Die Peter-jasie Patriot

 

Nommer 16

'n Passie vir Afrikaans

6 Februarie

DagsÍ!

Wel, hier is ons, trug in "Gangster's Paradise" na ons Kaap vakansie. gaan kyk maar hier wat ons alles aangevang het!

Gou-gou net vertel van ons eskapades met die motor. Ons ry 'n Renault Scenic, vreesilke lekker kar met baie pakplek, MAAR, as jy die knoppie vir die alarmstelsel druk op presies dieselle tyd wat iemand die kattebak probeer oopmaak, dan bly die kattebak se knoppie in en jy kan hom nie meer van buite oopmaak nie!  Dis die tweede keer wat dit met ons gebeur, elke keer terwyl ons met vakansie is en ons nodig het om die kattebak te pak met bagasie.  Hy kan van binne oopgemaak word as hy leeg is, so ons kan pak, maar dan is hy vol en kan nie oopgemaak word nie, so mens moet die agtersitplekke vorentoe sit en so uitpak. Seker maar nie die ergste wat kon gebeur nie. Die mense innie Kaap wonner seker hoekom hierdie Vaalies so snaaks kar uitpak! Toe kom ons by Tsitsikamma aan en toe ons wou ry kon ons nie die rat van die outomatiese ratkas uit "Parkeer" kry nie, haak vas soos 'n steeks donkie. My kredietkaart het die opsie van gratis hulp op die pad teen geringe koste, bel die mense en hulle stel voor dat die kar gehaal word met 'n groot lorrie en George toe geneem word. Sal ons R500 kos vir die vervoer en nog R500 vir 'n leen kar.

Intussen bel ek 'n agent wat my vra om die knoppie onder aan die rathefboom te druk, en siedaar, die kar is nou uit "Park" en ons kon daar wegkom. Ek is so bly ons hoef nie daar te oornag het nie, want kort tevore het ek die kelners by hulle restaurant goed laat verstaan dat hulle diens stink, en ek wou nie graag weer daar teruggaan om te gaan eet nie!

Ons trek net weg, toe hoor ons "klaks" Írens agter by die kar, almal gee 'n groot sug, wat NOU weer! Ons kom toe agter dat die kattebak se knoppie vanself uitgespring het! Van toe af moes ek net onthou om die kar in "N" te sit as ek stilhou en nie in "P" nie!

Ons maak toe in Plett kennis met die blommeskulp "pansy shell" wat groot betekenis het daar, is selfs op die dorp se embleem en nogal skaars. Gaan kyk hier om meer te lees oor die besondere skulp. Hier is 'n rympie oor die skulp:

Die Blommeskulp

Daar is 'n pragtige legende
geÍts op hierdie skulp
oor die koms en kruis van Jesus
jou redder en jou hulp

Van naderby sal jy
vier spykergate sien
en dan ook nog 'n vyfde
met 'n spiespunt toegedien

Op een kant, die Paaslelie
met, binne in, die ster
wat herders na die Kripkind
gelei het van daar ver

Kersfees se Poinsettia
is op die ander sy
en vertel van Sy geboorte
en die vrug van Kersgety

Breek nou oop die middel
en laat vyf duiwe los
as boodskappers van vrede
en die Christus wat verlos

Diť sonderlinge skulpie
wat uitspoel op ons kus, vra
"Verkondig jy My boodskap
van 'Ewigheid' en 'Rus'?"

As jy hou van wat jy hier lees, stuur asb die brief se adres aan jou Afrikaanse vriende met die versoek dat hulle ook inteken op die nuus/gesels brief

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


Nianell


 

'n Tikkie Humor

Spesiaal vir Minette, 'n Doreen grappie

Die vrugteverkoper kom by die kar verby en sÍ: 'Perskes, perskes,
lekka perskes. Net vyf rand vir die laanie.' Die ou in die kar sÍ: 'Is
hulle soet?' Antwoord die vrugteverkoper: 'Ja Maneer, kyk hoe stil
sit hulle!'

Minette, Minette, jy kan nou maar opstaan van die vloer af!


* Sommige vroue dink bikini's is onbehoorlike drag. Ander het weer die figuur daarvoor.

* Voor haar troue sweef 'n vrou in die wolke. Na haar troue sit sy haar voet neer.

* Jy weet jou dogter is besig om groot te word as sy stadig begin aantrek en vinnig geld bestee.

 


Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


Minette Brink


Wat het die een dodo vir die ander gesÍ? 'Jy met jou alewige kopsere sal nog maak dat ons spesie uitsterf...'

In Essex het diewe onlangs in 'n huis op 'n sak poeier afgekom, gemerk Charlie.
Dog toe hulle val met hulle neuse in die botter. En "snuif" tog te lekker aan die wit dwelm.  Min wetend dat dit die stoflik oorskot van die huiseienaar se hond was.

 

Die Resep

Ek hou van patats en ek hou van appels, so die volgende resep behoort 'n wenner te wees. Die resep laat my ook dink aan 'n outydse Sondagmiddag ete waar die tafel gekreun het onder al die smullekker boerekos.  

Soetpatat en appelgereg

1.5 kg patats geskil en skyfies gesny
1 kg appels, geskil en blokkies gesny
8 naeltjies
300 ml kookwater
250 ml vars lemoensap
200 g geelsuiker (250 ml)
7 ml gemmer

Plaas patatskyfies onder in kastrol.  Plaas appelblokkies bo-op. Voeg naeltjies by en gooi kookwater oor.  Bedek en stoom gaar, ongeveer 15 minute. Verwyder naeltjies en giet oortollige water af.  Meng patat en appel deurmekaar. Plaas in 'n gesmeerde, vuurvaste bak.  Plaas lemoensap, suiker en gemmer in kastrol.  Los suiker op, verhit tot kookpunt. Giet bo-oor patat en appels. Bak 30 minute lank in voorverhitte oond teen 180 ļC.
Smaak lekker saam met gebraaide varkboud of tong.

 

Brokkies

 Die Danville Hulpgroep is nou in volles swang met Operasie Skooltas. Hulle kort 200 skooltasse asook skryfbehoeftes vir die kinders, klik hieronder  om meer daaroor te lees. 
(Die Danville Hulpgroep) (Operasie Skooltas)

Argiewe

 
 
 

 
Vrinne van my, Rosi en Peet se amaKombi-Kombi is aan die rol! As enigiemand Kaapstad en omgewing gaan besoek, maak gerus van amaKombi se dienste gebruik. Hulle ken die plek en sal julle ne al die moeite werd besiendwaardighede neem, teen 'n billike prys!  

 
Minette Brink het weer vir my twee artikels gestuur, gaan lees gerus en geniet haar besondere skryfstyl  
.Ek sal enige terugvoer en/of voorstelle waardeer!. dankie - Peter  
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: