Die Peter-jasie Patriot

 

Nommer 62

'n Passie vir Afrikaans

18 Maart 05

Wees gegroet!

Welkom alle nuwe intekenare!

Terugvoer kom nog steeds in oor my navraag oor die oorsprong en betekenis van die woorde van Siembamba. Klik hier om meer te lees.

Ons was verlede week Ukuthula Lodge toe by Rooiberg tussen Warmbad en Thabazimbi, gaan kyk hier vir fotos.

Ek moes toe hulp inroep om my te help met my Boererate eBoek. Dit sou nooit die lig gesien het as ek dit allees moes doen nie. Annie Rieck bied to aan om te help tik en nou vorder dinge! Na die Boererate boek beplan ons 'n boek oor Tuiswenke, en dan beide ook in Engels vir die oorsese mark. Die formaat sal of in Acrobat wees wat afgelaai kan word of op CD wat so effens duurder sal wees. ( maar nog heel billik en goedkoper as in gedrukte formaat) Baie dankie aan almal wat bydraes gestuur het, almal wat meer as 10 rate of wenke gestuur het se name is op 'n lys om gratis eksemplare te ontvang. As julle nog rate of wenke het, stuur asseblief aan my per epos, die aanbod van die tien rate of wenke staan nog!


Ek het mos gevra vir bydraes vir my Feeste bladsy, ek soek nog name van feeste wat nie op die bladsy is nie en ook nog kontakbesonderhede vir die wat wel daar is. Dankie an almal wat sover bydraes gestuur het. Gaan kyk of jou dorp se fees daar is en laat ek asb die besonderhede kry as hy nie daar is nie. Toe begin ek dink - wat van 'n Feeskos resepte eBoek? Elke fees het tog kos wat eie aan hom is, by die Aartappel fees maak hulle seker unieke aartappelgeregte? Nou goed, as julle weet van 'n fees waar spesifieke disse aan verbonde is, stuur asseblief vir my die fees besonderhede (per epos) asook 'n resep of twee van die fees. Elke bydrae kry vir die instuurder 'n gratis eksemplaar van die boek sodra dit gereed is.

Ek kry die volgende epos van Ulena wat betrokke is by die Appelfees in Grabouw op 16 April. Hulle wil die fees weer laat herleef, so as julle in die omgewing is, ondersteun hulle asseblief!

Hallo Peter

Ek het nou nog nie eers gaan kyk na jou website nie, maar ek is eintlik seker dat ons fees nog nie gelys is nie.

Op Saterdag, 16 April 2005 gaan Grabouw se Appelfees her-gebore/wedergebore - hoe sê mens? - word.

Jare gelede was die fees 'n jaarlikse instelling, maar dit het 'n stille dood gesterf. Aangesien Grabouw die grootste appel en peer produserende gebied in ons land is, MOET hier mos 'n Appelfees wees.

Die OOV van Hoërskool Grabouw begin vanjaar weer met die fees. Die hoofborge is Die Bear & Barrel Pub en Cape Five Fruit Exporters. Die jaar gaan 'n kleiner 1-dag fees wees omdat ons 'n goeie platform wil lê vir die jare wat volg. Dit is vir ons 'n nuutjie en ons leer elke dag.

Aktiwiteite vir die dag: 5 km Pretdraf, 10 km Padwedloop, 5 km Bergfiets prettrap in die bos. Almal wat hul item voltooi ontvang 'n sertifikaat en kom in aanmerking vir 'n hele aantal "lucky draws" wat insluit sportsakke, t-shirts, pette, sportsokkies ens. ens.

Vermaak vir die dag: Jesse Jordan, Gian Groen, Elginaires - almal "live" - in die biertent.

Kroning van mej. Pink Lady en mnr. Golden Delicious

4 x 4 quad bikes, Obstacle  Course, Juke Box, Merry go Round, baie stalletjies.

Skattejag waar groot kontantpryse gewen kan word.

Koördineerder: Ulena Groenewald 083 245 1602
ePos:  wapad@absamail.co.za

Baie dankie.
Ulena


Minette kom tog een van die dae SA toe en ek het haar allerande onaangename dinge belowe as ons nie bymekaar uitkom vir 'n koppietjie koffie of so iets nie!  (Wat van 'n bord Boerekos?)

Hier is intussen nog een van haar artikels, hoop julle geniet dit net soos die ander!

Kos
Minette Brink
- Minette is verbonde an die Republikein in Windhoek, die enigste Afrikaanse dagblad in Namibië

DIE afgelope week al is daar ʼn krapperigheid in die binneste. Nee, dis nie van die Windhoekwater nie. Nee, ek het nie die bierhuis te sterk ondersteun nie.
Ek is honger. Vir regte kos.
Kan nie meer één pastei, brötchen met énige vulsel, jaffel of winkelslaai in die gesig staar nie.
Natuurlik kan ʼn mens saans ʼn dingetjie maak vir die volgende dag se werk en dié doen ek ook nou en dan. Maar oorskiet pasta of mash en wors proe maar net nie dieselfde na ʼn tweede draai in die mikrogolfoond nie.
En ʼn ou ‘gesondheidsbroodjie’ met blare en vetvrye maaskaas is nié my idee van kos nie.
“Ek is hôôônger,” teem ek oor my rekenaar in Neels se rigting.
“Nou kom ons loop koop ʼn pie,” sug hy.
“Nee, ek is rêêrig hôôôngerrrrr.”
Ek kry sulke skreef oge uit sy rigting wat my seker moet bang kyk.
ʼn Lang staarkompetisie volg.
“Lossit liewer,” blaf hy en begin slaat weer daai keyboard dat die stof staan.
Ek is weer alleen.
Met my honger.
Vir regte kos.
Met twee klein kindertjies in die huis is ons daaglikse menu maar baie vaal.
G’n brand- of erg gegeurde kos nie, niks knoffel, uie of gaar tamatie in enige iets nie. Niks ‘onidentifiseerbare’ souse soos ‘manninous’ (mayonnaise) oor enigiets nie en niks bredies waaruit ʼn miniskule wortel- of boonpuntjie loer nie.
O ja, sampioene is of giftig of een of ander elf se huis wat ons nie durf aanraak nie.
(Lekker vol strooi, dié kinders. Tog word Brusselse spruite en Ouma Plaas se afval, goeters waarvoor ek my doodgril, met smaak verorber.)
Daarom is ek honger vir regte kos.
Skaapboudskywe met bruinsous, goue krakerige braai-aartappels met geelsout, blomkool en smaraggroen broccoli met ʼn dik kaassous, soetpatats met ʼn lemoengeurtjie, groenboontjies met stukkies aartappel, uie en spek mét room, skorsies met ertjies-inni-gaatjie, roomspinasie en feta, geelrys SONDER rosyntjies (laasgenoemde lyk altyd soos gedroogde vlieë innie kos), ʼn porsie bobotie met blatjang (al moet ek hier ook die rosyne eers uithelp), beetslaai, groenslaai, wortel-en-koolslaai…Jaaaaa, kreun die binneste.
Of wat van ʼn skottelvol Gnocchi Gorgonzola soos net Vincenzo in Johannesburg dit maak, gevolg deur sy besielende tongvis en afgerond met ʼn ou créme bruleetjie…JAAAA, skree die ingewande.
Nee wag, liewer knoffelbelaaide slakke by dosyne, suurroom op salm op bruinbrood, seekatslaai, avokado met dinge in, couscous, geroosterde eiervrug, peppadews…ag, die héle werke, huil ek nou saam.
Of wat van ʼn ordéntlike braai met tjoppies, ʼn ribbetjie, wors en ʼn sosatie of drie. Braaibroodjies met kaas, tamatie en uie en baie swart peper, aartappelslaai, pap en sous.
Snoekie bedruip en bebraai in botter en appelkooskonfyt, met soetpatats en growwe bruinbrood…soetsuur hoender en roerbraai groente…haloumi-kaas, olywe en tzatziki…kraakvars aspersies met manninous…pesto linguini…Thaise Yam Talay…Ouma se boontjiebredie…Ma se tamatiebredie…skaap op die spit…
“Ugh,” kreun ek.
‘Wazzit nouweer,” sug Neels.
“Ek is honger. Kom ons loop koop ʼn pie.”


Een persoon het nou die dag net meer as  R90 miljoen gewen in die UK Lotto.  Klik hier en kry jou kaartjie! Jy kan nie wen as jy nie in is nie!

Beplan die avontuur van 'n leeftyd! Ek het vir my die stel VeZA CD's aangeskaf en nou is ek ook 'n ingeligte reisiger. Die roetebeplanner is nou op my skootrekenaar en kanse van verdwaal is nou baie skraal. Boonop het ek ook 'n uitgewerkte roete en ek weet wat op die roete te siene is. Hierdie is regtig aan te beveel, gaan kyk gerus by www.veza.co.za  en oortuig jouself.


Ons spandeer almal teveel oor die vakansietyd en alles word ook duurder in die nuwe jaar.  Verlig die las deur jou kort termyn versekeringspremies te verminder, vir gratis aanlyn kwotasie, klik hier! Dit werk werklik! Ek self betaal nou meer as R400 per maand minder


My vriendin, Anna Eksteen het 'n paar oulike resepte eBoeke saamgestel.
Die 5 Beste van Alle Suid Afrikaanse Resepte,
The 5 Best of All South African Dishes
,

101 Onweerstaanbare Poedings 
en
101
Kraakvars Slaaie.

Hier is letterlik honderde puik resepte en wat nog meer is, daar is geen posgeld betrokke nie aangesien hulle afgelaai kan word of per ePos aangestuur kan word. Klik hier vir meer inligting


Begin die jaar se uitgawes nou vir jou onder kry? Selfs die brandstofprys is op! Kry vir jou 'n Barclaykaart en gaan op daardie welverdiende wegbreek of konsolideer jou uitgawes. Doen aanlyn aansoek  en betaal oor 'n jaar af! Doen dieselle volgende jaar!
 

Skakels

Peter-jasie

Boererate

Aardklop

Stormpies

Danville Hulpgroep

Boeremusiek

Nianell

Musiek

Wat van 'n lekker koppie boeretroos!

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

 

'n Tikkie Humor


Van Gerhard se nuusbrief:

'n Welgestelde Amerikaanse familie het hulle familiegeskiedenis in boekvorm laat opteken maar het die skrywer pertinent gevra om sagkens te werk te gaan met die swartskaap van die familie wie se loopbaan van misdaad op die elektriese stoel geëindig het. Hulle was heel in hulle skik toe hy die volgende oor hulle familielid geskryf het: 'Oom Willem het sitting gehad in die afdeling vir toegepaste elektronika van 'n leidende regeringsinstansie. Hy het 'n hegte verbintenis met sy posisie gehad en sy dood het as 'n groot skok gekom.'

Die blondine is weer laat vir werk. Haar baas sê: 'Jy moes nege-uur hier gewees het!' 'Hoe so?' vra sy, 'Wat het gebeur?'

Ek kry die volgende per ePos van Blackie:

Jy weet, regte dom mense moet gedwing word om 'n bordjie om hul nek te dra wat aandui dat hulle dom is, sodat ons kan weet om die arme siele nie in die gesig te vat nie.

Neem nou die dag toe ek en my broer getrek het. Ons huis was vol kartondose en die vervoerlorrie het voor die deur gestaan. My buurman kom daar aan en vra: "Trek julle?" "Nooit gesien nie. Ons pak maar elke week of twee al ons goed in om te sien hoeveel dose ons nodig sal hê. Hier is jou bordjie!"

Nou onlangs gaan ek en 'n maat visvang. Toe ons by die 'jetty' vasmeer en ons vangs uitlaai is daar hierdie idioot wat vra: "Het julle al daai vis gevang?" "Nooit gesien nie. Het hulle omgepraat om self in die boot te spring. Hier is jou bordjie."

Nou onlangs toe my voertuig se wiel pap word ry ek by 'n garage in en so wraggies, die pompjoggie vra: "Is die wiel pap?" Ek kon myself nie keer nie en ek lig hom toe in: "Nee, ek het rondgery toe word die ander drie ewe skielik styf. Hier is vir jou 'n bordjie."

Nou die dag wou ek my skedonk verkoop en hierdie ou kom om die kar vir 'n toetsrit te neem. Na hy omtrent 'n halfuur rondgery het klim hy uit, loop om die kar en gryp aan die uitlaatpyp en roep uit "Jislaaik, dis warm." As hy sy bordjie gedra het sou ek hom gewaarsku het.

Ek ry 'n ruk gelede met 'n 18-wiel vragmotor en ek onderskat die hoogte van 'n brug en daar sit ek vas. Op geen manier kry ek hom daar los nie. Na baie gebellery kom die plaaslike konstabel daar aan en ek is seker hy het sy bordjie by die huis vergeet, want na die gewone ondervraging vra hy: "Sit jou lorrie vas?" Ek kon myself nie keer nie en sê toe vir hom dat ek eintlik besig is om die brug af te lewer en hier is vir jou 'n bordjie."

Toe ek laat by die werk kom vra 'n siel my: "Is jy nog steeds hier?" "Nee," sê ek toe, "ek is tien minute gelede al huistoe, hier is vir jou 'n bordjie"


 

Nog Skakels

RSG

Kyknet

Eg Afrikaans

Die Knoop

Wat kyk jy

Wenke wat Werk

Minette Brink

Wegbreek

Die Resep

Hierdie is 'n resep uit 'n stokou resepteboek.

 

Ouderwetse Lampastei

Bestanddele:
4 pond Lamsvleis (rugstring is heerlik)            1 glas Wit Wyn
2 wit Uie (in ringe gesny)                               1 eetlepel Sago
1 blaartjie Foelie                                           2 hardgekookte eiers en 1 rou eier
2 onse Botter                                                 ‘n Paar skyfies Ham
Sap van 1 Suurlemoen                                    ‘n Bietjie Wonderpeper
Sout en Peper na smaak

Metode:
Sny vleis in netjiese stukkies, smoor die uie in die botter, voeg nou al die bestanddele by, behalwe die eiers, sago en suurlemoensap. Stowe nou die vleis tot dit heerlik sag is. Voeg nou 1 eetlepel sago en ‘n goeie klont botter by; roer tot die sago gaar is. Klits geel van eiers goed op, klits bietjie water by en dan die suurlemoensap, voeg by die vleis. Gooi nou die mengsel in ‘n pasteiskottel. Sny hardgekookte eiers in skyfies en sit op die mengsel. Gebruik skilferkors vir die kors van die pastei en smeer oor met wit van eier. Bak.

Let Wel - 1. Lamsvleis en hoender kan saam gebruik word.
2. Hoender kan ook alleen vir die pastei gebruik word.

 

 

Vriende van Boeremusiek

 

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Nuusbrief 01/2005

Geagte Boeremusiekvriend,

Soos u weet is Boeremusiek al 50 jaar my stokperdjie en probeer ek dit bewaar en bevorder. Ek is ‘n stigterslid van beide die TBK en die Boeremusiekgilde. Ongeveer 2 jaar gelede het ek Dr. Wia Kotzé ontmoet en sy het dadelik haar volle gewig ingegooi en vir die afgelope twee jaar is Boeremusiek baie bevorder op vele terreine. Saam het ons tot die gevolgtrekking gekom dat Boeremusiek nie bedoel is vir “gesofistikeerde klubs” met elle lange grondwette en kompetisies wat lede en musikante net omkrap. Daar is besluit om Boeremusiek op ‘n meer informele basis aan te bied, sonder allerhande fieterjasies en persoonlike voorkeure, net lekker speel en ‘n dag van vermaak waar alle musikante ‘n geleentheid kry om hul talente te be-oefen. Daar is besluit op ‘n naam: Vriende van Boeremusiek Aanvanklik was ons net drie: Flip Delport – die man wat die konsertinas navors, Wia en myself. Intussen was daar ‘n ontploffing en ons staan op 149 vriende!! Natuulik wil ons dit laat aangroei tot 149000!!

Die naam pas hom natuurlik uitstekend aan by die Vriende van die Monument en dis een van die redes hoekom ons al ons byeenkomste by die Voortrekker Monument wil hou. Buitendien is die Monument opgerig vir die Voortrekkers wat op hulle beurt verantwoordelik was vir die ontstaan van Boeremusiek! Ons eerste byeenkoms is op 9 April om 12:00 by die monument en dan om 9 – uur op 11 Junie, 13 Augustus en 10 Desember 2005 – ook by die Monument.  (Kontakbesonderhede onderaan hierdie brief). Die byeenkomste sal almal in die vorm van ‘n “bring en braai” wees en toegang van R30.00 per persoon sal gehef word om kostes te verhaal.

Aangesien die feeste se uitsluitlike doel is om Boeremusiek te bevorder, is u welkom om u CD’s saam te bring  en ons sal dit namens u verkoop. Vriende van Boeremusiek is nie ‘n gilde of klub nie dus beskik hy nog nie oor ‘n amptelike ledelys nie dus versoek ons u vriendelik om u vriende van ons te vertel sodat hulle deel kan word van die vriendekring en sodoende kan help om Boeremusiek te bevorder. Onthou die taak is op ons skouers om Boeremusiek te bewaar sodat ons nageslag dit ook kan geniet!

Ons sal ons plig versuim as ons nie dankie sê aan die persone wat hierdie byeenkomste by die Monument die lig laat sien het nie: Genl. Opperman, Eben Maré, Manie Erasmus, Frans Steinhöbel, Tom Senekal en Jan Odendaal en sy Vierkleur Boeremusiekspelers. Sonder julle samewerking sou hierdie feeste nie moontlik geweees het nie!

Om goeie vriendskappe te smee en te behou sal daar na huisreëls gekyk moet word maar ons sal almal  koppe bymekaar moet sit en ‘n stel reëls opstel. Dink solank daaraan en kom met voorstelle.

Die feeste is natuurlik oop vir ALLE Boeremusiek en die Vriende van Boeremusiek se definisie van Boeremusiek is: Boeremusiek is Boeremusiek. Enige Boeremusiekliefhebber kan Boeremusiek onderskei van ander musiek. Daar is wel ‘n verskil in vaardighede met die konsertina maar almal het ook nie dieselfde talente ontvang nie en ons ondersteun almal wat met hulle talente woeker. Inteendeel, dis ‘n voorrang prioriteit by Vriende van Boeremusiek om Musikante TE HELP OM HULLE TALENTE TE ONTWIKKEL. Sodoende verhoog ons die standaard van ons musiek.

ONTHOU: Vriende van Boeremusiek BEHOORT AAN AL DIE VRIENDE! Stuur u insette vir ons sodat Boeremusiek kan wen! Vertel u vriende van 9 April! 

Boeremusiekgroete,

Kalie.

Boeremusiek Dagboek

26 Maart: Manie Erasmus: Dans by Voortrekker Monument

9 April - Vriende van Boeremusiek: Eerste byeenkoms by Voortrekker Monument.
Ons volgende projek is natuurlik Boeremusiekvriende se eerste byeenkoms by die Voortrekker Monument op 9 April! Ek vertrou dat julle almal die datum in groot rooi letters aangeteken het en ons wag angstig op musikante wat wil deelneem. Ons het klaar nuus dat 'n groep van Danette Smith se jongmense tradisionel boeredanse gaan doen. Danette doen groot werk onder die kinders om die boeredanse te laat herleef en ons sien uit daarna om haar as Boeremusiekvriendin te verwelkom!

30 April - Manie Erasmus: Dans by Voortrekker Monument

28 Mei - Vrystaat : Witwarm winteropskopdans
Manie Erasmus: Dans by Voortrekker Monument

11 Junie - Vriende van Boeremusiek: Voortrekker Monument heeldag boeremusiekvermaak

25 Junie en verder ook elke laaste Saterdag van die maand vir die res van die jaar! Manie Erasmus: Dans by Voortrekker Monument

30 Julie - Vrystaat lededag

13 Augustus - Vriende van Boeremusiek: Boeremusiek plesier vir almal!

2 September - Vrystaat en DOZI: Boeresportdag

10 Desember - Vriende van Boeremusiek - afsluitfunksie vir 2005!

Vir meer inligting, klik hier

 
   

Die Danville Hulp Groep

Hierdie gaan nou 'n gereelde insetsel wees. Elsabe en haar spen vrywilligers doen fantastiese werk onder die minder bevoorregtes van Danville en Elandspoort. Ek sal hiermee graag aandag wil vestig op hulle werksaamhede.

Elsabe-hulle het weer laas naweek 'n groep seuns van die President Kruger Kinderhuis op 'n oorlewingskamp geneem, klik hier vir die fotosen terugvoer.

Elsabe beplan alweer die volgende kamp en hier is waar ons almal kan help.

Lees Elsabe se brief hieronder en kontak haar asseblief en probeer om 'n kind te borg of om op een of ander manier 'n bydrae te maak. Voor elke kamp is daar 'n ellelange lys van benogighede en wanneer die kamp aanbreek het julle wonderlike mense alweer gehelp.

Goeiemôre,

Ek hoop dat almal my terugvoer oor die seunskamp gekry en geniet het. Van die foto's is op die website - gaan loer gerus www.danvillehulp.co.za

Ons volgende kamp sal in die skoolvakansie wees voorlopig die naweek van 8-10 April. Hierdie kamp sal vir die Elandspoort dogters wees (hulle het nog nooit gekamp nie!) Daar is ongeveer 52 meisies.

Hou dit asb ingedagte. Die benodighede sal dieselfde wees as die vorige kampe.

Om die kamp moontlik te maak het ons weer R250 per persoon nodig (± 60 persone - fasiliteerders, toesighouers en kinders - alles ingesluit)

Ons kan net soveel kinders laat gaan kamp as wat ons borge voor kry. Indien jy nou die vorige keer 'n kind wou borg maar toe dalk net te laat was daarvoor - nou is die geleentheid weer daar om 'n groot verskil in 'n dogter se lewe te maak.

Vir die wat eerder kan help met die ander benodighede - ons sal die volgende nodig hê:-

Ontbytgraan
Melk
Suiker
Koffie, tee
Vrugtesap
Eiers
Bacon/worsies
Kouevleis
Kaas
Vleis om te braai (Vrydag en Saterdag aand)
Koeldrank
Skyfies
Lekkergoed
Vars vrugte
Roomys en horinkies
Toiletware vir seuns
Seep
Tandepaste
Tandeborsels
Sjampoo
Deoderant
Waslappie
Flits en batterye
Notaboekie
Pen en potlood
500ml Waterbottel (springwater)
"Windbreakers/Drimaks"
T-hemde
Hoedjies
Sakbybeltjies

Moet asb nie skrik as julle na die benodighede kyk nie - onthou al skenk jy net een artikel/bestandeel maak dit al klaar 'n groot verskil.

Versprei maar asb soos in die verlede hierdie briefie na al julle vriende en familie - op hierdie manier kan ons soveel meer mense bereik en 'n groter verskil in ons minderbevoorregte kindertjies se lewens maak.

Ek hou die pos dop vir sommer baie goeie nuus.

Onthou om op die webwerf na die seunskamp se foto's te gaan kyk. www.danvillehulp.co.za

Mooi dag

Elsabe

Hier is die Projek se kontakbesonderhede, kontak gerus vir Elsabe as julle wil betrokke raak.

Danville Hulp Projek
Elsabé Blignaut
Cell: 082 8282 551 na - ure
Huis: 012 991 3914 na-ure
Faks: 012 991 2073

Posbus 2839 Faerie Glen 0043
286 Cliffendale rylaan Faerie Glen
E.pos: elecnet@mweb.co.za
Webwerf: www.danvillehulp.co.za

Bankbesonderhede
Danville Hulp Projek
Eerste Nasionale Bank – Brooklyn tak
Bankforum gebou -
Bronkhorst straat - NuMuckleneuk
Swift kode: FIRNZAJJ 926 (Internasionale inbetalings)
Takkode: 251345
Tjek Rek. nr: 62054634128
Nie Winsgewende Organisasie Art. 21
"Expectra 97 - Co 2003/017115/08
 

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!

As julle weet van enige boererate, stuur asseblief vir my, ek is besig om 'n eBoek saam te stel met soveel Boererate as moontlik. Enigiemand wat my 10 rate of meer stuur, kry 'n gratis eksemplaar wanneer dit gereed is!

 


Hande/voeteroom
Gebruik goeie ou speensalf, verkrygbaar by enige ko-operasie. Baie goedkoper en beter as vandag se fensie duur rome

Klik hier vir nog meer Boererate

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons Blêrkas van Afrikaanse Volksmusiek

KOM SING MET MY 'N BURGERLIED

Woorde: W.H. BOSHOFF
Musiek: P.J. LEMMER

Kom sing met my 'n burgerlied
wat aan my hartsnaar raak,
en my op eie grondgebied
as staatmaker laat waak.
Vertel my van my eie volk,
tradisie, sede en taal,
wat my gevoel en siel vertolk,
van volksverlee verhaal.

Hou hoog met my die ideaal
"Vir vryheid en vir reg",
waarvoor my pa met bloed betaal,
die Voortrekker moes veg.
Kom leer my eer en lief te hê
my eie land se vlag,
en wie dié reg my durf ontsê
word deur my volk verag.

Kom spoor my aan om "Koers te hou"
en voorwaarts steeds te trek,
kom help my handhaaf en te bou,
'n nasie trots te wek.
Mag, wanneer ek my kop neerlê,
niks my gewete kwel,
geen nageslag, wat ek mag hê,
vir pligsversuim my skel.

 

Dit en dat....

Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige konstruktiewe terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: