Nommer 96

DIS mos Afrikaans!

22 Augustus 2006

Wees gegroet!

Welkom aan alle nuwe intekenare!

Ek het 'n webbladsy gemaak wat maklik met 'n selfoon beloer kan word, dis net 'n bietjie teks so sal maklik aflaai, gaan kyk gerus, ek het dit opdateer: http://funkymunky.co.za/sel.html

Nog 'n Suidwes nooi skryf vir ons! Estelle de Bruyn is ook verbonde aan die Republikein, die enigste Afrikaanse dagblad in Namibië. Ek het al voorheen van Estelle se artikels geplaas, so geniet die een ook! Laat gerus vir Estelle weet dat julle haar artikel gelees het en wat julle daarvan dink, sy hoor graag van julle! Rêrig!

Groot gesukkel

OUERSKAP is ’n wonderlike ding. Om my slaan ek die stelselmatige omwenteling van kollegas wat onlangs ma of pa geword het, gade met hernude verwondering.
Dis asof daar ’n sagtheid deurskemer, ’n nuwe bewustheid van die wonder van ’n nuwe lewetjie wat sy intrek in die harde ou wêreld kom neem het. ’n Eerste Kersfees, ’n eerste verjaarsdag, die eerste keer dat jy vir jou kind ’n olifant in Etosha kan wys en opnuut deur ’n kind se oë die massiewe ou dier beskou, die liggies aan ’n Kersboom, die genot van ’n eerste sappige perske in die mond, dit alles word ook vir die nuwe ouer opnuut ’n belewenis.
Maar kom ek wees maar eerlik. Moederskap kom nie altyd natuurlik nie. Soos my buurvrou nou die dag tereg opmerk. Party kinders maak ’n mens groot, en ander sukkel jy groot. Arnold Mol het dit so mooi in die titel van een sy boeke opgesom: Ouerskap is nie kinderspeletjies nie.
Amen en Sela, is al wat ek hierop kan sê.
Hulle breek jou hart meer keer as wat jy gedink het moontlik is en dan maak hulle dit weer heel met ’n eenvoudige "mamma, ek is baie lief vir jou".
Deur die storm en drang van my eie spruite, die trane en die bekommernis, die nagte wat jy op jou knië bly en hulp en leiding en sommer ook regstreekse ingryping van Bo in jou kind se lewe afsmeek, is daar niks so belonend soos wanneer jou grootgesukkelde seunskind, op ’n dag by die kombuis instap, sy mansmensarms om jou vou en sê "ek het na jou verlang en net gou kom inpop, my ou klein mammatjie", nie.
As ek soms na hom kyk sien ek die klein blonde seuntjie met die blou oë wat met blink ogies vertel dat hy ’n girlfriend het. Haar naam kan hy nie onthou nie, maar sy het pers hare. En jy weet die kind raak deurmekaar met sy kleure en dat hy nog nie oranje en pers onder die knie het nie. Met ander woorde die girlfriend met die pers hare is inderdaad die fraai klein rooikoppie met die sproetjies in sy kleuterskoolklassie.
Jy onthou hoe ontsteld hy was toe ’n maatjie per geluk of per ongeluk ’n voëltjie met ’n Bibi-gun raakgeskiet het, en die geveerde lyfie uit die boom getuimel het. Jy onthou die manier waarop hy op en af gespring het van opgewondenheid as dit tyd word om die Kersfeespersente onder die boom oop te maak, sy verknogdheid aan die geel beertjie en hoe ’n groot oomblik dit was toe julle die kantwieletjies van sy eerste fietse afgeskroef het en sy op twee wiele kon ry.
Maar dan onthou jy ook hoe boosaardig kwaad jy was oor jou kar wat hy sonder rybewys "geleen" het en in die middel van die nag om ’n lamppaal loop staan en vou het; die dikbek tienernukkerigheid en die sonde met sy manierlose pêlle wat jou nooit aanspreek nie, maar bel en vra of hy by die huis is.
En so groot soos hulle nou al is, voel dit of hulle steeds nie die nodigheid besef om leë koeldrankglase uit die sitkamer terug te dra kombuis toe nie, en dat nie nodig is om elke keer wat hulle koeldrank drink, ’n skoon glas te gebruik nie.
Ek kyk weer op en sien die nuwe mamma's en pappa's op die redaksie met hulle nasate en die sagte wollerigheid van hul emosies en wens hulle alles van die beste toe. Met ’n lied in my hart kan ek in opregte eerlikheid sê dat ek diep dankbaar is, myne is groot, grootgemaak of groot gesukkel. Die wa is deur die drif. Hopelik. Touch wood.


Potch bly Potch - teken die petisie


Ekke Leke

Ek lyk leke want eke is leke,
Leke lyk…. proe leke,
Leke proe, smaak leke,

Leke smaak, maak die eet leke,
Leke eet maaki magie leke,
Vol magie, maaki slaap leke,

Lekke slaap maaki droom leke,
Leke droom maaki lewe leke,
Leke lewe maki leker leker…..

……jy maak my leke

Erna Boyder
(epos)


Hou jy daarvan om te skryf? Wil jy jou werk publiseer? Dis makliker as wat jy dink! Begin deur jou werk in eBoekformaat te publiseer en dan oor die internet te verkoop. Die koste is absoluut minimaal en biljoene mense wêreldwyd het toegang tot jou werk. Stuur net jou skepping in en sit terug, alles word vir jou gedoen! Klik hier vir meer besonderhede!


Ek het 'n reisigersforum begin. Enigiemand wat wil gaan rondry of pas teruggekom het van 'n lekker vakansie kan of 'n vraag vra of van hulle vakansie vertel, klik hier en gaan lees wat ander alreeds geskryf het.


Mebos
1.5kg droë appelkooshelftes
kookwater
15ml sout
1.5kg suiker
ekstra suiker

Plaas die appelkooshelftes in 'n groot skottel, bedek dit met kookwater en laat dit 10 minute lank week. Moet dit nie langer laat lê nie, anders word dit te pap om mee te werk. Dreineer die appelkose en spoel dit onder lopende koue water af. Druk dit so droog moontlik met 'n papierhanddoek. Maak die appelkooshelftes fyn in 'n voedselverwerker, of maal dit 2 maal deur 'n vleismeul. Voeg die sout by die appelkoospulp en meng dit goed. Voeg die suiker by die appelkoosmengsel en meng deeglik. Bedek die bak met 'n lap en laat staan vir 'n uur. Vorm die mengsel in balletjies, rol dit in die ekstra suiker en druk dit plat. Pak die mebos in lae in 'n blik met botter of waspapier en 'n lagie suiker tussenin.


Ek luister mos een Saterdagoggend na Amore Bekker op RSG waar sy 'n onderhoud voer met Braham van Zyl. Ek kontak hom toe en is nou op sy poslys, hier volg een van sy vertellings. Kontak hom gerus en vra om op sy poslys te kom. (Eposdres onderaan die artikel) Hy beoog om 'n gereelde nubrief uit te stuur.

Suid Afrikaanse agterpad reisnotas - versamel deur Braham van Zyl

NYLSTROOM en ons eie NYLRIVIER, Limpopo Provinsie
Dis vir my eintlik jammer dat Nylstroom se naam na Modimolli verander is, want die storie oor hoe Nylstroom sy naam gekry het, is so eg Suid-Afrikaans en sonder politiese verbintenisse dat hy maar sy naam kon behou het. Heelwat van ons Saterdagoggend RSG luisteraars het inligting oor daardie geweste aan my gestuur.
Een daarvan is Francois Pretorius wat van Krugersdorp af geskryf het. Hy vertel dat ‘n groep Voortrekkers, wat as die Jerusalemgangers bekend was, vanaf die Engels beheerde Kaapkolonie, wat hulle as die land van slawerny beskou het, na die beloofde land van Kanaän op soek was. Hulle kom toe by ‘n rivier met ‘n groot vlei en dag toe dat hulle die delta van Egipte se Nylrivier begreik het, en noem toe daardie rivier terstond die Nyl.

Deur: deur Braham van Zyl
Posbus 1259, Durbanville, 7551
Faks 021-975-4466
Sel 082-457-0019

Skryf vir Braham en vra om op sy poslys geplaas te word en ontvang sy reisbeskrywings direk van hom af! e-pos : info@explore-sa.com


Laat jou wildste drome waar word, kry 'n kaartjie in die UK Lottery, klik net hier  Die boerpot is gereeld om en by  £11 miljoen, ( R140,000,000), sjoe, dis darem maar baie nulle!!


Boererate en Boerekosresepte saam in een eBoek vir net R75. Geen posgeld om te betaal, stuur dit as 'n geskenk per epos! Twee boeke in een! Kontak my vir betalingsbesonderhede.


Dis nog steeds koelerig hier in die aande op die Hoëveld en sop gaan nog steeds baie lekker af. Hier is'n artikel oor sop deur Lompies Lambaard:

Nou dat die winter op ons is met sy volle mag is daar niks lekkerder op ’n koue aand as ’n warm gebakte brood, met botter en ’n paar koppies warm sop. Die sop moet natuurlik heeldag staan en stadig stowe. Dit is wanneer ek sommer alles vergeet en myself so eet dat my maag so rondstaan soos ’n karakoel skaap se maag. 

Sop se geskiedenis trek ook baie lank terug. Sowat 5 000 jaar gelede het die mense begin om kos warm te hou met kookwater. Dit kon hulle net regkry met hitte bestande en water digte houers. So as die man moeg agter die wild aangehardloop het en by die huis aangekom het die warm stomende kos vir hom gestaan en wag. Dit het nie daar gebly nie. 

Mense het agtergekom dat die water met al die kos in aanraking kom en dan gaarmaak. Hulle het ook agtergekom dat om met water te kook, het hulle ’n laer kook temperatuur nodig om hulle kos gaar te kry. Maar dit is nog die einde niet. Hulle het ook agtergekom dat dele van die vleis wat normaal weg nie gaar gemaak kan word nie, heerlik sag is wanneer dit lankl gekook word. Al die voedsaamheid van die vleis wat gekook word bly behoue in die water. 

Plantsoorte wat gewoonlik ook nie normaal weg geeet kan word nie, word ook heerlik sag wanneer dit gekook word. Later het die mense ook uitgevind dat jy sekere graan soorte in die water kan gooi. Wat dan gebeur id dat die water dik word. Hierdie kokery het ook natuurlik ’n hele nuwe smaak sensasie na vore gebring. As die groente en vleis wat gekook is, kan jy nie indivudieel proe nie, want die bestanddele “verloor” hulle smaak en kombineer dan om ’n heel nuwe smaak te vorm.  

Sop is in Turkye geeet sommer enige tyd van die dag of nag. In die middel eeue het die mense een bak sop in die middel van die tafel gesit. Almal het dan die bak geneem en uit die bak gedrink. Die kuns was om nie te veel te mors as hulle sop drink nie. Daar was ook ’n mense wat sommer die stukke vleis wat in die sop was met hulle hande uitgehaal en dan verder gedrink. Gelukkig later het die lepel sy verskyning gemaak.  

Die Engele weer het ook sop gemaak, maar meestal was aartappels die hoof bestanddeel gewees. Hulle het daarvan gehou om hulle sop oor brood te gooi en dan te eet. Nou wonder ek of ek Engelse bloed in my are het want ek eet ook graag my sop so. 

In Amerika het die sop maar sy ontstaan van die Engelse resepte afgekry. Maar daar was baie ander invloede in die Amerikaanse sop geskiedenis. Die Duitsers het van ’n tipe aartappel. Hulle het ook sop gekook van skaapkoppe en kalfskoppe. Ek is net bly ek het nie in daardie tyd geleef nie.  

Regoor die wêreld het sop maar aangehou om van krag tot krag te gaan. Elke land het maar die sop aangepas na hulle eie omstandighede. Die oumense het mos altyd geglo dat wanneer jy siek is moet jy hoendersop eet. Dit sal jou glo help om vinniger aan te sterk. Almal het gedink dat dit ’n ouvrou storie is. Maar so ’n rukkie gelede het wetenskaplikkes navorsing gedoen oor die hoendersop en agtergekom dat die sop wel iets in het wat help om jou gouer aan te laat sterk.


ePos Vriende - In die ou dae voor die internet het ek vele penvriende regoor die aardbol gehad. Jy moes weke wag vir 'n antwoord op jou brief! Vandag, met ePos gaan dinge sommer blitsvinnig! Mens moet egter in baie gevalle betaal om jou naam op 'n penvriend lys te kry. Ek glo nie daarin om vir vriendskap te betaal nie, dus gaan ek 'n gratis "ePos Vriende" afdeling begin. Al wat jy hoef te doen om jou gegewens op die lys te kry is om HIER te klik en jou besonderhede in te tik. As jy soek na 'n vriend, klik HIER en gaan deur die lys en stuur 'n epos aan iemand met wie jy wil korrespondeer,
so maklik soos dit!


st se  pitkos

Klik hier om st se webwerf te besoek
en om in te teken op sy weeklikse nuusbrief

“Die weeklikse nuusbriewe van Dr Potgieter is my dosis lewens vitamiene en het weer kleur en motivering vir my lewe gegee” – ‘n leser.

Nog gevleuelde woorde van ST:

Selfvertroue is moontlik
Dis reg ja! – selfvertroue is moontlik wanneer dit by toesprake kom.

Maar hoe kry ek die nodige selfvertroue wanneer dit kom by toesprake of praatjies hou? Hier volg enkele wenke:

Een duidelike boodskap: Kry net een enkele boodskap wat jy wil oordra en bou jou toespraak rondom daardie een gedagte. Baie mense dwaal af op allerhande paadjies en dit bring net verwarring in hul eie gemoed. Met ander woorde wees presies in dit wat jy wil oordra aan die gehoor. “Vervoer in Suid-Afrika” is dalk ‘n te wye veld. Waaroor gaan jy praat? Die verskillende vervoerstelsels of oor hoe dit ontwikkel het? Gaan jy praat oor treine, vliegtuie, motors, skepe, trokke of wat? Gaan jy praat oor die vervoer in watter provinsie? Of hanteer jy die nasionale begroting vir vervoer? Wanneer jy egter ‘n onderwerp kies soos “Spitsverkeer in Kaapstad” is jy al reeds meer gefokus. Of ‘n onderwerp soos “Oplossings vir die stygende petrolprys” is dalk makliker hanteerbaar.

Ken jou onderwerp: Moenie gaan praat oor dinge waarvan jy weining weet nie. Praat oor iets wat jou na aan die hart lê. En waar jy nie weet nie, doen navorsing om die nodige feite, statistieke en inligting te kry. Wanneer jy praat uit persoonlike kennis en ondervinding is dit soveel makliker. Wanneer jy elke oggend moet pendel en die frustrasies belewe van spitsverkeer in Kaapstad is die onderwerp “Spitsverkeer in Kaapstad” makliker om oor te praat, as wat jy dalk gaan praat oor “Internasionale regulasies in vraghouer verskeping”. Maak jou praatjie meer persoonlik en bou jou selfvertroue.

Skryf jou toespraak uit: Veral as jy ‘n beginner is, help dit om jou toespraak volledig uit te skryf. Dit struktueer jou gedagtes en help met die logiese vloei van jou toespraak. Nie almal nie, maar daar is selfs meer gesoute sprekers wat hul toespraak volledig uitskryf. Vir ‘n meer ervare spreker is dit wel steeds belangrik om die hoofpunte te skryf in voorbereiding van die praatjie.

Sny groot woorde uit: Haal die groot en ingewikkelde woorde uit jou toespraak uit. Dit plaas onnodige spanning op jou. Kies vir jou eenvoudige gemaklike woorde waarmee jy vertroud is. Ingewikkelde woorde en definisies plaas onnodige spanning op jou. Kies vir jou eenvoudige gemaklike woorde waarmee jy vertroud is. Jy beïndruk niemand met grootdoenerigheid nie.

Twyfel, los dit: Wanneer jy iets in jou toespraak wil sit soos byvoorbeeld ‘n gewaagde grap of ‘n vertelling wat dalk deur die gehoor verkeerd opgeneem kan word en jy twyfel of jy dit moet insit of nie, is my raad aan jou: haal dit uit!!

Oefen: Oefen voor ‘n spieël. Ky na jou handbewegings, jou houding en postuur, hoe jy glimlag. Tweedens oefen jou praatjie voor ‘n klein groep soos jou gesin of vriende. Derdens sluit aan by ‘n organisasie soos Toastmasters waar jy geleentheid kry om jou toesprake te oefen en te verbeter. Oefen, oefen en oefen jou toespraak.

Voorkoms: Of ons dit nou wil weet of nie – jou voorkoms is belangrik vir selfvertroue. Is jy by ‘n praatjie en jy voel jou kleredrag is nie in pas nie en jy voel ongemaklik, syfer selfvertroue uit jou soos water deur ‘n sif. Maak seker vooraf by die mense wat jou uitnooi wat die kleredrag vir die geleentheid is. Trek eerder ‘n stukkie beter aan en sorg dat jy op jou beste lyk, as wat jy dalk swakker gekleed is as die gehoor.

Visualiseer jou sukses: Moenie fokus en heeltyd loop en dink hoe jy gaan stamel nie of waar jy gaan vashaak nie. Raai wat? – fokus jy op slegte dinge wat kan gebeur, gaan dit gebeur. Visualiseer eerder hoe jy met selfvertroue na vore loop, hoe jy stelling inneem, hoe jy met gemak en sukses praat, hoe die gehoor jou applous gee.

Daar is sekerlik meer wenke en idees oor selfvertroue wanneer dit by praatjies en toesprake kom, maar ek is seker dat bostaande wenke sal help om selfvertroue by jou as spreker te kweek.

n Sprankie wysheid vir die dag
“Moed is nie die afwesigheid van vrees nie; moed is om bang te wees en tog voort te gaan.” - Pericles

Dr ST Potgieter
Tel: 021 949 5007
Sel: 083 227 3683
Epos:
st@pitkos.co.za

Skakels

Peter-jasie

Boererate

Stormpies

Danville Hulpgroep

Boeremusiek

Nianell

Musiek

Woes

Eg Afrikaans

Die Knoop

Wenke wat Werk

Minette Brink

Die Wêreld

STOF

Pretoria Akkommodasie

Wat van 'n lekker koppie boeretroos!

www.digiTAAL.co.za

Vakansieverblyf?
Hier is die
oplossing

 

 

Webwerf soeklig

Met elke uitgawe sal ek van nou af die soeklig plaas op 'n webwerf met Afrikaanse inhoud. Hierdie keer is dit die beurt van:


Gaan besoek hulle gerus en sien hoe leef ons mense daar anderkant!

My Webwerf se Soekenjin

Vind enigiets op my webwerf, tik 'n sleutelwoord in die blokkie en Klik. Soek resepte, bestanddele, plekname ens. Klik op webkaart vir 'n kaart van my webwerf

 

Wat's Nuut?  

Soek op die webwerf deur FreeFind

 

'n Tikkie Humor


Die volgende van Klaskamerkaskenades

Rekenaarstudie-vraestel:

* 'n Laserdrukker werk met bliksemstrale.
* Possamevlegging is wanneer 'n veearts 'n nuwe projek beplan en hy
die diere daarvan moet laat weet.
* 'n Nadeel van die Internet is dat mense sonder jou toestemming jou
jou klere kan uittrek.
* 'n Monochroom-skerm vertoon swart en wit, of ook aambei.
* As 'n rekenaar 32 meg RAM het, dan sal die wereldbevolking baie vermeerder.
* 'n Raaksensitiewe skerm is baie sensueel.
* Die Y2K-probleem behels dat al die rekenaars sou mal word.
* Die Y2K-probleem het veroorsaak dat die Withuis ontplof het. Al die
mense daar kan nou nie meer met hul geld uitkom nie.* Die Y2K-probleem het beteken dat 'n atoombom in die see naby Rusland geval het.
* Die Y2K-probleem het beteken dat al die vliegtuie in die lug sou neerstort.
Die vliegtuie wat nie sou neerstort nie, sou nie verder vlieg nie.
* 'n Laptop se skerm wys alles wat in jou maag is.
* A touch-screen is not untouchable.
Dankie aan Klaskamerkaskenades
 
 
 
 
 
 

 

 
 

Die Resep(te)

Kerriesult (ek het BAIE lanklaas hiervan geniet)

1 skoongemaakte beespoot
2.5kg beesskenkels
5 swartpeperkorrels
1 lourierblaar
3 middelslag uie
30ml sonneblomolie
30ml kerriepoeier
15ml borrie
375ml bruinasyn
30ml appelkooskonfyt
15ml sout
2ml gemaalde koljander
2ml suiker
Bedek die beespoot en skenkels met koue water, voeg die peperkorrels en lourierblaar by en prut dit tot baie sag. Skil die uie en sny dit in skywe. Verhit die olie en soteer die uie, kerriepoeier en borrie daarin. Voeg die res van die bestanddele by die kerriemengsel, verhit stadig tot kookpunt en laat afkoel. Ontbeen die vleis. Maal dit of sny dit in stukkies op. Voeg die kerriemengsel by die vleis en prut dit 'n uur lank. Giet dit in 'n nat bak en laat afkoel. Bedek die bak met kleefplastiek en plaas die sult in die yskas om te stol. Dit kan tot 2 weke in die yskas gebêre word.
LET WEL:
Sult moet nie te styf wees nie. As dit die geval is, smelt dit in 'n groot kastrol oor matige hitte en vog nog kookwater by. Proe daaraan of dit ektra smaakmiddels nodig het voordat dit weer gestol word.
 
 

Vriende van Boeremusiek

Dagsê Boeremusiekvriende,
Hierdie is net ‘n vriendelike aanmaning dat ek my webblad se adres verander het na: http://kalie.boeremusiek.net
Hierdie is ‘n vereenvoudigde adres van die vorige een. Dit is ook voorsien met ‘n hoofstuk vol konsertina inligting. Daar kom nog ‘n nuwe gedeelte: Wat is nuut? Waar ek graag die huidige verval in Boeremusiek wil aanspreek. Die blad behoort teen einde volgende week klaar te wees. Kyk gerus ook op die blad na puik CD’s wat te koop is!
Nogmaals dankie vir u ondersteuning!!
Boeremusiekgroete,

Kalie de Jager

Tel.: 012 5485654
Faks.: 012 5485654
Sell.: 0825788907
E-pos: kalie@telkomsa.net
Webblad: http://kalie.boeremusiek.net

 
   

Die Danville Hulp Groep

Kyk asseblief of julle vir Elsabe op een of ander manier kan help?- Peter

Goeiedag vriende,

Strome van seëninge - en groot dankbaarheid in ons harte is hoe ek vandag almal wil groet

BAIE DANKIE nogmaals aan almal wat so getrou help om die nood van ons minderbevoorrete mense te verlig! Weet asb altyd dat dit opreg waardeer word!

Danksy die hulp van ons ondersteuners kon ons heelparty dinge doen. Hiermee al die aksies en toekomstige projekte.

Emmanuel Projek

Elandspoort het 'n baie sagte plek in my hart - partykeer huil ek wanneer ek daar ry en dan soms moet 'n mens so bietjie "knyp" of jy lag jou flou!

So kry hierdie groep heel onverwags 'n besoek van bekende "TV pressonalities" Maar nou moet ek julle eers gou van Louise se hond met die besondere naam van "Spyker" vertel!!!! Hulle vertel vir my daar die volgende "Getrou aan haar naam reproduseer Spyker op 'n gereelde basis! en op hierdie hogere besoek het sy tipies vrou maar seker 'n bietjie "post partum" stress/blues of so iets gehad (ek het nou nie juis mediese agtergrond hiervan nie!) en was nie lus vir enige van die manlike geslag nie. Vir die dames het sy verdra en eintlik geignoreer maar toe Johan Scholtz dramaties sy voete stamp terwyl hy met die kinders gesęls was dit een te veel vir Spyker. Sy betrek hom toe van 'n kant af en verwoes omtrent sy broekspyp - jy sien glo net tande - hy moes behoorlik rondspring voordat hulle hom van Spyker kon verlos! Die kinders was glo histeries en het gekrul van die lag!!!! en Louise wou in die aarde wegsak van skaamte! Maar hy het dit oorleef en hart en mond belowe om opheffingswerk daar in Elandspoort te kom doen.

Nou hou hulle maar liewer vir Spyker toe as daar gaste kom (miskien moet hulle haar permanent toe hou - dan kan ons sommer haar naam ook verander!)

(Ekskuus en vergewe my maar asb vir die bietjie lawwigheid - )

Andeon Projek

Wat 'n lekker gevoel is dit deesdae daar! - Almal glimlag breed want hulle het nou hulle eie water en met die sinke en sement wat hulle gekry het kan hulle nou hulle huisies mooi regmaak.

Nou het die tuimaak gogga hulle behoorlik gebyt - en almal wil draad hę om hulle "erwe" te omhein! - Is dit nie wonderlik nie. Ons mense begin nou weer trots word!

Ons kort nou 2 houthuisies daar. Wil die een man wat al vir 3 jaar in 'n stukkende karavaan daar bly - in 'n houthuisie sit. Die ander huisie het ons ook vir 'n nuwe intrekker nodig wat nou nog in tydelike behuising is. ('n shack!)

Bloudakkies Ouetehuis

Hier brand die vreugdevure net so hoog!!! Ons is besig om hulle eetsaal heeltemal te verander en in te rig. Ons kon die volgende splinternuwe artikels aankoop :-

'n 520 liter Kis vrieskas. 10 nuwe staaltafels. 30 tafeldoeke met 30 "overlays" en 30 deurskynende plastiek tafeldoeke om dit te beskerm. Baie kommbuisware (bv. opdienbakke, sout en peperpotte, 3 groot kastrolle, opskeplepels, skinkborde ens.) 20 ruikertjies vir die tafels.

Ons kort 'n nuwe groot stoof en yskas asook nuwe messe en vurke. Dan wil ons ook graag mooi nuwe gordyne vir hulle ophang om die prentjie af te rond.

Dina het vir ons 'n kombuis teenaan die eetsaal laat inrig, 'n deur tussen die kombuis en die eetsaal laat deurbreek na die saal - en die saal vir ons met 'n baie goeie verf laat uitverf! Dit lyk sommer al 100% beter en mooier. Die bejaardes was so verras met die nuwe eetsaal en kon nie genoeg dankie sę nie!

Jurie Els het Dinsdag die bejaardes kom onthaal met sang en lekker gesęls uit die boonste rakke. Hy kon egter nie besluit of die nuwe dogtertjie wat vir hom en Hestrie op pad is " 'n springer of 'n singer"!! moet wees nie - tot groot vermaak van die oues.

Houthuis vir 'n gesin

Ek het nou al vir julle vertel van die weduwee met haar 3 oulike kinders wat 'n huis nodig het. Hulle woon nou al amper 4 jaar in 2 Wendy huisies agter in 'n erf.

As daar 'n gesin is wat werklik meer verdien in die lewe is dit hulle. Die kinders presteer op skool en die ma is 'n uitstekende ouer!

Sy is streng maar liefdevol, haar kinders het goeie maniere en is baie goed opgevoed - werklik 'n plesier! Ek het nou 'n kwotasie gekry vir 'n groter houthuis vir hulle. 'n Langwerpige huis 4x12m (48vkm). 4 slaapkamers (2x3.5m) weerskante met 'n leefvertrek van 4x5m in die middel.

Die huis, vervoer en oprigting gaan R35 000-00 kos. Hierdie is die eerste groot huis wat ons wil oprig - maar glo my asb dat hierdie

mense dit verdien - hulle situasie sal nie maklik verander nie aangesien die ma nie werk nie en daar dus geen inkomste is nie. Dit is belangriker dat sy tuis is en na die kinders omsien as wat sy vir 'n skamele salaris sou moes werk en die kinders op hul eie los! Ek weet dat hulle heel moontlik vir die res van hulle lewe in hierdie huis sal bly!!!!

Hierdie gesin ken nie die luuksheid van 'n eie slaapkamer met 'n deur wat jy kan toetrek wanneer jy privaat wil wees nie! Kan jy jou dit indink?

Ek het weereens met groot geloof die huis bestel vir die 7e September 2006!!!!!! Ek glo dat dit nie onmoontlik is om hierdie geld bymekaar te maak nie! As almal net 'n ietsie bydra kan ons hulle help om 'n huisie van hulle eie te kry! Indien daar mense is wat wil help merk asb net by verwysing: "Houthuis"

Komberse

Danksy oneindige groot genade en wonderlike donasies kon ons tot op datum 1700 komberse uitdeel - Prys die Here daarvoor!!!

Baie, baie dankie aan almal wat hiermee gehelp het.

Algemeen

Met die ander projekte gaan dit goed. Ons het nog steeds baie kruideniersware nodig asb. Enige kos is baie welkom. Ons kort ook klere en huishoudelike artikels asook baie baba klere en baba artikels asb. Ons het 'n hele paar vrouens "wat nou moet bed toe gaan" soos wat die oumense sou sę! (onthou julle nog die term?)

Dit dan vir eers. Onthou asb ons minderbevoorregte mense in julle gebede - en nogmaals baie dankie aan almal wat so getrou help om die nood te verlig.

Bankbesonderhede:

Danville Hulp Projek
FNB - Brooklyn
Takkode:- 251 345
Tjek rek: 620 546 34128
Swiftkode: FIRNZAJJ926


Aflewerings adres:-

286 Cliffendale rylaan
Faerie Glen
Tel 012 991 3914 Sel 082 8282 551
E.pos - elecnet@mweb.co.za
Webwerf: www.danvillehulp.co.za

PS Bel asb voor jy ry
 

 

Boereraat van die Week

!! Ek beveel sterk aan dat 'n apteker of dokter se raad eers ingewin word voordat veral die medisinale rate gebruik word, ek kan ongelukking nie verantwoordelikheid aanvaar as iets verkeerd gaan nie, ek plaas die rate suiwer as interessante inligting.  !!

Klik hier vir inligting oor my Boererate eBoek!

Toe ek in Windhoek by vriendin Estelle de Bruyn kuier gee sy vir my hierdie stokou en verslete respteboek, geen buiteblaaie en geel van die ouderdom. Agter in is Boererate, vir die volgende jaar of so sal ek van hulle hier plaas:

Terpentyn:
Terpentyn is een fan di nuttigste artikels. Fer brandwonde is dit regte goed en neem di pyn weg. fer blare op di hand is dit uitmuntend, ook fer liddorns, jig-pyn en seerkeel. Ook is dit 'n goeie middel fer stuipe. As 'n mens 'n klyn bitji terpentyn in 'n klerekas gooi dan hou dit di motte daaruit, enige druppels tussen boeke op di houtwerk in die boekrakke en dispensrakke, hou di motte uir boeke , ferdryf rysmire en ander insektes en hou hulle uit di rakke uit. Weegluise kan ook ferdrywe en weggehou worde   deur 'n bitjie terpentyn tussen die voegels fan di katels of ledekante te smeer en  in di openings fan di mure as dit daar is.

 

Afrikaanse Lied

Hier is iets nuuts! Iemand wat in Melbourne woonagtig is stuur vir my nou die dag die skakel na 'n webwerf wat Afrikaanse midi's op het asook die woorde van 'n hele klomp Afrikaanse volksliedere. Johann Lochner, die eienaar van die webwerf verleen toe goedgunstiglik toestemming dat ek van die woorde vir my nuusbrief kan gebruik. As julle self wil gaan kyk,klik op die skakel:
Ons Blêrkas van Afrikaanse Volksmusiek

ONS IS MUSIKANTE

Woorde: Tradisioneel
Musiek: Volkswysie; verwerk: PIERRE MALAN

Ons is musikante van die Vrystaat,[1]
ons is musikante van die Vrystaat.
Ons kan speel fi-o-li-o-li-o-lei,
ons kan speel basviool en fluit.
En ons kan draai so boem-fa-de-ral-la,
boem-fa-de-ral-la, boem-fa-der-al-la;
Ons kan draai so boem-fa-de-ral-la,
boem-fa-de-ral-la-la!

[1] In plaas van Vrystaat kan Transvaal, Natal of Kaapland gesing word.
 

Snuffelhoekie

Ek versamel yskasmagnete van buite Suid Afrika, kontak my en dan ruil ons uit!  

 
Koop nooit weer 'n resepteboek nie. Kry 'n CD met 38 resepteboeke op (Engels) vir net R100 - klik hier en kry ook jou gratis resepteboek  

 

Skooltake??
Klik hier

 

 
op my webwerf  

 
Vakansieverblyf is altyd 'n probleem, dié mense maak dit makliker om te kry, klik net hier.  

 

Soek jy plek om te gaan kampeer? Klik dan hier!

 

 
Internetbesigheid? Tuisbesigheid? Al die inligting wat jy benodig op een CD - klik hier vir besonderhede (Engels) Kry ook jou gratis eBoek  

 
"Making Diabetic Cooking Easy" Die boek bevat 177 resepte en kos maar net R65. Vir meer inligting, kontak Anna by 0822946799 of per epos by anna_se_kombuis@yahoo.com 
Vir nog meer van Anna se resepteboeke, klik hier
 

 
Ek sal enige konstruktiewe terugvoer en/of voorstelle waardeer!. dankie - Peter  

 
 

Druk jou speld op my besoekerskaart!

 

Kontak - Teken in/uit

Epos: peter@funkymunky.co.za
Teken in en uit bo aan hierdie bladsy: