Die Peter-jasie Patriot

 

Nommer 72

Afrikaans KOOK!!!

5 Aug 2005

Wees gegroet!

Welkom alle nuwe intekenare!

As jy nog nie jou eksemplaar van my Boererate eBoek gekry het nie, klik hier vir meer besonderhede.

My CD wat Boererate sowel as Boeremusiek bevat, Rate en Plate,  is uiteindelik beskikbaar! Bestel jou eksemplaar sommer NOU!
Klik hier vir besonderhede!

Hier is nog een van Minette Brink se lekkerlees artikels. Minette is verbonde aan die Republikein, die enigste Afrikaanse dagblad in Namibië

Daggatee en liefde
Minette Brink

“DRINK jy daggatee?”
Ek stik aan my koffie en kyk die seunskind van my stip aan.
“EKSKUUS??!! Waar kom jy daaraan?” wil ek verstom weet.
Meneertjie kyk nie eens op van die graad twee huiswerkboek nie. “By die skool,” sê hy nonchalant. En kleur verder in, sonder enige benul van die emosies wat sy ma se binnegoed soos ʼn tuimeldroër laat rondtol.
Die gedagtes spin, want hoe benader ek nou dié te vroeg kwessie. Ek het darem gedink ons sal eers skuins voor tienerstadium die dwelmpraatjie hoef te hê.
Maar voor ek die hele bedryf kan aanpak, kyk hy met ʼn diep frons op.
“Wat is dagga, Ma?” En ek sug ongemerk, verlig tot in my tone.
Ek verduidelik toe dis plante wat mense rook.
“Hahahahaaaa,” skree Broer en Suster gelyk. “Hoekom, is hulle stupid? Mense wat plante rook..hahaha.”
Dis nie die plek of tyd om toe te sê dat daai plante mense vreeslik anderste laat voel nie, want dit sou hulle net verder verwar. Hamer maar toe op die POLISIE en DIE TRONK waarnatoe jy gepos word as jy so stupid wil wees om plante te rook. En daar daal weer ʼn kalmte oor die huiswerktafel neer.
“Ugh,” kreun die jongste terwyl die potlood omtrent buig soos daai plomp vingertjies hom vasklem.
“Hoe spel mens Christopher,” wil sy weet.
Ek dog sy’s besig om te oefen aan alle woorde wat met ‘g’ begin. Vanwaar dié naam? Is die onnie waansinnig? Graad Eens wat met sulke…
“Di-ii-is haar boyfriend,” koggel die Broer.
Ek dog my hart gaan staan. Werklik. Ek het nie krag om nou al met sulke nonsens te probeer byhou nie. ʼn Boyfriend, in graad een. Ek gaan dit verloor. Ons gaan trek. Geen kontak meer met enige van die suf samelewing nie.
“Is nie waar nie, hy’s my vriend. Ek skryf net vir hom ʼn brief,” verdedig sy.
En toe vertel sy van die Christopher en hoekom hy haar vriend is.
Die meisiekind van my maak nie maklik vriende nie. Inteendeel, glad nie. Ek verstaan nie regtig hoekom nie, want sy is die happy een, die een wat soos ʼn hondjie by oop motorvensters met toegeknypte oë sing saam met die wiele rol. “Visvang vir Jesusss, visvang vir Jesusss’ of ‘Jesus lafs mie dis aai nou” al die pad, sonder ophou.
Haar eerste maande by die preprimer was nie lekker nie. Alleen onder ʼn boom gesit en net gekyk wat al die ander jillende malende kindermassas doen.
Maande lank. En toe kom sit Christopher eendag langs haar. Net sommer gesit en niks gesê nie. Saam vir die ander gekyk. Niks gesê nie.
Dit was verlede jaar. ʼn Liefde wat so lank hou verdien op die stadium ʼn brief, dink sy.
En met trane wat baie vlak in my keel sit, wys ek vir haar om sy naam te skryf. ʼn Uur se werk en die eerste liefdesbrief in my dogtertjie se lewe is klaar.
“Liewe Christopher, ek is baie lief vir jou.”
Dis so mooi, het ek geprys en gevoel hoe my hele wese swel van trots.
“Sal jy sy ma bel, vra sy na ʼn rukkie.
Want sien, Christopher is nog in die preprimer en kan nog nie lees nie, dan moet ek sommer vir sy ma dit lees. En dan hou sy dit tot hy volgende jaar ook graad een toe gaan.
Wie’t nou daggatee nodig?


Ek is MAL oor jou boek!! Baie dankie daarvoor - Nadia Roos
Klik hier vir meer inligting!


Raak ontslae van jou skuld, gaan aan met jou lewe
 Klik hier

 

  "Julle professionalisme het die verband proses 'n plesier gemaak ...  "
Mornay van der Merwe
Klik hier


Die volgende is ook jare gelede deur my ma geskryf, jy kan dit sing op die wysie van "Enjoy yourself, it's later than you think"


Geniet Jouself Nou!
deur Fien

Jy swoeg en sweet jou lewe lank
Jy's altyd op die draf.
Jy hoop jy's eendag ryk,
Maar wat help al die geldjies dan
Jy's oud en wil beswyk!
Die nuwe kar wil jy nou koop
Jy het dit lank beoog.
Die reëntjie is jou laaste hoop -
Die wêreld bly maar droog.
Maar eind'lik is die redding daar
Van nou af gaan jy WOEL,
Maar wat help nou die kar vir jou?
Jou huis het weggespoel!
Jy dink nou aan die tafsy rok
Dis net die nuutste styl.
Jy tel die hoenders in die hok
Daar's werk nou vir die byl
Die laaste kop word afgekap
Genade is daar geen.
Spog jy nog met die nuwe rok?
Jou buurvrou het ook een!

Jou mielies het jy klaar verkoop
Jy's mos 'n flukse boer.
Jou troupak moet weer dien vir doop
Jy spaar om te gaan toer.
Jy plan al jare vir DIE dag
Geen haas - jy's nog gesond.
Maar wat help al die uitstel nou?
Jy's ses voet onder grond!

 


Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Boerpotte is gereeld £5 miljoen of meer, dis darem 'n allemintige klompie Rand!


Die Mieliestronk, beste ding sedert braaivleis of biltong.
Vir inligting en hulp met skooltake

Credit Health


Ontvang Dr ST Potgieter se gratis nuusbrief: Verskaf jou besonderhede
deur te klik op die volgende skakel: http://www.successsecrets.co.za/signup_form.html

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.


Betaal jy teveel vir motorversekering?  
Klik hier vir 'n gratis aanlyn kwotasie!

Al wat jy dan moet doen is om te besluit wat om met die ekstra geldjie te maak


My vriendin, Anna Eksteen het 'n paar oulike resepte eBoeke saamgestel.
Die 5 Beste van Alle Suid Afrikaanse Resepte,
The 5 Best of All South African Dishes
,

101 Onweerstaanbare Poedings 
en
101
Kraakvars Slaaie.

NUUT
Nou ook 110 Spyskaarte

Hier is letterlik honderde puik resepte en wat nog meer is, daar is geen posgeld betrokke nie aangesien hulle afgelaai kan word of per ePos aangestuur kan word. Klik hier vir meer inligting

En nou, na vele versoeke, Anna se nuutste boek - "Making Diabetic Cooking Easy" Die boek bevat 177 resepte en kos maar net R65. Vir meer inligting, kontak Anna by 0822946799 of per epos by anna@minimax.cc


Kry 'n kredietkaart die maklike manier! Doen aanlyn aansoek  vir jou Barclaykaart!. Konsolideer jou skuld en betaal dit op een plek af!

Skakels

Peter-jasie

Boererate

Stormpies

Danville Hulpgroep

Boeremusiek

Nianell

Musiek

Woes

Eg Afrikaans

Die Knoop

Wat kyk jy

Wenke wat Werk

Minette Brink

Die Wêreld

Pretoria Akkommodasie

Wat van 'n lekker koppie boeretroos!

www.digiTAAL.co.za

 

Webwerf soeklig

Met elke uitgawe sal ek van nou af die soeklig plaas op 'n webwerf met Afrikaanse inhoud. Hierdie keer is dit die beurt van

ABC Bookshop
Hulle 100ste katalogus is pas vrygestel, hulle spesialiseer in Africana, gaan kyk gerus!

 

 

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

 

'n Tikkie Humor

Nou weet almal seker waarvoor staan SAA/SAL
SAA - Seek another airline
SAL - Soek ander lugdiens

Sielkundige vra vir Gammat : Kyk jy vir jou vrou se gesig gedurende seks.
"Ek het eenkeer en sy het redelik de hel in gelyk."
"Hoe dan so?"
"Sy het by die venster ingeloer."

Die man vra in die Restaurant vir die kelner of hulle wilde-eend het.
Die kelner, "nee meneer maar ons kan vir jou 'n makke de moer in maak".
 

 
 
 
 
 

 

 
 

Die Resep

Vriende stuur gereeld vir my resepte, die een is alweer van Elzeth wat al honderde gestuur het! Dankie Elzeth

 

Nougat-koek resep

Broodpan:
Voer uit met waspapier (boom en kante, en hou stuk vir bo-oor.)

Rolkoek:
3 eiers
100 g suiker
5 ml bakpoeier
knippie sout
bietjie Van der Hum likeur

Metode: Klits eiers oor warm water en voeg suiker geleidelik by. Klits tot dik en romerig. Vou droë bestanddele in en gooi in gesmeerde, gevoerde, rolkoekpan. Bak 8 tot 10 minute by 200° C. Keer uit en laat afkoel. Sny 1 stuk so groot soos boom van broodpan en 1 so groot soos die oop bokant. Pak onderste stuk laagkoek in pan, dan helfte vulsel, dan orige stukkies koek, ander helfte van vulsel, boonste stuk laagkoek. Bedek met waspapier, druk goed vas. Plaas in yskas. (Nie vrieskas nie.) Keer uit en verwyder waspapier.

Vulsel:
Room 250g sagte botter (nie margarine nie!!!) en voeg 1 blik versoete kondensmelk geleidelik by.
Week 15 ml gelatien in 80 ml koue water en smelt geleidelik oor kookwater.
Voeg dan die botter-mengsel, gelatien en die res saam.

5 ml vanielje
1 ml amandelgeursel
10 ml suurlemoensap
125g versuikerde vrugte en neute

 

 

Vriende van Boeremusiek

 

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Boeremusiek Dagboek

Elke laaste Saterdag van die maand vir die res van die jaar! Manie Erasmus: Dans by Voortrekker Monument

13 Augustus - Vriende van Boeremusiek: Boeremusiek plesier vir almal!

2 September - Vrystaat en DOZI: Boeresportdag

10 Desember - Vriende van Boeremusiek - afsluitfunksie vir 2005!

Vir meer inligting, klik hier

 

Maak ook sommer ‘n knoop in die oor vir ons Byeenkomste by die Voortrekker Monument op 13 Augustus en 10 Desember 2005

 

Wia

Kontabesonderhede:

Posbus 75144

Lynnwoodrif, 0040

 

Tel: 012 361 7097

082 5788907

 

E-pos: wia@telkomsa.net

 
   

Die Danville Hulp Groep

Terugvoer van Elsabe oor al die projekte waarmee sy besig is:

Goeiemôre vriende,

Hoop dat al ons getroue ondersteuners sommer 'n wonderlike en baie geseënde
week sal hê!!

Baie dankie aan almal wat so mildelik bygedra het om die onmiddellike kos
nood te verlig. Ons kon die afgelope 2 weke weer kos aan al ons
minderbevoorregte mense uitdeel.

Ongelukkig is kos insamel 'n nimmereindigende werk, vandag het jy kos vir
almal en binne 2 dae is dit klaar!. So moet ons maar gedurig oral vra vir
bystand hiervoor.

Ons het genoeg kruideniersware om hierdie week vir die kinders middagetes te
kan voorsien, maar ongelukkig is daar nie voorraad vir die noodkospakkies
vir die naweek nie.

Ons sal weereens oral moet vra vir kos donasies. Help asb soos in die
verlede om vir al die kenisse, familie en vriende te vra om ons by te staan
asb!!

Gou bietjie terugvoer.

MATHYS ROETS Konsert

Drie van ons getroue ondersteuners het dit op hulle self geneem om 'n
konsert ten bate van die Rainbow kleutergroep te reël ! - Ananda, Walda en
Arina - duisende dankies hiervoor.

Die besonderhede is as volg:

Mathys Roets

Datum: 21 September 2005
Tyd: 19:00
Plek: Aula teater

Kaartjies: R100 - R80 - R60@

Navrae: Ananda 082 852 6930 (Pta Oos - Hatfield)
Arina: 083 299 9091 (Centurion)
Walda: 082 775 2959 (Pretoria Noord - Moot)


Ons moet almal asb help om die kaartjies te verkoop. Kontak
asb enige van hierdie dames.

Ons moet soveel moontlik kaartjies verkoop om al die kostes te dek en daarna
nog 'n wins te maak wat ten bate van die kleutergroep is! - Ek weet dat ek
soos altyd in die verlede weer op almal kan staatmaak hiervoor!. Kom ons
wys vir Mathys wat ons kan doen!!!

HANNON BOTHA

Hannon is aan al die dames bekend. Hy is 'n grimeer kunstenaar wat
wonderlike "Make-overs" doen! Hannon is bereid om 'n werkswinkel ten bate
van ons projek aan te bied. Hiervoor sal ons ook sommer duisende kaartjies
moet verkoop! Ons wag vir datums wat hy beskikbaar is - dan sal ek al die
besonderhede bekend maak.


PROJEK LEKKER WARM SLAAP

Danksy ongelooflike skenkings en donasies vir komberse kon ons meer as 1000
- ja julle lees reg! - meer as eenduisend komberse uitdeel!! - So sorg die
Here vir al sy kinders! Ons kort
nog so 300 om vir elke persoon tenminste darem 2 komberse te kan gee! - Ek
glo dat ons dit teen die einde van die week sal inhê!!!!! Loer maar daar in
die gangkas, daar lê dalk 'n ou kombers of twee wat 'n lyfie lekker warm kan
maak.

Dankie aan almal wat gehelp het om dit moontlik te maak.


WARM KLERE

Ons kort nog baie warm klere asb. Ouderdomme - pasgebore tot 86 jaar oud
asb!

ANDEON PROJEK

Hierdie "grondpad" projek van ons laat mens net elke dag meer en meer besef
hoeveel jy het om voor dankbaar te wees!!!!!

Met tye gaan dit maar rof daar - ek haal my hoed af vir Arnold. Hy
is 'n wonderlike mens en 'n groot christen! Sonder die genade en leiding
van God is dit nie moontlik om hierdie projek te bedryf nie.

Dit is vir ons ander maklik om te gaan help by al die elende, dan klim jy in
jou kar en ry huis toe. Klim in 'n warm bad en bed! Vir Arnold is dit nie
moontlik nie. Hy het 24 uur van die dag hierdie mense se lief en leed,
probleme, dramas, huismoleste ens!!!

Bid asb vir Arnold vir genade en wysheid om met hierdie projek te kan
volhou! Daar is 30 mense op sy plot waarvan 10 kindertjies is, met die
jongste maar 11 maande oud!. As ons nie maar vasbyt (kners) met die ouers
nie, vat hulle die pad en dan verloor ons die kindertjies!. Van die
kindertjies daar was nog nie vir 1 jaar in dieselfde skool nie! - Hulle
swerf saam met hulle ouers, met die gevolg dat hulle ook nie op skool kan
byhou wat staan nog presteer nie!.

Nietemin ons doen ons beste en glo dat ons wel 'n verskil in hulle lewens
kan maak.

Ons kort 'n groot tenk vir die abolusiegerief se water. Hierdie water wil
ons dan uitlei na waar ons groentetuine gaan begin.

Ons benodig die volgende vir ons groentetuin projek daar:-

Grawe, pikke, harke, kruiwaens, spitvurke ens.
Kunsmis vir groente
Groente saad.

Kyk maar daar agter in die stoorkamer, enige ou tuingereedskap is baie
welkom en kan 'n groot verskil maak.

Ons wil nou die land omploeg en behoorlik voorberei. Op hierdie manier kan
ons hulle dan help om tenminste elke dag vars groente te eet (baie belangrik
vir die kinders) en miskien later ook 'n inkomste daaruit te verdien!

Ek glo dat hierdie groentetuin projek baie geseën gaan wees en dat ons op so
'n manier die mense ook kan ophef.

13 AUGUSTUS - LENTE TEE BY BLOUDAKKIES OUETEHUIS

Ek staan so skuldig hier voor die oues! - Het hulle belowe dat ons met 'n
lekker funksie die jaar sal afskop en het nou nog nie iets vir hulle gedoen
nie!

Ons wil graag weer vir hulle 'n heerlike bederf oggend hou

Pedikuur, Manikuur, hare was en droog, lekker kuier en groot bederf!! 'n
Klein vermaaklikheidsprogram en hope heerlike koek en tee! en 'n lekker
pakkie om saam te neem kamer toe. Hoe klink dit??

Sal die persone wat hierby betrokke wil wees my asb direk kontak by
elecnet@mweb.co.za

Ek sal later meer besonderhede hieroor uitstuur. Dagboek asb hierdie datum.
Ons het soveel as moontlik hande nodig, onthou daar is 120 bejaardes!

Ons sal dan in September vir die Margaretha Ackermann tehuis 'n soortgelyke
funksie hou.

JEUGKAMPE

26 - 28 Augustus 2005 Pres. Kruger Kinderhuis seunskamp.

24- 26 September 2005 Pres Kruger Kinderhuis dogterskamp

28 - 30 Oktober 2005 Danville dogterskamp

25 - 27 November 2005 Danville seunskamp.

Dit is die kampe wat ons beplan vir die res van die jaar. Die kostes sal
weer R250 per kind wees. Ons probeer om gemiddeld 60 kinders op 'n kamp te
neem indien ons borge vir hulle kan kry.

Hou asb hierdie 4 kampe ingedagte.

Dit dan my manuskrip vir vandag. Ons kruideniersware insameling is
prioriteit nommer 1 - 10!! Versprei maar die woord na almal en op die
manier kan ons help om die hongerpyne te stil.

Ek is tans nog by die huis en julle is welkom om my enige tyd te skakel by :
Cell; 082 8282 551 e.pos elecnet@mweb.co.za
Gebruik asb hierdie e.pos adres vir enige korrespondensie.
286 Cliffendale rylaan Faerie Glen.

Danville Hulp Projek
FNB - Brooklyn
Takkode: 251 345
Tjek rek: 62054634128
Verw: Kos

webwerf: www.danvillehulp.co.za

Gaan loer gerus op die webwerf - die nuutste fotos van die kos insamel en
verspreiding is daarop onder "Danville Algemeen"

Mooi dag

Elsabe

 

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!

Klik hier vir inligting oor my Boererate eBoek!
 

 

Molle - Die goedkoopste raat is as jy honde het, moet jy die honde bolle (landmyne) in die molle se gange of gate gooi.

Wat ook kan help is knoffel lelies - dit het 'n pers blommetjie en ruik na knoffel.

Probeer ook Phostoxin in die gate gooi - dis baie giftig - kry besonderhede by Ko-operasie.

Minder giftige opsies is knoffel ekstrak en kasterolie wat in die gate geplaas word en weer toegemaak word.

Die goedkoopste raat is om die gat effens oop te grou en 'n ui wat middeldeur gesny is, daarin te plaas. Klink eenvoudig, maar werk. Nou en dan kom daar weer 'n mol, maar verdwyn oornag as die ui daar sit.

Klik hier vir nog meer Boererate

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel:
Ons Blêrkas van Afrikaanse Volksmusiek

MY HARTBEESHUIS

Woorde: Tradisioneel: Vers 1; G.G. CILLIÉ: Vers 2
Musiek: "My little Irish Cottage", EILEEN SUMMERS

Daar's 'n lief ou hartbeeshuisie op 'n plaas so wyd en vry,
nou verbind met soet herinn'rings, dis die liefste plek vir my;
heerlik geur die lentebloeisels, perske, peer en appelkoos,
en daar binne in die huisie bly 'n Afrikaanse roos.

[REFREIN]
O my lief ou hartbeeshuisie met jou kraal en moerbeiboom,
ek verlang na jou gedurig, o, ek sien jou in my droom.
As die oorlogswolke oor is en die lug daarbo weer blou,
kom ek weer, my hartbeeshuisie, na my liefste, en na jou.

In die mooi ou hartbeeshuisie woon my allerliefste nooi;
ek verlang na haar gedurig, sy's so vriendelik en mooi.
Hoe het ons twee saam gewandel, oor die plaas het ons gedwaal,
tot die lug vol helder kleure wys die dag begin te daal.

[REFREIN]
O my lief ou hartbeeshuisie met jou kraal en moerbeiboom,
ek verlang na jou gedurig, o, ek sien jou in my droom.
As die oorlogswolke oor is en die lug daarbo weer blou,
kom ek weer, my hartbeeshuisie, na my liefste, en na jou.

Musiek met vriendelike toestemming van die uitgewers, Cary & Co., Londen.

Dit en dat....

Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige konstruktiewe terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: