Nommer 89

Afrikaans KOOK!!!

19 April 2006

Wees gegroet!

Welkom aan alle nuwe intekenare!

Ons neem tydelik afskeid van Minette wat oor die maande (jare) al daardie mooi stories geskryf het en toestemming verleen het dat ek hulle hier kon gebruik. Sy maak 'n groot verandering in haar lewe en verhuis Kaap toe. Hou haar tog in julle gebede of stuur haar epos van bemoediging.

En nou wil ek van my speelgoed verkoop, die speelding word nie ten volle benut nie en iemand anders sal dit beter kan gebruik. Dit behels 'n (verskoon die Engelse terme) 'n HP iPAQ POCKET PC 2490 tesame met 'n GARMIN GPS-10 BLUETOOTH GPS RECEIVER wat in effek 'n GPS van die PDA maak. Daarby het ek ook die Emaps sagteware (Digi-Nav 2006) wat vir jou 'n roete kan beplan en vir jou stap vir stap vat tot by jou bestmming enige plek in Suid Afrika. Daar is ook 'n oulike damesstemmetjie wat vir jou meedeel wanner jy moet afdraai! Baie handig! Dis nog nie al nie. Die pakket sluit ook die volgende sagteware in: Sasol eBirds, eGuide to African Mammals, eSnakes, Sasol eWildlife wat Insects, Spiders/Arachnids, Frogs, Reptiles, Birds, Mammals, Grasses, Trees en Wildflowers bevat.  Die pakket is so te se splinternuut (begin April aangeskaf) en om dit vandag aan te koop sal R8700 kos. Hierdie is die ideale pakket vir die reisiger en buitelug entoesias, en dis joune vir net R5000 kontant. Kontak my as jy wil gesels!  peter@funkymunky.co.za

Daar gaan weereens 'n vertraging wees met die volgende Patriot. Die reisgogga het nou behoorlik gebyt en ons vat die 28ste die pad Margate toe vir 'n week en direk daarna gaan ons Namibi platry, ons is so teen die einde van Mei weer trug, net om te laat weet ingeval iemand sou wonder :-)

Ons is sopas terug van die Kgalagadi Oorgrenspark. Wat 'n wonderlike ervaring was dit nie. Ons het besluit om te kamp eerder as om in chalets tuis te gaan en dit was ook 'n wyse besluit. In 'n tent voel mens baie nader aan die natuur en het die nagggeluide om die kamp soos hina, leeu en jakkals meer effek op 'n mens. Die paaie is bietjie sinkplaat maar as mens die banddruk genoeg verlaag ry mens al klaar lekkerder. Die plek kan nie met Kruger vergelyk word nie, daar heers 'n heeltemel anderse atmosfeer. Serlfs die diere verskil van Kruger. Hier het ons baie springbiokke in plaas van impalas en gemsbokke plaas van waterbokke gesien. Die roofvols is ook uitsonderlik en die jakkalse is baie minder skugter as in Kruger. Gaan slaan gerus daar tent op, julle sal nie spyt wees nie. Los tog maar die sedanmotor tuis, 'n bakkie of iets dergliks aard baie beter op daardie paaie!

En wat so wonderlik is, ALMAL van Vryburg tot Upington tot in die Kgalagadi praat net Afrikaans!!!!

En Noordwes se paaie is VROT van die slaggate, sies vir julle!

Hier is skakels na van die fotos wat ek geneem het, lekker kyk!

Kgalagadi - http://www.imagestation.com/album/pictures.html?id=2107442046
Kgalagadi Grondeekhorings - http://www.imagestation.com/album/pictures.html?id=2107441087 


Wat van 'n bietjie "anderste" Afrikaans. Die volgende kom van Danie Joubert by epos DJoubert4@weskusmedia.co.za  Laat weet hom wat julle dink....

Hier oppe mre sta oupa Boes voorie deur sta pyp brandmaak. Disse stil oggend en hy't beslyt hy loop vroe, wantit lyk offit sil warm word viddag, en hy wil haam voorie ergste hitte trug wees byrrie hys. Nouja sy vrou, ouma Anna het sy jaarsak gepak. Dis brood, vleis, koffie, water en simmir genog kos virrie hond ook. Die ou vul vat sy sak en hy roepie hond en ha gaat hulle. Kyk nalattie ou afgetree hit mit spessiejoen issittie ou se werk om allie lyndraare ennie krippe oppie plaas na te loop. Die krippe se ou water lat hy ytloop, da maak hyrie krip skoo', da lat loop hyrie krip weer vol skoo' water. Die draare wat stukkend is, kom rapport hy innie plaas, da ga maakie anner bojane die draare reg. Nouja hier teen twaalfuur die mirrag gaan sittie ou ha onnerre boom innie skare. Die ou maak sy sak ha oop, ennie ou beginne eet. Toerie ou klaar is, goi die ou hom ha neer onnerrie boom. Hy wil haam net so effens, totlattie ergste hitte so 'n biekie gesakkit. Die hond bekykkie affering so, en hy beslyt dis simmir nonsens, assie ouman nie vir hom kos hettie, da gaan hy hys toe, daar sil kos wees, en ha stoot hy. Haai ou tjrel l slaap haai mirrag so vas, die son het naand onner gegaan. Hier so teen halftien die aand skrik hy virrie eerste keer wakker. Die ou se maag beginne werk ha pikswart yt, want toe hy sy o oopmaak, toe kan hy nie sienie. Hy dag toe hyt blind geword, maar toe hy die affering reg bekyk, toe eers sien hy dis al hoeka donker. Die ou roep ha na die hond, maar dies al koud byrrie hys. Ewentwel, die ou vat sy sak, en hy beginne loop. Na omtrent sowat twee, drie ure se loop, kommie ou agter hy loop innie ronte, wantit smaak vir hom hy was al hier. Die ou beslyt simmir daar, hy loop nou regyt. Nie omme bos nie, hy loop deur hom. Hier teen vieruur die oggend gewaarie ou 'n liggietjie, en hy beslyt hy loop regyt na haai liggietjie toe. Seker so vyf miniete geloop, toe hoorie ou 'n hond blaf, hy voor hy ka s mes, staan hiere allemintige groot hond hier voor hom, ennie ou vlie simmir ha innie naaste boom in. Die hond hol ha hystoe, ennie ou sit hom agterna. Toe hy ha kom, klop hy aanie deur, maar hy haalie sy o vannie hond affie. Ha gaanie deur oop, ennie ou groet ha beleefd, en hy beginne verdydlik wie lat hy is, waar hy vinnaf kom, wat hy oorgekommit, en lat hy net graag tot son yt... en ouma Anna s vir hom lat hy sy bek moet hou, en inkom, want waar de swernoot kom hy nou hierie tyd mre vinnaf...
Groete tog ha virrie annerlike mense ook en so.
Danie


En hier is nog iets "annerste" wat ek mee rondspeel, Inflasionre taal Jarre gelede het vriende van my 'n plaat van die komediant Victor Borge gehad, een van die goed wat hy gedoen het was "Inflationary Language". Elke keer dat 'n woord wat 'n syfer bevat in 'n sin voorkom word een bygetel, bv. die naam Daleen word Datwee en rivier word rivyf. Dit het nogal snaaks geklink as iemand dit so lees, hier is my poging:

Dit was die oggend van die 30ste Februarie, ek en die gesin was al vroeg besig on ons 5x5 trippelkajuit Isuzu te pak. Die drieling, Jannie en Sannie was al heel opgewonde. Die Isuzu was die nuutste 5 silinder model. My vriend Johan en sy vrou Daltwee het die nuwe 7 silinder V7 model gehad. Syne was egter nie 5x5 nie maar was driewiel angedrewe. Ons sou deur Vertweeniging al langs die Vaalrivyf af ry tot by ons bestemming.

Langs die pad was dit nog baie nat na die vorige aand se rtwee. Ek stop toe langs die rivyf, sit die kamera op die vierpoot en neem 'n tweend met 'n klomp klein tweendies af wat water toe loop

Ons belsuit toe om sommer by die volgende kampplek tent op te slaan. Toe ons stlihou stap ek en Johan gou af rivyf toe met die drieling Jannie en Sannie negerna.

Intussen het Daltwee en my vrou Chriself die vierpoot pot al reg en wag net vir ons om te kom vuurmaak.

So, wat dink julle daarvan? Waar kan mens soek vir 'n lys van woorde wat syfers bevat? Dit sal nogal help om die storie te skryf. Laat weet my wat julle dink, dalk kan ons 'n spanpoging maak!


  Vlooimark

Ek word gereeld gevra of ek bereid sal wees om op my webwerf te adverteer.  Kom ons kyk of dit aftrek sal kry, klik op die skakel hieronder en plaas jou gratis advertensie of snuffel maar net rond.

Free Classified Ads 

from Bravenet.com 

 
Suid Afrika se Afrikaanse soekenjin


ePos Vriende - In die ou dae voor die internet het ek vele penvriende regoor die aardbol gehad. Jy moes weke wag vir 'n antwoord op jou brief! Vandag, met ePos gaan dinge sommer blitsvinnig! Mens moet egter in baie gevalle betaal om jou naam op 'n penvriend lys te kry. Ek glo nie daarin om vir vriendskap te betaal nie, dus gaan ek 'n gratis "ePos Vriende" afdeling begin. Al wat jy hoef te doen om jou gegewens op die lys te kry is om HIER te klik en jou besonderhede in te tik. As jy soek na 'n vriend, klik HIER en gaan deur die lys en stuur 'n epos aan iemand met wie jy wil korrespondeer, so maklik soos dit! Die eerste 20 inskrywings kry elkeen 'n gratis kopie van my Tradisionele SA Resepte eBoek!


Dis doodmaklik om 'n kaartjie vir die UK Lotto te koop. Die boerpot is selde minder as R10 miljoen en gereeld naby die R90 miljoen!! Klik hier en kry jou kaartjie! Jy kan nie wen as jy nie in is nie!
Boerpotte is gereeld 5 miljoen of meer, dis darem 'n allemintige klompie Rand!
Ek het nou die dag 4 nommers ingehad, hulle betaal dit sommer aan jou per tjek in Rand!


st se  pitkos

Klik hier om st se webwerf te besoek
en om in te teken op sy weeklikse nuusbrief

Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee n leser.

Nog gevleuelde woorde van ST:

Het jy vir n saak beplan en dinge het toe anders verloop as wat jy gedink het?

Ons probeer dikwels vir ons doelwitte stel, maar dan gebeur iets wat die koers heeltemal verander. Omstandighede - wat n menigte van faktore insluit - kan maak jou aanvanklike idee van hoe n saak verloop, verander. Die kruks is, kan jy aanpas en die nodige koersaanpassing doen of klou jy halsstarrig vas aan jou plan en idees?

Wanneer jy suksesvol wil wees en suksesvol n taak wil uitvoer, verg dit dikwels buigsaamheid en n aanpassing van jou kant af. Soms is dit nie maklik om n verandering te doen nie, want jy glo in jou manier van doen en wil dit deurvoer op die spesifieke plan wat jy in gedagte het.

Dis egter belangrik om te weet jy kan verander, en jy mag verander. Die wenner is n strateeg wat weet om in die stryd nodige aanpassing te doen om bo uit te kom. So sal n besigheidsman wat net op een manier fokus, tred met die marktendense verloor en skade as gevolg daarvan ly. Dieselfde geld vir jou beroep. Jy het dalk jou plan vir jou loopbaan uitgewerk, maar nuwe probleme en uitdagings vra egter van jou n aanpassing en verandering.

Tye, omstandighede, mense, produkte, politiek, kompetisie, nuwe uitvindsels en so meer verander die wreld waarin ons leef. Vir jou en my om werklik op die voorpunt te bly en munt te slaan uit nuwe tendense, vra buigsaamheid. Vra van ons n nuwe uitgangspunt, n ander plan van aksie, n nuwe weg uit n doodloopstraat.

In 1943 het die voorsitter van IBM Thomas Watson ges: Ek dink in die wreldmark is daar plek vir ongeveer vyf rekenaars. Waar sou IBM gewees het indien hulle daarby sou staan? Sedert hierdie uitspraak het IBM sekerlik hul siening verander en derduisende rekenaars vervaardig en verkoop.

In 1985 het Coca-Cola se voorsitter Roberto Goizueta van New Coke ges: Dit is die belangrikste ontwikkeling in koeldrank in die maatskappy se geskiedenis. Die beste is selfs beter gemaak. Die New Coke was egter n mislukking en kort daarna is dit van die rakke gehaal. Dit getuig van die vermo van een van die wreld se grootste maatskappye om te verander en aan te pas.

Wees realisties, niemand kan die toekoms voorspel nie. Daar is altyd determinante en veranderlikes wat intree. Wees dus daarop voorberei. Wanneer die situasie dit vereis, verander strategie, hou alternatiewe planne oop en wees aanpasbaar. Jy moet die vermo ontwikkel om te kan aanpas by verandering, want daardeur bekom jy die potensiaal vir groei en om nuwe geleenthede aan te gryp.

Let wel dit gaan nie om die verandering van beginsels nie, maar wanneer die gety draai, jy planne kan maak om die verandering ten beste te benut. Dit word in besigheid gevra, dit is deel van krygsvernuf, in die politieke en ekonomiese ommeswaai in n land, maar ook in jou persoonlike lewe.

Verandering en aanpassing is heel dikwels nie lekker nie, en mense bied daarteen weerstand. Maar wees jy op en wakker. Neem die veranderinge in omstandighede en die wreld waar, en maak die nodige aanpassings tot jou voordeel. Die teendeel om nie buigsaam te wees en nodige veranderinge te doen nie, kan jou in cul de sac laat wat tot jou skade en nadeel is.

Met die nodige navorsing, kennis, waagmoed en positiwiteit kan jy verandering suksesvol aanpak en deurvoer.

Sprankie Wysheid vir die Dag
Die vraag moenie Gaan ons ooit verander? wees nie, maar Wanneer en hoeveel gaan ons verander? Niks bly dieselfde nie behalwe die feit dat alles voortdurend verander. Selfs in die begin het Adam, toe hulle by die paradys uitgelei is, herhaaldelik vir Eva ges: My skat, ons leef in n oorgangstyd. John C. Maxwell
 
Dr ST Potgieter
Tel: 021 949 5007
Sel: 083 227 3683
Epos:
st@pitkos.co.za

Skakels

Peter-jasie

Boererate

Stormpies

Danville Hulpgroep

Boeremusiek

Nianell

Musiek

Woes

Eg Afrikaans

Die Knoop

Wat kyk jy

Wenke wat Werk

Minette Brink

Die Wreld

STOF

Pretoria Akkommodasie

Wat van 'n lekker koppie boeretroos!

www.digiTAAL.co.za

Vakansieverblyf?
Hier is die
oplossing

 

Webwerf soeklig

Met elke uitgawe sal ek van nou af die soeklig plaas op 'n webwerf met Afrikaanse inhoud. Hierdie keer is dit die beurt van:

 Ek is al hoeveelkeer gevra waar mens kinderstories in Afrikaans kan kry, gaan kyk gerus hier!

Storie-vir-Storie

 

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

Wat's Nuut?  

Soek op die webwerf deur FreeFind

 

'n Tikkie Humor

Die een kom van Lenie van Hermanus:

Een aand raak vier finalejaarstudente aan't drinke tot laatnag en  besluit hulle kan nie in hulle toestand leer vir die eksamen die volgende dag nie. Die volgende oggend kom hulle bymekaar om 'n
plan te bedink om uit die eksamen te kom. Hulle smeer hulleself en hulle klere vuil met ghries, olie en stof. Hulle loop toe na die dosent toe en s dat hulle die vorige dag by 'n troue was en, op pad terug
om te gaan leer, het die kar se band gebars. Die spaarwiel was ook pap en hulle moes noodgedwonge die kar terugstoot huis toe. Hulle het so moeg en uitgeput geraak dat hulle onmoontlik nie die
eksamen kan skryf nie. Die dosent was 'n regverdige tipe persoon, en stem in dat die eksamen drie dae later geskryf kan word. Heel tevrede is die vier daar weg om te gaan leer. Op die derde dag daag
die vier op by die dosent. Die dosent s toe dat hy hulle onder spesiale kondisies gaan laat skryf - elke student sal in 'n afsonderlike lokaal die eksamen skryf. Nie een van die vier het 'n problem
daarmee nie - immers het hulle goed voorberei vir die eksamen en dieselfde vraestel geld vir elkeen. Die vraestel bestaan uit twee afdelings en tel uit 100 punte: Vraag 1: Skryf u naam en
studentenommer neer. (2 punte ); Vraag 2: Watter band het gebars? ( 98 punte )
 

 
 
 
 
 

 

 
 

Die Resep(te)


Hierdie resep kom uit een van Anna Eksteen se resepte eBoek . Vir meer oor Anna se respteboeke klik hier.


Een van my gunsteling poedings:

BROOD EN BOTTERPOEDING

16-20 snye witbrood,                         botter
8 eiers                                              2 koppies suiker
2 teelepels sout                                 4 liter melk
2 koppies rosyne                                1 koppie fyn klapper
appelkooskonfyt

Smeer die brood dik met botter. Rangskik die snye met die gesmeerde kant na onder in n gesmeerde pan, konfyt kan of bo-op gesmeer word aan nie gesmeerde kant of kan in klontjies oral gesit word. Klits eiers en voeg die suiker, sout en melk daarby. Strooi die rosyne of klapper tussen die snye brood. Gooi die melkmeng-sel oor die brood en laat dit 30 minute lank staan. Sit die deksel van die bakskottel op en bak by n matige koel oond by 160C. Verwyder die deksel na die eerste halfuur en bak totdat die poeding bo-op mooi bruin is. Bedien met vlasous.

Njammies!
 

 

Vriende van Boeremusiek

Dags Boeremusiekvriende,
Hierdie is net n vriendelike aanmaning dat ek my webblad se adres verander het na: http://kalie.boeremusiek.net
Hierdie is n vereenvoudigde adres van die vorige een. Dit is ook voorsien met n hoofstuk vol konsertina inligting. Daar kom nog n nuwe gedeelte: Wat is nuut? Waar ek graag die huidige verval in Boeremusiek wil aanspreek. Die blad behoort teen einde volgende week klaar te wees. Kyk gerus ook op die blad na puik CDs wat te koop is!
Nogmaals dankie vir u ondersteuning!!
Boeremusiekgroete,

Kalie de Jager


Tel.: 012 5485654
Faks.: 012 5485654
Sell.: 0825788907
E-pos: kalie@telkomsa.net
Webblad: http://kalie.boeremusiek.net

 
   

Die Danville Hulp Groep

.
Hier is 'n maklike manier om vir Elsabe en haar span by die Danville Hulpgroep te help:

Liewe Vriende,

Hiermee weer net n vinnige kort briefie vanaf Hennie wat ek met julle wil deel.

Goeie dag

My naam is Hennie Heymans en ek is die besturende direkteur van Stratcol (Edms) Bpk, n maatskappy wat debietorders administreer vir verskillende organisasies, waarvan DANVILLE HULPPROJEK een is.

Elsabe en die werke wat sy doen l my na aan die hart en ek het u detail gevind in haar besoekersboek op hulle webblad. Ek neem die risiko (dat u aanstoot mag neem met my voorbarigheid) om u te vra of u nie ook n klein bedraggie per maand op debietorder aan haar projek wil bydrae nie. Glo my, ons kan nooit genoeg help nie en nooit genoeg geld vir haar in om kos vir almal te koop nie. Elke sent wat u kan gee sal help.

U kan n permanente bedrag (tot u dit wil stop per epos na my hennie@stratcol.co.za ) of na Elsabe ( elecnet@mweb.co.za )) gee, bv R100-00 of R150-00 of wat ookal per maand, of net vir n aantal maande. Al wat u moet doen is om na my te reply en die bedrag te noem, die tydperk (as u ooplaat aanvaar ek dis onbepaald), die naam van die bankrekening waarvan ons verhaal, die tipe rekening (spaar, transmissie, tjek, kredietkaart (master of visa as krediet kaart), bank, taknaam en kode, rekeningnommer en selfoon as u 3 dae voor die ontrekking per sms herrinner wil word.

Ter bevestiging van wie ek en Stratcol is verwys ek u graag na ons webblad by www.stratcol.co.za.

Help my asseblief om n verskil te kan maak en as u aanstoot neem met my voorbarigheid, bel my gerus.

Groete

Hennie Heymans

082 7328 654
0861 135 791

Bankbesonderhede:

Danville Hulp Projek
FNB - Brooklyn
Takkode:- 251 345
Tjek rek: 620 546 34128
Swiftkode: FIRNZAJJ926

Aflewerings adres:-

286 Cliffendale rylaan
Faerie Glen
Tel 012 991 3914 Sel 082 8282 551
E.pos - elecnet@mweb.co.za
Webwerf: www.danvillehulp.co.za

PS Bel asb voor jy ry

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!

Klik hier vir inligting oor my Boererate eBoek!

Die winter kom nou al nader, hier is iets vir griep:

Griep - neem 'n handjievol bokbossie en trek soos tee. Drink drie keer per dag.

Griep - 1 bottel pepermentdruppels, 1 bottel roulynolie, 1 bottel borsdruppels, 1 blik heuning (of 1 pond heining) . Meng bestanddele saam en drink drie maal per dag.
 

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel:
Ons Blrkas van Afrikaanse Volksmusiek

DONKERBRUIN VONK'LENDE O

Woorde: F. VILJOEN; gewysig: P. MCLACHLAN
Musiek: RTTGERS; verwerk: D. HYMAN

Donkerbruin vonk'lend haar laggende o,
vrolike onskuld haar grootste geno,
so sag en lieflik haar handjies fyn,
haartjies blond en hartjie so rein;

[REFREIN]
Skertsend loer sy na my, vrolik sing sy en bly
van ditjies en datjies en wie weet watjies:
Tra-la-die, tra-la-da, tra-la-la-die, tra-la-la,
tra-la-die, tra-la-da, tra-la-la-di-ra!

Skyn in die lente die maan deur die bome,
loop ieder paartjie verlief langs die strome.
Hou handjies, steel gou 'n soentjie soet
--lentelewe bruis deur my bloed:

[REFREIN]
Skertsend loer sy na my, vrolik sing sy en bly
van ditjies en datjies en wie weet watjies:
Tra-la-die, tra-la-da, tra-la-la-die, tra-la-la,
tra-la-die, tra-la-da, tra-la-la-di-ra!

O die betow'ring van skoon lente maande,
lieflike uurtjies op stil maanligaande;
sag fluister ek haar my liefde trou,
maar wanneer ek handjie wil hou:

[REFREIN]
Skertsend loer sy na my, vrolik sing sy en bly
van ditjies en datjies en wie weet watjies:
Tra-la-die, tra-la-da, tra-la-la-die, tra-la-la,
tra-la-die, tra-la-da, tra-la-la-di-ra!
 

Snuffelhoekie

Ek versamel yskasmagnete van buite Suid Afrika, kontak my en dan ruil ons uit!  

 
Koop nooit weer 'n resepteboek nie. Kry 'n CD met 38 resepteboeke op (Engels) vir net R100 - klik hier en kry ook jou gratis resepteboek  

 
As jy nog nie jou eksemplaar van my Boererate eBoek gekry het nie, klik hier vir meer besonderhede. Gaan kyk ook na my ander eBoeke  

 
bukhuki is 'n annerster boekwinkel in Somerset-Wes, Wes-Kaap, met boeke en verwante produkte gemik op kinders en jongmense tot ongeveer 14 jaar oud.  

 
op my webwerf  

 
Hulp met skooltake?? Klik hier!  
Teken in op hulle nuusbrief, klik hier en stuur le epos.  

 
Vakansieverblyf is altyd 'n probleem, di mense maak dit makliker om te kry, klik net hier.  

 

Soek jy plek om te gaan kampeer? Klik dan hier!

 

 
Internetbesigheid? Tuisbesigheid? Al die inligting wat jy benodig op een CD - klik hier vir besonderhede (Engels) Kry ook jou gratis eBoek  

 
"Making Diabetic Cooking Easy" Die boek bevat 177 resepte en kos maar net R65. Vir meer inligting, kontak Anna by 0822946799 of per epos by anna_se_kombuis@yahoo.com 
Vir nog meer van Anna se resepteboeke, klik hier
 

 
Jy geniet gratis toegang tot internet bankdienste met 'n bluebean kredietkaart doen nou aansoek !  

 
Elkeen van my nuusbriewe bevat 'n goeie Afrikaanse artikel, 'n tikkie humor, 'n Tradisionele Afrikaanse resep en die woorde van 'n Afrikaanse lied, gaan kyk gerus in die Argiewe na vorige uitgawes  

 
Ek sal enige konstruktiewe terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit bo aan hierdie bladsy: