Nommer 93

DIS mos Afrikaans!

12 Julie 2006

Wees gegroet!

Welkom aan alle nuwe intekenare!

Die Kampkosresepteboek is klaar en kan hier gesien word! 

Die Toebroodjieresepteboek is klaar en kan hier gesien word!

Onderaan by die resepte plaas ek een resep van elke eBoek.

As julle nog kampeerresepte of toebroodjieresepte vir my het , stuur maar aan asb? Ek sal dit baie waardeer!

Nog 'n Suidwes nooi skryf vir ons! Estelle is ook verboinde aan die Republikein, die enigste Afrikaanse dagblad in Namibi. Ek het al voorheen van Estelle se artikels geplaas, so geniet die een ook! Laat gerus vir Estelle weet wat julle daarvan dink, sy hoor graag van julle!

Goedertierenheid
Estelle de Bruyn

Weleer se goedertienheid blom weer uit nat aarde

DEESDAE stap ek soggens met my eerste koppie tee uit na my spinternuwe kruietuin en sit daar op die trappie en laat die vrede van die vroegmre oor my spoel.
Terwyl ek een oggend so sit kom die woord "goedertierenheid" by my op. Ek lag amper. Dis so n outydse woord wat iewers uit die ou Gesange- en Psalmboek of die Hallelujaboek uit my kinderjare skielik op my neerdaal.
"Goedertierenheid."
Ek rol die woord op my tong en voel sy klanke met my tande. Is goedheid nie maar dieselfde as goedertierendheid nie? Het die berymers van die gesange nie net "-tierend-" ingesit om in te pas met die note van die lied nie?
Goedertierenheid spook by my en telkens tussen werk en huis en winkel, tussen wakkerword en slaap, s ek dit hardop vir myself.
Later kan ek dit nie meer hou nie en bel ds. Schalk.
Hy lag verheug by die herinnering aan die mooi ou woord. Hy verduidelik dat goedertierenheid meer as net goedheid is. Dit omvat ook begrippe soos barmhartigheid, genade, n sagtheid van hart, deernis en boonop n oorvloed daarvan.
Vanjaar met die milde ren wat landwyd geval het, wat riviere wat jare laas n sweempie water gehou het, laat vloei het, wat die berge en koppies in en om Windhoek in n lower paradys omskep het en selfs die woestyn lemmetjiegroen laat glim het, kan Namibi getuig van hierdie groot goedertierenheid.
Dit laat my terugdink aan jare van droogte en biddae vir ren wanneer ons swetend in die kerkbanke gesit het en hulp van Bo vir die ellende van die land afgesmeek het.
N een so n biddag onthou ek hoe die hemel se sluise geopen het en ons sopnat geren het in die Wes-Transvaal. Op die trappies van die kerk het n ou tannie n sambreel uit haar handsak gehaal. "Hoe het tannie geweet tannie gaan n sambreel nodig kry?" wou almal weet.
"Julle kom dan kerk toe om te bid vir ren. Waar is julle geloof, as julle nie voorbereid vir ren kerk toe kom nie?" was haar verergte antwoord.
My hart gaan uit na die mense van Mariental wat baie swaar kry na die Hardapdam sy kosbare lewenswater moes stort op die gemeenskap. Maar as ek rondkyk en sien hoe mense van heinde en verre, individue en sakeondernemings hul hande in hul sak steek om te help in die nood, as ek sien hoeveel omgee daar nog is, hoeveel deernis en medemenslikheid, dan kom die woord goedertierenheid weer in my binneste op.
As ek soggens met n kombersie van vrede om my skouers gedrapeer daar op die trappies van my kruietuin sit, my tee drink, na die voltjies se gekwetter luister en die balsemende geure van pepperment, pietersielie, origanum en marjolein en die besondere reuk van die nat aarde inasem, dan beleef ek di goedertierenheid.
Ons het inderdaad baie om voor dankbaar te wees. Dankbaar vir vrede. Dankbaar vir ren en bo alles diep dankbaar vir die goedertierenheid van Bo.


Nou die dag probeer ek orde skep met my respteversameling en ek kom toe op hierdie lekker een af. Net reg vir kamp ook:

Souskluitjies in 'n ysterpot

125g botter of margarien
60ml fyn appelkooskonfyt
12.5ml koeksoda
500ml koekmeelblom (gesif)
knypie sout
100ml melk
750ml kookwater
250ml suiker
5 ml vanieljegeursel
klontjie botter (ekstra)

Smelt botter en roer dan eers konfyt dan koeksoda by (mengsel bruis). Voeg meel en sout beurtelings met melk by. Plaas oorblywende bestanddele in ysterpot en laat opkook. Skep lepelsvol deeg in kokende vloeistof sodat hopies nie opmekaar l nie. Sit deksel op en prut 25 minute lank.


Ek het 'n reisigersforum begin. Enigiemand wat wil gaan rondry of pas teruggekom het van 'n lekker vakansie kan of 'n vraag vra of van hulle vakansie vertel, klik hier en gaan lees wat ander alreeds geskryf het.


Toe ek besig was om my Toebroodjieresepteboek saam te stel kom ek agter dat grondboontjiebotter 'n gunsteling onder die toebroodjiemakers is. Volgens bydraes wat ek ontvang het kan mens amper enigiets saam met grondboontjiebotter op brood sit. Toe kom ek op hierdie Grondboontjiesop af!

Grondboontjiesop

1 groot ui (gekap)
3 knoffelhuisies (in sout gekneus)
12.5ml botter
800g-blik tamaties (gesny,ongedreineer)
250ml water
300ml korrelrige grondboontjiebotter
410g-blik ingedampte melk
sout en peper na smaak
1ml aangemaakte mosterd
knypie rooipeper
pietersielie vir garnering

Soteer uie en knoffel in botter tot sag. Roer tamaties, water en grondboontjiebotter in en verhit tot kookpunt. Verlaag hitte, bedek en prut 5 minute lank. Roer res van die bestanddele, behalwe pietersielie, in en roer oor matige hitte tot effens verdik. Garneer met pietersielie. Sit dadelik voor.

(Wonder of mens dit met brood gesmeer met grondboontjiebotter kan eet? - Peter)


Laat jou wildste drome waar word, kry 'n kaartjie in die UK Lottery, klik net hier


Boererate en Boerekosresepte saam in een eBoek vir net R75. Geen posgeld om te betaal, stuur dit as 'n geskenk per epos! Twee boeke in een! Kontak my vir betalingsbesonderhede.


 
Suid Afrika se Afrikaanse soekenjin


ePos Vriende - In die ou dae voor die internet het ek vele penvriende regoor die aardbol gehad. Jy moes weke wag vir 'n antwoord op jou brief! Vandag, met ePos gaan dinge sommer blitsvinnig! Mens moet egter in baie gevalle betaal om jou naam op 'n penvriend lys te kry. Ek glo nie daarin om vir vriendskap te betaal nie, dus gaan ek 'n gratis "ePos Vriende" afdeling begin. Al wat jy hoef te doen om jou gegewens op die lys te kry is om HIER te klik en jou besonderhede in te tik. As jy soek na 'n vriend, klik HIER en gaan deur die lys en stuur 'n epos aan iemand met wie jy wil korrespondeer, so maklik soos dit! Die eerste 20 inskrywings kry elkeen 'n gratis kopie van my Tradisionele SA Resepte eBoek!


st se  pitkos

Klik hier om st se webwerf te besoek
en om in te teken op sy weeklikse nuusbrief

Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee n leser.

Nog gevleuelde woorde van ST:

Het jy al mismoedig gevoel oor die lewe. Ek bedoel, regtig gevoel die lewe is eintlik nie die moeite werd nie. Die lewe is net een lang baklei en gesukkel om kop bo water te hou.

As jy so voel, lees dan verder.

Die skepping is besig om fees te vier

Alles rondom ons is uitbundig en besing die lewe en die bestaan. Die volgende woorde beskryf dit so treffend in Engels dat ek dit onveranderd weergee:

Take hold of your own life. See that the whole existence is celebrating.These trees are not serious, these birds are not serious. The rivers and the oceans are wild, and everywhere there is fun, everywhere there is joy and delight. Watch existence, listen
to the existence and become part of it. Osho

Om die woorde van Osho in Afrikaans te vertaal: Neem beheer van jou eie lewe. Sien raak dat die hele bestaan besig is om fees te vier. Die bome is nie ernstig nie, die vols is nie ernstig nie. Die riviere en oseane is onstuimig ontembaar, en orals is pret, en orals is daar vreugde en genot. Kyk na bestaan, luister na die bestaan en word deel daarvan.

Jy is mens gebore om die volheid van jou bestaan te geniet en te verwesenlik. Wanneer jy egter toelaat dat vrese en kleinlikhede jou ontstel, is jy besig om jou bestaan in die voet te skiet.

Jou bestaan vra van jou om jou vrese, nukke, kleingeestigheid van jou skouers af te gooi en die lewe met alles wat jy het te omarm.

Net vir n kort tydjie is jy geleen aan hierdie wreld, net vir n baie kort tydjie is die geskenk van lewe aan jou gegee. En hiermee saam as deel van die pakket van die lewe het jy die vryheid van keuse gekry. Dis net jy wat kan besluit hoe misrabel en pessimistis jy van dag tot dag sal lewe en of jy jou bestaan met entoesiasme en vreugde begroet.

Die spreekkamers van dokters en sielkundiges sit vol van mense wat vaskyk in die ellendige kant van die lewe. Mense wat so behep is met hulle eie swaarkry, so bitter oor n onreg wat teen hulle gedoen is, wat suur is oor dinge wat oor n jaar of twee eintlik nie meer saak sal maak nie.

Ons planeet en alles wat daarop is, nooi jou uit om aan te sluit en deel te word van die pret en jolyt van bestaan. Steek aan die vreugdevure, besing die lof van die Here wat die grootse skepping gemaak het, en verwonder jou oor die wonder van jou eie bestaan.

n Sprankie wysheid vir die dag

Ons sprankie wysheid kom vandag uit Nina Smit se boek n Keur van Wysheid:

Eerlike en fatsoenlike vreugde en n vrolike gemoedstemming is die beste medisyne vir n jong mens, nee, vir nige mens. Ek wat voorheen gedurig met n droewige gesig rondgeloop het, soek en geniet nou die vreugdes van die lewe net waar ek kan. Ek het nou genoeg insig om te weet dat n mens met n skoon gewete gelukkig mag wees en al die goeie gawes van God met danksegging mag geniet. Martin Luther
 
Dr ST Potgieter
Tel: 021 949 5007
Sel: 083 227 3683
Epos:
st@pitkos.co.za

Skakels

Peter-jasie

Boererate

Stormpies

Danville Hulpgroep

Boeremusiek

Nianell

Musiek

Woes

Eg Afrikaans

Die Knoop

Wenke wat Werk

Minette Brink

Die Wreld

STOF

Pretoria Akkommodasie

Wat van 'n lekker koppie boeretroos!

www.digiTAAL.co.za

Vakansieverblyf?
Hier is die
oplossing

 

 

Webwerf soeklig

Met elke uitgawe sal ek van nou af die soeklig plaas op 'n webwerf met Afrikaanse inhoud. Hierdie keer is dit die beurt van:

Klaskamerkaskenades

'n Blik op die humoristiese sy van die onderwys

 

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

Wat's Nuut?  

Soek op die webwerf deur FreeFind

 

'n Tikkie Humor

Juffrou:  Klas, ek hoop julle hou lekker vakansie en kom met meer verstand terug.
Klas:  Dankie, en dieselfde vir Juffrou.
 
Juffrou:  In New York word daar elke 20 minute 'n man omgery.
Sannie:  Die arme man.
 
Meneer:  Wat is 'n vroedvrou?
Jannie:  Die Engels vir 'n vrugteverkoopster.
 
Sarie:  Ek gaan weg om sang te bestudeer.
Kosie:  Goed, hoe ver weg?
 
Klasie doen sy aandgebedjie voor sy ma, "Asseblief, laat Parys die hoofstad van Engeland wees."  Sy ma vra hom later waarom hy so-iets bid, en hy antwoord: "Ek het dit vandag op my eksamenvraestel geskryf!"
 
Wanneer is 'n skoolkind groot?  Wanneer hy ophou vra waar hy vandaan kom en nie meer s waar hy heengaan nie.
 
Dankie aan Klaskamerkaskenades
 
 
 
 
 
 

 

 
 

Die Resep(te)


Sampioenfees

1 250gr knoppies sampioene gewas
2 Eetlelpels botter of margarien
Foelie
Sout en peper na smaak

Draai die sampioene, gespik met die botter en gesmaak met die sout en peper toe in die foelie. Plaas eenkant op die rooster na die eerste klomp vleis van die rooster verwyder is en draai die pakkie gereeld sodat die hitte eweredig versprei. Wanneer die tweede sarsie gaar is, is die sampioene sag en sappig. Gebruik die sous in die pakkie om oor die vleis te gooi terwyl dit in die pan met 'n goeie skoot wyn stowe.


Hoender Gesondheidstoebroodjie

Gaar hoender fyngesny
Maaskaas
Peppadews fyn gekap - na smaak
Avokado in dun skywe gesny

Meng hoender, maaskaas en gekapte peppadews.
Plaas op n snytjie varsgebakte gesondheidsbrood.
Plaas skywe avokadopeer bo-op. Geur na smaak met sout en varsgemaalde swart peper.
Heerlik ! 
 
 

Vriende van Boeremusiek

Dags Boeremusiekvriende,
Hierdie is net n vriendelike aanmaning dat ek my webblad se adres verander het na: http://kalie.boeremusiek.net
Hierdie is n vereenvoudigde adres van die vorige een. Dit is ook voorsien met n hoofstuk vol konsertina inligting. Daar kom nog n nuwe gedeelte: Wat is nuut? Waar ek graag die huidige verval in Boeremusiek wil aanspreek. Die blad behoort teen einde volgende week klaar te wees. Kyk gerus ook op die blad na puik CDs wat te koop is!
Nogmaals dankie vir u ondersteuning!!
Boeremusiekgroete,

Kalie de Jager

Tel.: 012 5485654
Faks.: 012 5485654
Sell.: 0825788907
E-pos: kalie@telkomsa.net
Webblad: http://kalie.boeremusiek.net

 
   

Die Danville Hulp Groep

Hierdie is baie belangrik, lees asseblief en kyk of julle nie op een of ander manier vir Elsabe-hulle kan help nie....

Goeiemre vriende,

Hoe s n mens DANKIE, dankie vir die wonderlike ondersteunig en donasies wat ons projek ontvang het. Baie dankie aan almal wat bydraes gemaak het, ek wens ek kon elkeen persoonlik bedank! Weet asb dat elke donasie opreg waardeer word en n reuse verskil in so baie mense se lewens gemaak het en nog gaan maak.

Wanneer mens gedurig tussen die elendes en hartseer is, en somtyds nie weet watter kant toe nie, help die wete dat daar fondse/artikels/kos is wat tenminste die onmiddellike nood kan verlig. (Dit is baie moeilik met tye, wanneer jy by mense is met groot nood/behoeftes en weet dat jy nie nie die middelle het om te help nie) Gelukkis is ons nou weer in n posisie om bystand te kan gee en ons verpligtinge na te kan kom - BAIE DANKIE

ANDEON PROJEK

Dit is koud, bitterkoud in die houthuisies en karavane maar die mense hou moed! Ons glo vas dat ons van hierdie mense se lewens sal kan omdraai en hulle weer op hulle voete sal kry. Somtyds is dit so lekker wanneer jy daar kom en een van die inwoners soek en hulle s vir jou hy het so bietjie gaan zula! (hy het gaan werk om geld te verdien!!) Die woord Zula klink nou soos die mooiste, mooiste musiek in my ore!

Arnold is besig om n gemeenskaplike kombuisie daar te probeer oprig, sodat hulle nie meer buite op die vure hoef te kook nie. Daar sal met gas gewerk moet word en ek glo en vertrou dat ons hulp sal kry hiermee.

Die een vrou waarvan ek in die vorige skrywe gepraat het wat sieklik is, en waarvoor ons n houthuise nodig gehad het, is op die oomblik in die hospitaal ek is bekommerd dat sy gangreen in haar voet gaan kry dit lyk baie sleg. Maar ons vertrou dat sy volkome sal herstel. Ek dink dat higine is ook maar n problem was in die verlede (voordat sy by die Andeon projek kom bly het)

Ons benodig die volgende:- Sinkplate, gasburners gas, sement, verf en ou kastrolle asb

RAINBOW PROJEK

Alet het n operasie gehad maar sterk gelukkig vinnig aan. Sy is n ware staatmaker en doen haar deel al is sy nie altyd gesond nie. (Sy is ook n diabeet) Onthou haar asb in julle gebede sy doen n wonderlike werk met die mense daar.

EMMANUEL PROJEK

Partymaal verdien Elandspoort om Elendepoort genoem te word. Nie lank terug deel ek artikels uit onder die mense en n jong seun kom s vir my Tannie my ma vra tannie moet asb ons naam in die skandeboek skryf want sy het regtig nou n ketel nodig!!!! (Ek skryf altyd neer wat die mense nodig het vandaar nou die skandeboek! - ai tog)

Hier gaan dit met tye rof van die kinders gaan nie gereeld skool toe nie, sit en stook op die sypaadjies met wit peroxide hare. Jy voel jy wil hulle wakker skud wat gaan van hulle word!- ek glo die problem l by die ouers, daar is geen of bitter min dissipline!

BLOUDAKKIES OUETEHUIS

Hier gaan dit sommer baie goed op die oomblik. Verlede Dinsdag het een van ons borge vir die bejaardes n heerlike funksie gehou.

n Verskeidenheid boude is op die spit gebraai met lekker pap en sous. Broodrolletjies en heerlike slaaie met gebakte poedings agterna was n treffer en die bejaardes het behoorlik gesmul.

Die inwoners se toneelgroep Oom Giel en sy Vergeet my nietjies het die oues vermaak met toneeltjies en sang uit toeka se dae! Ons het behoorlik gekrul van die lag!

Baie dankie aan al die jongmanne wat kom braai het julle het groot vreugde gebring.

Ons benodig die volgende asb: Wol, materiaal, vrieskas, yskas, stoof, n goeie enkelbed

Kruideniersware en vars vleis vir elke Dinsdag se middagete. Enige goeie/bruikbare klere en huishoudelike artikels asook Naaldwerkmasjiene - Omkapmasjiene

HUIS VAN BESKERMING

Hierdie huis maak verseker n verskil vir mense wat moeilike tye beleef. Ons hoop dat baie mense weer hier heel sal kan word.

BELFAST KINDERHUIS FUNKSIE

Op die 16e Junie was ek betrokke by die jeugdagfunksie vir die kinders. Die son het heerlik geskyn na bitter koue asof dit spesiaal net vir die kinders se funksie was.

Dit was n heerlike oggend, met boeresport en speletjies. Na middag ete was daar n gospel orkes wat die kinders onthaal het. Die kinders het dit verskriklik geniet. Elaine het haarself oortref met die organisasie en relings asook die verloop van die dag.

Terwyl die speletjies aan die gang was het ek bietjie deur die geboue gestap.

n Baie goed georganiseerde kinderhuis met goeie dissipline en baie liefde maar die warmte van n huis gevoel ontbreek. Die plek is groot en silwerskoon maar vir my was dit absoluut klinies! Geen prente teen die mure geen snuisterye om n kinder hart warm te maak nie, geen lekker bont gordyne en dekens nie net rye yster stapelbedjies in elke kamer.

In die meisies se kamers was die onderkleertjie gewas en oor die kopstuk gehang!

Daar is nie hangkaste in die kamers nie daar is n vertrek met kaste in waar almal se klere gebre word.

Kaal houtvloere oneindig klinies en eintlik baie hartseer! Die gange is lank en breed en bitter onvriendelik!

Ek het weereens besef dat die spook van eensaamheid, hartseer, verlange, siekte en swaarkry nie kieskeurig is nie, dit teiken nie n spesifieke geslag of ras nie!! Enige een is n teiken!

Hier het die volle impak van n groot kinderhuis my getref! Mag God sy genade mildelik oor hierdie kinders uitstort want hulle lewens is omgekeer! Klein liefies wat by hulle ouers moes gewees het!!! En dit word erger en erger.

Danksy ons ondersteuners se bydraes was dit moontlik om 100 komberse aan die kinderhuis te skenk. Ons glo dat dit n klein verskil sal maak. Ons kon ook vir elkeen n heerlike lekkergoedpakkie aan die einde van die dag gee.

Miskien kan ons ondersteuners in die Belfast area by die kinderhuis betrokke raak en help om n verskil te maak. Kontak my asb sou julle belangstel.

Heel moontlik kan ons op n later stadium dieselfde vir hulle probeer doen as by ons President Kruger Kinderhuis. (kamers oordoen)

Hulle benodig: Materiaal vir gordyne, verf ens.

ALGEMEEN

Donasies

Ek sou graag elkeen wat bydra tot die projek persoonlik wou bedank maar ongelukkig is dit nie altyd moontlik nie. Sommige donasies het geen verwysings van wie dit af kom nie en by party die mooi verwysing met liefde so neem ek dan aan dat daar mense is wat anoniem wil bly en ek respekteer dit.

Weet dan asb ieder en elk dat alle bydraes/donasies opreg waardeer word. Nogmaals dankie daarvoor.

Ons is n geregistreerde Art 18a met n PBO nommer wat beteken dat ek belasting kwitansies kan uitreik. Maak asb hiervan gebruik dit kan belasting verligting beteken vir die individu en ons ook help om meer donasies te kry. Kontak my asb vir so n kwitansie met die volle besonderhede dan stuur ek dit aan.

Komberse

Ons het 75 komberse aan die President Kruger kinderhuis geskenk.

Daar is al heelwat komberse uitgedeel maar ons kort nog asb. Nuwe en gebruikte komberse en warm klere is nog steeds meer as welkom asb.

Kruideniersware

Ons het altyd kruideniersware nodig asb. Die nood is groot en daar is maar altyd n tekort aan kos.

Houthuis

Ons het 'n weduwee met 3 kinders wat werklik nou behoorlike behuising nodig het! - Hulle woon nou al die afgelope 3 jaar in 2 klein houthuisies! Hierdie is 'n pragtige gesinnetjie, die ma beskerm en pas hierdie kinders soos goud op - hulle presteer op skool en het die mooiste maniere! Dit is werklik vir my 'n voorreg om by hulle betrokke te wees. Ek wil graag 'n groterige houthuisie vir hulle oprig en indien moontlik vir elkeen 'n slaapkamer inrig. Privaatheid is so noodsaaklik vir enige mens! Hulle verdien dit werklik en ek hoop dat ons dit sommer binnekort sal kan doen. Met die regte hulp en leiding is hier 3 kinders wat die vermoe gaan h om hulle uit hulle situasie uit te lig. Help my asb om hulle te help.

Ons het fondse nodig hiervoor en ek is seker dat ons binnekort hulle situasie sal kan verbeter.

Byeenkoms

Ek was verlede Vrydag n gas by n groep dinamiese dames wat groot naastediens doen. Dit was lekker om idees te kon uitruil maar ook hartseer om van nog meer elendes te hoor. Daar is n gemeenskap in Boksburg wat baie swaarkry. Werkverlies as gevolg van myne wat afskaal - met die uiteinde dat spaar/pensioengeld opgebruik word om net aan die lewe te kan bly! Hulle is ook besig om n kleuterskooltjie op die been te kry (80+). Ons het vir hulle n kinderbybel en speelgoed, asook bevrore sop kon skenk. Hulle het komberse, warm klere en kruidenersware nodig. Ek gaan volgende week saam met een van die dames daarheen, sal dan na die tyd volledig terugvoer gee oor die behoeftes daar. Ek glo dat daar baie mense in die Boksburg area is wat maar te graag betrokke sal wil raak. Ek hou julle op hoogte,

Nadat ons in ons eie mense se behoeftes voorsien het, versprei ons dit wat oor is na ander plekke. Op die manier word niemand oorvoorsien terwyl ander in nood is nie!

Ek het hierdie skrifgedeelte daar ontvang en deel dit so graag met julle:-

Romeine 12:6

Ons het genadegawes wat van mekaar verskil volgens die genade wat God aan elkeen van ons gegee het.

As dit die gawe is om God se boodskap te verkondig, laat ons dit gebruik in ooreenstemming met die geloof wat ons bely.

As dit is om te dien, laat ons dien.

As dit is om onderrig te gee, laat ons onderrig gee.

As dit is om mense te bemoedig, laat ons hulle bemoedig.

As ons gee, laat dit sonder bybedoelings wees.

As ons leiding gee, dan met toewyding

As ons ander help, dan met blymoedigheid.

So het almal n talent ontvang - Wat Doen Jy Met Joune??

Weereens baie dankie vir almal se wonderlike ondersteuning. Mag almal wat help om die nood van die minderbevoorregtes te verlig onder die blessings toegegooi word!

Mooi loop

Elsabe

Bankbesonderhede:

Danville Hulp Projek
FNB - Brooklyn
Takkode:- 251 345
Tjek rek: 620 546 34128
Swiftkode: FIRNZAJJ926

Aflewerings adres:-

286 Cliffendale rylaan
Faerie Glen
Tel 012 991 3914 Sel 082 8282 551
E.pos - elecnet@mweb.co.za
Webwerf: www.danvillehulp.co.za

PS Bel asb voor jy ry

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!

Klik hier vir inligting oor my Boererate eBoek!

Toe ek in Windhoek by vriendin Estelle de Bruyn kuier gee sy vir my hierdie stokou en verslete respteboek, geen buiteblaaie en geel van die ouderdom. Agter in is Boererate, vir die volgende jaar of so sal ek van hulle hier plaas:

Wurgsiikte:
Stamp 'n skulpad fyn, net soos hy is met huitjie en muitji, en druk di sop darfan uit, en geef 'n kind wat di wurgsiikte het so feul darfan as hy kan sluk, en syn keel sal nou oop gaan. Jy kan oek 'n duif of 'n kat oopsny en so warm op di keel binde. 

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel:
Ons Blrkas van Afrikaanse Volksmusiek

KAMMALANDSE TANNIE

Woorde: Tradisioneel
Musiek: S.A. Volkswysie; verwerk: CHRIS LAMPRECHT

Veertien rooibontes die trek voor my wa,
sewe van my en sewe van my pa.
Die hot-op-vier die heet Napier
en die haar-op-vier die drink sy bier.

[REFREIN]
Kammaland se tannie met die vaalkuif haar,
stuur ons die toue van die bamboesblaar;
agter die wa is die ysterbriek,
voor by die tou loop die "swarte kriek".

Die hot-op-ses is 'n rooie met 'n bles,
die haar-op-ses die doen sy bes.
Die hot-op-ag die loop met mag
en die haar-op-ag die doen sy krag.

[REFREIN]
Kammaland se tannie met die vaalkuif haar,
stuur ons die toue van die bamboesblaar;
agter die wa is die ysterbriek,
voor by die tou loop die "swarte kriek".

Die hot-op-tien die loop en sien,
die haar-op-tien die trek miskien.
Die hot-op-twaalf is 'n ou koei se kalf
en die haar-op-twaalf het die strop om die hals.

[REFREIN]
Kammaland se tannie met die vaalkuif haar,
stuur ons die toue van die bamboesblaar;
agter die wa is die ysterbriek,
voor by die tou loop die "swarte kriek".
 

Snuffelhoekie

Ek versamel yskasmagnete van buite Suid Afrika, kontak my en dan ruil ons uit!  

 
Koop nooit weer 'n resepteboek nie. Kry 'n CD met 38 resepteboeke op (Engels) vir net R100 - klik hier en kry ook jou gratis resepteboek  

 
op my webwerf  

 
Hulp met skooltake?? Klik hier!  
Teken in op hulle nuusbrief, klik hier en stuur le epos.  

 
Vakansieverblyf is altyd 'n probleem, di mense maak dit makliker om te kry, klik net hier.  

 

Soek jy plek om te gaan kampeer? Klik dan hier!

 

 
Internetbesigheid? Tuisbesigheid? Al die inligting wat jy benodig op een CD - klik hier vir besonderhede (Engels) Kry ook jou gratis eBoek  

 
"Making Diabetic Cooking Easy" Die boek bevat 177 resepte en kos maar net R65. Vir meer inligting, kontak Anna by 0822946799 of per epos by anna_se_kombuis@yahoo.com 
Vir nog meer van Anna se resepteboeke, klik hier
 

 
Ek sal enige konstruktiewe terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit bo aan hierdie bladsy: