Die Peter-jasie Patriot

 

Nommer 65

'n Passie vir Afrikaans

29 April 05

Wees gegroet!

Welkom alle nuwe intekenare!

Gelukkig ken ek darem 'n paar goeie skrywers was my toestemming gegee het om van hulle artikels te gebruik. So ek kan darem vir julle ordentlike leesstof gee. Hier is 'n storie deur Tienie Holtzhauzen:

TOE KNIPOOG OORLE OUMA
Deur Tienie Holtzhausen

Plattelandse bruilofte het mos maar hul eie tradisies. Een daarvan, dat die gaste in 'n formele tou staan om die bruidspaar geluk te wens. Meestal gepaard met woeste slobbersoene en sentimentele sedepreke. Di wat eers aan die sjampanje weggel het, voeg dikwels ook n paar dramatiese traantjies by.
Op my groot dag was my ouma Martinus voor in die ry. Baie trots dat haar enigste en geliefde kleindogter so n ordiiintlike jongetjiesman getrou het. Met groot ronde o swaai sy toe mos haar krom voorvingertjie onder ons neuse: "Julle twee . . . Sy bly dramaties stil. "Julle . . . moet nhou vry. Tot julle die dag stokoud is. Gehoor?!" Sy knipoog vir my oupa en hy kyk haar blinkoog aan. Soos 'n verliefde tiener. Met sy arm styf om haar skouer, skuifel-skuifel hulle daar weg.
Nog meer verstommend as haar toesprakie, is haar geskenk aan die bruidspaar: 'n lewensgrootte portret van haarself.
Di het ek oral saamgekarring. Hoewel net 'n stille toehoorder teen die muur, op 'n manier tog 'n getuie van al die dreigende stormwaters wat ons huweliksbootjie so deur die jare al oorleef het.
Die eerste dreigslag was kort na ons pasgetroude etiket begin verweer het. My man was verplaas na 'n dorpie in die Laeveld. Wrm, wrm, wreld. Ek het vir die plaaslike koerantjie gewerk en hy vir die munisipaliteit.
Op 'n dag bel die bestuurder van die supermark ons by die koerant oor die diewe wat sy voorraad so uitdun. My knorrige ou baas vra my om als net so te los en met die ou te gaan praat. Ek maak toe so en hoor rillerstories van diefsindikate wat hom treiter. Klaar met die onderhoud, koop ek sommer gou 'n paar noodsaaklikhede. Ek s immers nou daar op amptelike besigheid.
Met bultende inkopiesakke stap ek na my motor. As ek vinnig speel, kan ek gou alles by die huis gaan aflaai vr die koue goed begin smelt.
Dis nou as ek my kar se sleutel kan kry. Dis nie nie in my handsak nie. Ook nie in een van my rok se sakke nie.
Ek vee die sweetstraaltjies langs my gesig af. Ek dop my handsak op die enjinkap om. Die mense staar my aan. Ek's min gepla, net gestres. En ook te laat om my dure lipstiffie te red. Dit rol doeriekant toe en 'n groot trok maak dit plat met die grond.
Skielik sien ek iets bekends tussen die voorste sitplekke: die sleutel. Dit moes uit my hand gegly het toe ek die ratslot gesluit het. En die duplikaat is in ons huis. Tien kilometer verder.
Ek bel toe maar my man. Vra hom of hy baie besig is. "Ek's op pad na 'n vergadering," brom hy. "Kan nie verder praat nie. Bel my oor 'n uur." En summier sit hy neer.
My baas se reaksie toe ek hom ook bel met die nuus, is net so kortaf. En moenie dink hy sal aanbied om my te kom help nie.
Dan moet die roomys en die botter maar smelt. Kan nou nie anders nie, praat ek met myself en gaan koop 'n yskoue koeldrank. 'n Driekwartier later bel ek my man weer. Sonder enige sukses.
Uiteindelik is hy klaar met sy belangrike vergadering in sy gemaklike en lugversorgde kantoor. Hy tel sy foon op. Nee, daars 'n dringende klint wat vir hom wag, ek sal maar net nog 'n halfuur moet vasbyt. Maar hierdie keer gee ek hom nie 'n gaping nie. Ek vertel hom ek's op die grens van hitte-uitputting. Flouword ook. My klere, s ek met 'n dun stemmetjie, sit aan my lyf vas, my kontaklense voel soos skuurpapier, my ingroeitoonnael word by die minuut rooier en seerder . . .
Redelik seker hy't goed geskrik, koop ek nog 'n koeldrank en gaan wag by die kar. Waar ek amper flou val. Ek knip my o. Nee, hulle bedrieg my nie. Ek sien reg. Die agterste deur se knippie wys boontoe. Met ander woorde: hy is nie gesluit nie.
My breinselle wil nie werk nie. Elke lit in my lyf voel lam. Maar als kom toe darem betyds in rat. Ek het net-net die knoppie klaar afgedruk en die deur is weer toe, toe tji die wiele van my wederhelf se motor om die draai.
T . . . sit ek darem 'n engelgesiggie op. Ek kyk hom dankbaar aan met fladderende wimpers en 'n paar sielvolle o. En steek n bewerige handjie vorentoe om die sleutel by hom te vat. Vir effek gee ek nog eers 'n paar sidderende snuifsnikkies. Net om te wys hoe verlig ek is. Nee, wat, nou sal ek regkom, verseker ek hom met 'n dun stemmetjie.
Terug by die werk het my baas se donderweergesig my gedwing om my storie oor die winkeldiefstal klaar te maak voor saktyd. Toes ek huis toe om kos te maak. Spsiale aandete: oesters, sjampanje en die hele toetie.
Uitgedos in die skrapste van die swart nommertjies in my klerekas, bekyk ek die fnsie tafel wat ek gedek het. Kompleet met kerse en 'n klomp rooi blomme. En . . . baie saggies in die agtergrond, net die regte musiek. Soetsappig, romanties en meesleurend.
Dit werk toe goed. Manlief is erg bendruk. Maar, wil hy tog ook darem weet, hoekom vannd spesifiek al di moeite en fieterjasies?
"Net om vir jou 'n besonder spesiale dankie te s vir vandag," koer ek liefies. En hoop hy hou van my heserige stem en halfmas wimpers. "Ek weet nie wt in die wreld ek sou gedoen het, as jy nie tot my redding gekom het nie."
Hy trek my nader vir 'n innige kus. Met di vang my oog oorle ouma Martinus se portret teen die muur. Dalk is dit al die wyn, maar ek kon sweer sy knipoog vir my.


Enigiemand kom normaal voor tot jy hom leer ken.


Klik hier om my Webjoernaal te bekyk. Lewer gerus kommentaar deur op comments te klik en maak jou keuse op my KKNK meningspeiling. Om jou eie Blog te skep, gaan kyk by Blogger.com


Ek probeer ook om 'n volledige lys van ons land se feeste op 'n blad te sit, gaan kyk gerus hier. As julle weet van 'n fees wat ek nog nie het nie, stuur asseblief vir my die besonderhede. As julle fees wel op die bladsy is maar sonder kontakbesonderhede, gee die ook vir my.


Woordeboek - Waar egskeiding voor huwelik kom


Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!


Bigamie is een vrou teveel. Monogamie is dieselfde.


My Boererate eBoek vorder fluks, sal een van die dae gereed wees! Ons beplan om dit op CD te sit en as dit klein genoeg is om van die Internet afgelaai te word ook vanaf my webwerf beskikbaar. As jy dus nog Boererate vir my het, stuur asseblief! My volgende boek sal oor Tuiswenke gaan, so as julle daarvan het, stuur ook maar aan, dankie!


LEIPOLDT SE KOOKKUNS
... hy kon nooit s hoe presies hy kook nie hier n titsel en daar n vingerpuntjie en hier n handvol ... n snoepseltjie mosterd en n bietjie olie ... n rafeltjie knoflok ... n behoorlike soentjie van botter en neusmuskaat ... n skraapseltjie nartjieskil en n kelkie soet wyn ... n grypie fyn gemmer, n rafeltjie foelie, soveel peper as jou smaak verkies en n groot klont botter ... n grypie neusmuskaat, n veertjie kaneel, n skraapseltjie suurlemoenskil. Bron: Leipoldt: n Lewensverhaal

Uit Afrikaans Forum, nuusbrief van die Afrikanse Taalmuseum
www.taalmuseum.co.za


Gaap - Geleentheid wanneer getroude mans hulle monde kan oopmaak


Ontvang Dr ST Potgieter se gratis nuusbrief: Verskaf jou besonderhede
deur te klik op die volgende skakel: http://www.successsecrets.co.za/signup_form.html

Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee n leser.

Beplan die avontuur van 'n leeftyd! Ek het vir my die stel VeZA CD's aangeskaf en nou is ek ook 'n ingeligte reisiger. Die roetebeplanner is nou op my skootrekenaar en kanse van verdwaal is nou baie skraal. Boonop het ek ook 'n uitgewerkte roete en ek weet wat op die roete te siene is. Hierdie is regtig aan te beveel, gaan kyk gerus by www.veza.co.za  en oortuig jouself.


Betaal minder vir jou kort termyn versekering  klik hier! Dit werk werklik! Ek self betaal nou meer as R400 per maand minder


Sigaret - Bietjie tabak in papier gerol, met vuur aan die een kant en 'n dwaas aan die anderkant.


My vriendin, Anna Eksteen het 'n paar oulike resepte eBoeke saamgestel.
Die 5 Beste van Alle Suid Afrikaanse Resepte,
The 5 Best of All South African Dishes
,

101 Onweerstaanbare Poedings 
en
101
Kraakvars Slaaie.

NUUT
Nou ook 110 Spyskaarte
Hier is letterlik honderde puik resepte en wat nog meer is, daar is geen posgeld betrokke nie aangesien hulle afgelaai kan word of per ePos aangestuur kan word. Klik hier vir meer inligting


Kry 'n kredietkaart die maklike manier! Doen aanlyn aansoek  vir jou Barclaykaart!. Konsolideer jou skuld en betaal dit op een plek af!
 

Skakels

Peter-jasie

Boererate

Stormpies

Danville Hulpgroep

Boeremusiek

Nianell

Musiek

Eg Afrikaans

Die Knoop

Wat kyk jy

Wenke wat Werk

Minette Brink

Die Wreld

Pretoria Akkommodasie

Wat van 'n lekker koppie boeretroos!

 

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

 

'n Tikkie Humor

Die predikant bevestig Gammat en Meraai in die huwelik.
Predikant: "Gammat, s nou agter my aan: Ek neem Meraai vir 'n ewige verbond en erfenis."
Gammat: "Ek neem Meraai vir 'n ewige verdomde ergernis."


"Ek het 'n muishond saamgebring.:
"Waar gaan jy hom aanhou?"
"Ek gaan hom onder die bed vasmaak."
"Wat van die reuk?"
"Hy sal, net soos ek, daaraan gewoond raak."

Twee kannibale eet 'n nar. Die een vra die ander: "Proe hy nie snaaks nie?"

 
 
 
 
 
 

 

 
 

Die Resep

Hier is nou iets wat ek kan geniet sonder om skuldig te voel!

 

Verslankers Appelkoek

Bestanddele:
250 g koekmeel
10 ml bakpoeier
2 ml sout
60 ml margarien
1 eier, geklits
125 ml afgeroomde melk
10 ml Natreen vloeibare dieet versoeter
80 ml water
5 ml vanilla geursel
300 g tertappels

Metode:
Sif meel, bakpoeier en sout saam.
Vryf margarien in.
In 'n aparte mengbak, meng die melk, water, eier, versoeter en vanilla geursel. Voeg by dro bestanddele en meng goed.
Spuit 'n tertbord met "Spray & cook"", en skep mengsel in bord.
Rangskik appelskywe bo-op deeg.
Bak 25 minute teen 200C.
Bedien warm met dieet roomys of ligte vla.
In die plek van appels, gebruik ook ander vrugte.
 

 

Vriende van Boeremusiek

 

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Boeremusiek Dagboek

30 April - Manie Erasmus: Dans by Voortrekker Monument

28 Mei - Vrystaat : Witwarm winteropskopdans
Manie Erasmus: Dans by Voortrekker Monument

11 Junie - Vriende van Boeremusiek: Voortrekker Monument heeldag boeremusiekvermaak

25 Junie en verder ook elke laaste Saterdag van die maand vir die res van die jaar! Manie Erasmus: Dans by Voortrekker Monument

30 Julie - Vrystaat lededag

13 Augustus - Vriende van Boeremusiek: Boeremusiek plesier vir almal!

2 September - Vrystaat en DOZI: Boeresportdag

10 Desember - Vriende van Boeremusiek - afsluitfunksie vir 2005!

Vir meer inligting, klik hier

 
   

Die Danville Hulp Groep

Hier is die nuutste terugvoer van Elsabe oor haar projekte:

Goeiemiddag vriende,

Met ons Hulp Projek gaan dit danksy die genade baie goed. Ons kan met behulp van al die goeie mense daarbuite soveel verskillende projekte op een slag aanpak en dit suksesvol afsluit. Hiermee gou beitjie terugvoer oor die stand van sake nou.

KLEUTERGROEP
Dit gaan goed daar. Die eetsaaltjie is deur 'n selgroep heeltemal verfraai - baie dankie . Ek gaan later in die week daarnatoe en sal dan foto's neem en meer volledig terugvoer gee.

Ons het ook baie skryfbehoeftes en speelgoed ontvang wat natuurlik 'n baie groot hulp is.

'n Maatskappy het vir ons 40 swart plastiek fietsies geskenk! dit het behoorlik 'n opskudding veroorsaak - baie dankie - sien ook later in die week die foto's en behoorlike terugvoer.

Ons kort video's vir die outjies - enige bybelstories, kinderverhale en liedjies sal baie welkom wees asb.

ANDEON PROJEK
Ons kort nog geld vir 'n groter houthuisie vir die gesin van 5 wat tans in 'n 3x3m huisie is.

Die toiletgeriewe is nou 'n krisis en ons moet die abolusie gebou in werkende toestand kry. Ons wil ook probeer om 'n gemeenskaplike kombuis op te rig. Die mense kook buite op die vuur!.

Hierdie projek is somtyds maar soos 'n rowwe grondpad! maar Arnold hou dit uit en met genade van BO oorleef almal dit darem daar.

RAINBOW EN ANDEON SOPKOMBUIS
Ek is seker julle wonder al of ons nog hierby betrokke is, omdat ek so lanklaas daaroor berig het. Ons het 'n ongelooflike kos donasie van Alan Hirsch Appliances ontvang in Desember en daaroor was dt tot diusvr nog nie weer nodig om vir kos te vra nie. Die kosvoorraad is nou na 4 maande ongelukkig klaar en nou sal ons weer moet inspring en nie bederfbare kos insamel, om in al die mense se behoeftes te kan voorsien. Met die winter wat nou op ons is, sal ons moet wikkel om genoeg voorraad bymekaar te kry.

Onthou ons help om daagliks vir 200 kinders middag ete te gee. Dan is daar nog die noodkospakkies vir 92 gesinne elke Vrydag.

Ons is ook by verskeie gesinne reg oor Pretoria betrokke en voorsien al hulle kruideniersware.

PRES. KRUGER KINDERHUIS - OPGRADERING
Ons het nou borge gekry vir al die kamers - baie dankie. Die groepe gaan nou die kinderhuis besoek - met die kinders gesls om te hoor waarvan hulle hou - en dan wegspring met hierdie lekker werk!

Ek hou julle op hoogte van die vordering

BLOUDAKKIES OUETEHUIS
Ons voorsien nog klere ens aan hulle. Ek het die bejaardes 'n funksie belowe - ons is besig om 'n datum vas te maak in Mei maand , met 'n groep wat hiermee gaan help.

MARGARETHA ACKERMANN TEHUIS
Ons sal in Junie vir die inwoners daar 'n funksie hou - hulle het gevra vir 'n "dans" en ek moet asb tog net vir hulle 'n paar jong manne met "six packs" invoer want die ou omies daar is maar volgens hulle "useless"! Hier het ek nou my kop in 'n bynes ingedruk! - nietemin ons sal sekerlik weer vir hulle 'n lekker pret en bederf dag hou.

WOLMER PROJEK
Die dame wat die projek daar vir ons behartig het, werk nou voldag en totdat ek iemand betroubaar kry is hierdie afdeling vir nou eers op die ys.

HUIS VAN BESKERMING VIR MISHANDELDE EN VERKRAGTE VROUENS EN KINDERS! (Lydenburg area) Hierdie projek is op die oomblik ons groot prioriteit! Die behoefte vir hierdie huis is kritiek en ons sal al ons kragte moet inspan om
dit so vinnig moontlik tot stand te bring.

Soos almal nou al weet is die tender aan ons toegestaan en het ons in totaal R90 000-00 nodig vir die aankoop, vervoer en installasie asook die aanleg van elektrisiteit en water na die huis toe.

Ek het 10 dae om hierdie geld bymekaar te kry en die huis te verwyder. Ek GLO dat ons dit voor die 10 dae om is alles sal h.

Indien iemand 'n bydrae wil maak - merk asb net by die verwysing: "veilige hawe of huis van beskerming" dan weet ek waarvoor die deposito is.
Dit word in ons gewone FNB rekening inbetaal. Tjek rek nr. 620 546 34128 Takkode: 251345


JEUGKAMPE
Ons het hierdie jaar al 3 suksesvolle jeugkampe gehad! - Baie dankie aan almal wat hiermee gehelp het. Ons het nog 2 kampe voor die winter.

29/30 April - 1 Mei - Wespoort kerkjeug - hulle het die Sondagaand 'n kruistog - wat ek glo 'n belewenis gaan wees! Hier gaan omtrent 50 kinders kamp. Ons het ook weer soos in die verlede borge nodig vir hierdie kinders. R250 per sluit al die onkostes in. Soos wat ek verstaan was nog nie een van hierdie kinders
al ooit op 'n kamp nie!

Dit word in ons gewone FNB rekening inbetaal. Tjek rek nr. 620 546 34128 Takkode: 251345 - verwysing - "jeug kerkkamp" asb


13 - 15 Mei Danville seuns - Op hierdie kamp sal ons weer 60 seuns h! Glo my hierdie is die kamp der kampe! Die kostes is ook R250 per kind wat alles insluit.

Dit word in ons gewone FNB rekening inbetaal. Tjek rek nr. 620 546 34128 Takkode: 251345 - verwysing - "seunskamp " asb

Voorlopig is hierdie dan die laaste kamp voor die winter. Ons sal in die somer weer opvolg kampe vir die kinders hou.


Dit dan in 'n neutedop. Ek is baie besig op die oomblik en sal sodra ek kans kry nog die terugvoer oor die dogterskamp doen.

Help ons asb om 'n verskil in die minderbevoorregte en vernielde mense se lewens te maak.

Mooi dag

Elsabe
 
Hier is die Projek se kontakbesonderhede, kontak gerus vir Elsabe as julle wil betrokke raak of op die poslys kom.

Danville Hulp Projek
Elsab Blignaut
Cell: 082 8282 551 na - ure
Huis: 012 991 3914 na-ure
Faks: 012 991 2073

Posbus 2839 Faerie Glen 0043
286 Cliffendale rylaan Faerie Glen
E.pos: elecnet@mweb.co.za
Webwerf: www.danvillehulp.co.za

Bankbesonderhede
Danville Hulp Projek
Eerste Nasionale Bank Brooklyn tak
Bankforum gebou -
Bronkhorst straat - NuMuckleneuk
Swift kode: FIRNZAJJ 926 (Internasionale inbetalings)
Takkode: 251345
Tjek Rek. nr: 62054634128
Nie Winsgewende Organisasie Art. 21
"Expectra 97 - Co 2003/017115/08
 

 

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!

As julle weet van enige boererate, stuur asseblief vir my, ek is besig om 'n eBoek saam te stel met soveel Boererate as moontlik. Enigiemand wat my 10 rate of meer stuur, kry 'n gratis eksemplaar wanneer dit gereed is!

 


Kokkerotte - Sit bakkies met koeksoda orals in die huis (veral agter yskas, stoof, onder wasbak, ens.). Die kokkerotte eet dit (en dra dit na hul nes toe). Die vog binne hul lywe maak die koeksoda bruis en laat die kokkerot vrek. Dit voorkom ook dat 'n volwasse kokkerot eiers le voordat hulle doodgaan.
Werk ook vir MIERE.

Klik hier vir nog meer Boererate

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons Blrkas van Afrikaanse Volksmusiek

MOOIFONTEIN

Woorde: P. MCLACHLAN
Musiek: "Londonderry Air", Ierse Volkswysie; verwerk: DIRKIE DE VILLIERS

By Mooifontein, wanneer die somer nader,
die bome bloei met lente elke jaar;
as skadu's daal en rustig teen die awend,
my mense tuis daar om die huis vergaar,
o, Mooifontein, dan sing ek in my sange
van jou, my tuiste aan die Suiderstrand;
o, Mooifontein, ken jy ooit my verlange,
my huis en haard, my vaderland.

O, Mooifontein, jou somer's nou in volle gloed,
jou hemelblou en ryp die vrug en aar;
o, milde land, ek hunker na jou oorvloed;
hoe ek jou min, kan net my hart gewaar.
O, Mooifontein, ek hunker na jou sonneskyn,
my bann'ling hart kwyn hier in winterkou;
o, Mooifontein, jou roepstem is 'n soet refrein;
eens kom ek weer terug na jou.
 

Dit en dat....

Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige konstruktiewe terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: