Die Peter-jasie Patriot

Nommer 67

'n Passie vir Afrikaans

27 Mei 2005

Welkom alle nuwe intekenare!

Dankie vir Minette wat so lekker skryf. Ek moet tog 'n plan maak om in Nam te gaan kuier, die manier wat sy die woestyn en duine beskryf laat my besef dat ek iets groots mis! Ter stawing van bogenoemde kommentaar, die volgende artikel van Minette!

Gobabeb, groot gelykmaker in die woestyn
Minette Brink is verbonde aan die Republikein, die enigste Afrikanse dagblad in Namibië.

DIE son brand meer as die vel in die Namibwoestyn. Dit skroei die weerstand en die opstand weg.
En wanneer jy terug tussen vier mure sit, is jou hart en jou siel seer omdat daar meer is as hier.
Sondagmiddag twaalfuur sit ek plat op die sypaadjie in die parkeerterrein oorkant die Kalahari Sands.
Klein stukkie oornagtassie en 'n kamerasak. Ons gaan Gobabeb toe.
“Wat wil mens daar gaan maak in die niks? Twee hutte en 'n watertoring en dis dit. G'n selfoonopvangs, TV of krag nie. Longdrops en was in 'n koppie water. Vreemde wetenskaplikes wat agter torre aanhardloop in 45 grade Celsius. Wat wil mens daar gaan maak?”
Mens wil niks daar gaan maak nie. Mens wil net gaan kyk.
En die bussie kom aangejaag en ons moet klim. Absalom en Natascha en Mercia en Herrn Nestroy en Donovan die drywer en aangename kennis.
Hy het nog nie die Gamsbergpas gery nie, sê die drywer, maar sal ons dit maar vat?
Mercia beman die kaart en die res wikkel in vir die lang slaap.
Maar die mooi aan weerskante van die suisende bande oor die gruis praat te hard en in stille eerbied aanbid ons die land.
Heuwels en berge en wuiwende gras. Rante bedek met klossies bos soos 'n ou man se groterwordende bles in die laatmiddag son. Kranse en skeure en rotse is grynsende skedels en slapende dinosourusse.
Kronkelkronkel deur die Kuisebpas en skielik is ons nie meer beleefde vreemdelinge nie.
“If you fall from here you’ll fall from grace to the grass,” mompel Absalom terwyl hy sy lyf wegtrek van die afgrond hier teenaan die bussie se sy.
Ons sien die land deur ander oë. Neem foto’s van mekaar voor die Solitairediekant en Walvisdaaikant se bord.
Minute word ure en die son trek water. Welkom in die Namib Naukluft op die pad na nêrens. Stop, vra ek, tyd vir nog ‘n foto en Absalom soen die grond.
“Is daar lewe na Gobabeb,” sug Natascha toe ons verdwaal.
Mercia en Donovan se skuld, want hulle luister na die grappe uit die agterste gestoeltes en mis die afdraai.
Toe eet ons maar en deel wat ons het, “because here in Africa we share.”
En na dae en maande op die pad na nêrens is ons daar.
Gobabeb, watergat by die vyeboom langs die Kuisebrivier. En ons drink bier en word geroskam oor ons nie flitse gebring het nie en daar is jou tent.
“Ek gaan met 'n baas moet praat hieroor," brom Natascha in die donker op pad rivier toe.
Voor die tent laat val sy haar macaronikosblik en tassie.
"Ek het nog nooit in my lewe gekamp nie. En wat van die skerpioene," klink dit weemoedig in die vallei.
En dié sien ons by die dosyne later die nag. Onder die ultravioletlig gloei dié figuurtjies groen en pers in skeure en takke en boombas.
Na die tyd is ons kenners van gediertes en uit dankbaarheid klink ons 'n laaste bier. Al wil Absalom die City Boy met mening op 'n dak klim om net één sms vir die meisie in Windhoek te stuur.
Maar hier’s niks se selfoonbedrywe nie en tyd staan in elk geval stil en wat is die haas?
In die nag val die boomskerpioene op die tent se dak en girtsgirts teen die kante af. Maar voor ek kan sidder, oorval die woestynlug my en voor die son word ek wakker en wonder waar ek is.
Voëls wat sing terwyl ek onder die net lê en wag vir die son se gesig om oor die horison te beur.
Ek deel die stort met motte en onbekende goggas en 'n eksotiese sprinkaan met 'n verweefde kunswerk in sy ragfyn vlerke.
En van daar af is alles 'n droom. In die bloedige son is vreemde wetenskaplikes vereer vir die gehol agter torre aan. Daar is geëet en gedrink en rondgewys en met verwondering gekyk in watter anderste wêreld dié Gobabebbers bly.
Toe ons wegry, het ons vir lank halflyf by die vensters uitgehang om vir Helen te waai en te waai en 'n laaste verlangende kyk oor die Namibsand te gee.
En ons was stil, want ons het stukkies van ons siele daar agtergelaat in ruil vir die stukkies wat ons daar langs die Kuiseb opgetel het.
Ons het saam die ontdekkings gemaak en soos kinders laf vir mekaar gelag.
"Because here in Africa we share."
Al is ons 'n boer en 'n plaasmeisie, 'n city boy van Oshakati, 'n drywer van Khomasdal, 'n Ingilsman wat kaarte verkeerd lees, 'n afgetrede ambassadeur of 'n Duitse Afrikaner met 'n liefde vir macaroni.

Raak ontslae van jou skuld, gaan aan met jou lewe  Klik hier

Ek ontvang die volgende van Jenine Coetzer:

Ek is onlangs gediagnoseer met O.G.A.A.T.S

Ouderdom Geaktiveerde Aandag Afleibare Teenwoordigheids Sindroom!

Dis hoe dit werk!

Ek besluit om die kar te was. Ek beweeg na die kar toe en sien die pos op
die tafel. Ek besluit om net eers gou deur die pos te gaan. Ek sit die kar
se sleutels op die lessenaar neer en gooi die gemorspos weg. Ek merk toe dat
die snippermandjie vol is en besluit om dit in die asblik te gaan
gooi.Terwyl ek nou naby die posbus gaan verbyloop besluit ek om sommer gou
die rekeninge te betaal. My tjekboek is skoonveld. Ek onthou ek het nog 'n
leë tjekblaadjie in die kamer en toe sien ek die koeldrank wat ek besig was
om te drink langs die rekenaar. Ek besluit om die tjekblaadjie te gaan haal
maar ek wil net eers die koeldrank op 'n veiliger plek neersit. Miskien moet
ek dit op die yskas neersit. Oppad kombuis toe sien ek die potplante het
water nodig. Ek sit toe die koeldrank op die rak neer en sien my bril wat ek
heel oggend gesoek het. Miskien moet ek dit eers bêre. Ek maak die
waterbeker vol om die plante nat te gooi en sien iemand het die
afstandbeheer van die TV in die
kombuis gelos. Ons sal nooit vanaand daaraan dink om in die kombuis vir die
ding te soek nie so dit moet eers terug familiekamer toe. Ek gooi water by
die plante en sit die afstandbeheer in die familiekamer en stap terug kamer
toe terwyl ek dink waarmee ek besig was. Aan die einde van die dag is die
kar nie gewas nie, die rekenings nie betaal nie, die vuilgoed nie uitgegooi
nie, die koeldrank staan op die kombuisrak, my tjekboek is weg en kan my
karsleutels nêrens kry nie! Ek wonder nou nog hoekom ek vandag niks gedoen
gekry het nie want ek was tog heeldag besig! Ek besef dis 'n ernstige
probleem en ek moet daaraan werk . . . ek wil net eers gou na my e-pos kyk!

Ek probeer ook om 'n volledige lys van ons land se feeste op 'n blad te sit, gaan kyk gerus hier. As julle weet van 'n fees wat ek nog nie het nie, stuur asseblief vir my die besonderhede. As julle fees wel op die bladsy is maar sonder kontakbesonderhede, gee die ook vir my.

 "Julle professionalisme het die verband proses 'n plesier gemaak ...  "
Mornay van der Merwe Klik hier

Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Vanaand 11 Mei, se boerpot is £9.5 miljoen ( meer as R100 miljoen!!!)

Stel jy in kruie en hulle gebruike belang? In my laaste paar Engelse nuusbriewe behandel ek elke keer 'n verslkillende krui. Klik hier om die lys van kruie te sien wat ek reeds behandel het

Ek het met niks begin nie en ek het nog die meeste daarvan!

My Boererate eBoek vorder fluks, sal een van die dae gereed wees! Ons beplan om dit op CD te sit en as dit klein genoeg is om van die Internet afgelaai te word ook vanaf my webwerf beskikbaar. As jy dus nog Boererate vir my het, stuur asseblief! My volgende boek sal oor Tuiswenke gaan, so as julle daarvan het, stuur ook maar aan, dankie!

Kinders op die agterste sitplek veroorsaak ongelukke, ongelukke op die agterste sitplaek veroorsaak kinders!

Ontvang Dr ST Potgieter se gratis nuusbrief: Verskaf jou besonderhede
deur te klik op die volgende skakel: http://www.successsecrets.co.za/signup_form.html

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Betaal jy teveel vir motorversekering?  
Klik hier vir 'n gratis aanlyn kwotasie!
Al wat jy dan moet doen is om te besluit wat om met die ekstra geldjie te maak

My vriendin, Anna Eksteen het 'n paar oulike resepte eBoeke saamgestel.
Die 5 Beste van Alle Suid Afrikaanse Resepte,
The 5 Best of All South African Dishes,
101 Onweerstaanbare Poedings  en
101 Kraakvars Slaaie.
NUUT Nou ook 110 Spyskaarte
Hier is letterlik honderde puik resepte en wat nog meer is, daar is geen posgeld betrokke nie aangesien hulle afgelaai kan word of per ePos aangestuur kan word. Klik hier vir meer inligting. 

Kry 'n kredietkaart die maklike manier! Doen aanlyn aansoek  vir jou Barclaykaart!. Konsolideer jou skuld en betaal dit op een plek af!

My Webwerf se Soekenjin

'n Tikkie Humor

Ek hoor dat Manto Disprin wil verban - dis glo wit en dit werk!

Met my dogter wat op troue staan, kry die volgende vir my nuwe betekenis:

Pa se reëls

1. As jy voor my hek toeter blaas, beter jy iets kom aflewer. Jy kom seker nie iemand oplaai nie.

2. Kyk my dogter in haar oë as jy met haar praat. Moet nooit êrens anders kyk nie.

3. As jou broek te enige tyd lyk of hy los is, sal ek met 'n paar spykers sorg dat hy bly waar hy moet wees.

4. Ek lyk nie net gemeen nie - ek IS gemeen.

5. Moenie met my oor politiek of sport of die weer praat nie. Al wat ek wil hoor, is hoe laat jy my dogter terugbring. Al tyd wat ek verstaan, is "vroeg."

6. Moenie rondtrippel as jy vir my dogter wag nie. Sy vat lank. Maak jouself handig en was my kar.

7. As jy my dogter laat huil, laat ek jou huil.

8. Flieks met ouderdomsbeperkings is uit. Walt Disney is aanvaarbaar. 'n Besoek aan haar ouma is nog beter.

9. Moenie vir my lieg nie, ek gaan jou uitvang.

10. Moenie gerus voel omdat ek 'n ouderling is nie. Ek doen dit net om my vrou gelukkig te hou.
 

Die Resep

Elzeth stuur vir my die volgende:

So vir die winter-lekkerte: 'n effe anderste bobotie-resep wat ek by my suster Liesel gekry het. Sy het dit by haar vriendin Jossie Spengler gekry.

Jossie Spengler se Bobotie

2 grt uie + 30 ml botter = braai (maar nie te veel nie)

3 dik snye witbrood + 125 ml kookmelk = week en druk dan die melk uit

Meng saam:
15 ml borrie
22 ml kerrie
90 ml appelkooskonfyt
15 ml blatjang
187 ml asyn
15 ml suiker
15 ml pitlose rosyne of sultanas
1 gerasperde appel
sout + peper

Meng alles hierbo saam en laat STADIG stowe in kastrol vir 10 minute om 'n sous te vorm.
Voeg hierdie warm sous dan by 1 kg rou maalvleis (wat eers in die kastrol effe los gemaak is).
Stowe stadig tot vleis gaar is. Roer af en toe.
Skep uit in 'n plat oondbak.
Klits 2 eiers en 1 k. melk. Giet dit bo-oor die vleismengsel. (Ek druk lourierblare, so 2, of suurlemoenblare, in die mengsel in vir geur.)
Bak in oond totdat die eier gestol is.

As jy wil, dan kan jy dit maak tot op die punt voordat die eiermengsel bo-oor kom, en dit dan in bakkies vries. Op die dag wat jy dit wil gebruik, dan bak jy dit met die eiermengsel.
 

Vriende van Boeremusiek

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Boeremusiek Dagboek

Boeremusiek nuus is net dat ons volgende byeenkoms by Toutrekpark gehou word op 28 Mei. Begin om 9vm en musikante is welkom om ons te kontak voor die tyd of daar vir 'n speelbeurt. Toegang is R20 vir die dag en die toutrek ouens gaan ook deelneem terwyl ons boeremusiek maak.'n Go-kart baan vir die kinders en die beste sosaties in Pretoria asook ander eetgoed. Sommer 'n lekker dag se vermaak vir almal met 'n lekker langarmdans die aand.

28 Mei - Vrystaat : Witwarm winteropskopdans
Manie Erasmus: Dans by Voortrekker Monument

11 Junie - Vriende van Boeremusiek: Voortrekker Monument heeldag boeremusiekvermaak

25 Junie en verder ook elke laaste Saterdag van die maand vir die res van die jaar! Manie Erasmus: Dans by Voortrekker Monument

30 Julie - Vrystaat lededag

13 Augustus - Vriende van Boeremusiek: Boeremusiek plesier vir almal!

2 September - Vrystaat en DOZI: Boeresportdag

10 Desember - Vriende van Boeremusiek - afsluitfunksie vir 2005!

Vir meer inligting, klik hier

Vriende van Boeremusiek Nuusbrief no 2

14  Mei 2005

Met ons eerste byeenkoms agter die rug en die volgende in sig, is dit tyd om bietjie nuus oor Vriende van Boeremusiek aan te dra…

Eers ons hartlike dank aan almal wat die byeenkoms op 9 April by die Voortrekker Monument bygewoon het. U teenwoordigheid en deelname was weereens ‘n bewys dat Boeremusiek nog lank nie dood is nie! Hierdie eerste byeenkoms was ook ‘n waardevolle leerervaring en ons is vol moed dat ons net kan verbeter op dit wat ons alreeds as ‘n groot sukses beskou! Die terugvoer wat ons ontvang het was oorweldigend positief maar soos dit maar gaan is niks perfek nie en was daar enkele gevalle waar mense minder gelukkig was maar darem nie heeltemal negatief nie! Ons wil derhalwe graag foute wat gemaak was regstel en probeer verhoed vir die toekoms en daarvoor het ons ook verdere insette nodig.

Tydens die byeenkoms op 9 April is Kalie de Jager as sameroeper verkies om leiding te neem en te besin oor verskeie aspekte rakende Vriende van Boeremusiek. Die ander komiteelede wat hom met hierdie taak moet bystaan is:

Wia Kotzé (sekretaresse), Ben van der Linde , Gerhardt Olckers, Paul en Betsie Roodt, Tom Senekal, Franz Steinhöbel en Ann van Vuuren. Hierdie komitee sal ons help om te besin oor die wyse waarop Vriende van Boeremusiek in die toekoms sal funksioneer. Intussen gaan ons voortmet reëlings vir verdure byeenkomste by die Monument en elders.

Kalie en ek het kennis en kontak gemaak met die bestuur van Toutrek Suid-Afrika wat ‘n pragtige terrein en saal het (op die hoek van Frederikastraat en 14de Laan Rietfontein) en graag saam met Vriende van Boeremusiek byeenkomste wil aanbied. Die eerste byeenkoms saam met die Toutrekkers J is gereel vir 28 Mei 2005. Die byeenkoms begin om 9 vm en toegang is R20 per persoon. Vir hierdie skamele bedraggie ontvang u ‘n hele dag se lekker luister Boeremusiek terwyl u kan kyk hoe die toutrekspanne dit onder mekaar uitspook en die aand lekker langarm kan dans tot laat. Dus – ‘n hele dag se gesinsvermaak! Toutrekpark het ook ‘n gelisensieerde kroeg en geriewe vir verversings. Vir die kinders sal daar ‘n GO-Kart baan wees! Hulle maak onder andere die heerlikste sosaties in Pretoria asook pannekoek en al die ander geregte wat normaalweg by ‘n snoepie te kry is. Kom kyk en ervaar gerus self hierdie besondere geleentheid!

Boeremusikante kry ook die geleentheid om weer hulle slag te wys. Maak seker dat u sodra u arriveer ‘n tydgleuf bespreek om te kan speel. Nadat almal ‘n kans gehad het om te speel sal ons weer die lys van voor af volg! So wie eerste kom, kom eerste aan die beurt! U word ook versoek om u adresbesonder­hede met ons te bevestig – daar sal ‘n lys by die hek asook by die Boeremusiektafel wees – aangesien heelwat van die vorige nuusbriewe wat ons uitgestuur het onafgelewer teruggekom het.

Dan vertrou ons dat u ook die datums vir ons volgende byeenkomste by die Voortrekker Monument aangeteken het en onthou! Die volgende byeenkoms by die Voortrekker Monument is op 11 Junie 2005 en hierdie keer begin ons om 9 vm!

Maak ook sommer ‘n knoop in die oor vir ons Byeenkomste by die Voortrekker Monument op 13 Augustus en 10 Desember 2005…

Ons hoor graag van u en sal kommentaar oor ons byeenkomste of sommer net lekker geselsbriewe oor Boeremusiek waardeer vir insluiting by volgende nuusbriewe!

As u verkies on ‘n elektroniese weergawe van die nuusbrief te ontvang – stuur vir my e-pos!! Die adres is hier onder!

“Vriende”like Boeremusiekgroete

Wia

Kontabesonderhede:

Posbus 75144

Lynnwoodrif, 0040

Tel: 012 361 7097

082 5788907

E-pos: wia@telkomsa.net

Die Danville Hulp Groep

Hier is die nuutste terugvoer van Elsabe oor haar projekte:

Daar was weer 'n Seunskamp gedurende die naweek van 13 tot 15 Mei. vir berig en fotos klik hier.

Hier is terugvoer oor die Rainbow Kleutergroep:

Vrydae is in meer as een opsig `n spesjil dag by Rainbow Kleuterskool!
* dis koekdag vir die verjaardagmaatjies van die week;
* almal dra hulle nuwe spogsweetpakke en
* daar word afgewyk van die normale roetine;
*kon ek vir `n beter rede vra om `n springkasteel te reel ?
Die kinders het in klasgroepies kom spring en dit het my kans gegee om ook in die klassies te kuier. Hier is groot vordering te bespeur - wat maniere, ontwikkeling en dissipline aanbetref. Die juffrouens kwyt hulle baie goed
van hulle taak ! Eintlik staan ek verstom as ek terugdink aan die outjies se vordering : verlede jaar kon min van hulle sê hoe oud hulle is, woordeskat was beperk, en handvaardighede swak. Nou bou hulle legkaart, teken , skryf
en babbel !! Die springkasteel was `n groot lekkerte. Die gegil en gelag kon mens van ver af hoor. Menige besering is weggelag omdat die pret net te lekker was. Ons moes keer want van die akrobate met opgehoopde energie het
rowwe toertjies uitgehaal.
Ek het ook die Rainbow Rally beleef!! ! ( `n Harley Rally sal goed vergelyk ) Vrydae word die straat toegemaak en die maatjies jaag met hulle skopfietsies straat- op en straat- af . Wee jou as jy durf in die pad kom !
Hulle swenk vir geeneen uit nie !
En net toe ek met `n gevoel van genoegdoening wou groet, kom ek op twee dogtertjies af wat saam met Oom Attie by die stoor, skoene aanpas.Die vreugde oor hierdie paar tweedehandse tekkies het my so geruk ( moes hard
sluk ) en net daar het ek besef : elke goeie daad aan die kindertjies word so opreg waardeer ! Ons durf nie ophou nie!

Hier is die Projek se kontakbesonderhede, kontak gerus vir Elsabe as julle wil betrokke raak of op die poslys kom.

Danville Hulp Projek
Elsabé Blignaut
Cell: 082 8282 551 na - ure
Huis: 012 991 3914 na-ure
Faks: 012 991 2073

Posbus 2839 Faerie Glen 0043
286 Cliffendale rylaan Faerie Glen
E.pos: elecnet@mweb.co.za
Webwerf: www.danvillehulp.co.za

Bankbesonderhede
Danville Hulp Projek
Eerste Nasionale Bank – Brooklyn tak
Bankforum gebou -
Bronkhorst straat - NuMuckleneuk
Swift kode: FIRNZAJJ 926 (Internasionale inbetalings)
Takkode: 251345
Tjek Rek. nr: 62054634128
Nie Winsgewende Organisasie Art. 21
"Expectra 97 - Co 2003/017115/08
 

Boereraat van die Week

Afrikaanse Lied

Dit en dat....

Druk jou speld op my besoekerskaart!

Kontak - Teken in/uit