loop asblik toe en gooi die botteltjie weg. Vir wat wil ek dit bÍre?
In my huis is genoeg hol-goed om alles wat ek wil uitskep en oorskep te
akkomodeer. Hoekom sal ek nou 'n simpel smeerkaasbotteltjie wil bÍre?
Dis seker maar een van daardie genetiese goed wat maak dat 'n mens 'n
opgaarder en versamelvoŽl of 'n minimalistiese net-wat-nodig is, huisvrou
is. Ek is teen my wil en my smaak, ondanks pogings tot die teendeel,
onteenseglig in die eerste kategorie.
'n Paar jaar gelede het ek met my Ma baklei oor sy in haar sewentiger jare
met 'n groot vol huis, dit steeds nie oor haar hart kry om 'n leŽ roomysbak
of margarienbakkie weg te gooi nie. "Dis so handig my kind as jy los
goedjies wil bÍre of ietsie klein wil vries," was haar verweer. Ek het my
neus opgetrek, haar buitekamer ingevaar en voor die voet weggegooi. So kan
g'n mens opgaar nie. En hier staan ek en wil sowaar 'n leŽ
kaassmeerbotteljie bÍre, "want dit kan nog handig te pas kom."
Die res van my huis is klaar 'n opgaarplek wat enige versamelvoŽl sy kop in
skaamte sal laat sak.
In die houtkissie op die buffet (die houtkissie het ek in 1992 in Luanda
gekoop) is rooibruin klippies wat ek by Saurimo opgetel het, soutkristalle
wat ek by Walvisbaai opgetel het en 'n stukkie boombas van Oak Alley
plantation in Louisiana.
In my kruierak is 'n pakkie kits aanmaak Hurricane van Pat O'Brien in New
Orleans wat uit 2000 dateer en wat lank terug al sy smaak moes verloor het,
maar wat ek doodeenvoudig nie in die asblik kan gooi nie.
In my spaarkas hang klere wat ek seker in hierdie leeftyd nooit weer sal dra
nie, maar die swart rokkie met die goue dubbelborsknope herinner aan
heerlike romantiese tye en MoŽt & Chandon nagte.
Die stukkende ivoorarmband in die juwelierskissie herinner aan 'n goeie
Capriviaanse vriend wat dit lank gelede as geskenk gegee het en beloof het
dat teen die tyd dat die armband breek, my gebroke hart weer heel sou wees.
In 'n laai kom ek op 'n hele spul aanboordstapkaartjies se afskeurstukkies
af van daardie onvergeetlike vakansie deur Europa en Amerika na Kanada.
Maak jy my breekgoedkas oop is daar ook 'n verskeidenheid oorblyfsels van ou eetstelle en teestelle. Vier van die blommetjiesborde uit my Ouma se huis;
twee blou en wit Chinese rysbakkies (waaruit die kat deesdae melk drink);
die oorblywende glasdeksel van 'n vreeslike mooi glasbak wat lank gelede
gebreek het; twee koppies en pierings met tiervelpatrone wat veronderstel
was om stuk-stuk aan te groei tot 'n eetstel, soos die begroting sou
toelaat, maar nooit gerealiseer het nie; bakkies uit MaleisiŽ wat van
kokosneutdoppe gemaak is en in my glaskas 'n enkele oorblywende antieke
Venesiese sjampanjeglas.
Teen my oorvol mure hang prentjies van La Dame a la Licorne (die dame en die narwal) wat ek destyds in die Musťe de Cluny in Parys gekoop het, 'n BreŽ en Smal weg-afdruk en 'n karton relikwieŽ replika. Daar is volstruiseierdoppe en tarentaalvere; 'n Harley Davidson vulpen wat nie meer skryf nie, maar mooi is om na te kyk en wat ek by Elsabe persent gekry het.
Ek is letterlik in die wip van my eie plesierlike genieting van tasbare
herinneringe vasgevang.
Om die rede is ek woes trots op myself dat ek sowaar daardie kaassmeerbotteljie sonder 'n derde gedagte in die asblik kon gooi. Dis ten minste 'n begin.


Hoe groot is Valentynsdag hier in Suid Afrika? Veral onder ons Afrikaners? Persoonlik dink ek dis een van daai foefies wat  die prys van rooi angeliere die hoogte in laat skiet en die blommewinkels skatryk maak in 'n dag!

Ek was werksaam by 'n onderneming met so 800 werknemers en die meisies/dames kon nie wag vir daardie oproep om na ontvangs te gaan  om 'n ruiker te gaan afhaal. As sy dan terugkeer na haar lessenaar het almal
ge-"oe" en ge-"ahh" en haar dag was gemaak!

Nou hoekom maak jy nie ook daardie spesiale persoon in jou lewe se dag nie an laat 'n bossie blomme of tjoklits by haar werk aflewer. Netflorist is net die mense om dit vir jou te doen, klik hier en plaas 'n bestelling, makliker as dit kan dit net nie wees nie!! En as daardie spesiale persoon 'n manspersoon is wat van biltong of neute of wyn? Maak daardie ou wat jy al so lank van 'n afstand bewonder gek van nuuskierigheid en stuur 'n anonieme geskenk!

Dit is veral handig om Netflorist te gebruik as jy oorsee is en daardie spesiale iemand hier in Suid Afrika is!  Komaan, die net eenkeer per jaar Valentynsdag! Valentyn wie???


Koop jy nou en dan 'n Lotto kaartjie? 'n Gelukkige ou in Engeland het Woensdag meer as £14 miljoen op hulle Lotto gewen. En dis nog niks, komende Saterdag is die boerpot £15,000,000 (naastenby R150 miljoen!). Mens kan darem baie swieties daarmee koop. Dis maklik om 'n kaartjie te bekom,
klik net hier en vat 'n kans! (Dis vinnig en veilig) Onthou waar jy die wenk gekry het as jy wen!  


Ons spandeer almal teveel oor die vakansietyd en alles word ook duurder in die nuwe jaar.  Verlig die las deur jou kort termyn versekeringspremies te verminder, vir gratis aanlyn kwotasie, klik hier!


Is skool onkostes 'n kopseer? Doen aanlyn aansoek vir 'n Barclaycard en betaal oor 'n jaar af! Doen dieselle volgende jaar!

Skakels

Peter-jasie

Boererate

Aardklop

Stormpies

Danville Hulpgroep

Boeremusiek

Nianell

Musiek

Wat van 'n lekker koppie boeretroos!

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

 

'n Tikkie Humor

Sy het so baie plooie, sy skroef haar hoed op!

Hy is so maer, hy lyk soos 'n potlood met 'n handbriek.

Ek is nou so opgewonde soos 'n budgie op steroids!

Ek was gisteraand so dronk, toe ek vanoggend wakker word hang ek oor
die stoel en my klere lÍ in die bed.

Ek is nou so lus vir 'n Rennie ek eet sommer 'n pastei.

Van sit of staan bly lÍ die lekkerste.

Hy is so kort hy weet nie of dit keelseer of aambeie is nie.

Hy is so kort hy slaan tot sy onderbroek se pype om.

Hy is so maer, as hy langs n wit muur loop lyk dit soos n kraak wat beweeg!

Ek gaan jou klap dat jy lus kry vir niks.

Ek sit nou so lekker ek staan sommer op om weer te kan sit.

Hyt 'n lang gesig soos 'n bok wat afdraand vreet.

Drank los nie probleme op nie, maar so ook nie melk of water nie.

Ek voel nou so goed, ek vul sommer die lottonommers verkeerd in.

Almal kry die voorreg om onnosel te wees, net jammer party maak
misbruik daarvan.

Ek is so de bliksem in, ek soen sommer 'n pofadder oopbek.

Arende vlieg dalk hoog, maar ons muishonde word nooit deur 'n
vliegtuig-enjin ingesuig nie.

Ek haat mense wat honde aanhou, hulle is 'n klomp sissies wat nie genoeg guts het om iemand self te byt nie.

 

Nog Skakels

RSG

Kyknet

Eg Afrikaans

Die Knoop

Wat kyk jy

Wenke wat Werk

Minette Brink

Wegbreek

Die Resep

 My vriendin, Anna Eksteen het 'n paar oulike resepte eBoeke saamgestel.
Die 5 Beste van Alle Suid Afrikaanse Resepte,
The 5 Best of All South African Dishes
,

101 Poedings vir Kersfees
en
101 Slaaie vir Kersfees
.

Hier is letterlik honderde puik resepte en wat nog meer is, daar is geen posgeld betrokke nie aangesien hulle afgelaai kan word of per ePos aangestuur kan word. Klik hier vir meer inligting
Hier volg 'n resep uit een van die boeke. Dink net, 101 poedings! Sjoe!!
Hier is een van my gunstelinge!

 

GOUE BROOD EN BOTTERPOEDING

4 koppies broodkrummels                   4 koppies melk
4 eiers, wit en geel geskei                  2 eetlepels botter
appelkooskonfyt                                 1 koppie suiker
1 teelepel kaneel                                Ĺ teelepel sout
4 eetlepels suiker

Klits die geel van eiers en voeg suiker, melk, sout en kaneel by. Gooi melkmengsel oor brood in Ďn gesmeerde vuurvaste bakskottel. Sit klein blokkies botter bo-op. Bak in Ďn matige oond (180C) tot ligbruin. Haal uit. Smeer appelkooskonfyt liggies bo-op. Klop die wit van eiers styf met 4 eetlepels suiker en smeer oor die konfyt. Bak dit weer in Ďn matige oond tot die skuim bo-op goudbruin is. Bedien warm met vla. 

 

 

Boeremusiek Dagboek

By die Voortrekker Monument:
9 April 2005
11 Junie 2005
13 Augustus 2005
10 Desember 2005


Ander byeenkomste:

5 Feb:
Witstak Jaarvergadering Plot 171 3de Laan Bredell

12 Feb:
Vaaldriehoek: dans by Club Dance Some More Vanderbijlpark
Port Elizabeth: Valentynsdans by Winterberg Laerskool in Uitenhage

19 Feb:
HoŽveld tak: Boeremusiekdag en -dans - Hein se Plaasoord Ermelo

26 Feb:
Port Elizabeth : Dans DF Malherbe hoŽrskool
Witwatersrand: Kuiersaam dag Birchleigh HoŽrskool
Vrystaat: Oesdans
Manie Erasmus: Dans by Voortrekker Monument

5 Maart:
Vaaldriehoek: Vereeniging stadsaal

12 Maart:
Port Elizabeth: Dans Rowellan Park Laerskool

26 maart:
Manie Erasmus: Dans by Voortrekker Monument

9 April
Vriende van Boeremusiek: Eerste byeenkoms by Voortrekker Monument

30 April
Manie Erasmus: Dans by Voortrekker Monument

28 Mei:
Vrystaat : Witwarm winteropskopdans
Manie Erasmus: Dans by Voortrekker Monument

11 Junie
Vriende van Boeremusiek: Voortrekker Monument heeldag boeremusiekvermaak

25 Junie en verder ook elke laaste Saterdag van die maand vir die res van die jaar!
Manie Erasmus: Dans by Voortrekker Monument

30 Julie:
Vrystaat lededag

13 Augustus:
Vriende van Boeremusiek: Boeremusiek plesier vir almal!

2 September
Vrystaat en DOZI: Boeresportdag

10 Desember
Vriende van Boeremusiek - afsluitfunksie vir 2005!

Vir meer inligting, klik hier

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!

As julle weet van enige boererate, stuur asseblief vir my, ek is besig om 'n eBoek saam te stel met soveel Boererate as moontlik. Enigiemand wat my 10 rate of meer stuur, kry 'n gratis eksemplaar wanneer dit gereed is!

 


As jy fan 'n giftige ding gebyt is:

Geef di lyder in: soet melk, olie, wilde dagga gekook, wyn en rou yers deur makaar geklits, goud gefyl en ingegť, menswater (urine) met asyn, boegoe brandewyn, 'n ou deurgerookte pypkop fyn gemaak ingegť. 
(Van nou af bly ek weg fan giftige goed af! - Peter)

Klik hier vir nog meer Boererate

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons BlÍrkas van Afrikaanse Volksmusiek

HANDHAAF EN BOU

Woorde: B.A. DE WET
Musiek: "BrŁder in Zechen und Gruben", HANS BAYER; verwerk: PIERRE MALAN

Sing van ons land in die Suide onder die Suiderkruis,
Sing van ons volk, sing luide, sing van ons taal en ons tuis.
Sing van ons volk, sing luide, sing van ons taal en ons tuis.

Land van die Voortrekkerhelde, woonplek van Boer en Brit,
Land met sy groot ruim velde, tuiste van swart en van wit.
Land met sy groot ruim velde, tuiste van swart en van wit.

Laat ons ons roemryk verlede altyd in ere hou
en in die stryd van die hede saamstaan en handhaaf en bou!
En in die stryd van die hede saamstaan en handhaaf en bou!
 

Dit en dat....

Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis asook in Wolmer en die Andeon plotte! Indien enigsins moontlik, verleen asseblief hulp, hulle sal dit vreeslik waardeer!
(Die Danville Hulpgroep)

 
 
 

 
Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: