Nommer 80

Afrikaans KOOK!!!

23 Nov 2005

Wees gegroet!

Welkom alle nuwe intekenare! Julle is net betyds vir my klein geskenkie! Ek het besluit om al die resepte op die Peterjasie webwerf in een eBoek saam te vat en dit dan gratis aan intekenare beskikbaar te stel. Dit maak nogal 'n handige en unieke Kersgeskenk (of verjaardag geskenk) wat dwarsoor die wêreld per epos gestuur kan word sonder om posgeld te betaal. Om jou eksemplaar te bekom regs klik hier en laai die boek af. Die hoofdoel hiermee is om meer intekenare te werf, so versprei die boek maar, hoe meer siele hoe meer intekenare. Die eBoek is in .pdf formaat en om en by 460 KB groot.

Ek het nog 'n paar Feesresepte laer af, gaan kyk maar en lekker bak en brou!


Gaan  van julle dalk ook oor Desember (23-29) by Rustenburg Kloof kamp? Dalk loop ons mekaar daar raak!


Hier is nog een van Minette se artikels. Minette is verbonde aan die Republikein, die enigste Afrikaanse dagblad in Namibië. Minette ontvang graag kommentaar per epos. Sy wag angstig om van julle te hoor!

Groendakkies toe met natuur se spietkops

DAAR jaag Greenpeace, daai beneukte omgewingsmense met ʼn mission, mos die anderdag ʼn erfenisterrein in sy dinges in. Ek kan net dink watter gru-gesigsuitdukkings en bloedstollende gille oor die oseaan moes sidder. Nogal met hul vlagskip, die Rainbow Warrior II, 96 vierkante meter se koraalrif in die Fillipynse eilande afgeskryf. Die arme mense. Hulle bedoel so goed. En nou dit.
Getrou aan hul aard het hulle net daar ʼn tjekkie van N$50 000 uitgeskribbel om vir die “very regrettable” ongelukkie op te maak.
Om te wat? Koraaleiertjies te koop? ʼn Reuse bord op die ongelukstoneel te plant? Wat lui: Koraalrif verwoes. Jammer, o so verskriklik jammer vir die ongerief. Ons het betaal. Greenpeace.
Beamptes van die Tubbataha Nasionale Maritieme Park het glo die skade bepaal en in ʼn gesamentlike verklaring met die Groenes gesê dis verkeerde seevaartkaarte se skuld. Daarvolgens was die Warrior ʼn hele 2.5 kilometer van die heilige korale tydens die gru-ongeluk, maar helaas.
Nou vra ek jou. Hoe bepaal jy die skade aan ʼn koraalrif? Natuurlik is dit ‘n ongelooflike verlies en het ontelbare delikate diertjies in die slag gebly. Duisende jare se prag in sy kanon.
Maar hoekom die Groenes beboet? Hoekom nie die kaartsketsers nie?
Ek haal my hoed af vir mense wat hulle hele lewe aan die natuur en bewusmaking wy. Dit kan nie maklik wees nie.
Nie met die oorweldigende apatie waarteen hulle moet veg nie.
Mense lag klimaatsverandering en die kweekhuis-effek af as mal wetenskaplikes se laatnag formules vir massa histerie.
Verwoestyning gebeur so stadig dat ons kinders se kinders dit dan nie eers sal sien nie.
Die osoon se gat wat destyds soveel opskudding veroorsaak het, se naam is gat.
Besoedeling is een van daai dinge wat saam met vooruitgang gaan. Maak vrede daarmee.
Orkane en vloede is deel van die Eindtye, niks anders nie. Nie ons mense se skuld nie, aikona!
Greenpeace se tjekuitskryf vir korale is egter nie naastenby so erg soos Bets se Trauma nie.
Jaag ek die anderdag die ingang na haar huis heel verby.
Toe ek uiteindelik die oprit na die pypsteelerf kry, sien ek die patetiese figuur in die erf sit en huil.
“Wat is dit,” gil ek en spring uit die kar nog voor dit behoorlik tot stilstand gekom het.
“My Witgat, my Witgat,” snik sy histeries.
“Toemaar, toemaar,” troos ek. “Dit gebeur met al ons boervroue in Afrika, soms raak dinge net te veel. Kom ek gaan maak ʼn teetjie.”
Maar die vrou is buite beheer en wil niks weet nie.
Ek gaan sit toe maar langs haar op die grond en bid vir bedaring.
“Hoe KON sy?” skree Bets skielik en gooi haar arms in die lug. Ek skrik my vaal. Miskien is die skade blywend. Die gewoonlik bedeesde vrou is glad nie by nie.
En dan kliek ek. DIE WITGAT! Natuurlik! Gʼn wonder ek kon nie huis kry nie, die baken op die sypaadjie is weg.
“Waar is jou boom,” vra ek versigtig en skuif ʼn entjie weg. Mens weet nooit waartoe 'n goeie vriendin in ʼn oomblik van blinde woede in staat is nie.
Bets se oë blits.
“ My buurvrou, in haar allerwysheid, het my Witgat afgesaag,” blaas sy. “Omdat dit vir haar ‘stupid’ gelyk het. Oordat dit ‘nie juis ʼn vreeslike mooi boom’ was nie. Afgesaag. Morsaf, gone, weg, vir altyd,” en daar stroom die trane dat die maskara spat.
As dit nie vir die elektriese drade tussen Bets en die buurvrou was nie, was ek bo-oor die muur.
Oor ék toe skuim om die mond van kwaad.
“Dagvaar haar! Laat weet die munisipaliteit, vir mnr. Vogt, mev. Hoffman, die Ministerie! Dis onwettig, dis ʼn beskermde boom, dis inheems, weet sy dan niks,” brul ek dat tot Bets verskrik terugstaan.
Ons het maar uit magteloosheid ʼn wyntjie op die Witgatte gedrink, wat anders kan mens doen?
Kap asseblief nog bome af, ag toe? Dit groei mos weer.
En soos iemand nou die dag sê, interlock die vaal vlaktes, dit ry makliker.


Koop en stuur geskenke die maklike manier klik hier en bestel aanlyn! Musiek is die voedesel van liefde, so stuur an jou geliefdes CD's vol liefde! Dis vinnig, maklik en veilig!


In Patriot #69 het ek gevra wat kambro was en ook die resep vir Kambro Konfyt gegee.

Jasper Cloete laat nou soos volg weet:

Kambro is 'n wilde plant wat 'n knol onder die grond maak, die knol lyk baie soos 'n patat ('n groot patat) en dit kom in die Karoo voor. Dit groei tussen klippe en net klein blaartjies steek bokant die grond uit, jy moet dus weet hoe die plant lyk om daarna te gaan soek, en dan is die knol onder die grond tussen die klippe en met 'n groot gesukkel kan jy dit uit kry. Ek weet nie wat is die Kambro se botaniese naam nie, maar dalk onthou ek daarvan as ek weer op die plaas kom en vind meer uit oor die plant. As jy iewers die kans kry om van die kambro konfyt in die hande te kry moet jy beslis pro hoe dit smaak, dit laat jou dink aan kafferwaatlemoen konfyt, maar dit het tog 'n unieke smaak.


Johann van Staden stuur my die volgende uit Duitsland, baie dankie, Johann. Johanns sal kommentaar verwelkom by Johann.Van-Staden@t-systems.com

 

 

Laat herfs en aardbewingslyding
Ons somer is verby. Sommer so skielik het dit regtig koud geword hier in die omgewing van die Duitse Swart Woud. Die tekens was darem al 'n rukkie hier, maar vroeg-oggend sonop-tyd (07:00) is dit donkerig, goed koud, ys op die kar se vensters, en digte mis. Die oggend-mis op die pad skep 'n effens geheimsinnige atmosfeer, wat verlore gaan in die konsentrasie van bestuur. Deur die dag, as ons gelukkig is, skyn die son ewe mistroostig, maar maak weinig inbreuk op die koue. So teen vier-uur begin die son die stryd gewonne gee om sy plig te doen, en laat sy hande in oorgawe sak. Knap na vyf-uur is dit al redelik skemer-donker, en ses-uur het die donker oorgeneem. Laat-aand en snags is die hemel helder met die wit sekelmaan wat loer-loer. Die meeste van die ryk natuur-herfskleure het verdwyn en is vervang met dooie boomtakke wat gryp-gryp en reik na iets onsigbaars in die lug. Plek-plek vind mens darem nog 'n lewensreddende kleur-ontploffing van goud-rooi-bruin blare en helder blomme al hangende teen vensterbanke. Hierdie oorgangstyd van herfs na regte winter is vir my 'n ietwat dooie, onpersoonlike tyd. Winter is winter wanneer mens sneeu in die strate sien - of dit nou die reinwit vars sneeu is, of selfs die vuil-bruinswart sneeuhopies langs die pad - wanneer die son af en toe 'n gasverskyning in die grys-groue hemel maak, wanneer alles nat is - of nat lyk. Dan trek jy ook aan vir die winter, en jy doen winter-dinge ; al is dit ook om jouself af te sluit van alles en almal om jou en vas te val met 'n boek of 'n DVD. Jy innoveer 'n pot warm kerrie met die potjies oor-kos in die yskas. Of jy verbaas jouself met 'n pot groente-en-dinge sop. Dan het mens ook hier die plesier om die lokkende Weinachtsmarkte te besoek en warm, varsgebakte neute of grondboontjies te koop, 'n Bratwurst en broodtjie met mostert te geniet, en Glühwein te drink vir daardie lekker binne-warmte.

Maar dit is nie nou nie...nog nie. Nou oorleef jy maar net.

Die gewone dag-tot-dag dinge neem nou 'n ander dimensie aan. Ek kan nie meer saans skoen-loos en hemploos ronddwaal in die woonstel nie. Die donkerte trou met die koue en saam voer dit oorlog teen jou. In die agtergrond lewe-raas CNN, en selfs daar is min goeie nuus. Nee, in die laaste klomp dae nog geen goeie nuus gesien of gehoor nie. Die desperate situasie in die Himalayas in Pakistan na die onlangse aardbewings ruk-skud mens se hart. Hoe verstaan die seuntjie met die groot oë dat sy vingertjies ge-amputeer moes word, die soel-gesiggie dogterjie dat haar linkerbeen afgesit moes word. Die meisie in die tent-hospitaal wat nie weet wie of waar sy is nie, en niemand ken haar nie, en niemand besoek haar nie. Die kleuter-dogtertjie wat haar arm verloor het. Hierdie amper-mensies wat alles verloor het nog voordat hulle iets gehad het. Nie 'n huis nie, nie 'n lewe nie, nie iemand wat vir hulle lief is nie.

En ek kla oor die effense koue en donkerte in my woonstel en op pad werk toe. Ek mor en kla oor die klere nie droog word in die woonstel nie. Ek het 'n woonstel, ek het 'n kar, ek het 'n werk. Ek het warmte. Ek het mense wat vir my lief is.

Volgende week sal die seuntjie en dogtertjie nie meer op CNN wees nie. Iets anders sal die nuus van die dag wees. Maar die seuntjie sal nog steeds vingerloos wees. Die dogtertjie sal miskien probeer loop met krukke, as sy besonder gelukkig is om krukke te kry. Hulle sal waarskynlik bitter koud kry. Hulle sal waarskynlik honger wees. Of dood wees.
 


 
Suid Afrika se nuutste en beste soekenjin


Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Boerpotte is gereeld £5 miljoen of meer, dis darem 'n allemintige klompie Rand!


st se weeklikse pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Nog gevleuelde woorde van ST:

Nou as daar een woord is wat baie mense ‘n kramp op hul annerplek gee,
is dit juis die woord “doelwit”. Ja, ek weet jy sê waarskynlik: asseblief tog
net nie nog ‘n lesing oor doelwitte nie. Jy is al moeg oor mense wat skryf
en praat oor doelwitte, konferensies daaroor hou, doelwitte wat in jou
werk opgestel word. Doelwitte, doelwitte – genoeg daarvan gehad.
Dit werk tog in elk geval nie.

Maar ek wil vir jou by een klein geheim inlaat.
Maar jy belowe om vir niemand te vertel nie.
Belowe?
Goed, want dis ‘n bes bewaarde geheim.
Want jy sien, die geheim is dit…

Doelwitte werk!!

Suksesvolle sportsterre, biljoenêrs, besigheidsmense, beroepsmense, entrepreneurs weet die oomblik wanneer jy ‘n teiken stel, aktiveer dit energie en rigting. Doelwitte gee dryfkrag, gee aan ‘n droom realiteitsbetekenis.

So eintlik sou ek sê jy’s verkeerd, doelwitte mag na ‘n afgesaagde konsep klink… maar dit werk. Mense wat gedurig kla oor hul lewe, finansiële toestand, werk ens ens is gewoonlik ook mense wat nie doelwitte stel nie. En ook nie weet hoe om die regte planne en aksie in werking te stel om by doelwitte uit te kom nie.

Doelwitte is nie ‘n vervelige konsep nie… maar ‘n fantastiese en inspirasievolle stukkie lewenstaktiek om opwindende rigting tot vervulling van jou drome te gee. (sherbert, dat ek myselwers nou so ‘n goeie sin kon uitdink!!)

So laat die wat dink doelwitte is vir die voëls, maar so dink. Wil jy egter suksesvol wees?
Op pad wees iewers heen? Nie toelaat dat mense en gebeure jou in ‘n rigting stoot en stamp nie? Is jou antwoord hierop JA - kry dan vir jou doelwitte, kry rigting!!.

Nogal belangrik om te weet doelwitte word in meer as een faset van jou lewe opgestel.
Dit is sluit in:
Beroep / loopbaan doelwitte
Finansiële doelwitte
Geestelike doelwitte
Sosiale doelwitte

Watter aspekte van jou lewe kan jy nog aan dink waar jy doelwitte voor kan opstel?

Al wat ek eintlik vandag vir jou wil sê, doelwitte is belangrik indien jy jou een lewe op planeet aarde met vreugde en met betekenis wil vul.

Besluit hoekom is ek gebore, hoekom lewe ek, en waarheen wil ek met my lewe.

Hier is vir jou ‘n uitdaging. Kom ons eksperimenteer. En hierdie
eksperiment is net tussen my en jou – jy hoef vir niemand anders daarvan te
vertel nie. Komaan, jy kan immers niks verloor nie.

Kry vir jou net een doelwit. Net een klein doelwit. Dis al. Doen nou die volgende:
Wees baie spesifiek wat die doelwit moet wees. Nie iets soos ek wil ‘n miljoen rand maak nie. Dis te vaag en te groot en te wyd. Eers net ‘n klein doelwit.
Skryf hierdie klein doelwit neer.
Skryf die datum van voltooiing / bereiking van die doelwit neer.
Gaan nou en doen daardie doelwit.

Laat weet my wat daardie doelwit is… ek hoor graag van jou.
st@pitkos.co.za

‘n Sprankie Wysheid vir die dag
“’n Verwaande mens kom nêrens omdat hy dink dat hy reeds daar is.” - Anoniem


Betaal jy teveel vir motorversekering?  
Klik hier vir 'n gratis aanlyn kwotasie!

Al wat jy dan moet doen is om te besluit wat om met die ekstra geldjie te maak
 

Skakels

Peter-jasie

Boererate

Stormpies

Danville Hulpgroep

Boeremusiek

Nianell

Musiek

Woes

Eg Afrikaans

Die Knoop

Wat kyk jy

Wenke wat Werk

Minette Brink

Die Wêreld

STOF

Pretoria Akkommodasie

Wat van 'n lekker koppie boeretroos!

www.digiTAAL.co.za

Vakansieverblyf?
Hier is die
oplossing

 

Webwerf soeklig

Met elke uitgawe sal ek van nou af die soeklig plaas op 'n webwerf met Afrikaanse inhoud. Hierdie keer is dit die beurt van:

Eg Afrikaans
Hierdie is een van die handigste webwerwe wat ek nog teëgekom het. As jy raad of hulp of inligting soek, gaan na Egafrikaans en plaas jou versoek by hulle Hulpnavrae. Die versoek word dan in 'n weeklikse nuusbrief na duisende mense uitgestuur. Ek het nog altyd 'n hele paar antwoorde op enige van my versoek geky, probeer dit gerus, dit werk!

 

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

Wat's Nuut?  

Soek op die webwerf deur FreeFind

 

'n Tikkie Humor

'n Goeie advokaat moet nooit 'n getuie 'n vraag vra as hy nie voorbereid is
vir die antwoord nie, veral nie as hy in Elsies Rivier praktiseer nie!!!!

Tydens 'n hofsaak in die Elsies Rivier Magistraatshof roep die aanklaer sy
eerste getuie na die getuiebank - 'n bejaarde ou dame. Hy nader haar en vra:
" Mevr. Jantjies, ken jy my?"

Sy antwoord: "Ja, of course ken ek jou Mister Williams. Djy't dan voor my
groot geword - maar was jy nie 'n disappointment nie! Djy lieg en bedrieg,
hoer agter jou vrou se rug en skinner van ander mense. Djy dink djy's a big
shot, maar het nie die brains om te wiet dat djy maar net 'n ordinary
office clerk gaan bly nie. Ja-nee, ek ken vir jou!!!"

Die arme advokaat was geskok. Hy weet nie mooi wat om te se nie en wys in
die rigting van die advokaat vir die verdediging, en vra: "Mevr. Jantjies,
ken jy die advokaat vir die verdediging?"

Sy antwoord weer: " Ja, of course, vir hom ken ek ook vandat hy 'n laaitie
is - hy's lui, drink 'n bietjie te veel en sy law practice is van die worst
innie land. Hy't ook al drie keer op sy vrou ge-cheat. Ja, ek ken hom."

Die advokaat vir die verdediging val amper van sy stoel af van skok.

Net toe roep die Magistraat die hof tot orde en vra die advokate 'to
approach the bench', en se toe in 'n sagte, dog ernstige stem vir hulle: "As
enige een van julle twee donners vir daai antie vra of sy vir my ken, dan
moer ek julle altwee in die tronk!!!!


'n Universiteitstudent moes 'n kortverhaal met so min woorde moontlik skryf
en dit moes elemente van godsdiens, seks en 'n speurverhaal bevat.

Die wenner se inskrywing het gelui:

"Liewe hemel, ek is swanger. Ek wonder wie is die pa."

 

 
 
 
 
 

 

 
 

Die Resep(te)


Hier is nog 'n paar Feesresepte, meer volgende keer!


Blitsvinnige Vrugtekoek

2 pakkies Marie beskuitjies (grof gebreek)
2 eiers
1 koppie (250ml) sagte bruin suiker
1 koppie (250ml) botter of margarien (verkieslik botter)
3 koppies (750ml) gedroogde vrugtemengsel (fruit mix)
75g glanskersies
2 sopies brandewyn of sjerrie

Smelt botter en suiker, moenie kook nie. Voeg vrugte by en kook vir 3 minute. Voeg geklitste eiers by. Roer vinnig na elke byvoegsel en kook vir nog 2 minute. Voeg Marie beskuitjies, kersies, brandewayn of sjerrie by en roer goed. Roer goed tot alles goed gemeng is. Plaas in gesmeerde broodpannetjie wat uitgevoer is met waspapier wat ook gesmeer is. Druk mengsel stewig vas en laat afkoel.Keer uit en strooi met versiersuiker voor bediening.

Koue Kersfeespoeding

1½ koppies fyn gerolde Marie beskuitjies    8 malvalekkers
¼ koppie suiker                                          ½ koppie gekapte neute
125ml gemengde skil                                   ¼ teelepel fyn neut
250ml room                                                ¼ koppie lemoensap
mespunt kaneel                                           125ml dadels
gerasperde skil van 1 suurlemoen

Meng krummels, vrugte, neute, skil en speserye. Verhit die lemoensap en los die malvalekkers daarin op. Voeg die suiker by en gooi oor die krummels en vrugte. Klop die room styf en vou dit by die mengsel in. Plaas die nagereg in die yskas om styf te word.

En as jy Kersdag in die buitelug gaan wees, hier is iets om saam met slaai en brood te geniet:

Gekookte Sout Beestong

Was 'n beestong, wat 3 dae of langer in pekel gele het, goed en verwyder al die kliere of harde deeltjies wat ongewens is. Week die tong 1 uur lank in vars koue water.
Bedek met vars koue water en laat vir 3 tot 4 uur lank stadig kook of 55 minute lank as dit in 'n drukpot gekook word.
As die tong sag en gaar is haal uit die water en trek die skil sorgvuldig af. Laat die tong dan in die vloeistof afkoel waarin dit gekook het om 'n gedeelte van die verlore sappe weer op te neem.
Om die tong koud op te dien, word dit opgerol sodat dit op die sykant staan en dan in 'n ronde vorm styf vasgedruk. Sit 'n bord bo op en plaas gewigte daarop om dit so saam te pers.
Keer uit die vorm wanneer dit heeltemal koud is of voor dit opgedien word en versier met takkies pietersielie.  

Pynappelvrugtekoek
(Lewer 1)

1 blik fyngemaakte pynappel(410 g)
115 g botter (125 ml)
200 g suiker (250 ml)
5 ml gemengde spesery
500 g vrugtekoekmengsel
5 ml koeksoda
240 g koekmeelblom (500 ml)
2 ml sout
5 ml bakpoeier
2 eiers (geklits)

Dreineer pynappel en behou sap. Plaas pynappel in 'n kastrol saam met 125 ml van pynappelsap. Voeg botter, suiker, spesery, vrugtekoekmengsel en koeksoda by en verhit tot kookpunt. Prut oor matige hitte vir 3 minute. Laat afkoel.
Sif koekmeelblom, bakpoeier en sout goed saam en voeg by vrugtemengsel. Voeg eiers by en meng goed. Skep in gesmeerde, gevoerde koekpan en bak in oond van 180 grade C vir ongeveer 2 uur of tot toetspen skoon uitkom. Haal uit oond, laat effens afkoel en keer uit. Wanneer heeltemal koud, bewaar in lugdigte houer tot benodig.

Familiekerskoek
(Lewer 1)
 
500 g koekmeelblom
5 ml bakpoeier
2 ml sout
250 g botter
375 g bruin suiker (470 ml)
500 g vrugtekoekmengsel
2 eiers (geklits)
375 ml melk
10 ml koeksoda

Sif koekmeelblom, bakpoeier en sout good saam en vryf botter in tot mengsel soos broodkrummels lyk. Voeg suiker en vrugtekoekmengsel by en meng. Voeg geklitste eiers by en meng. Los koeksoda in melk op en voeg by meelmengsel. Skep in gesmeerde, gevoerde koekpan en bak in voorverhitte oond van 180 grade C vir 1-1 1/2 uur, of tot toetspen skoon uitkom. Haal uit oond, laat effens afkoel en keer uit. Wanneer heeltemal koud, bewaar in lugdigte houer tot benodig.
  

 

Vriende van Boeremusiek

 

Kontak vir Wia en Kalie  van Vriende van Boeremusiek

082 578 8907 of 012 362 7097 of kalie@telkomsa.net ofwia@telkomsa.net of hoor-nou-net@yahoogroups.com

Boeremusiek Dagboek

Elke laaste Saterdag van die maand vir die res van die jaar! Manie Erasmus: Dans by Voortrekker Monument

10 Desember - Vriende van Boeremusiek - afsluitfunksie vir 2005!

Vir meer inligting, klik hier

 

Maak ook sommer ‘n knoop in die oor vir ons Byeenkomste by die Voortrekker Monument op  10 Desember 2005

 

Wia

Tel: 012 361 7097

082 5788907

 

E-pos: wia@telkomsa.net

 
   

Die Danville Hulp Groep

 
JEUGKAMPE

25 - 27 November 2005 Danville seunskamp.

Dit is die kampe wat ons beplan vir die res van die jaar. Die kostes sal
weer R250 per kind wees. Ons probeer om gemiddeld 60 kinders op 'n kamp te
neem indien ons borge vir hulle kan kry.

Hou asb hierdie 4 kampe ingedagte.

Sel:  082 8282 551
Faks:  012 991 2073

www.danvillehulp.co.za
elecnet@mweb.co.za

BANKBESONDERHEDE
Danville Hulp Projek
FNB - Brooklyn
Takkode: 251 345
Tjek rek:   620 546 34128
Verw:  (Kos - of - Kersfees of dit waarvoor die donasie is asb)

webwerf: www.danvillehulp.co.za

 

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!

Klik hier vir inligting oor my Boererate eBoek!

Hare te laat groei. - neem 1 eetlepel paraffien, 1 eetlepel brandewyn en 1 eetlepel kasterolie. Skud alles goed deurmekaar. Vryf eenmaal per week die kopvel goed daarmee in die aand.

Hare wat uitval - vryf elke aand en elke more 'n bietjie vaselien of klapperolie
goed by die wortels van die hare in. Welriekende kasterolie is ook doeltreffend.   

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel:
Ons Blêrkas van Afrikaanse Volksmusiek

AL DIE VELD IS VROLIK

Woorde: C. LOUIS LEIPOLDT
Musiek: J. WEBER; verwerk: PIETER DE VILLIERS

Al die veld is vrolik; al die voëltjies sing;
al die kriekies kriek daarbuit'; elke sprinkaan spring.
Al die koggelmannetjies kom om fees te vier;
hier galop 'n goggatjie, daarso dans 'n mier.

[KOOR]
Nou gaan die kinders draai, nou gaan hul speel!
Kom Sus, gee handjie! Almal moet draai!
Boet gee ook handjie! Nou gaan ons swaai--
dis tog so prettig! Wie dans met my?
Al in die rondte, vrolik en bly!
Kom Sus, gee handjie! Almal moet draai!
Boet gee ook handjie! Nou gaan ons swaai--
dis tog so prettig! Wie dans met my?
Al in die rondte, vrolik en bly!

Selfs die vissies spartel teen die kafferskuil;
in die groot ou eikeboom droom 'n oupa-uil.
Oral in Karooland is 'n ruik versprei:
boegoeblom en appelkoos--kan jy beter kry?

[KOOR]
Nou gaan die kinders draai, nou gaan hul speel!
Kom Sus, gee handjie! Almal moet draai!
Boet gee ook handjie! Nou gaan ons swaai--
dis tog so prettig! Wie dans met my?
Al in die rondte, vrolik en bly!
Kom Sus, gee handjie! Almal moet draai!
Boet gee ook handjie! Nou gaan ons swaai--
dis tog so prettig! Wie dans met my?
Al in die rondte, vrolik en bly!

Bind vir my tesame katjiepiering wit,
bobbejaantjies blou en bont, rose in gelid,
varings van die klippe, oral, ai só mooi,
rooi kalkoentjies uit die vlei--blomme uitgestrooi.

[KOOR]
Nou gaan die kinders draai, nou gaan hul speel!
Kom Sus, gee handjie! Almal moet draai!
Boet gee ook handjie! Nou gaan ons swaai--
dis tog so prettig! Wie dans met my?
Al in die rondte, vrolik en bly!
Kom Sus, gee handjie! Almal moet draai!
Boet gee ook handjie! Nou gaan ons swaai--
dis tog so prettig! Wie dans met my?
Al in die rondte, vrolik en bly!

Vrolik is die wêreld, vrolik rant en vlei!
Elke koggelmannetjie het sy maat gekry.
Elke gons'rig' goggatjie is getroud of vry:
vrolik is die wêreld hier, vrolik veld en vlei!

[KOOR]
Nou gaan die kinders draai, nou gaan hul speel!
Kom Sus, gee handjie! Almal moet draai!
Boet gee ook handjie! Nou gaan ons swaai--
dis tog so prettig! Wie dans met my?
Al in die rondte, vrolik en bly!
Kom Sus, gee handjie! Almal moet draai!
Boet gee ook handjie! Nou gaan ons swaai--
dis tog so prettig! Wie dans met my?
Al in die rondte, vrolik en bly!
 

Snuffelhoekie

Ek versamel yskasmagnete van buite Suid Afrika, kontak my en dan ruil ons uit!  

 
As jy nog nie jou eksemplaar van my Boererate eBoek gekry het nie, klik hier vir meer besonderhede.  

 
bukhuki is 'n annerster boekwinkel in Somerset-Wes, Wes-Kaap, met boeke en verwante produkte gemik op kinders en jongmense tot ongeveer 14 jaar oud.  

 
op my webwerf  

 
Hulp met skooltake?? Klik hier!  
Teken in op hulle nuusbrief, klik hier en stuur leë epos.  

 
Vakansieverblyf is altyd 'n probleem, dié mense maak dit makliker om te kry, klik net hier.  

 

Soek jy plek om te gaan kampeer? Klik dan hier!

 

 
"Making Diabetic Cooking Easy" Die boek bevat 177 resepte en kos maar net R65. Vir meer inligting, kontak Anna by 0822946799 of per epos by anna_se_kombuis@yahoo.com 
Vir nog meer van Anna se resepteboeke, klik hier
 

 
Jy geniet gratis toegang tot internet bankdienste met 'n bluebean kredietkaart doen nou aansoek !  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige konstruktiewe terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: