Die Peter-jasie Patriot

 

Nommer 7

'n Passie vir Afrikaans

14 November

Hallo almal!  Hier's ek weer!

Dinge begin nou dol raak hier.  Nooit gedink 'n pensioenaris se sosiale kalender kan so vol wees nie! Seker maar die tyd van die jaar wat almal afskeide en partytjies reŽl.  Voor aftrede was ek gewaarsku dat ek myself moet besig hou en aktief bly.  Nou wil ek liewers weer gaan werk waar ek minder besig en minder aktief was!

Het die week vir Gys de Villiers ontmoet en 'n webwerf vir hom bespreek. Een van die dae is dit klaar dan kan julle ook sien!

My "Christmas Hamper" van die bank waar ek gewerk het arriveer to gister, propvol snuisterye, soomer luukshede ook wat mens nie elke dag gaan koop nie, ons gaan smul tot lank na Kersfees. Moet net onthou dat ek op dieŽt is en nie alles op een slag verorber nie. Doreen sal vir ek en Lorraine "ration'!

My komper gaan die week in om opgradeer te word, het nou te stadig geword om video te redigeer, so hy gaan 'n volksie in en kom 'n Porsche uit!

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


Nianell


 

'n Tikkie Humor

'n Paar Dol Definisies!

HUWELIKSERTIFIKAAT : 'n Soort jaglisensie wat jou tot een bok beperk.
KRAAI : Spreeu in 'n aandpak.
KREDIETKAART : Iets wat meeste mense gebruik wanneer hulle ontdek geld kannie alles koop nie.
VLEISBRAAI : 'n Partytjie waar die kos so 'n bietjie rou en die gaste so'n bietjie gaar is.
WITTEBROOD : Die vakansie wat 'n man neem voordat hy vir 'n nuwe baasbegin werk.
ALMANAK : 'n Kaart waarop jy kan sien hoe om by Kersfees uit te kom.
AMBULANS : Kombi met diskoligte.
BAAS : Wat Ma vir Pa laat dink hy is.
BABA : 'n Soort engel waarvan die vlerke korter word namate die bene langer word. BABAWAENTJIE : Verlede jaar se pret op wiele.
BEGROTING : Iets wat jou laat wakker lÍ nog voor jy jou geld bestee.
BELASTING : Die beloning vir energie, harde werk en spaarsamigheid.
BOOM : Iets wat jare op een plek bly staan en dan skielik op 'n dag voor 'n voertuig inspring.
BROMMER : Vlieg met 'n dieselengin.
BRUIDEGOM : Imand wat hom teen iets taais vasgeloop het.
BRUNET : Uitgebrande blondine.
DIEET : 'n Manier van maer word waarvoor jy gou dik word.
EEND : 'n Hoender met roeispane vir voete.
EIER : 'n VoŽl se geboortedo(r)p.
ETENSTYD : Die enigste tyd wanneer 'n kind nie wil eet nie.
GERAAMTE : Iemand met sy binnekant buite en sy buitekant weg. GESINSVAKANSIE : Wanneer jy alles saamneem waarvan jy eintlik wil wegkom. GEWETE : Iets wat pla as alles baie lekker gaan.
HELIKOPTER : Eierklitser met ambisie.
INRYTEATER : 'n Plek waar jy ou prente en jong paartjies aantref.
KARSIEK : Dit wat jy elke maand kry as jy die paaiement moet betaal.
KORTPAD : 'n Pad waarop jy niemand kan kry om jou te sÍ waar jy is nie.
LEKTOR : Iemand wat die rare talent het om 'n student aan die slaap tepraat.

Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


Minette Brink


Die Resep

Ons gaan juis kamp die naweek, en sal virseker die resep probeer!  Hier is nog een van Anna Eksteen se resepte.
Hierdie resep kom van Anna Eksteen se uitstekende aflaaibare resepteboek, Vir meer uithaler Suid Afrikaanse resepte soos die een, kontak Anna soos volg:
Sel: 0822946799
 
KAMPKERRIEKOS:

500g boerewors, in skywe gesny
2 knoffelhuisies, gekneus
2 uie gekap
15ml kookolie
2ml rissiepoeier
15ml kerriepoeier
250ml vleisaftreksel
15ml tamatiepuree
30ml suurlemoensap
5ml sout
2ml vars gemaalde swartpeper
3 aartappels, in blokkies gesny
4 piesangs, in skywe gesny

Rooster wors tot byna gaar. Hou eenkant warm. Soteer intussen knoffel en ui in verhitte kookolie. Voeg rissie- en kerriepoeier by en braai effens. Voeg verhitte vleisaftreksel, tamatiepuree, suur lemoensap, sout en peper by. Voeg aartappels en wors by en prut vir 20 minute. Voeg piesangs by, meng goed en verhit deeglik. Sit voor met gebotterde heelgraanbrood.
 

Brokkies

Kruger!

Ons was toe laas naweek in die Kruger Park, slaap toe die Saterdag aand oor by Olifants kamp met die beste uitsig in dioe park. Net jammer die Olifantsrivier was so leeg! Die sonsondergang wildsbesigtigingsrit was ook baie suksesvolmet volop diete te siene en 'n baie goeie gids. Sy naam is Paul en hy het oŽ soos 'n valk, wat natuurlik baie gehelp het om die diere raak te sien. Dit was ook maansverduistering maar ek was nou regtig nie lus om drie uur die oggend op te staan om na die maan te gaan kyk nie.  Ek sien toe die hele gebeurtenis in elk gaval op my skootrekenaar met die "Sterry Night" sagteware.

Argiewe

 
 
 
 

 
Kamp

Die komende naweek gaan ons by die Vaalrivier kamp, ons eerste keer in 'n tent, ons sal maar moet sien hoe dit gaan. Miskien bied ek maandag 'n tent te koop aan!

 

 
Danville Kersboom

Elsabe is kliphard besig met die nodige reŽlings vor die Kersboom op die 6de Desember. Hou maar die webblad en die Kersboom bladsy dop vir verwikkelinge, skakels hieronder

 (Kersboom en kinders se wenslys) (Die Danville Hulpgroep) (Kersboom)

 

 
.Ek sal enige terugvoer en/of voorstelle waardeer!. dankie - Peter  
     

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: Peter-jasie