Nommer 78

Afrikaans KOOK!!!

26 Okt 2005

Welkom alle nuwe intekenare!

Johann van Staden, tans woonagtig in Stuttgart vertel van ons van sy leefwyse in die vreemde. Skryf gerus vir hom by:johann.van-staden@t-systems.com
Hy hoor graag van julle

Die volgende verhaaltjie het al in een van Danie se nuusbriewe verskyn, maar ek wil dit hier ook plaas. Stof het gesê ek kan dit met graagte gebruik. Geniet dit!

KAFEEKAT

Dit kom uit die pen van Stof
Epos: reaksie@stof.co.za
Webwerf: www.stof.co.za

Onder die skadunet by die padkafee sit ek suig-suig aan 'n strooitjie op 'n Dinsdagaand. Hier is mense te voet, mense per fiets, mense per standaardvoertuie en mense per luukse voertuig. Almal vlug van iets af. 'n Huis, 'n werk, pyn, of eensaamheid. Hier is maskers van alle tipes. Party lag luidrugtig om die swere weg te steek. Ander vertel strories wat ooglopend 'n fantasievlug is. Die meeste eet in oordaad. Maar daar is ook hulle wat net 'n koeldrank of pakkie skyfies het. Dan kom 'n gemmerkat onder 'n tafel uitgekruip. Sy desperate groot oë staar my smekend aan vir 'n stukkie vleis, terwyl ek net maar 'n glas sap by my het. Hoe kan ek aan hom verduidelik dat ek verstaan, weet wat in sy binneste leef? Dat ek ook soms met smeking pleit vir 'n bietjie aanvaarding, bietjie sin.

Hy is waarskynlik al baie keer geskop, want hy koes benoud weg as ek my hand uitsteek om hom te streel, te probeer om 'n geesgenoot gerus te stel. Dan besef ek dat ek ook 'n spul ongevraagde skoppe al gehad het. Hy miaau saggies, so asof hy nie eintlik wil steur nie. Dan hoor ek sy kattetaal duidelik in mensetaal. Hy sê: "Ek is alleen, het lig hier gesien skyn en kom kyk of hier dalk iemand mag wees wat omgee. Ek wil nie pla nie, maar vra net 'n bietjie aanvaarding, dalk nog 'n happie kos ook. Verskoon my as ek koes as jy my wil streel, want die skoppe van ander is nog te vars. Eensaamheid maak my desperaat, en daarom is ek hier tussen mense om dalk tog 'n stukkie liefde en dalk 'n happie kos te kry. Maar ek sal verstaan as jy my ook skop, ek is dit gewoond." Dan kyk kat en mens mekaar reguit in die oë, en ek weet hy verstaan wat ek woordeloos aan hom sê.

Hy kom nader, maak sy rug effe krom, skuur teen my been terwyl hy spin, en draf dan weg. Ek kan sien dat hy blom van slegs 'n oomblik se aanvaarding. Hy kruip nie meer nie, maar draf met 'n trotse houding. Hy los my dan alleen agter: eensaam. Tog dankbaar dat ek kafeekat se aand kon verander. Maar elkeen rondom my eet steeds maar sy eie biefstuk, drink sy eie melkskommel, praat sy eie dinge. Dan weet ek: dat dit nie geweld of vuurwapens is wat die meeste sterftes veroorsaak nie, maar eensaamheid. Giftiger as strignien, dodeliker as 'n kernbom, is eensaamheid. Wens jou grootste vyand dan eerder kanker toe, maar asseblief net nie eensaamheid nie, want eensaamheid is die mees terminale toestand denkbaar. Niemand verdien dit nie. Intussen vergaan duisende mense daagliks omdat eiebelang en haas maak dat ander verby eensames storm en selfs bo-oor hulle rol in eiegeregtige ideale.

In Vierdestraat is 'n eensame mens, iemand wat reeds uit sy pad gegaan het om vir JOU iets te beteken. Wat doen jy anders as om hom bloot maar net te kritiseer in sy dagtaak? Is dit nie nou tyd om 'n broer vir 'n broer te wees, 'n stut vir 'n medemens?

Ook in elke ander straat, in elke dorp, sal jy hom kry, 'n geskopte, 'n eensame wat smag na net 'n klein bietjie waarde.

Hulle soek net "een om my hand te neem". Wees jy vandag daardie "een"
 

Dis amper alweer tyd vir die jaarlikse personeel evaluering. Ek wens ek het die volgende beskikbaar gehad toe ek nog daarvoor verantwoordelik was :-)

· "Sedert my vorige verslag, het hy 'n nuwe laagtepunt bereik - en hy grou
nog steeds!"
· "Sy mense sal hom enige plek volg - al is dit net uit morbiede
nuuskierigheid"
· "Werk goed as hy onder gedurige toesig is en vasgekeer is soos 'n rot"
· "Hy is meer van 'n "won't be" as 'n "has-been"
· "Hy stel baie lae persoonlike doelwitte en en slaag nooit om dt te
bereik nie"
· "Hierdie persoon ontneem een of ander dorpie van 'n idioot"
· "Hy lei aan illusies van bekwaamheid"
· "Hy sal nog ver kom - hoe verder van my af hoe beter"
· "Hy werk hard daaraan om 'n punt sonder punt te maak."
· "Hy het miskien te veel met gom gewerk"
· "As hy nog dommer word, sal hy tweekeer per dag natgegooi moet word."
· "Hy het sy breins vir wetenskaplike navorsing geskenk voordat hy dit
klaar gebruik het."
· Die dwarsbalk het gesak en die ligte flikker maar die trein wil nie kom
nie"
· "As jy hom 'n pennie vir sy gedagtes gee, sal jy kleingeld kry"
· "Hy sal met 'n rigtingwyser stry"
· "Hy het die vermoë om van enige vriend 'n vreemdeling te maak"
· "Hy bring baie vreugde as hy die vertrek verlaat"
· "As jy naby genoeg aan hom staan, kan jy die see hoor"
· "Wanneer sy IK 50 bereik, moet hy verkoop"
· "Wanneer jy twee persone sien gesels en die een lyk gefrustreerd, hy is
die ander een"
· "Toe ander uit die fontein van wysheid gedrink het, het hy net gegorrel"
· "Dit is moeilik om te glo dat hy 1 000 000 ander sperms gewen het na die
eiersel toe."
· "Die wiel draai maar die hamster is dood".   

 
Suid Afrika se nuutste en beste soekenjin

Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Boerpotte is gereeld £5 miljoen of meer, dis darem 'n allemintige klompie Rand!

ST se weeklikse pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Hier is 'n paar gevleuelde gadagtes van ST:

Begin jou dag reg!!!

Dis nie eintlik nodig om rede te voer oor die belangrikheid van jou dag reg te begin nie. Miskien net om te sê ‘n dag wat reg begin word, lê die fondament vir die res van die dag. Begin jou dag reg en jou dag draai sommer lekker en ‘n sukses uit. Leef jou dag met meer energie. Leef jou dag doelgerig
en voel vars, fris en vrolik.

Hoe doen ek dit? Hier is vir jou ‘n paar kriptiese wenke en gedagtes:

- Gaan staan buite, luister hoe die dag ontwaak, en haal ‘n diep teug vars oggendlug in. Groet die nuwe dag – ‘n dag aan jou geskenk en aan jou lewe toegevoeg.

- Doen strekoefeninge, spronge om jou lekker los en reg vir die dag te kry. Gereelde oefening elke dag maak jou meer spoepel, gee energie gee en laat jou stukke beter voel.

- Lees jou Bybel en bid. Dis jou geestelike voedsel vir die dag.

- Mediteer, visualiseer en bepaal drie belangrike doelwitte wat jy die dag wil bereik. Laat ‘n prentjie of video in jou kop speel hoe jy hierdie dag wil leef, doen en ervaar. Net vyf minute is hiervoor nodig maar dit jou dag in ‘n positiewe rigting stuur.

- Stort of neem ‘n lekker bad.

- Kies die regte klere waarin jy hierdie dag goed sal voel. Klere help jou om gemaklik te voel, gee jou selfvertroue en is deel van die pakket wie jy hierdie dag gaan wees.

- Eet ‘n kragontbyt wat ‘n goeie balans tussen proteïne, vet en koolhidrate bevat. Ontbyt is jou brandstof vir die dag se geesdrif, woema, krag en energie. Drink hiermee saam ‘n gesondheidsdrankie soos vars vrugtesap.

Nou is jy reg en gereed om hierdie dag voluit te leef en te werk; om te lag en te geniet, verhoudinge te bou en vreugde te vind.

Betaal jy teveel vir motorversekering?  
Klik hier vir 'n gratis aanlyn kwotasie!
Al wat jy dan moet doen is om te besluit wat om met die ekstra geldjie te maak
 

Webwerf soeklig

My Webwerf se Soekenjin

'n Tikkie Humor

 Hoe weet jy regtig dat jy trailertrash is?

* Die Haloween pampoen het meer tande as jou wederhelf;
* Jy laat jou 12 jarige dogter aan tafel rook - nogal voor haar kinders!
* Jy was al drie keer getroud en het nog steeds dieselfde skoonfamilie;
* Jack Daniels is op jou lys van die mense wat jy admireer;
* Jy kan nie glo dat Ultra vulstasies se toilette altyd so skoon is nie;
* Jou laaste woorde eendag gaan wees "Hey check dit uit";
* Jy dink dat Dom Perignon 'n Mafia baas is;
* Jou huis al twee keer in die dam ingerol het;
* Jou kar se boekwaarde verander afhangende van hoeveel petrol dit in het;
* As jy na buite moet gaan om iets uit die yskas te kry;
* As een van jou kinders op 'n pool tafel gebore is;
* As jy nie met jou geliefde kan trou nie want daar is een of ander wet wat
dit verhoed;
* Jou toilet papier het bladsy nommers;
* As jy meer karre op bakstene het as met wiele;
* En laastens, hoeveel keer jy al Elvis gesien het........

'n Ou ry te vinnig en 'n spietkop trek hom af. Toe hy sy venster oopdraai haak die spietkop af en gee hom 'n TAAI KLAP.
BESTUURDER (Verboureerd) : Waarvoor was dit?
SPIETKOP : As ek jou stop en jy maak jou venster oop, moet jou bestuurslisensie reeds in jou hand wees!Moenie my tyd mors nie! Die spietkop loop om die motor en klop by die co-driver se venster. Die bestuurder se pel draai sy venster af en WHAP, klap die Spietkop hom ook.
CO-DRIVER (Verskrik) : Hei, ek bestuur nie,waarvoor is dit?
SPIETKOP : Ek het gou jou wens vervul ......
CO-DRIVER : Watter wens is dit nogal?
SPIETKOP : Sodra julle hier weg ry en voor jy en jou tjom oor die eerste bult was, sou jy vir hom gese het ...."Hy moet daai k* k met MY getraai het"
 

Die Resep

Hier is 'n heerlike groentegereg ingestuur deur Minette Schneider. Dis so lekker sy tik dit toe sommer in hoofletters!!

GROENTE GEREG

1 GROOT UI
1 PAKKIE MURGPAMPOENTJIES (BABY MARROW)
1 PAKKIE SAMPIOENE (KLEIN)
1 PAKKIE VARS BOONTJIES
15ML AROMAT
2ML PEPER
1 KNOFFEL HUISIE
30ML FLORA MARGARINE

SO MAAK MENS

PLAAS BESTANDELE IN ‘N POT EN KOOK OP ‘N LAE HITTE VIR ONGEVEER 30MIN. MET DIE DEKSEL EFFENS GELIG OM STOOM TE LAAT ONTSNAP.

BEDIEN MET ‘N BOUD OF ENIGE ANDER VLEIS
 

Vriende van Boeremusiek

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Boeremusiek Dagboek

Elke laaste Saterdag van die maand vir die res van die jaar! Manie Erasmus: Dans by Voortrekker Monument

10 Desember - Vriende van Boeremusiek - afsluitfunksie vir 2005!

Vir meer inligting, klik hier

Maak ook sommer ‘n knoop in die oor vir ons Byeenkomste by die Voortrekker Monument op  10 Desember 2005…

Wia

Kontabesonderhede:

Posbus 75144

Lynnwoodrif, 0040

Tel: 012 361 7097

082 5788907

E-pos: wia@telkomsa.net

Die Danville Hulp Groep

 
Dogterskamp terugvoer:

Wat 'n groot voorreg en genade om weereens te kan sê "Die dogterskamp was 'n reuse sukses!!!"

Baie dankie aan ons Hemelse Vader wat al hierdie wonderlike dinge vir ons
moontlik gemaak het - sonder HOM is niks moontlik nie. BAIE BAIE DANKIE ook aan almal wat gehelp het om hierdie laaste kamp vir die jaar 'n groot sukses te maak!

Ek weet nie wie dit die meeste geniet het nie, die dogters of die
fasiliteerders ? Dit was 'n heerlike "Girlie kamp" net vroumens dinge en
glo my ons het 'n hele paar dinge by die dogters geleer!

Dit was 'n heerlike ontspanne kamp met braaivleis elke aand en Saterdag
oggend het Ciska vir die dogters 'n aanbieding kom maak oor "vrou-wees" Die
dogters is geleer hoe om soos 'n dame te lyk en op te tree. Hier en daar
het 'n paar rillers uitgekom - tot groot vermaak van almal! Na die
aanbieding kon hulle "Make-up en Model" Dit was groot plesier en die
metamorfose van tiener na "jongdame" wat reg gegrimeer is was in sommige
gevalle ongelooflik! - soveel skoonheid!

Maar hulle het bowe-al geleer dat "Innerlike skoonheid" die belangrikste is
en dat dit wat in jou hart is die heel belangrikste is!!!

Saterdag middag het hulle lekker op die groot springkasteel en 'n
waterglybaan rondgerits! en teen 9 uur die aand het ons die kastele
afgeblaas sodat hulle tot ruste kon kom!

Sondag oggend het hulle 'n heelike ontbyt van spek en eiers en nog meer
gehad. "Nou gaan ons nooit weer eet nie! - want ons kan nie meer nie" is
oral gehoor! Moet sê dit het nogal lekker op die oor geval!

Teen die tyd wat hulle moes begin oppak het dit al hoe stiller geword en kon
mens aanvoel dat die teruggaan nou nie so lekker is nie.

'n 8 jarige dogtertjie trek my eenkant toe en vra "Kan tannie my nie maar
vat nie? - dan bly ek altyd hier op die plaas by tannie?" My keel trek toe
en ek moet mooi verduidelik dat dit nie nou moontlik is nie! eK vra weer en
weer vir myself af "HOEKOM" hoekom gebeur al hierdie dinge dat ons
kinders so swaar moet kry?

Maar ek weet dat die Liewe Vader wonderlike mense op aarde het wat alles in
hulle vermoeë sal doen om te help om hierdie kinders se las ligter te maak!
en ek sê "DANKIE!"

DANKIE Liewe Jesus vir u getrouheid aan ons en dankie aan almal daarbuite
wat al hierdie wonderlike dinge moontlik maak.

Geseënde week vir almal.

Groete

Elsabe

JEUGKAMPE

28 - 30 Oktober 2005 Danville dogterskamp

25 - 27 November 2005 Danville seunskamp.

Dit is die kampe wat ons beplan vir die res van die jaar. Die kostes sal
weer R250 per kind wees. Ons probeer om gemiddeld 60 kinders op 'n kamp te
neem indien ons borge vir hulle kan kry.

Hou asb hierdie 4 kampe ingedagte.

Ons kruideniersware insameling is
prioriteit nommer 1 - 10!! Versprei maar die woord na almal en op die
manier kan ons help om die hongerpyne te stil.

Ek is tans nog by die huis en julle is welkom om my enige tyd te skakel by :
Cell; 082 8282 551 e.pos elecnet@mweb.co.za
Gebruik asb hierdie e.pos adres vir enige korrespondensie.
286 Cliffendale rylaan Faerie Glen.

Danville Hulp Projek
FNB - Brooklyn
Takkode: 251 345
Tjek rek: 62054634128
Verw: Kos

webwerf: www.danvillehulp.co.za

Gaan loer gerus op die webwerf - die nuutste fotos van die kos insamel en
verspreiding is daarop onder "Danville Algemeen"

Mooi dag

Elsabe

Boereraat van die Week

Afrikaanse Lied

Snuffelhoekie

Soek jy plek om te gaan kampeer? Klik dan hier!

Druk jou speld op my besoekerskaart!

Kontak - Teken in/uit