Die Peter-jasie Patriot

Nommer 71

'n Passie vir Afrikaans

22 Julie 2005

Welkom alle nuwe intekenare!

Ek gaan iets nuuts probeer, 'n boekveiling! Ek het 'n paar boeke wat ander mense interessant behoort te vind, en die eerste een is nou op veiling. Dit is Sangiro se Op Safari, klik hier as jy belangstel om te bie.

As jy nog nie jou eksemplaar van my Boererate eBoek gekry het nie, klik hier vir meer besonderhede.

Die artikel wat ek geplaas het wat my ma geskryf het, het nogal heelwat kommentaar uitgelok, so ek plaas weer een van die artikels wat sy in die jare 50 vir die Koster Herout geskryf het. Meestal oor die lewe in 'n klein plattelandse dorpie in daardie jare.

Ek plaas hierdie spesiaal vir Elize Clark!

Die Kappiekommando Kompeteer
deur Fien

Die dames van Koster besluit toe mos om 'n rewolwerklub te begin
Die volgende artikel deur Fien verskyn op 14 Mei, 1958 in die Koster en Swartruggens Herout
Gewapen met veldkykers, selfvertroue en tien patroontjies elk het die dames van die Kosterrewolwerklub verlede Vrydagmiddag op die skietterrein van die Noordelike Skietkommando bymekaargekom vir hulle eerste skietoefening, maar dit was nie lank daarna of die verbygangers het lont geruik en gou-gou was daar 'n groot skare mense wat gekom het vir, soos hulle vermoed, 'n braaivleis, (want die skietterrein is 'n deel van ons dorpskamp). Hier moes ons egter die belangstellendes teleurstel want die nodige voorsorgmaatreëls ter beveiliging van die lewende hawe in die kamp was alreeds getref - dus het daar geen moontlikheid van 'n braaivleis bestaan nie.
Op die skietbane aangekom, moes ons in twee rye en op dubbelpas na die skyf marsjeer, maar hier het dinge egter byna in 'n oorlogstoestand verkeer, want sonder waarskuwing is daar 'n paar skote met buskruit geskiet, nie om ons in verwarring te bring nie, maar om die noodsaaklikheid van bewegingloosheid duidelik te maak. Die gevolg was dat wanorde onder ons losgebreek het en binne 'n paar sekondes was al die skutters op die loop gejaag, en hulle het hulself agter die eerste en beste beskikbare dekking verberg.
Hierdie voorval het ons baie senuagtig en prikkelbaar gemaak, en baie geduld, sagte behandeling en takt moes aan die dag gelê word voordat ons weer selfvertroue gehad het.
Die skyf, met 'n kol van omtrrent 1 1/2 duim in deursnit, was op 'n afstand van 600 jaarts geplant, en ons was daardeur genoodsaak om ons veldkykers (sterng verbied) te gebruik voordat ons kon korrel neem, sodoende moes ons dan die vereistes van skietbaandisipline verbreek want ons moes in seksies van drie in plaas van EEN op die front tree, nl die skut, 'n tweede wat die veldkyker gebruik om die punt waarna die skut moet mik te beskrywe en die derde wat moes dien as skietrus. Ongelukkig het een van die "rekrute" vergeet om die rigmiddele suiwer regop te hou, sy het albei haar oë styf toegeknyp en - gevuur, voordat sy uit die 'laai'-houding in die 'aanlê'-houding was.
Dit was toe besluit dat dit veiliger sou wees om ons verder af te rig in die 'sittende'-houding!
Daarna het ons geskiet sonder skyf en verskillende voorwerpe in die veld was gebruik as mikpunte. Die "rekruut" met die veldkyker het vier mikpunte beskrywe, en na die bevel van 'vuur' het een van die mikpunte skielik in die lug gespring en die veld ingestorm. Dit was jammer dat hierdie 'mikpunt' oom Org se kampioenbul was, maar ons kon toe niks aan hierdie ou sakie doen nie. Gelukkig was daar een van die mediese tipes onder die belangstellendes, en nadat hy tevergeefs al sy kennis in eerstehulp aan die dag gelê het, was dit algemeen aangeneem dat daar tog braaivleis gehou sou word.
Verder was ons geleer dat die rewolwer op twee maniere gebruik kan word (a) as wapen vir een hand en (b) as wapen vir twee hande. Ek verkies natuurlik die tweehandegreep - sodoende hoef ek nie korrel te neem nie en ek kan die 'lêende' skiethouding inneem, met die kolf as stut vir my ken!
Na die eerste rewolweroefening is ek oortuig daarvan dat daar nie EEN agterlike skutter onder ons dames is nie, en ek kan waarborg dat ons binnekort op bevel van 'snelvuur' sal kan staande laai, knielende korrel en sittende vuur - (standaardtyd een minuut!). En as die bevel 'vul magasyne' gegee word sal ons nie die rewolwers wegsmyt en na ons kosmandjies storm nie, maar sal ons direk weet dat die opdrag is om aan te lê en te skiet!!
Verder dat die terme 'oorgehaalde haan' en ontspan vere' niks met die henne in die hok te doen het nie!

(bogenoemde teks is onveranderd gelaat)

Meganiek van Rewolwers
(Leidraad vir 'Rekrute")
Korrelbeskermer - voëlverskrikker
Laai - bêreplek vir rommel
Veiligheidsknip - haakspeld
Ruste in Haan - tydperk tussen sononder en dagbreek
Koppelring - troupand
Snellerbeuel - 'spiedkop'
Rigmiddele - padverkenners
Uitgooier - baas van kroeg
Arm van veiligheidsknip - greep in stoei
Mikkorrektor - snoeiskêr
Romp - uitsluitend vir dames
Haan - oorsaak van kannibalisme onder hoenders  

  "Julle professionalisme het die verband proses 'n plesier gemaak ...  "
Mornay van der Merwe Klik hier

Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Boerpotte is gereeld £5 miljoen of meer, dis darem 'n allemintige klompie Rand!

Ontvang Dr ST Potgieter se gratis nuusbrief: Verskaf jou besonderhede
deur te klik op die volgende skakel: http://www.successsecrets.co.za/signup_form.html

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Betaal jy teveel vir motorversekering?  
Klik hier vir 'n gratis aanlyn kwotasie!
Al wat jy dan moet doen is om te besluit wat om met die ekstra geldjie te maak

My vriendin, Anna Eksteen het 'n paar oulike resepte eBoeke saamgestel.
Die 5 Beste van Alle Suid Afrikaanse Resepte,
The 5 Best of All South African Dishes,
101 Onweerstaanbare Poedings  en
101 Kraakvars Slaaie.
NUUT Nou ook 110 Spyskaarte

Hier is letterlik honderde puik resepte en wat nog meer is, daar is geen posgeld betrokke nie aangesien hulle afgelaai kan word of per ePos aangestuur kan word. Klik hier vir meer inligting. 

Kry 'n kredietkaart die maklike manier! Doen aanlyn aansoek  vir jou Barclaykaart!. Konsolideer jou skuld en betaal dit op een plek af!

Webwerf soeklig

My Webwerf se Soekenjin

'n Tikkie Humor

'n Argeoloog was besig om te werk in die Negev-woestyn in Israel en kom toe af op 'n kis waarin daar 'n mummie is. Nadat hy dit ondersoek het, skakel hy die kurator van 'n beroemde argeologiese museum, en se vir hom: 'Ek het 'n mummie ontdek van 'n man wat 3000 jaar gelede aan 'n hartaanval gesterf het!' Waarop die kurator hom antwoord: 'Bring hom in, dat ons hom kan ondersoek.' 'n Maand later bel die kurator die argeoloog: 'Jy was toe reg omtrent die mummie se ouderdom EN die oorsaak van dood. Hoe op aarde het jy geweet waaraan hy dood is?' 'Maklik', se die geoloog, 'In sy hand was daar 'n kleitabletjie met die woorde: 'Tien duisend sikkels op Goliat...'

Die Resep

Vriende stuur gereeld vir my resepte, die een is van Elzeth wat al honderde gestuur het! Dankie Elzeth

WARM AARTAPPELBAKSEL

BESTANDDELE:
6 groot aartappels
2 middelslag uie
1 groot blik gekapte sampioene
1 pak spek (gesnipper)
250 ml vars room
250 ml vars melk
1 koppie gerasperde kaas (gouda of cheddar)
1 pakkie wit uiesop
vars swart peperkorrels
aromat of sout na smaak


METODE:
Kook die aartappels tot gaar (net nie oorgaar).
Braai uie, sampioene en spek saam tot gaar.
Sny aartappels (met skil) in skywe.
Pak 'n laag skywe in 'n platboom oondbak; strooi 'n laag sampioenmengsel
bo-oor die aartappels. Gooi speserye oor (vars swartpeper/aromat) en strooi
gerasperde kaas bo-oor.
Herhaal laag aartappels ens. totdat jy 3 lae het.
Gooi die laaste laag sampioenmengsel oor en laaste laag gerasperde kaas
(sommer baie).
Meng die room, melk en wit uiesop saam en gooi bo-oor laag aartappels.
Bak by 180º C vir 'n volle uur en bedien warm.

Geniet dit - dis smullekker
 

Vriende van Boeremusiek

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Boeremusiek Dagboek

Elke laaste Saterdag van die maand vir die res van die jaar! Manie Erasmus: Dans by Voortrekker Monument

30 Julie - Vrystaat lededag

13 Augustus - Vriende van Boeremusiek: Boeremusiek plesier vir almal!

2 September - Vrystaat en DOZI: Boeresportdag

10 Desember - Vriende van Boeremusiek - afsluitfunksie vir 2005!

Vir meer inligting, klik hier

Maak ook sommer ‘n knoop in die oor vir ons Byeenkomste by die Voortrekker Monument op 13 Augustus en 10 Desember 2005…

Wia

Kontabesonderhede:

Posbus 75144

Lynnwoodrif, 0040

Tel: 012 361 7097

082 5788907

E-pos: wia@telkomsa.net

Die Danville Hulp Groep

Terugvoer van Elsabe oor al die projekte waarmee sy besig is:

Goeiemôre vriende,

As die winter tog net sal wil wyk!!!- Ons het 'n groot kos krisis.

Ons het gister die laaste kruideniersware uitgedeel en die stoor is nou
dolleeg!!! Ons het GEEN kruideniersware meer om selfs net by die grootste
nood te kan uitdeel nie!!

HELP asb! Die koue maak die honger nog erger!!!

Enige kruideniersware is meer as welkom. Nie bederfbare kosse soos
mieliemeel, suiker, mielierys, rys, blikkies kos, blikkies vleis,
blikkies vis, poeiermelk, hawermout, olie,sout en peper, broodsmere en
margarien is nou bitter nodig.

Afleweringsadres:

286 Cliffendale rylaan
Faerie Glen

Tel 991 3914 of Cel 082 8282 551 skakel asb voordat jy ry.

Donasies kan in ons gewone rekening gedeponeer word asb.

Danville Hulp Projek
FNB - Brooklyn
Takkode: 251 345
Tjek rek: 62054634128
Verw: Kos

Stuur asb hierdie boodskap aan soveel as moontlik familie en vriende en
sommer ook kennisse en help ons asb om hierdie minderbevoorregte mense in
nood te kan help.

Ek hoor graag van julle. Antwoord asb per e.pos elecnet@mweb.co.za

Mooi dag

Elsabe

Boereraat van die Week

Afrikaanse Lied

SAAI DIE WAATLEMOEN

Woorde: Tradisioneel: Vers 1; PIERRE MALAN: Vers 2, 3, 4
Musiek: S.A. Volkswysie; verwerk: PIERRE MALAN

[1]
Saai die waatlemoen,
saai die waatlemoen,
saai die waatlemoen,
saai die waatlemoen!
My mamma roei in die skuitjie,
my pappa blaas 'n fluitjie,
my boetie draai die orreltjie,
saai die waatlemoen!

[2]
Braai die jong kalkoen,
braai die jong kalkoen,
braai die jong kalkoen,
braai die jong kalkoen.
My tannie dra 'n kruikie
vol water uit die spruitjie,
sy saai 'n koringkorreltjie,
en kry 'n boerpampoen!

[3]
Wat sal ek tog doen?
Wat sal ek tog doen?
Wat sal ek tog doen?
Spyker in my skoen!
Die nooi'ntjie brei 'n truitjie,
sy trek haar mond 'n tuitjie,
sing 'n wysie deur haar gorreltjie.
Wat sal ek tog doen?

[4]
Almal wil haar soen,
almal wil haar soen,
almal wil haar soen,
almal wil haar soen!
Dan bak sy maar 'n kluitjie
en sê sy's klaar 'n bruidjie,
die vonkelwyn maak 'n borreltjie,
almal wil haar soen!

Dit en dat....

Druk jou speld op my besoekerskaart!

Kontak - Teken in/uit