Die Peter-jasie Patriot

 

Nommer 17

'n Passie vir Afrikaans

13 Februarie

Dags!

Die groot nuus is dat Nianell se nuwe CD vanaf 1 Maart by musiekwinkels te koop sal wees! Ek kan nie wag nie, en te oordeel aan haar eerste CD "Who painted the moon?"  gaan die een ook 'n treffer wees! Ek doen 'n "fansite " vir Nianell, al die fotos daarop het ek self geneem  by haar vertonings. Haar amptelike weberf is hier.

Dis skrikkeljaar!! En soos gewoonlik het Minette op haar eie manier iets daaroor te s:

DIS Skrikkeljaar, Dames, en vir die wat nie weet nie, die jaar waarin ons die Vraag mag vra.
Die legende lui dat hierdie tradisie sy oorsprong in die 5e eeu in Ierland gehad het, toe Sint Bridget (sien, daar s vroulike heiliges!) by Sint Patrick gekla het oor die mans daai tyd al so lank gevat het om op hulle knie neer te val en die ja-woord te vra.
Sint Patrick, wyse man wat hy is, s toe dat vrouens voortaan op die 29e Februarie die vrawerk mag doen omdat di dag volgens die engelse regstelsel geen wettige status gehad het nie en gevolglik die ideale dag was om n verouderde en onregverdige gebruik reg te stel.
In 1288 is n wet in Skotland aanvaar waarin vrouens toegelaat is om gedurende Skrikkeljaar trou-met-my te prewel. Die beste deel van di wet is dat enige man wat so n huweliksaamsoek sou weier (en nou raak dit lekker), n boete moes betaal wat wissel van n boetedoeningskus of n paar syhandskoene. (Ek sou raai dat die meeste vrouens die laaste opsie sou kies, want wie wil nou gesoen word deur die symste man wat pas jou aansoek afgelag het?)
Die Grieke waarsku egter dat n mens nie in n Skrikkeljaar moet trou nie, aangesien die paartjie vir ewig verdoem sal wees.
Daarom, Dames, is dit nou die tyd om tot aksie oor te gaan.
Ek wil die liefde in die lug terugsit en ek gaan nou n hoekie vir eensames in Namibi begin.
Na aanleiding van die menigte klagtes wat ek sedert verlede jaar moes aanhoor, het ek dit goed gedink om di in nood by te staan.
Belangstellendes van beide geslagte kan skryf aan: Onder die Dekmantel, Windhoek, en briewe moet in die volgende formaat wees met die inligting soos aangedui:
Poppeloppie van Windhoek is n 50-jarige enkelma van twaalf wat (al weer) op soek is na haar sielemaat. Mans wat hou van kosmaak, die natuur, dans, musiek, rofstoei, motors, kinders, tuinmaak, kleremaak, huishou, bederf, groot geskenke koop, braai, vrugte inl en visvang, moet dadelik skryf. Geen rokers, drinkers of kansvatters. Ek is ernstig, met roesrooi skouerlengte hare en ligpers o, 1.3 meter lank en weeg 378 kg.
Of: Damduiker van Drimiopsis is n 104-jarige manlike skuba-entoesias met geen onafhanklikes. Dowwe blou o, geen hare, eie tande, stewige bou en bankbalans. Dames tussen die ouderdomme van 75 en 100 met eie vervoer en geldige rybewyse kan skryf. Fotos is verpligtend.
Om sake vir die vrouens met voornemens verder te vergemaklik, bied ek n paar goue rels aan om, hopelik, mans beter te kan verstaan:
Sportuitsendings, veral op Saterdae, is soos volmaan of die verandering van die getye. Aanvaar dit. En as jy iets moet vra, doen dit tydens die advertensies.
Om inkopies te doen word nie as n sportsoort beskou nie en nee, mans gaan nooit hulle opinie hieroor verander nie.
n Tranedal is niks anders as afpersing nie en vra as jy iets wil h, want skimpe werk nie.
As jy dink jy is oorgewig, is die kanse goed dat jy wel n paar kilos moet afskud. Moenie die man daaroor vra nie.
Alle mans kan net n handvol kleure onderskei. Appelkoos is n vrug, turkoois is n gesteente en geen man het n idee wat mauve is nie.
Moet nooit, nooit n man dwing om tussen jou en sy motorfiets te kies nie, want die kans is goed dat jy gaan verloor.
As n man jou vra wat fout is, moenie s: niks nie. Die man weet jy jok, maar is nie lus om die moeite aan te gaan nie en sal aanhou optree asof daar niks fout is nie.
Christopher Columbus het nie rigtingaanwysings nodig gehad nie en daarom het geen man dit nodig nie.
En Dames, die laaste, maar volgens die manne die belangrikste rel: n hoofpyn wat sewentien maande duur, is nie normaal nie. Maak n afspraak by die dokter.
Ek neem aan Windhoek sal op 29 Februarie leegloop, want al die enkellopende mans sal skielik onthou van belangrike sake in die buiteland en met hulle terugkeer gelaai wees met boksevol syhandskoene

Dankie Minette! As julle meer van Minette se artikels wil lees, klik hier! 
As julle van die artikel hou, stuur vir Minette epos en s vir haar so! 
 

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


Nianell


 

'n Tikkie Humor

 Berig: 'Die dokters is buite die hospitaal saamgetrek vir 'n betoging.  Die hospitaalbestuur kon nog nie vasstel waaroor hulle griewe handel nie. Hulle gaan nou 'n apteker stuur om te sien of hy nie dalk kan lees wat op hulle borde geskryf staan nie.'

Die onderwyseres gee haar graad 5's 'n werkopdrag: Hulle moet hulle ouers vra om hulle 'n storie met 'n les aan die einde daarvan te vertel. Die volgende dag kom die kinders toe terug en begin een vir een hulle stories te vertel. Vinesh s: 'My pa is 'n hoenderboer en ons het baie broeihenne. Eenkeer het ons die eiers in 'n mandjie op die kar se voorste sitplek gesit om dit mark
toe te vat. My pa slaan toe remme aan, die mandjie val om en al die eiers breek in die kar!' 'Mooi, Vinesh', s die juffrou, 'wat is die les van die storie?' 'Moenie al jou eiers in een mandjie sit nie!' s die trotse seuntjie. 'Baie goed,' s die onderwyseres.
 Volgende is dit klein Sipho se beurt. 'Ons het nou-die-dag berg toe gestap en toe sien ons 'n muis wat uit sy gaatjie kom.' 'O?', vra die juffrou,
'En wat is die les van die storie?' 'Die berg het 'n muis gebaar, Juffrou!' s Sipho. 'O, jaaa, dis seker waar,' s die onderwyseres.
Volgende is dit klein Kosie se beurt. 'Juffrou, my pappie het my vertel van Antie Susanna wat verlede jaar op hulle plaas aangeval is. Toe sy hoor die alarm by die heiningdraad gaan af, toe besef sy hulle gaan die duur bottel brandewyn steel wat sy nou net op die dorp vir oom Koos as 'n present gekoop het. Toe drink sy gou die bottel leeg. Toe vat sy die haelgeweer, patrone en 'n vleismes en wag hulle by die deur in. Toe hulle inkom in die huis, skiet sy vier met die haelgeweer dood, steek twee dood met die kombuismes, en slaan die laaste een katswink met die vuis!' 'Oe, maar dis vreeslike storie!' roep die onderwyseres uit, 'Watter soort van les kry jou pappie uit so 'n aaklige storie?' Kosie antwoord: 'Bly ver weg van Antie Susanna as sy gesuip is!' 

 


Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


Minette Brink


Die Resep

 Van kleins af is speserykoekies my gunsteling. Ek kan onthou dat my ma blikke vol gebak het so oor kerstyd, by Kersdga was alles lankal op, ek het al haar wegsteekplekke geken! Hier is die resep.
 
 
Speserykoekies

300g /600 ml koekmeelblom
7 ml koeksoda
5 ml fyn gemmer
3 ml fyn kaneel
200 g botter of margarien
200 g / 250 ml bruin suiker
1 eier
60 ml heuning of stroop
12.5 ml strooisuiker

Sif meel, koeksoda en speserye saam. Room botter en suiker saam. Voeg eier by en klop baie goed. Voeg heuning by en meng.
Roer droe bestanddele by en meng goed.  Vorm klein balletjies.  Doop die helfte van elke balletjie in water en dan in die strooisuiker.  Plaas met suikerkant na bo op 'n gesmeerde bakplaat (druk effens plat) en bak 12-15 minute in 'n voorverhitte oond teen 180C. 


Ek soek die perfekte resep vir die perfekte stywe- en krummelpap. Gaan kyk onder aan die Resepte bladsy en kyk of julle die resepte kan verbeter.

 

Brokkies

 Die Danville Hulpgroep is nou in volles swang met Operasie Skooltas. Hulle kort 200 skooltasse asook skryfbehoeftes vir die kinders, klik hieronder  om meer daaroor te lees. 
(Die Danville Hulpgroep) (Operasie Skooltas)

Argiewe

 
 
 

 
 amaKombi-Kombi - Kontak Peet as julle miskien die besienswaardighede in die Kaapstad omgewing wil sien. Hy is 'n uitstekende toergids!  

 
   
.Ek sal enige terugvoer en/of voorstelle waardeer!. dankie - Peter  
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: