Die Peter-jasie Patriot

 

Nommer 73

Afrikaans KOOK!!!

19 Aug 2005

Wees gegroet!

Welkom alle nuwe intekenare!

Ons is pas terug van die Kruger Park, klik hier vir fotos!

As jy nog nie jou eksemplaar van my Boererate eBoek gekry het nie, klik hier vir meer besonderhede.

My CD wat Boererate sowel as Boeremusiek bevat, Rate en Plate,  is uiteindelik beskikbaar! Bestel jou eksemplaar sommer NOU!
Klik hier vir besonderhede!

Hier is nog een van Minette Brink se artikels. Minette is verbonde aan die Republikein, die enigste Afrikaanse Dagblad in Namibië.

En, Minette, uit 'n man se oogpunt beskou, daar is NIKS met jou bas verkeerd nie - Peter

Ek fletter soos 'n vlinder in my nuwe kaftan
Minette Brink

TOE die derde persoon binne 'n week my nie met “Hallo, Minette” begroet nie, maar wel met, “LIEWE D…., WAT HET JY INGESLUK,” toe weet ek.
Dit is tyd om die waarheid in die spieël en aan die bas te aanvaar en iets te begin doen.
Ek moet erken ek het die afgelope weke agtergekom die broeke sit al hoe stywer, die hemde al hoe knapper, maar ontkenning is 'n lelike ding.
En daar is altyd 'n groter nommer wat iewers in die kas rondlê.
Maar selfs die grootste paar jeans sit deesdae soos 'n stovepipe.
Ek ken min mense met skale (hey, ek weet hoe om my vriende te kies), maar die anderdag sien ek Bets het sowaar een verskuil in haar badkamer.
Waag toe maar die kans en klim suutjies op. Ek wil tog nie die ding met my logge liggaam breek nie.
Maar ek kan nie die syfertjies sien nie en suig toe maar asem op. Dit help niks en twee arms moet toe maar help om die stuk pens in te hark.
Ek dog ek word flou en moes aan die bad se rand vasgryp om nie myself teen die yskoue teëls te pletter te val nie. Yskoud soos my hart.
Want op 85 kilogram was ek laas so swaar soos op die vooraand van my laaste kraamslag…
Ek doen nie die diet-ding nie. Dis 'n pyn, dit mors net geld en tyd en baie min mense is suksesvol, daarvan is ek die beste voorbeeld.
Maar dié keer het ek beswaarlik 'n keuse en 'n beangste soektog op die internet gee darem weer so 'n bietjie moed.
Nadat ek veertig verhale van “hoe ek 256 kilogram in twee dae verloor het en ek het geëet wat ek wil” gelees het, is ek ready Freddy.
Gewapen met die koolsopdieet, gevolg deur die proteïendieet, dan Nataniël se lensiedieet, die vrugtevas en afgesluit met 'n weeklank van net water – die hele bedryf sal my drie maande vat waarna ek 12 kilogram gaan weeg.
Perfek.
En daar begin ek en raak amper naar, want koolsop vir brekfis is nie spek en eiers nie.
En daar hou ek dieselfde aand op, want my kop gaan ontplof en my vel lyk soos die oppervlak van die maan.
Nou goed, dan kyk ons hoe lyk ons mediese fonds se beperkings op spesiale operasies. Maar helaas, nêrens, maar nêrens word een enkele woordjie genoem dat liposuction in die Minette-lid se geval wel uitgevoer sal word synde dit bevorderlik vir haar geestesgesondheid sal wees nie.
Tekkies aan en ek maak maar of ek nie hoor hoe blêr die kinders van die lag toe ek oor my skouer sê: "Mamma gaan om die blok draf. Wees soet, moenie die deur vir enige iemand oopmaak nie, behalwe vir Mamma, onthou hoe’t ons laas baklei en Mamma tot donker buite in die koue sit en smeek het om in te kom. Anyway, Mamma sal seker so 'n uurtjie weg wees."
En ek draf vuur en vlam die hele 15 treë tot by die motorhek, draai net daar om en sleep myself blasend, hygend, rooiwarm en natgesweet tot by die voordeur.
Klop met my laaste asem flou aan die deur en krys skaars hoorbaar: "Mamma is terug, maak oooooopp……"
"Nee," sê die kind agter die deur, "ons mag vir NIEMAND oopmaak nie…"
Die volgende oggend toe Chinatown se eerste stalletjies oopmaak, staan ek stywebeen voor die deur.
"Ek soek kaftans. In bulk. En terwyl julle my nuwe rokke laai, sal ek by die restaurant sit en myself verdiep in die menu."
Daar kom 'n tyd in elke vrou se lewe…



Suid Afrika se nuutste en beste soekenjin


Ek is MAL oor jou boek!! Baie dankie daarvoor - Nadia Roos
Klik hier vir meer inligting!


Raak ontslae van jou skuld, gaan aan met jou lewe
 Klik hier

 

  "Julle professionalisme het die verband proses 'n plesier gemaak ...  "
Mornay van der Merwe
Klik hier


 bukhuki

n Annerster boekwinkel in Somerset-Wes, Wes-Kaap, voorsien kinder-en jeugboeke aan kinders en jongmense tussen die ouderdomme van 0 en 14 jaar.
klik hier


Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Boerpotte is gereeld £5 miljoen of meer, dis darem 'n allemintige klompie Rand!


Die Mieliestronk, beste ding sedert braaivleis of biltong.
Vir inligting en hulp met skooltake

Kry 'n kredietkaart die maklike manier! Doen aanlyn aansoek  vir jou Barclaykaart!. Konsolideer jou skuld en betaal dit op een plek af!


Ontvang Dr ST Potgieter se gratis nuusbrief: Verskaf jou besonderhede
deur te klik op die volgende skakel: http://www.successsecrets.co.za/signup_form.html

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.


Betaal jy teveel vir motorversekering?  
Klik hier vir 'n gratis aanlyn kwotasie!

Al wat jy dan moet doen is om te besluit wat om met die ekstra geldjie te maak


My vriendin, Anna Eksteen het 'n paar oulike resepte eBoeke saamgestel.
Die 5 Beste van Alle Suid Afrikaanse Resepte,
The 5 Best of All South African Dishes
,

101 Onweerstaanbare Poedings 
en
101
Kraakvars Slaaie.

NUUT
Nou ook 110 Spyskaarte

Hier is letterlik honderde puik resepte en wat nog meer is, daar is geen posgeld betrokke nie aangesien hulle afgelaai kan word of per ePos aangestuur kan word. Klik hier vir meer inligting

En nou, na vele versoeke, Anna se nuutste boek - "Making Diabetic Cooking Easy" Die boek bevat 177 resepte en kos maar net R65. Vir meer inligting, kontak Anna by 0822946799 of per epos by anna@minimax.cc

Skakels

Peter-jasie

Boererate

Stormpies

Danville Hulpgroep

Boeremusiek

Nianell

Musiek

Woes

Eg Afrikaans

Die Knoop

Wat kyk jy

Wenke wat Werk

Minette Brink

Die Wêreld

Pretoria Akkommodasie

Wat van 'n lekker koppie boeretroos!

www.digiTAAL.co.za

 

Webwerf soeklig

Met elke uitgawe sal ek van nou af die soeklig plaas op 'n webwerf met Afrikaanse inhoud. Hierdie keer is dit die beurt van

Skooltake??
 

Die behoefte aan 'n webblad waar Afrikaanssprekende leerlinge skooltaakinligting in hul moedertaal kan bekom, het ‘n paar mense bygebly.  Na dae en nagte se spook en spartel is die webblad gebore: www.skooltake.za.net.

Ondanks die feit dat 'n groot deel van die gemeenskap nie toegang het tot internet nie, vereis die skole in 'n toenemende mate dat skooltake internet verwyssings as bronne moet hê.  Aangesien Internet kiosk tariewe nie altyd in almal se begroting val nie, is besluit dat inligting in Afrikaans beskikbaar gestel sal word.  Dit spaar baie tyd ten opsigte van vertaling. Nou kan hierdie tyd wat verlore sou gaan aan vertaling en verdere internet-soeke, eerder aangewend word om die leerinhoud van die skooltaak na te vors.  Op hierdie wyse word meer waarde geput uit die opvoedkundige van 'n skooltaak.


Skooltake.za.net vra nie geld vir die diens nie, omdat dié wat die diens die nodigste het, dikwels nie nog meer uitgawes kan aangaan nie.  Daarom dat skooltake.za.net staatmaak op vrywillige bydraes van die wat wel 'n bydrae kan maak om die voortbestaan van skooltake.za.net  te verseker.

 

Skooltake in Afrikaans sal in die toekoms makliker wees!  Indien daar iets is waaroor jy ‘n taak moet doen, maar die inligting is nie op die blad nie, stuur ‘n e-pos, ons kry die inligting en sit dit op vir jou gerief.

 

As jy meer wil weet, 'n akademiese of materieële bydrae wil maak of vanaand nog daardie taak vir more-oggend moet klaarmaak, log in op www.skooltake.za.net

  Epos navrae na skooltake@skooltake.za.net Ons hoor graag van jou!
http://www.skooltake.za.net/

 

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

 

'n Tikkie Humor

Hoekom skreeu Hadidas as hulle vlieg? Hulle lei aan hoogtevrees.

Die lewe is onregverdig:
As 'n onderwyser 'n fout maak, vee hy dit uit.
As 'n tandarts 'n fout maak, trek hy dit uit.
As 'n dokter 'n fout maak, begrawe hy dit.
As 'n regter 'n fout maak, word dit wet.
As 'n skoolkind 'n fout maak, kom hy volgende jaar terug. 

 
 
 
 
 

 

 
 

Die Resep

Coert en Christine van der Merwe stuur vir my die volgende, baie dankie: 

 

Hoenderlewers

1 pakkie spek (250 g in blokkies gesny)
1 ui
500 g hoenderlewers (goed skoongemaak)
15 ml olie
1 blikkie ALL GOLD tamatie en uiesmoor
1 eetl worcestersous (HOT)
soetwyn of sjerrie - opsioneel.
sout en grofgemaalde swartpeper

Braai spek in olie tot gaar. Haal uit pan uit. Behou olie in pan.
Braai ui tot bruin in dieselfde olie. Voeg hoenderlewer by, Braai.
As gaar voeg by: tamatiesmoor, worcestersous en soetwyn en geurmiddels.

Bedien op roosterbrood.  
 

 

Vriende van Boeremusiek

 

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Boeremusiek Dagboek

Elke laaste Saterdag van die maand vir die res van die jaar! Manie Erasmus: Dans by Voortrekker Monument

13 Augustus - Vriende van Boeremusiek: Boeremusiek plesier vir almal!

2 September - Vrystaat en DOZI: Boeresportdag

10 Desember - Vriende van Boeremusiek - afsluitfunksie vir 2005!

Vir meer inligting, klik hier

 

Maak ook sommer ‘n knoop in die oor vir ons Byeenkomste by die Voortrekker Monument op 13 Augustus en 10 Desember 2005

 

Wia

Kontabesonderhede:

Posbus 75144

Lynnwoodrif, 0040

 

Tel: 012 361 7097

082 5788907

 

E-pos: wia@telkomsa.net

 
   

Die Danville Hulp Groep

 
JEUGKAMPE

26 - 28 Augustus 2005 Pres. Kruger Kinderhuis seunskamp.

24- 26 September 2005 Pres Kruger Kinderhuis dogterskamp

28 - 30 Oktober 2005 Danville dogterskamp

25 - 27 November 2005 Danville seunskamp.

Dit is die kampe wat ons beplan vir die res van die jaar. Die kostes sal
weer R250 per kind wees. Ons probeer om gemiddeld 60 kinders op 'n kamp te
neem indien ons borge vir hulle kan kry.

Hou asb hierdie 4 kampe ingedagte.

Ons kruideniersware insameling is
prioriteit nommer 1 - 10!! Versprei maar die woord na almal en op die
manier kan ons help om die hongerpyne te stil.

Ek is tans nog by die huis en julle is welkom om my enige tyd te skakel by :
Cell; 082 8282 551 e.pos elecnet@mweb.co.za
Gebruik asb hierdie e.pos adres vir enige korrespondensie.
286 Cliffendale rylaan Faerie Glen.

Danville Hulp Projek
FNB - Brooklyn
Takkode: 251 345
Tjek rek: 62054634128
Verw: Kos

webwerf: www.danvillehulp.co.za

Gaan loer gerus op die webwerf - die nuutste fotos van die kos insamel en
verspreiding is daarop onder "Danville Algemeen"

Mooi dag

Elsabe

 

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!

Klik hier vir inligting oor my Boererate eBoek!

GIF…As iemand gif ingekry het moet jy wildedagga pluk en in ‘n kastrol sit en kookwater oorgooi en dit vir ‘n rukkie kook tot dit sterk getrek het. Gee vir die persoon om te drink.
 
GIF…As iemand kosvergiftiging het..soos mossels of vis dan moet hy gou ‘n sterk mengsel van suurlemoensap en asyn drink…en dan getrekte kruisement water.
 
GIF…As iemand seepsoda ingekry het moet jy dadelik 3 eetlepels asyn en 2 eetlepels klapperolie meng en vir hom ingee…hou aan tot alles uit is.
 
GIF…Vir wanneer een persoon vergiftig is neem dan een glas warm water zo warm as moonlik. Gooi een teelepepvol mostert daarin. Drink so warm as moontlik. Die gif zal uitkom. Herhaal todat al die gif uit is.
 

 

Klik hier vir nog meer Boererate

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel:
Ons Blêrkas van Afrikaanse Volksmusiek

O, WAS JY OP DIE VLAKTE SKRAAL

Woorde: B. KOK, na Rob. Burns: "Oh, wert Thou in the cauld blast"
Musiek: F. MENDELSSOHN-BARTHOLDY

O, was jy op die vlakte skraal,
waar snerpend koud die winde dwaal,
my liefdeskleed sou jou omvou,
vir ewig trou, vir ewig trou.
Sou onheilstorms hewig tier,
rondom jou woed, rondom jou woed,
my liefde sou 'n mantel wees
wat jou behoed, wat jou behoed.

Of was jy in 'n woesterny,
verlate, vaal, verlate, vaal,
'n paradys sou daar verrys,
vol prag en praal, vol prag en praal.
Was ek 'n koning op 'n troon,
deur jou bemin, deur jou bemin;
die skoonste sieraad in my kroon,
my koningin, my koningin! 

Dit en dat....

Ek versamel yskasmagnete van buite Suid Afrika, kontak my en dan ruil ons uit!  

 
op my webwerf  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige konstruktiewe terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: