Die Peter-jasie Patriot

 

Nommer 26

'n Passie vir Afrikaans

16 April

DagsÍ!

Het ek al genoem van die splinternuwe Afrikaanse Buitelewe-tydskrif, Wegbreek? Dis op die winkelrakke, kry gerus een en geniet om van ons wonderlike land en sy bestemmings in Afrikaans te lees. Daar is ook 'n webwerf wat gereeld opdateer word, klik gerus hier om te gaan inloer!

In die eerste uitgawe het hulle 'n boekerubriek en hulle skryf oor die boek van Sangiro, Op Safari wat in 1925 gepubliseer is. In die boek beskryf Sangiro sy reise deur Afrika in die "ou dae". Ek stel baie in reisboeke belang en besluit toe om die boek te probeer opspoor en aan te skaf. Die artikel gee 'n paar voorstelle oor waar die boek moontlik opgespoor kan word, soos byvoorbeeld die boekwinkels in Langstraat in Kaapstad. Ek vra toe vir my pÍlle om te gaan kyk as hulle in die omgewing is. Ek stuur ook 'n e-pos aan kalahari.net en die volgenda dag is hulle terug met die voorstel dat ek na die webwerf van Abebooks in Engeland gaan ( http://www.abebooks.co.uk ). Daar aangeland, tik ek Sangiro en Op Safari in en siedaar, die boek is beskikbaar! Hulle gee ook die naam van diie betrokke boekhandelaar in en groot is my verbasing to ek sien die handelaar is Huxleys Books, hier in Johannesburg, aan die wes-rand! So, een van die dae is ek die trotse eienaar van Op Safari.  Ek bestel ook sommer Elsa Joubert se boek, Water en Woestyn oor haar reise al langs die Nylrivier op. So, as julle miskien ou en versamelaarsitems wil aanskaf, gaan na Huxleys Books se webwerf, klik op Search Database en tik Afrikaans waar dit sÍ Keywords en daar verskyn 'n ellelang lys van ou Afrikaanse boeke. Lekker versamel!

Hier is 'n wenk, as jy miskien verby Colesberg of Bloemfontein ry, hou maar by die spoedbeperking, daai ouens is spoedlokval-mal! daar is baie lekkerder maniere om geld te spandeer!.

Skakels

Peter-jasie


Boererate


Aardklop


Stormpies


Danville Hulpgroep


Boeremusiek


Nianell


Musiek


'n Tikkie Humor

Dit spreek vanself...

Die onderwyser se vir die klas dat hy hul kennis van wiskunde wil toets.
Hy vra die seuns: "Se nou vir my as Wellington 10km van die Paarl af is, hoe ver is die Paarl van Wellington af".
Hy kyk rond in die klas maar nie een waag n antwoord nie. Dis tjoepstil in die klas...
"Kom nou seuns dis mos maklik". Niemand waag 'n antwoord nie. Die onderwyser besluit om een van die seuns reguit te vra.
"Jannie gee jy nou vir ons die antwoord". Ou Jannie skud sy kop en skop teen sy bank.
"Jannie maar dit is mos logies. As Wellington 10km van die Paarl af is, is die Paarl mos 10km van Wellington af. DIT SPREEK VANSELF".
Jy kan eintlik hoor hoe Jannie somme maak in sy kop. "Nee Meneer dit spreek nie vanself nie. Van Krismis tot Nuwejaar is 'n week, maar van Nuwejaar tot Krismis is ' n vreskriklike lang tyd!"

Afrikaanse Skakels

RSG


Kyknet


Eg Afrikaans


Die Knoop


Wat kyk jy


Wenke wat Werk


Minette Brink


Wegbreek


Die Resep

Een van my gunsteling poedings is sagopoeding. Ek het dit gereeld in my ouerhuis geniet, so saam met die lekker eet het ek ook nou aangename herinneringe aan kleindorpie-skooldae op Koster in die ou Wes-Transvaal!  

Sago poeding

2 koppies sago (500 ml)
2 l melk

knypie sout
250 g margarien
4 eetlepels mielieblom (60 ml)
2 koppies suiker (500 ml)
appelkooskonfyt

Week sago in melk vir 12 uur. Kook melk, sago en margarien saam. Meng mielieblom met 'n bietjie melk en voeg saam met suiker by die mengsel. Roer en kook tot dik. Plaas in oondbak en bak vir 30 minute by 180ļC. Versier met appelkooskonfyt en kaneel voor opdiening. Dien op met vla of room.

 

Afrikaanse Lied

Hier is iets nuuts! Vriendin, Melaney wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eieneer van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel: Ons BlÍrkas van Afrikaanse Volksmusiek

Hier is die eerste liedjie se woorde:


GROEN IS DIE LAND VAN NATAL

Woorde: ANTON DE WAAL
Musiek: ALI ARLETOWICZ; verwerk: DIRKIE DE VILLIERS

Groen is die land van Natal;
wyd lÍ die velde omheen.
Wolke seil hoog in die blou hemelboog
en 'n arend vlieg na die son.
Groen is die land van Natal;
daar waar die bergbokke wei.
Stil wil ek droom langs 'n koel waterstroom,
van die wÍrelddrang afgeskei.
Teen die randjie staan 'n huis
waar my hart ontwaak.
Saans wag my beminde daar;
die dag is dan volmaak.
Groen is die land van Natal;
heuwel en vlakte en dal.
Hier is ons tuis waar die koel winde suis
in die groen, groen land van Natal.

Kopiereg van melodie en teks: Impala, 1967

Brokkies

 Die Danville Hulpgroep is nou ook betrokke by die President Kruger Kinderhuis en die Margaretha Ackerman Tehuis
(Die Danville Hulpgroep) (President Kruger Kinderhuis)
(Margaretha Ackerman Tehuis) ( Eric is gebore! )

Argiewe

 
 
 

 
Potjiekoskompetisies, reŽls en beoordeling! Klik hier!  

 
Ek is ook op soek na nog Kermiswenke,Klik hier!  

 
.Ek sal enige terugvoer en/of voorstelle waardeer!. dankie - Peter  
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit onder aan hierdie bladsy: