Die Peter-jasie Patriot

 

Nommer 25

'n Passie vir Afrikaans

9 April

DagsÍ!

Ek sien op SABC TV is daar nou 'n kompetisie waar jy laat weet watter is jou gunsteling radio en TV advertensie. Op die oomblik hou ek van die Charlize toespraak een op RSG vir die radio advertensie en die Polka.com "Serious" een vir TV.
Dit laat my toe terugdink aan ander gunstelinge oor die jare. Die Cremora, "It's not inside, it's on TOP" was klassiek, asook die MNet diere advertensies.
Ek sien Chevrolet is weer trug in die land, maar wie kan daai Braaivleis radio advertensie van hulle onthou? Klik hier om te luister! Dit het amper soos 'n volkslied geword.
Veel meer advertensies kan ek nie op hierdie oomblik onthou nie en dit laat my dink, wat maak 'n goeie advertensie. Die irritasie-faktor? Sal mens eerder onthou wat mens hoor as dit jou tot in jou siel in irriteer? Is daar 'n konneksie tussen motors, motoronderdele en skraps geklede meisies? Ek weet dat kos advertensie op my werk, as ek sien dat Spur 'n "special" het op ribbetjies, is ek daar! Ek soek 'n rede om iets te gaan vier! Wie weet, miskien sien iemand van Spur wat ek hier skryf en bied my gratis ribbetjies aan, hulle het juis nou 'n "special" aan! Hmmm, kry mens nie 'n gratis maaltyd op jou verjaardag nie? Die 30ste Mei is nie meer so ver nie!
En dan daardie ewige advertensies gedurende flieks op party TV senders. Aan die ander kant, hulle is partykeer net lank genoeg on die bord vol tjips ta gaan maak of die Coke glas weer vol te maak sonder om iets te mis.
Ag, nou ja, sonder advertensies sou radio en TV seker vrekduur gewees het, so lat ek liewer nie verder kla nie,

Serious!!!

Ek het 'n bladsy begin oor potjiekoskompetisies, reŽls en beoordeling. Ek kry gereeld navraag daaroor en het besluit om iets daaroor te doen, so klik hier en kyk of jy enigiets kan bylas wat ek miskien vergeet het!

Mag Paasfees by die kruis vir jou 'n spesiale belewenis wees.

Aan die persone wat gaan reis. Wees asb versigtig - stop genoeg - rek die bene en wees paraat!

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


Nianell


Musiek


'n Tikkie Humor

Ek is oortuig dat baie van ons graag die volgende sal wil doen:

Hiermee dien ek amptelik my bedanking as volwassene in. Ek het besluit om weer al die verantwoordelikhede van 'n agtjarige te aanvaar. Ek wil McDonald's toe en dink dat dit 'n 4 ster restaurant is. Ek wil weer stokkies oor 'n reŽn poeletjie laat seil en 'n sypaadjie pak met klippe en aan-aan speel. Ek wil weer dink dat Smarties beter as geld is want jy kan die goed eet. Ek wil op 'n warm somersdag onder 'n groot skaduboom lÍ en saam met my pellies lÍ en droom met 'n grassie innie kies. Ek wil weer terugkeer na 'n tyd toe die lewe eenvoudig was , jou kennis beperk was tot kleure, maal- en deel-tafels en Siembamba. Al wat jy geweet het was om gelukkig te wees want jy was salig onbewus van al die dinge wat jou moes ontstel of laat worrie soos vrypuisies byvoorbeeld. Ek wil weer dink dat die lewe goed en regverdig is, en dat almal eerlik en opreg is. Ek wil weerglo dat enigiets moontlik is. Ek wil salig
onbewus wees van die kompleksiteite van die lewe en weer opgewonde raak oor die klein goedjies in die lewe soos gekleurde popcorn. Ek wil weer eenvoudig lewe. Ek soek nie dae wat bestaan uit computers wat crash nie, berge papierwerk, nuus wat depres nie , hoe om meer dae in die maand te hanteer as wat daar geld in die bank is nie, doktersrekeninge, skinder, siektes, en die verlies van geliefdes. Ek wil weer glo in die krag van 'n glimlag, drukkies,
'n vriendelike woord, die Waarheid soos wat dit in die Begin bedoel was, regverdigheid, vrede, drome, die verbeelding, die mens sonder sy maskers en skuins motiewe, en sommer net modderkoekies bak. So . . hier is my tjekboek en my motorsleutels, my kredietkaartrekeninge en sommer die hele kaboedel wat soos grootmens lyk. Ek bedank offisiŽel as volwassene. As jy hierdie saak nog verder wil uitpluis of wat ook al jou intensie is, moet jy my eers inhol, want........ ' Touch! Jy kan my nie vaaaang nie!! '

Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


Minette Brink


Die Resep

By Aardklop in Potch het ek laasjaar die heerlikste skilpadjies ge eet. Dis natuurlik lewer in netvet wat so oor die kole gebraai word en wat soos 'n skilpad lyk, daarvandaan die naam. Vir die wat skrikkerig is vir kolestrol, eet maar net een, maar vir die res van julle, laat waai, die vingerlek lekker.  

Lewer in Netvet (Skilpad)

netvet
skaaplewer
1 ui
1 sny brood
kruinaeltjies
neutmuskaat
sout,peper

Laat lÍ die netvet in sterk warm water voor jy die lewer daarin sit, anders kraak dit. Vir elke 1 skaaplewer benodig mens omtrent 1Ĺ netvet  as jy dit in klein porsies gaan oprol om oor die kole te braai. Maal die lewer met die ui, 'n sny brood, speserye, sout en peper.  Sny die netvet in 6 cm stukkies. Skep dessertlepelsvol van die gegeurde lewer daarop . Vou die netvet toe om die lewer.  Meeste van die vet braai weg en net die lekkerte bly oor.  Braai oor 'n stadige vuur of in 'n swaarboompot.

 

Brokkies

 Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis
(Die Danville Hulpgroep) (President Kruger Kinderhuis)
(Margaretha Ackerman Tehuis) ( Eric is gebore! )

Argiewe

 
 
 

 
Potjiekoskompetisies, reŽls en beoordeling! Klik hier!  

 
.Ek sal enige terugvoer en/of voorstelle waardeer!. dankie - Peter  
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: