Die Peter-jasie Patriot

 

Nommer 66

'n Passie vir Afrikaans

13 Mei 2005

Wees gegroet!

Welkom alle nuwe intekenare!

Kom ons begin met nog een van Frik Lombaard se kos artikels. Die een is propvol handige wenke, so lees gerus! Dankie vir die artikel, Frik!

Maak daardie foute reg

Dit gebeur baie dat n mens, terwyl jy met kos besig is, jou aandag afgetrek word en jy nie seker is wat jy laas gedoen het nie of jy gooi sout in die bredie en die soutpot se deksel kom af en daar daal n ton (dit proe so) sout na benede. Jy hoor jou gunsteling liedjie speel op die radio wat in die kamer staan, en wanneer jy terugkom in die kombuis dan het die rys wat 3 minute gelde nog reg was aangebrand. Sulke dinge gebeur mos net wanneer jy dit nie kan bekostig nie. Jy het die laaste groente en vleis gebruik om sop te maak of jy kry gaste vir ete.

Daar is ook natuurlik foute wat jy nie kan regmaak nie. Dit is foute soos om n appeltert te bak en as jy die tert sny dan is dit kluitjie en jy kom agter jy het vergeet om die eiers in te gooi. Vra my dit het my al oorgekom. Iemand anders in my huisgesin het eendag n piesangbrood gebak. Nadat die piesangbrood uit die oond gekom het sien sy die piesangs l op die tafel. Vir sulke foute het ek nie raad nie maar vir die glipsies is daar wel raad.

Wanneer jy te veel sout in die sop of bredie gegooi het kan jy altyd nog water byvoeg om die sout te verdun. Dit kan dalk probleme veroorsaak aangesien jou bredie dan n waterige sous sal h. Die ander en maklikker manier is om n aartappel te neem, af te skil en dan net so in die bredie of sop te gooi. Die aartappel sal die meeste van die sout intrek. Wanneer die meeste van die sout so ingetrek is in die aartappel kan jy dan net die aartappel uithaal en weggooi. Dit is mos nou maklik genoeg.

As jy dalk eendag patats of wortels te sag kook is dit die einde niet. Gryp jou Kook en Geniet nader en soek dadelik n soufle resep. Die saggekookte patats en wortels maak n heerlikke soufle. Dit sal ook n heerlikke verandering maak van die daaglikse gewone groente. Miskien begin die kinders dan hulle groente eet.

Almal ken seker daardie reuk van gebrande kos. Dit gebeur as jy net gou iets anders wil doen. Terwyl jy nog so rustig is met die ander dinge dan tref daardie reuk jou. As jy eers die snuf in die neus gekry het is dit al te laat. Jy sal wat jy ook al gekook het moet van nuuts af weer kook, want die brand smaak kry jy nie uit die kos uit nie. Maar wat gemaak met die pot of pan ? Laat die pot of pan eers goed afkoel. Ek het al probeer om sout en asyn oplossing in die pan of pot te sit vir n lang ruk, maar dit werk nie altyd so goed nie. Maar gelukkig is hier ander raad. Nadat jy die meeste van die gebrande kos verwyder het moet jy water en materiaal sagmaak (Fabric Softner)middel in die pot of pan gooi. Laat dit oornag staan en maak dan die pan moeiteloos skoon.

As jy nou per ongeluk die brood nie geber het nie en dit is effens hard kan jy darem nog iets daarmee maak. Sit dit in die mikrogolf vir n paar sekondes. Smeer die een kant met margarien en sit kaas daarop en rooster in die oond. Die huismense sal nie eers agterkom dit os drie dae gelede se vars brood wat hulle eet nie. Sny die brood in blokkies en rooster in die oond. Jy kry dan heerlikke croutons. Wat ek kan onthou is dat my Ma die snye brood redelik dik gesny het. Sy het dit dan elke snytjie brood in drie of vier repe gesny. Dit het dan oond toe gegaan om teen n lae hitte uit te droog. So het sy menigmaal vir ons regte Ouma beskuit gemaak.
Muf in kos kan jou redelik siek maak. As jy muf op kaas kry kan jy net die muf afsny en weggooi. Die res van die kaas is nog reg om te eet. As jy die maag daarvoor het kan jy gerus n stukkie van die muwwerige kaas eet. Dit gee die kaas nogal n heerlikke smaak. Muf op kaas is mos medisyne en kan jou nie skade aandoen nie. Met die ander kosse is daar net een raad en dit is asblik toe.

Ek hoop die raad gaan julle eendag help.


'n Baas is iemand wat vroeg is wanneer jy laat is en laat is wanneer jy vroeg is


Gelukkig staan my dogter nou op troue sonder teveel probleme. 'n Vriend stuur nou die dag vir my 'n vorm vat voornemende jong mans eers moet invul voordat hulle met 'n dogter uitgaan. As jy hier regs klik kan jy die vorm aflaai en uitdruk, en dit dan reg hou wanneer die jong manne begin vlerksleep met jou dogter.


Hier is 'n paar Bob Hope aanhalings:

Op 70 jaag mans nog vrouens, net afdraende!

Op sy 90ste verjaardag: Jy weet jy is oud wanneer die kerse meer kos as die koek!

Op sy arm jeugjare: Ons het vier in een bed geslaap, as dit koud word het ma nog 'n broer opgegooi!


Ek probeer ook om 'n volledige lys van ons land se feeste op 'n blad te sit, gaan kyk gerus hier. As julle weet van 'n fees wat ek nog nie het nie, stuur asseblief vir my die besonderhede. As julle fees wel op die bladsy is maar sonder kontakbesonderhede, gee die ook vir my.


Mense is eensaam omdat hulle mure bou in plaas van bre.
Joseph F. Newton


Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Vanaand 11 Mei, se boerpot is 9.5 miljoen ( meer as R100 miljoen!!!)


Stel jy in kruie en hulle gebruike belang? In my laaste paar Engelse nuusbriewe behandel ek elke keer 'n verslkillende krui. Klik hier om die lys van kruie te sien was ek reeds behandel het


Wees geduldig en jy sal alles regkry, wees ongeduldig en jy sal dit vinniger regkry!


Is toebroodjies vir die kinders 'n kopseer? Klik hier vir 'n swetterjoel nuwe idees! (Engels) Ek waarsku jou, party idees is rrig "weird"!


My Boererate eBoek vorder fluks, sal een van die dae gereed wees! Ons beplan om dit op CD te sit en as dit klein genoeg is om van die Internet afgelaai te word ook vanaf my webwerf beskikbaar. As jy dus nog Boererate vir my het, stuur asseblief! My volgende boek sal oor Tuiswenke gaan, so as julle daarvan het, stuur ook maar aan, dankie!


Ontvang Dr ST Potgieter se gratis nuusbrief: Verskaf jou besonderhede
deur te klik op die volgende skakel: http://www.successsecrets.co.za/signup_form.html

Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee n leser.

Beplan die avontuur van 'n leeftyd! Ek het vir my die stel VeZA CD's aangeskaf en nou is ek ook 'n ingeligte reisiger. Die roetebeplanner is nou op my skootrekenaar en kanse van verdwaal is nou baie skraal. Boonop het ek ook 'n uitgewerkte roete en ek weet wat op die roete te siene is. Hierdie is regtig aan te beveel, gaan kyk gerus by www.veza.co.za  en oortuig jouself.


Betaal jy teveel vir motorversekering?  
Klik hier vir 'n gratis aanlyn kwotasie!

Al wat jy dan moet doen is om te besluit wat om met die ekstra geldjie te maak


My vriendin, Anna Eksteen het 'n paar oulike resepte eBoeke saamgestel.
Die 5 Beste van Alle Suid Afrikaanse Resepte,
The 5 Best of All South African Dishes
,

101 Onweerstaanbare Poedings 
en
101
Kraakvars Slaaie.

NUUT
Nou ook 110 Spyskaarte
Hier is letterlik honderde puik resepte en wat nog meer is, daar is geen posgeld betrokke nie aangesien hulle afgelaai kan word of per ePos aangestuur kan word. Klik hier vir meer inligting


Kry 'n kredietkaart die maklike manier! Doen aanlyn aansoek  vir jou Barclaykaart!. Konsolideer jou skuld en betaal dit op een plek af!

Skakels

Peter-jasie

Boererate

Stormpies

Danville Hulpgroep

Boeremusiek

Nianell

Musiek

Eg Afrikaans

Die Knoop

Wat kyk jy

Wenke wat Werk

Minette Brink

Die Wreld

Pretoria Akkommodasie

Wat van 'n lekker koppie boeretroos!

www.digiTAAL.co.za

 

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

 

'n Tikkie Humor

Die predikant bevestig Gammat en Meraai in die huwelik.
Predikant: "Gammat, s nou agter my aan: Ek neem Meraai vir
'n ewige verbond en erfenis."
Gammat: "Ek neem Meraai vir 'n ewige verdomde ergernis."

"'n Goeie woordeskat," s die taaldosent,"is van die uiterste belang. Gebruik 'n woord twintig keer in drie dae, en dis joune vir ewig!"
Agter uit die klas kom 'n blondekop se stem: "Gerrit, Gerrit, Gerrit..."

Eerste boer: "Ek het 'n natuurlike frats op my plaas: 'n skaap met twee bene."
Tweede boer: "Ja, ek weet. Hy het gisteraand by my dogter komkuier."
 

 
 
 
 
 
 

 

 
 

Die Resep

Mens kry dadelbrood, mieliebrood en piesangbrood, hier volg die piesangbrood resep, die res volg in 'n volgende nuusbrief.

 

Piesangbrood

125 g botter
250 g strooisuiker
2 eiers
25 ml ongegeurde joghurt
5 ml vanieljegeursel
6 medium, ryp piesangs, fyn gemaak
50 ml gekapte neute
250 g meelblom
5 ml koeksoda
2 ml sout

Room die botter en strooisuiker saam en voeg die eiers, joghurt en geursel by. Vou die piesangs en gekapte neute by. Vou die gesifte meelblom, koeksoda en sout in. meng goed.
Skep die mengsel in n broodpan wat met kleefvrye bakpapier uitgevoer is. Bak vir 45 minute in voorverhitte oond teen 180 C.
 

 

Vriende van Boeremusiek

 

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Boeremusiek Dagboek

Boeremusiek nuus is net dat ons volgende byeenkoms by Toutrekpark gehou word op 28 Mei. Begin om 9vm en musikante is welkom om ons te kontak voor die tyd of daar vir 'n speelbeurt. Toegang is R20 vir die dag en die toutrek ouens gaan ook deelneem terwyl ons boeremusiek maak.'n Go-kart baan vir die kinders en die beste sosaties in Pretoria asook ander eetgoed. Sommer 'n lekker dag se vermaak vir almal met 'n lekker langarmdans die aand.

28 Mei - Vrystaat : Witwarm winteropskopdans
Manie Erasmus: Dans by Voortrekker Monument

11 Junie - Vriende van Boeremusiek: Voortrekker Monument heeldag boeremusiekvermaak

25 Junie en verder ook elke laaste Saterdag van die maand vir die res van die jaar! Manie Erasmus: Dans by Voortrekker Monument

30 Julie - Vrystaat lededag

13 Augustus - Vriende van Boeremusiek: Boeremusiek plesier vir almal!

2 September - Vrystaat en DOZI: Boeresportdag

10 Desember - Vriende van Boeremusiek - afsluitfunksie vir 2005!

Vir meer inligting, klik hier

 
   

Die Danville Hulp Groep

Hier is die nuutste terugvoer van Elsabe oor haar projekte:

'n Rukkie terug besluit Elsabe on 'n Huis van Beskerming in die Nelspruit area op te rig. Hier is wat sy op daardie stadium geskryf het:

HUIS VAN BESKERMING VIR MISHANDELDE EN VERKRAGTE VROUENS EN KINDERS! (Lydenburg area) Hierdie projek is op die oomblik ons groot prioriteit! Die behoefte vir hierdie huis is kritiek en ons sal al ons kragte moet inspan om
dit so vinnig moontlik tot stand te bring.

Soos almal nou al weet is die tender aan ons toegestaan en het ons in totaal R90 000-00 nodig vir die aankoop, vervoer en installasie asook die aanleg van elektrisiteit en water na die huis toe.

Ek het 10 dae om hierdie geld bymekaar te kry en die huis te verwyder. Ek GLO dat ons dit voor die 10 dae om is alles sal h.

En toe gebeur die wonderwerk! Hier is wat sy vroeg in Mei skryf!

Vriende,

'n Wonderwerk het gebeur!!! - Die HERE het voorsien - soos altyd.

Ons het tot nou toe nog net R33 000-00 kon insamel vir die huis! Kort toe nog R57 000-00 - en wat gebeur toe??????

ESKOM HET DIE HUIS AAN ONS GESKENK !!!!!!!!!!!!!! Is dit nie ongelooflik nie!?

Die firma waarvoor ek al 16 jaar werk en wat nog net goed was vir my het weereens deurgekom! en gewys dat hulle omgee vir die minderbevoorregte en vernielde mense van die samelewing!

Nadat ons die tender gekry het, het ek aansoek gedoen by die donasie kommittee met die hoop dat hulle ons miskien afslag kan gee! Ek het nooit verwag dat hulle sommer die huis aan ons projek sal skenk nie!!!

Ek weet nie wat en hoe om te tik om my vreugde deur te gee aan al ons getroue ondersteuners nie! Ek kan net getuig "Hoe groot is U, Hoe groot is U!!! my hart juig!

Die vervoermaatskappy is op hierdie oomblik besig om die huis uitmekaar te haal en te laai! Die huis behoort teen Saterdag weer
geinstalleer te wees en kan ons, ons "Veilige hawe" begin regkry vir die groot doel waarvoor ons dit oprig!

BAIE - BAIE DANKIE aan almal wat gehelp het om hierdie projek te laat realiseer. Ons het nou genoeg geld om die huis te vervoer, installeer, en water en elektrisiteit aan te l! Daarna sal ons kyk na die daaglikse/maandlikse instandhoudingskostes en 'n manier kry om 'n inkomste te genereer hiervoor. (Miskien moet ek maar voltyds gaan boer en groente op die mark verkoop!)

Dankie aan ons HEMELSE VADER wat al hierdie wonderlike dinge laat gebeur, want sonder SY genade is niks moontlik nie!

Bid asb vir hierdie "Veilige Hawe" van ons, dat hierdie huis gesen sal wees en dat ons sal kan help om stukkende mense weer heel te maak!

Ek hou julle op hoogte.

Mooi dag
Elsabe

Wel gedaan, Elsabe!!

Hier is die Projek se kontakbesonderhede, kontak gerus vir Elsabe as julle wil betrokke raak of op die poslys kom.

Danville Hulp Projek
Elsab Blignaut
Cell: 082 8282 551 na - ure
Huis: 012 991 3914 na-ure
Faks: 012 991 2073

Posbus 2839 Faerie Glen 0043
286 Cliffendale rylaan Faerie Glen
E.pos: elecnet@mweb.co.za
Webwerf: www.danvillehulp.co.za

Bankbesonderhede
Danville Hulp Projek
Eerste Nasionale Bank Brooklyn tak
Bankforum gebou -
Bronkhorst straat - NuMuckleneuk
Swift kode: FIRNZAJJ 926 (Internasionale inbetalings)
Takkode: 251345
Tjek Rek. nr: 62054634128
Nie Winsgewende Organisasie Art. 21
"Expectra 97 - Co 2003/017115/08
 

 

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!

As julle weet van enige boererate, stuur asseblief vir my, ek is besig om 'n eBoek saam te stel met soveel Boererate as moontlik. Enigiemand wat my 10 rate of meer stuur, kry 'n gratis eksemplaar wanneer dit gereed is!

 


Outydse Seep-resep

8 pond beesvet
1.5 bottel water
1 pond soda

Metode:
Smelt vet totdat dit olie is. Gooi water en soda in. Roer 3ure lank en laat afkoel.
Sny in vorms wanneer koud.

 

Klik hier vir nog meer Boererate

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons Blrkas van Afrikaanse Volksmusiek

SKOENMAKER STILLEWATER

Woorde: EITEMAL
Musiek: CONRADIN KREUTZER; verwerk: D. HYMAN

Ek klop-klop-klop van vroeg tot laat, my ysterlees word koud;
die mense dink, die stomme maat is met 'n skoen getroud.
Vir almal slaan'k my o neer en kyk hul skoene aan--
hul reken ek wil weet wanneer ek elkeen kan beslaan.

Dan klop-klop-klop ek immer voort en lag hier in my mou;
maar meet die sonstraal sonder woord daar teen die hemelblou.
En as die maan hier bo my staan en al die mense slaap,
dan trek ek stil my kispak aan, so sedig soos 'n paap.

En trip-pe-trap-pe gaan my voet al langs die stille straat;
dan hoor ek hoe my eie goed, my sole met my praat.
En kom ek by die nooi'ntjie aan waar dof die vetkers rook,
dan voel ek sommer pure man--di ambag ken ek ook.

Maar mre is my werkplek toe--ek wil past'rie toe gaan
en self die predikant vra hoe dit met sy sole staan.
En o ja, dom'nee, laat maar ook nou Sondag op 'n hoop
vir my en Griet van Onderdorp al drie gebooie loop.


 

Dit en dat....

Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige konstruktiewe terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: